ഇതി​നെ​ക്കാൾ മെച്ചമായ ജീവി​ത​ഗ​തി വേറെ​യി​ല്ല!

ദൈവ​ത്തോട്‌ അടുത്തു​ചെ​ല്ലാൻ നിങ്ങൾക്ക്‌ എന്തു ചെയ്യാൻ കഴിയും? അവനു​മാ​യി ഒരു അടുത്ത ബന്ധം നട്ടുവ​ളർത്താൻ സഹായ​ക​മാ​യ പിൻവ​രു​ന്ന പടിക​ളാണ്‌ നാം ചർച്ച ചെയ്‌തത്‌:

1. ദൈവ​ത്തി​ന്റെ പേര്‌ അറിയു​ക​യും ഉപയോ​ഗി​ക്കു​ക​യും ചെയ്യുക.

2. ദൈവ​ത്തോ​ടു പ്രാർഥി​ക്കു​ക​യും ദൈവ​വ​ച​ന​മാ​യ ബൈബിൾ പഠിക്കു​ക​യും ചെയ്‌തു​കൊണ്ട്‌ ദൈവ​വു​മാ​യി തുടർച്ച​യാ​യി ആശയവി​നി​മ​യം ചെയ്യുക.

3. ദൈവ​ത്തിന്‌ ഇഷ്ടമുള്ള കാര്യങ്ങൾ പതിവാ​യി ചെയ്യുക.

ഈ കാര്യ​ങ്ങൾക്കു ചേർച്ച​യിൽ ദൈവ​ത്തോട്‌ അടുക്കാൻ വേണ്ട​തെ​ല്ലാം നിങ്ങൾ ചെയ്യു​ന്നു​ണ്ടോ? ഈ പടിക​ളിൽ ഏതി​ലെ​ങ്കി​ലും മെച്ച​പ്പെ​ടേ​ണ്ട​തു​ണ്ടെന്ന്‌ നിങ്ങൾക്കു തോന്നു​ന്നു​ണ്ടോ? ഇതി​നെ​ല്ലാം തീർച്ച​യാ​യും ശ്രമം ആവശ്യ​മാണ്‌. എങ്കിലും അതിന്റെ പ്രയോ​ജ​ന​ങ്ങ​ളെ​ക്കു​റി​ച്ചു ചിന്തി​ക്കു​ക.

അമേരി​ക്ക​യി​ലെ ജെന്നിഫർ പറയുന്നു: “ദൈവ​വു​മാ​യി ഒരു അടുത്ത ബന്ധമു​ണ്ടാ​യി​രി​ക്കാൻ എന്തു ശ്രമം ചെയ്‌താ​ലും അതിനു തക്ക പ്രയോ​ജ​ന​മുണ്ട്‌. അത്‌ അനവധി അനു​ഗ്ര​ഹ​ങ്ങൾ കൈവ​രു​ത്തു​ന്നു: ദൈവ​ത്തി​ലു​ള്ള ആശ്രയം കൂടുന്നു, അവന്റെ ഗുണങ്ങൾ മെച്ചമാ​യി മനസ്സി​ലാ​ക്കാൻ സഹായി​ക്കു​ന്നു, എല്ലാറ്റി​നും പുറമേ ദൈവ​ത്തോ​ടു​ള്ള സ്‌നേഹം വർധി​ക്കു​ന്നു. ഇതി​നെ​ക്കാൾ മെച്ചമായ ജീവി​ത​ഗ​തി വേറെ​യി​ല്ല!”

ദൈവ​വു​മാ​യി അടുത്ത ബന്ധമു​ണ്ടാ​യി​രി​ക്കാൻ ആഗ്രഹി​ക്കു​ന്നെ​ങ്കിൽ നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ. സൗജന്യ​മാ​യി ബൈബിൾ പഠിക്കാ​നു​ള്ള ക്രമീ​ക​ര​ണം ചെയ്യാൻ അവർക്കാ​കും. നിങ്ങളു​ടെ അടുത്തുള്ള രാജ്യ​ഹാ​ളിൽ നടക്കുന്ന ബൈബിൾ പഠനപ​രി​പാ​ടി​കൾക്ക്‌ കൂടി​വ​രാ​നും നിങ്ങളെ ക്ഷണിക്കു​ന്നു.a അവിടെ ദൈവ​വു​മാ​യു​ള്ള ബന്ധം വിലമ​തി​ക്കു​ന്ന​വ​രോ​ടൊ​പ്പം നിങ്ങൾക്ക്‌ സഹവാസം ആസ്വദി​ക്കാം. അങ്ങനെ ചെയ്യു​ന്നെ​ങ്കിൽ, സങ്കീർത്ത​ന​ത്തി​ന്റെ എഴുത്തു​കാ​ര​നു തോന്നി​യ​തു​പോ​ലെ​യാ​യി​രി​ക്കും നിങ്ങൾക്കും തോന്നുക: “ദൈവ​ത്തോ​ടു അടുത്തി​രി​ക്കു​ന്ന​തു എനിക്കു നല്ലതു.”—സങ്കീർത്ത​നം 73:28. ▪ (w14-E 12/01)