A EZAYI SEBRE
1 Ad vẽnegr a Amooz biig a Ezayi*+ sẽn paam Zida ne Zerizalɛm wɛɛngẽ, Zida rĩm-dãmb+ a Ozɩyas,+ a Zotam,+ a Akaaz+ la a Ezekɩyaas+ wakatẽ wã.
2 Bɩ sẽn be-b saasẽ wã yok b tʋba, la bɩ sẽn be-b tẽngã zugã kelge!+
Bala a Zeova gomame:
3 Loalg mii a raada,
tɩ bõang mi a soaadã sẽn dʋʋgd-a rɩɩb zĩig ninga.
Mam nin-buiidã pa tar bãngr ye.
4 Toog bee buud ning neb sẽn yaa yel-wẽn-maandbã zugu,+
nin-buiid kongr sẽn zɩs wʋsgo,
nin-wẽns buud la kom-yoodo!
5 Yãmb sẽn ket n kɩɩsdẽ wã, yãmb zĩ-bʋg la b na n le wẽ?+
Zugã fãa ka laafɩ ye.
Sũurã fãa me bẽedame.+
6 Sẽn sɩng ne nao-sɩlpamã n tãag zugã, laafɩ kae ye.
Yaa sãmpoaga, yĩn-bugbu, ne noad sẽn wõsg
tɩ b pa tɩpe, bɩ b sẽb wall b sõog kaam tɩ na n bʋk ye.+
7 Yãmb soolmã sãamame.
B yõoga yãmb tẽnsã bugum.
Sãamb n dɩt yãmb pʋtã biis y nifẽ.+
A lebga wa tẽng sãamb sẽn wa n sãame.+
8 B raaga Siyõ bi-puglã n bas wa zãnd sẽn be viyn pʋʋgẽ,
wa sẽok sẽn be kõnkõmbr pʋʋgẽ,
la wa tẽng bɛɛb sẽn gũbgi.+
9 Sã n pa tãb-biis naab a Zeova sẽn bas tõnd neb bilf tɩ b põsã,
tõnd da na n lebga wa Sodomme,
d ra na n wõnega Gomoore.+
10 Sodom tẽng na-toose,+ kelg-y-yã a Zeova koɛɛgã!
Gomoor tẽng neba,+ maag-y y yĩng n kelg tõnd Wẽnnaamã tõogã.*
11 Ad a Zeova sẽn yeele: “Yãmb maandã sẽn yaa wʋsgã yõod ne maam yaa bõe?+
Mam yam yii yãmb pe-raadã maoong sẽn yõogd bugmã,+ la ne y rũm-nobdsã kaamã.+
Mam sũur pa noom ne y lol-poalã,+ y pe-bi wã la y bʋʋsã+ zɩɩm ye.+
13 Da le wa-y ne kood biis kũun sẽn ka yõod ye.
Mam kisa yãmb wisdã.+
M pa nong y ki-paalã,+ y vʋʋsg rayã,+ la tigiss sẽn yaa zallã+ yãmb sẽn moondã ye.
Mam pa tõe n sak yãmb tigis-kãsems sẽn naag ne tɩtã ye.+
14 Mam kisa yãmb ki-paalã ne y tigã.
Lebga zɩɩb ne maam.
Mam yam yii ne rẽ.
15 Yãmb sã n zẽk y nusã n na n pʋʋse,
mam solgda m neng ne yãmba.+
17 Zãms-y sẽn yaa sõma maanego. Bao-y tɩrlem.+
Rems-y ned ning sẽn namsd a taabã.
Ges-y tɩ kɩɩb* paam bʋʋm.
Gom-y n sõng-y pʋg-kõore.”+
18 A Zeova yeelame: “Masã, wa-y tɩ d welg yell ning sẽn be tõnd sʋkã.+
Baa yãmb yel-wẽnã sã n yaa moomde,
b na n lebga pɛɛlg wa sa-lamdo.+
Baa b sã n yaa wa fu-miuugu,
b na n lebga wa pe-kõbd sẽn yaa pɛɛlga.
19 Yãmb sã n sak n kelge,
yãmb na n dɩɩ tẽngã bõn-sõma wã.+
21 Ges-y tẽng ning sẽn da maand sɩd ne Wẽnnaamã+ sẽn lebg yoaada!+
23 Yãmb nanambsã yaa tʋb-pa-wʋmdba, la wagda tʋmd-n-taase.+
B ned kam fãa nonga noor-madgre, la a zoet n pʋgd kũuni.+
24 Rẽ n so tɩ Zu-soab sɩd-sɩd a Zeova sẽn yaa tãb-biis naabã,
Israyɛll Pãng soabã yetẽ yaa:
“Ade! Mam na n menesa sẽn zabd-b ne maamã,
la m na n doka m sũur ne m bɛɛbã.+
26 Mam na n lebs n kõo yãmb bʋ-kaoodb wa sɩngrẽ wã,
la sagendb wa pĩndã.+
Rẽ poore, b na n boonda yãmb tɩ Tɩrlem tẽnga, Maan-sɩd tẽnga.+
27 B na n fãaga Siyõ ne tɩrlem,+
la b fãag a neb nins sẽn na n lebg n wa wã ne zemsgo.
29 Bala tɩ-bɛd nins yãmb sẽn da tʋllã yãnd na n yõk-y lame,+
la yãmb na n paama paoogre, zẽed zĩis nins* yãmb sẽn yãkã yĩnga.+
30 Bala yãmb na n lebga wa tɩ-bedr vãad sẽn zelge,+
la wa zẽed zĩig sẽn pa tar koom.
31 Pãng soab na n lebga wa mo-koɛɛnga,
t’a tʋʋmã lebg wa bug-pãrga.
Bugum n na n dɩ b yiibã fãa,
tɩ ned kae n na n kiis ye.”
2 Ad bũmb ning a Amooz biig a Ezayi sẽn yã Zida ne Zerizalɛm wɛɛngẽ:+
2 Yaoolem wakatã,
a Zeova roogã tãngã
na n lugame n yɩɩg tãens a taabã.+
A na n zẽkame n yɩɩg kunkubã,
la buud toɛy-toɛyã fãa neb na n kaoog n waa be.+
3 La buud wʋsg neb na n waame n yeel yaa:
“Wa-y tɩ d rʋ a Zeova tãngã zugu,
a Zakoob Wẽnnaamã roogẽ.+
A na n zãmsa tõnd a soayã,
tɩ tõnd kẽn a so-bugsã zutu.+
B na n dɩka b sʋʋsã n kud wãgse,
la b rɩk b kãnã n kud goeto.+
Buud pa na n zẽk sʋʋg n zab ne buud a to,
la b kõn le zãms zabr me ye.+
5 A Zakoob roogã rãmba, wa-y-yã!
Wa-y tɩ d kẽn a Zeova vẽenemã pʋgẽ.+
6 Wẽnnaam, yãmb raaga a Zakoob roogã rãmb sẽn yaa y nin-buiidã n base.+
Bala bãmb rɩka yaang nebã minundã.
Bãmb maanda tɩt+ wa Filisti nebã,
la sãamb kamb wʋsg bee b sʋka.
7 B soolmã pida ne wanzuri la sãnem,
tɩ b paoongã pa tar tɛk ye.
8 B soolmã pida ne wẽn-faado.+
B wõgemdeda b nusã tʋʋm taoore,
b nug-biisã sẽn maan bũmb ninsã taoore.
9 Woto, ninsaal paoogda a menga, a yaanda a menga.
La yãmb pa tõe n kõ-b sugr ye.
10 Kẽ-y pĩigã bokẽ la y solg y mens tomẽ wã,
a Zeova sũ-puugrã sẽn kẽesd rabeemã
la a ziirã sẽn yaa kãsengã yĩnga.+
11 Wuk-m-mens rãmbã na n sulga b zutu,
la tɩtaam dãmbã na n sigame.*
A Zeova bal n na n paam waoogre.
12 Bala ra-kãng yaa tãb-biis naab a Zeova daare.+
A wata ned ning fãa sẽn yaa wuk-m-meng la tɩtaam soab zugu.
A wata nebã fãa zugu, f yaa nin-kãseng tɩ f yaa nimbãan-neda,+
13 Libã sɛɛdr tɩɩsã sẽn zẽke, la sẽn yaa wogdã zugu,
la Basan sɛnn tɩɩsã fãa zugu,
14 tãens nins fãa sẽn yaa lug-lugã zugu,
la kunkub nins fãa sẽn zãntã zugu,
15 gasg fãa sẽn yaa lug-lug la lalg sẽn tar pãng fãa zugu,
16 Tarsiis+ koom-kogendã fãa zutu,
la koom-kogend nins fãa sẽn yaa neebã zutu.
17 B na n sika wuk-m-meng soabã,
la tɩtaam dãmbã na n sigame.*
Baraare, a Zeova bal n na n paam waoogre.
18 Wẽn-faadã fãa na n menema fasɩ.+
19 Nebã na n kẽe pĩisã bogdẽ,
la tẽn-gãongã bogd pʋsẽ,+
a Zeova sũ-puugrã sẽn kẽesd rabeemã
la a ziirã sẽn yaa kãsengã yĩnga,+
wakat ning a sẽn na n yik n kɩt tɩ tẽngã rig rabeemã.
20 Badaare, nebã na n dɩka b wanzuri la b sãnem wẽn-faadã
b sẽn maan n na n wõgemded b taoorã
n lob sãbtõaasa la zankiti,+
21 la b kẽ pĩis bogdẽ,
la pĩis pẽgsẽ,
a Zeova sũ-puugrã sẽn kẽesd rabeem
la a ziirã sẽn yaa kãsengã yĩnga,
wakat ning a sẽn na n yik n kɩt tɩ tẽngã rig rabeemã.
22 Yãmb mens sõngr yĩnga, bas-y ninsaal teegre,
t’a yaa faoog wa pemsmã sẽn yit a yõ-bogdẽ wã bala.*
Bõe tɩ y na n teeg-a?
3 Ges-y-yã! Zu-soab sɩd-sɩd a Zeova sẽn yaa tãb-biis naabã
yiisda bũmb nins fãa nebã sẽn teeg la b sẽn bĩng Zerizalɛm ne Zida wã,
rat n yeel tɩ bur ne koom,+
2 gãndaoog ne tãb-biiga,
bʋ-kaood ne no-rɛɛsa,+ bag-bʋgd ne kãsem-soaba,
3 tãb-biis pis-nu naaba,+ nin-kãsenga, la sagenda,
ned sẽn maand tɩt sẽn tar minim la ned ning sẽn mi waaf saoolg sõma.+
4 Mam na n kɩtame tɩ kom-dibli yɩ b nanambse,
la m kɩt tɩ ned yam sẽn yuusd rɩ naam b zugu.
5 Nin-buiidã na n wẽga taaba,
tɩ ned fãa nams a to.+
Bi-ribl na n zaba ne nin-kẽema,
tɩ ned b sẽn pa nand zab ne ned b sẽn waoogde.+
6 Ned kam fãa na n soga a ba-biig a ba zakẽ n yeel yaa:
“Fo tara kobre. Dẽ wã, yɩ tõnd naaba.
Ges zĩ-kãngã sẽn yaa ra-boogã yelle.”
7 La baraare, a na n zãgsame n yeel yaa:
“Pa maam n na n yɩ yãmb noadã tɩpd ye.
Mam pa tar dɩɩb bɩ fuug m zakẽ wã ye.
Da n kɩt-y tɩ m yɩ nin-buiidã naab ye.”
8 Bala Zerizalɛm naoor lakame,
la Zida lʋɩɩme.
Bala bãmb kɩɩsda a Zeova ne b no-goam la b yel-manesem.
Bãmb manesmã wilgdame tɩ b yaa kɩɩsdb a soab ning sẽn tar ziirã nifẽ.+
9 B nensã kõta kaset tɩ b tara taale,
la b moonda b yel-wẽndã wa Sodom.+
Bãmb pa makd n na n solg-a ye.
Toog bee ne-ba, bala bãmb wata ne yel-beed b meng zugu!
11 Toog bee nin-wẽng zugu!
Yel-beed n na n paam-a,
bala yaa a sẽn maan a taabã bũmb ningã la b na n maan-a!
12 Sã n yaa ne mam nin-buiidã, neb nins sẽn kɩt tɩ b tʋmdẽ wã namsd-b lame,
la pagb n dɩt naam b zugu.
M neba, yãmb taoor dãmbã kɩtame tɩ yãmb yeebdẽ,
bãmb kɩtame tɩ y pa le mi y soayã ye.+
13 A Zeova segendame n na n ning neb taale.
A yikame n na n kao buud toɛy-toɛyã bʋʋdo.
14 A Zeova na n bʋʋ ne a nin-buiidã kãsem-dãmbã la nanambsã. Yẽ yeel-b lame yaa:
“Yãmb yõoga viyn pʋʋgã.
Bũmb nins yãmb sẽn zu naong rãmbã nengẽ wã bee y zagsẽ wã.”+
15 Tãb-biis naab a Zeova sẽn yaa Zu-soab sẽn ka to wã leb n yeelame yaa:
“Bõe tɩ yãmb saag n wõrd m nin-buiidã la y weoogd naong rãmbã?”+
16 A Zeova yeelame yaa: “Siyõ kom-pugli wã sẽn yaa zẽk-m-mens rãmba,
n kẽnd n zẽkd b zutu,*
n nagd ne b ninã, n yɩgd n tĩimsdẽ,
n kɩtdẽ tɩ b buglã maand bʋʋrã yĩnga,
17 a Zeova na n loba Siyõ kom-pugli wã zut rasempʋɩɩga.
A Zeova na n kɩtame tɩ b rĩyã lebg koɛɛla.+
18 Daar-n-kãnga, a Zeova na n yãgsa b nag-teedã fãa: Buglã sẽn be b naoẽ wã,
zu-teesã, ne fan-teed nins sẽn wõnd kiuugã,+
19 tʋb-londã, zũyã, pɛɛlã,
20 zug-futã, b na-sẽbã yãndo, yãoog sẽbdsã,
parfẽ-rãmbã tʋgdã, tɩtã,
21 nugbĩnsã la yõor tʋb-londã,
22 tigã fu-wogdã, zugẽ futã, koabã, nusẽ kordã,
23 nusẽ nen-getsã,+ ne lẽ gĩs futã,*
zu-vindsã la pɛɛlã.
24 Bõn-põosg yũug n na n deeg bomiye kaam*+ zĩiga.
Wĩir na n deega sẽbdg zĩiga.
Zu-kõog+ na n deega zug sẽn maneg tɩ yaa neer zĩiga.
Bot fuug+ na n deega fuug ligd sẽn yaa toog zĩiga.
La nod-dãoong* na n deega neerem zĩiga.
25 B na n kʋʋ yãmb rapã ne sʋʋse,
la y gãndaadã na n paa zabrẽ.+
4 La baraare, pagb a yopoe na n gãda rao a yembr+ n yeel yaa:
2 Baraare, bũmb ning a Zeova sẽn na n kɩt tɩ tobã na n talla neerem, la ziiri. La soolmã tɩɩs biis n na n yɩ Israyɛll neb nins sẽn põsã zu-zẽkr la b neerem.+ 3 B na n boola neb nins sẽn na n pa Siyõ wã, la b sẽn na n bas b rãmb Zerizalɛmmã tɩ sõngo, Zerizalɛm neb nins fãa yʋy b sẽn gʋls tɩ b na n kell n vɩɩmdã.+
4 A Zeova sã n wa pek Siyõ kom-pugli wã rẽgdã,*+ la a pek zɩɩmã b sẽn daag Zerizalɛm pʋgẽ wã n yiis ne bʋ-kaoor sobg la ne bugum sobgo,+ 5 a Zeova leb n na n maana sawadg ne bug-zõos wĩndga, la bug-witim sẽn kõt vẽenem yʋng+ Siyõ tãngã zug la a tigissã zĩigẽ. Bala bũmb nins fãa sẽn tar ziirã na n paama koglgo. 6 La wĩndga, zãnd n na n zĩnd tʋʋlgã yĩnga,+ la a yɩ soondg zĩig ne zĩ-soalgdg sob-kẽeng la saag yĩnga.+
5 M kotame tɩ y bas tɩ m yɩɩl m sẽn nong a soabã yĩnga,
yɩɩll sẽn gomd mam sẽn nong a soabã ne a viyn pʋʋgã yelle.+
Mam sẽn nong a soabã ra tara viyn pʋʋg sẽn be kunkubrã sigdgẽ, n sakd kood sõma.
2 A tu-a lame n yãgs a kugã.
Yẽ ra tẽedame t’a na n woma bi-sõma,
la a woma biis sẽn pa sõma bala.+
3 “La masã, yãmb a Zida ne Zerizalɛm neba,
m kotame tɩ y kao maam ne m viyn pʋʋgã bʋʋdo.+
4 Bõe la m da tõe n maan m viyn pʋʋgã yĩnga,
n zʋʋg m sẽn zoe n maanã?+
Bõe yĩng tɩ m da gũud bi-sõma,
t’a wa womd biis sẽn pa sõma bala?
5 Masã, m kotame tɩ y bas tɩ m togs yãmb
m sẽn na n maan m viyn pʋʋgã bũmb ninga:
Mam na n yãka a yãgrã,
la b na n yõog-a-la bugum.+
Mam na n luba a kug lalgã,
la b na n tab-a lame.
6 Mam na n kɩtame t’a lebg wa zĩig b sẽn daag n base.+
B pa na n yolm-a bɩ n ko-a ye.
7 Tãb-biis naab a Zeova viyn pʋʋgã yaa Israyɛll roogã neba.+
Zida rapã n yaa tɩ-sendsã a sẽn da nongã.
A ra tẽedame t’a na n mika tɩrlem,+
la ade, yaa yel-kɛg n da be.
A ra saagdame t’a na n mika zemsgo,
la ade, yaa neb nins b sẽn namsdã kelems la a ra wʋmda.”+
8 Toog bee ne neb nins sẽn tongd zak ne zaka,+
la b tongd pʋʋg ne pʋʋgo,+
hal tɩ bũmb pa le ket neb a taabã yĩnga,
tɩ lebg bãmb bal n so tẽngã!
9 Tãb-biis naab a Zeova wẽename tɩ mam wʋme,
tɩ zags wʋsgo, baa b sẽn yaa bɛd la neebã
na n lebga bũmb sẽn kẽesd rabeem,
tɩ ned pa le be b pʋsẽ ye.+
11 Toog bee ne neb nins sẽn yikd yibeoog pĩnd n na n yũ rãamã,+
n yũud n tãagd zĩ-sobd hal tɩ divẽ wã kɩt tɩ b pa le so b mensã!
12 Bãmb tara pɛndga, yʋʋm-teed sẽn tar rissi,
bembeng* ne wɩɩg la divẽ b tigẽ wã.
La bãmb pa tagsd a Zeova tʋʋmdã yell ye.
B pa ne a nusã tʋʋm me ye.
13 Dẽ wã, mam nebã na n looga yembdo,
b sẽn pa mi maamã yĩnga.+
Bãmb neb nins sẽn tar ziirã na n kẽnda ne kom,+
la ko-yũud n na n kʋ nin-buiidã fãa.
14 Rẽ n so tɩ Yaoogã* yalg a menga,
la a yaag a noorã yaleng n pa tar koak ye.+
Hakɩɩka, a neermã,* a kʋʋngã sẽn maand bʋʋrã, la a nebã sẽn noogd b yõor n kaasdẽ wã
na n siga beenẽ.
15 Ninsaal na n sulga yãnd yĩnga.
B na n sik-a lame,
la wuk-m-mens rãmbã na n sulga b zutu.
16 Tãb-biis naab a Zeova na n paama waoogr a bʋ-kaoorã* yĩnga.
Wẽnnaam sɩd-sɩdã sẽn yaa Sõng soabã+ na n wilgame t’a yaa sõngo, ne tɩrlmã maasem.+
17 Pe-bi wã na n wãba yamd wa b wãbneg zĩigẽ.
Sãamb n na n zĩnd zĩ-vɩɩd nins rũm-nobdsã sẽn da be wã n dɩ.
18 Toog bee ne neb nins sẽn takd b taalã ne belgr wĩyã,
la b takd b yel-wẽnã ne niis sarɛt wĩyã,
19 b rãmb nins sẽn yet yaa: “Bɩ a wɩng ne a tʋʋmdã.
Bɩ a wa tao-tao tɩ d yã.
Bɩ Israyɛll Sõng soabã raab maan
tɩ d bãnge.”+
20 Toog bee neb nins sẽn yet tɩ sõma yaa wẽnga, tɩ wẽng yaa sõma wã zutu,+
b rãmb nins sẽn geelgd lik wa vẽenem, la b geelgd vẽenem wa likã,
b rãmb nins sẽn yet tɩ toog yaa noogo, la tɩ noog yaa toogã!
21 Toog bee ne neb nins sẽn yaa yam dãmb b mens nifẽ wã,
la sẽn tar bãngr b mens nifẽ wã!+
22 Toog bee ne neb nins sẽn yaa gãndaad rãam yũub wɛɛngẽ wã,
la neb nins sẽn mi rãam kaleng sõma wã,+
23 b rãmb nins sẽn deegd noor-madgr n basd nin-wẽng taale,+
la b mongd nin-tɩrg bʋʋmã!+
24 Dẽ wã, wa bug-zɩleng sẽn dɩt mood to-to
tɩ mo-koeemsã menemd bugmã pʋgẽ wã,
b yẽgã na n põogame,
la b puudã na n sãeega wa zom,
bala bãmb basa tãb-biis naab a Zeova tõogã,*
la b paoog Israyɛll Sõng soabã gomdã.+
25 Rẽ n so t’a Zeova sũurã puud ne a nin-buiidã,
la a na n tẽega a nug n sɩbg-ba.+
Tãensã na n miimame,
la b kũ-rãmbã na n yɩɩ wa sagd soayã zutu.+
B kɩɩsgã fãa yĩnga, Wẽnnaam sũ-puugrã pa sig ye.
A nugã ket n tẽegame n na n wẽ.
26 A zẽka tãb-kaoor buud sẽn be zĩ-zãrgẽ yĩnga.+
A fɩɩlame tɩ b na n yi dũniyã tɛk fãa n wa.+
La ade! Bãmb wata tʋʋll-tʋʋlle.+
27 Bãmb baa a ye pa yɛ bɩ n lagsdẽ ye.
B baa a ye pa suusd bɩ n gõe ye.
B seesã sẽbds pa yogse,
b neooda wã wĩy me pa tõs ye.
28 B pɛɛmã fãa yaa sɩlemse,
b tãbdã fãa segl n saame n na n tão.*
29 B kɛlengã yaa wa gɩgemd kɛlenga.
B kelemda wa gɩgem-poala.+
B na n kelmame n yõk bũmb ning b sẽn digdã
n tall n loog tɩ ned pa tõe n fãag-a ye.
30 Baraare, bãmb na n guglma a zug
wa mogrã rãamde.+
Ned ning fãa sẽn na n ges tẽngã na n yãa lik bida sẽn sãamd sũuri.
Baa vẽenemã meng lebga lika, sawatã yĩnga.+
6 Rĩm a Ozɩyas kaalmã yʋʋmde,+ mam yãa a Zeova sẽn zao geer sẽn zẽk n be yĩngri,+ t’a fuugã tẽngr yɛdg n pid wẽnd-doogã. 2 Serafẽ-rãmb n da yas a zugẽ wã. B ned kam fãa ra tara pɩgs a yoobe. B ra luta b nensã ne a yiibu, n pind b karsã ne a yiibu, la b yɩgd ne a yiibu.
3 Bãmb da zẽkda b koees n yet taab yaa:
“Sõngo, sõngo, tãb-biis naab a Zeova yaa sõngo.+
Tẽngã gill pida ne a ziiri.”
4 Bãmb koeesã rãamd kɩtame tɩ rigno-kogsã lug rigimdi, la roogã fãa ra pida ne bug-zõose.+
5 Rẽ la mam yeel yaa: “Toog bee mam zugu!
Mam ki-yã!
Bala mam yaa no-bɩm-dẽgd soaba,
la mam sẽn vɩ neb nins sʋkã no-bɩms me yaa rẽgdo.+
Bala mam nin yãa Rĩmã, tab-biis naab a Zeova menga!
6 Rẽ la Serafẽ a ye yɩk n wa mam nengẽ. A ra zãada bug-saal+ a sẽn yãk tẽn-kugrã+ zug ne yɩʋʋgo. 7 A sɩɩsa mam noorã n yeel yaa:
“Gese! Yaoã sɩɩsa fo no-bɩmsã.
B roka fo taalã,
b kõo foo f yel-wẽndã sugri.
8 Rẽ poore, mam wʋma a Zeova koɛɛg sẽn yeel yaa: “Ãnda la mam na n tʋme, la ãnd n na n kẽng tõnd yʋʋr yĩnga?+ La mam leokame yaa: “Ad maam! Tʋm-y maam!+
9 La a leoka maam yaa: “Kẽng bu-kãngã neb nengẽ n tɩ yeel yaa:
‘Yãmb na n kelgame n yɩlme,
la y pa na n wʋm a võor ye.
Yãmb na n gesame n yɩlme,
la y pa na n bãng baa fʋɩ ye.’+
10 Kɩt tɩ bu-kãngã neb sũyã riglmi.+
Yẽd b tʋbã.+
Kɩt tɩ b ninã tabende,
tɩ b ra tõog n yã ne b ninã
la b ra tõog me n wʋm ne b tʋbã,
tɩ b sũyã ra tõog n wʋm bũmb võore,
la b ra wa lebg n wa mam nengẽ n paam maagr ye.”
11 Rẽ la mam sok yaa: “Hal n tãag dabʋre, Zeova?” La a leoka maam yaa:
“Hal n tãag galʋ-tẽnsã sẽn na n sãam n lebg rabood tɩ ned pa be b pʋsẽ,
tɩ neb pa le be zagsẽ wã,
la tɩ soolmã sãam n lebg vɩʋʋgo.+
12 Hal n tãag a Zeova sẽn na n yiis nebã n zãage,+
la tẽngã sẽn na n maneg n lebg vɩʋʋgo.
13 “La neb piig sʋka, nin-yend n na n kell a pʋgẽ, la b na n le yõog-a lame. Wa b sẽn keed tɩ-kẽeng la sɛnn tɩɩg n basd a viukã, tobeng* sẽn yaa sõng n na n yi a viukẽ wã.”
7 Zida rĩm a Akaaz+ sẽn yaa a Ozɩyas biig a Zotam biigã naam wakate, Siiri rĩm a Rezĩn ne a Remaliya biig a Peka+ sẽn yaa Israyɛll rĩmã waame n na n zab ne Zerizalɛm, la bãmb* pa tõog n deeg-a ye.+ 2 B tɩ togsa a Davɩɩd roogã rãmb n yeel-b yaa: “Siiri tãb-biisã tɩ naaga Efrayim tãb-biisã.”
A Akaaz ne a nin-buiidã sẽn wʋm dẽ wã, b yɛɛsame n sɩng rigb wa sobg sẽn miimd tɩɩs weoogẽ.
3 Dẽ la a Zeova yeel a Ezayi yaa: “M kotame tɩ f peeg f bi-ribl a Seyaar-yasuub*+ tɩ y yi n tɩ seg a Akaaz yĩngr bãkã+ ko-sorã satmẽ, so-kõodr ning sẽn dabd gar-loasdã pʋʋgẽ wã noore. 4 Fo segd n tɩ yeel-a lame yaa: ‘Bas f yam. Ra zoe rabeem, la ra koms raood ra-gi-kãensã b yiibã sẽn nusd bug-zõosã, Siiri rĩm a Rezĩn ne a Remaliya+ biigã sũ-puugrã yĩng ye. 5 Bala Siiri ne Efrayim la a Remaliya biigã sedame n na n maan foo wẽnga, n yetẽ yaa: 6 “Wa-y tɩ d kẽng n tɩ zab ne Zida, n tõs-a* la d reeg-a n sooge, n kɩt t’a Tabeyɛll biigã lebg tẽngã rĩma.”+
7 “‘Ad Zu-soab sẽn ka to a Zeova sẽn yeele:
“Bõn-kãngã kõn tõoge,
a kõn yɩ me.
8 Bala Siiri na-tẽngã yaa Damaase,
tɩ Damaas zu-soabã yaa a Rezĩn.
Ka la yʋʋm pis-yoob la a nu bala,
b na n sãama Efrayim zãng t’a pa le yaa buud ye.+
Yãmb sã n pa tall tẽeb sõma,
y pa na n tõog n yals kãn-kãe ye.”’”
10 A Zeova kell n goma ne a Akaaz n yeel-a yaa: 11 “Kos fo Wẽnnaam a Zeova bãnde.+ Tõe n yɩɩ zulung wa Yaoogã,* wall zẽk yĩngr wa saasã.” 12 La a Akaaz yeelame yaa: “Mam pa na n kose, la m pa na n mak a Zeova me ye.”
13 T’a Ezayi yeel yaa: “A Davɩɩd roogã rãmba, kelg-y-yã! Yãmb sẽn maan tɩ ninsaalb yam yi yãmbã pa seke, tɩ y rat n maan tɩ Wẽnnaam yam yi-yã?+ 14 Dẽ wã, a Zeova meng na n kõo yãmb bãnde: Ade! Pʋg-sad n na n dɩk pʋg n dog bi-ribla,+ la a na n pʋda a yʋʋr t’a Emanuwɛll.*+ 15 Nand meng tɩ biigã bãng wẽng zãgsg la sẽn yaa sõma yãkre, a na n dɩɩ bĩis-kaam ne sɩɩdo. 16 Bala nand tɩ biigã bãng wẽng zãgsg la sẽn yaa sõma yãkre, rĩm-dãmb a yiibã yãmb sẽn zoetã soolem na n lebga vɩʋʋgo.+ 17 A Zeova na n kɩtame tɩ foo ne f nin-buiidã la f ba wã roog rãmb yã toog wakat sẽn zɩ n zĩndi, Efrayim sẽn welg a meng ne Zida wã tɛka.+ Bala Wẽnnaam na n kɩtame tɩ Asiiri rĩmã wa.+
18 “Baraare, a Zeova na n fɩɩlame n bool zõos tɩ b yi hal Ezɩpt Nill kʋɩlgã noore, la sĩ tɩ b yi Asiiri soolmẽ wã n wa. 19 B fãa na n wa siga tãn-londẽ wã,* pĩisã pẽgsẽ, gõos tuudẽ wã, la zĩis nins fãa b sẽn yũnugd rũmsã.
20 “Baraare, a Zeova na n talla barg a sẽn yao Kʋɩlgã* soolmẽ tɩ wa, rat n yeel tɩ Asiiri rĩmã.+ Ne yẽ maasem, a na n põnga zugã, n kõog karsã kõbdo, la a põng toeemsã me.
21 “Baraare, yaa nag-sadg a ye la rao na n tõog n fãag a bãgrã pʋgẽ, la piis a yiibu. 22 La bĩismã sẽn na n yɩ wʋsgã yĩnga, b na n dɩɩ bĩis-kaam. Bala ned ning fãa sẽn na n pa soolmã pʋgẽ na n dɩɩ bĩis-kaam ne sɩɩdo.
23 “Baraare, zĩis nins fãa viyn tɩɩs tusr sẽn zem wanzuri ligd-koeems tusr sẽn da be wã, gõos tuud ne mood bal n na n zĩnd be. 24 Nebã na n kẽnga be ne tãbd la pɛɛma, bala tẽngã fãa na n lebga gõos tuud la moodo. 25 La fo pa na n le kolg tãens nins fãa b sẽn da kood ne wãkã, gõos tuudã la moodã rabeem yĩnga. Zĩ-kãens na n lebga lols wãbneg zĩiga, la zĩis piis sẽn tabde.”
8 A Zeova yeela maam yaa: “Rɩk walg sẽn yaa bedr+ n gʋls a zug ne gʋls-moog tɩ Mahɛɛr-salaal-has-baaz.* 2 Mam datame tɩ kaset rãmb a yiib sẽn yaa pʋ-peelem dãmb gʋls n wilg tɩ f gʋlsa bãmb nifẽ. Yaa maan-kʋʋd a Uuri+ ne a Yeberekiya biig a Zakari.”
3 Dẽ, mam kẽe ne no-rɛɛs-poakã,* la a rɩka pʋg n dog bi-ribla.+ La a Zeova yeela maam yaa: “Pʋd biigã yʋʋr t’a Mahɛɛr-salaal-has-baaz, 4 bala nand tɩ biigã wa tõe n bool a ba la a ma, b na n wʋka Damaas paoongã la b zɛ Samari laogã n tall n kẽng Asiiri rĩmã taoore.”+
5 A Zeova leb n yeela maam yaa:
6 “Nin-kãensã basa Sɩlowe* kʋɩlgã koom sẽn zoet bãanem-bãanemã,+
n maand sũ-noog a Rezĩn ne a Remaliya biigã yĩnga.+
7 Woto wã, a Zeova na n kɩtame tɩ
Kʋɩlgã* koom sẽn tar pãng la a yaa wʋsgã wa bãmb zugu.
Yaa Asiiri rĩmã+ ne a ziirã fãa.
A na n wa pida a ko-soayã fãa
la a puug n gãng a kogsã fãa,
8 n wa kẽ Zida ne pãnga.
a na n kẽe tẽngã zĩig fãa, n lim-a hal n tãag koakoayã!+
A na n tẽega a pɩgsã wa liuul n lud f tẽngã fãa!”
9 Buud toɛy-toɛyã, maan-y wẽnga, la b na n wãa yãmb peese.
Yãmb a neb nins fãa sẽn be tẽngã zĩ-zãrsẽ, kelg-y-yã!
Segl-y y mens zabr yĩnga,* la b na n wãa yãmb peese!+
Segl-y y mens zabr yĩnga, la b na n wãa yãmb peese!
10 Mag-y y sẽn na n maan to-to, la pa na n yãk neng ye.
11 A Zeova nugã sẽn tar pãngã sẽn be ne maamã, ad a sẽn yeel n na n keoog maam, tɩ m da wa rɩk nin-kãensã manesmã ye:
12 “Yãmb pa segd n yeel tɩ yaa mag-wẽnga, nin-kãensã sẽn yet tɩ yaa mag-wẽngã yĩng ye.
Ra zoe-y b sẽn zoet bũmb ningã ye.
Da rig-y rabeem rẽ yĩng ye.
13 Yaa tãb-biis naab a Zeova la yãmb segd n ges wa sõngo.+
Yẽ bal la yãmb segd n zoe.
La yaa yẽ yĩng bal la yãmb segd n dig rabeem.”+
14 A na n lebga wa zĩ-sõngo,
la a yaool n na n yɩɩ wa kugr neb sẽn lakde,
la wa pĩig sẽn lubdi,+
Israyɛll rot a yiibã fãa yĩnga,
la wa bẽdg ne tãoog
Zerizalɛm nebã yĩnga.
15 Bãmb neb wʋsg na n lakame n lʋɩ n kao.
B na n bẽd-b lame n yõge.
16 Pil bũmb nins sẽn gʋls tɩ yaa kasetã.
Pag tõogã* m karen-biisã sʋka, n ning-a sogdse!
17 Mam na n kell n gũu a Zeova,*+ a soab ning sẽn solg a neng ne a Zakoob roogã rãmbã,+ la m na n kell n teeg-a lame.
18 Ade! Maam ne kamb nins a Zeova sẽn kõ maamã+ yaa bãn+ la yel-soalem tãb-biis naab a Zeova sẽn be Siyõ tãngã zugã sẽn kõ Israyɛll nebã yĩnga.
19 La bãmb sã n yeel yãmb tɩ y sok sẽn gomd-b ne kɩɩmsã la bagbã sẽn walemd la b gomd tẽngr-tẽngrã, y na sak n maan woto? Buud fãa pa segd n sok a Wẽnnaam sɩda? Rẽ yĩnga, b segd n soka sẽn ki-bã bũmb nin-vɩɩsã neer yĩng sɩda?+ 20 Yaa tõogã ne bũmb nins b sẽn gʋls tɩ yaa kasetã la b segd n ges n bãnge.
B sã n pa gomd tɩ zemsd ne Wẽnnaam goamã, b pa tar vẽenem ye.+ 21 Ned kam fãa na n pɩʋʋga tẽngã ne nimbãaneg la kom.+ La komã ne sũ-puugrã yĩnga, a na n nak n gesa yĩngr n kãab a rĩmã ne a Wẽnnaamã wẽnga. 22 A na n sulg n gesa tẽnga, la a pa na n yã bũmb tɩ pa sũ-sãang ne lika, lik bida ne toodo, la lik tuu-taa tɩ vẽenem kaẽ ye.
9 La likã pa na n yɩ wa tẽngã sẽn da be sũ-sãang pʋgẽ wã, la wa wakat ning b sẽn da paoogd Zabulõ soolmã la Naftali soolmã ye.+ La kaoosg zugẽ, Wẽnnaam na n kɩtame tɩ mogrã sorã sẽn be Zʋrdẽ kʋɩlgã rʋʋndã paam waoogre, rat n yeel tɩ Galile sẽn yaa bu-zẽms soolmã.
2 Neb nins sẽn da kẽnd lik pʋgẽ wã
yãa vẽenem-kãsenga.
La sã n yaa ne neb nins sẽn be tẽng ning sẽn yaa lik bida pʋgẽ wã,
vẽenem n yãg n bui-ba.+
3 Yãmb kɩtame tɩ buudã neb sõor fɩɩge.
Yãmb kɩtame t’a kɩdengã paam pãnga.
Bãmb kɩdemda yãmb taoor wa
neb sẽn kɩdemd sũ-noog kẽebg wakate,
la wa neb sẽn pʋɩt taab te-zɛɛdem ne sũ-noogo.
4 Bala yãmb kaoo b zɩɩbã yubl-balgdga,
yãmb kaoo raoog ning b sẽn da tar n pãbd b poyã, b tʋʋm taoor soabã rasaarã
wa sẽn yɩ to-to daar ning b sẽn tõog Madiyã nebã.+
5 B na n loba tãb-biisã neooda b sẽn kẽnd ne tɩ tẽngã miimdẽ wã,
la b futã sẽn bol zɩɩmã
bugmẽ tɩ rɩ zãnga.
B na n boond-a lame tɩ Sagend sẽn ka to,+ Wẽnnaam sẽn tar pãnga,+ Ba sẽn be wakat fãa, la Laafɩ naaba.
7 A naamã na n talla paasg n pa tol n sa,
la laafɩ me pa na n tall saab+
a Davɩɩd geerã zugu,+ la a rĩungã pʋgẽ ye.
B na n lugl-a-la kãn-kãe+ n teel-a
ne tɩrlem+ la ne zemsg+ maasem,
masã tɛka, la wakat fãa yĩnga.
Tãb-biis naab a Zeova yẽesmã n na n maan tɩ yɩ woto.
8 A Zeova tʋmame tɩ b tɩ taas a Zakoob bʋ-kaoor koɛɛga,
la a na n pidsa Israyɛll zugu.+
9 Nebã fãa na n bãnga rẽ.
Yaa Efrayim ne Samari nin-buiidã
sẽn gomd ne wuk-m-meng la ne paoogr n yetẽ:
10 “Tãn-koɛɛm rot lʋɩɩme,
la d na n lebs n me-b-la ne kug sẽn peese.+
B kɛɛ wom-sees* n lubi,
la d na n ledg-b-la ne sɛɛdr tɩɩse.”
11 A Zeova na n kɩtame t’a Rezĩn zabd-n-taasã yiki,
la a kɩt t’a bɛɛbã wa sɩng zabr ne-a.
12 Siiri na n yii yaang n wa, tɩ Filisti nebã yi nin-taoor* n wa.+
B na n yaaga b noorã n vel Israyɛlle.+
B kɩɩsgã fãa yĩnga, Wẽnnaam sũ-puugrã pa sig ye.
A nugã ket n tẽegame n na n wẽ.+
13 Bala nin-buiidã pa lebg n wa soab ning sẽn pãbd-bã nengẽ ye.
Bãmb pa bao tãb-biis naab a Zeova ye.+
14 A Zeova na n fiuuga Israyɛll zugã ne a zʋʋrã raar-n-yɛnga,+
rat n yeel tɩ tobeng la mo-wok* sẽn be Israyɛlle.
15 Zugã yaa nin-kẽema, ne b sẽn waoogd a soaba,
tɩ zʋʋrã yaa no-rɛɛs ning sẽn zãmsd nebã ziri wã.+
16 Taoor dãmbã kɩtame tɩ nebã yeebdẽ,
tɩ b sẽn wilgd b rãmb sorã yirbdẽ.
17 Rẽ n so t’a Zeova pa na n maan sũ-noog b kom-bɩɩsã yĩnga,
la a pa na n zoe b kɩɩbsã* ne b pʋg-kõapã nimbãaneg ye.
Bala b fãa yaa wẽn-kɩɩsdb la tʋʋm-wẽns-maandba.+
Ned fãa noor gomda yalem-goama.
B kɩɩsgã fãa yĩnga, Wẽnnaam sũ-puugrã pa sig ye.
A nugã ket n tẽegame n na n wẽ.+
18 Bala wẽnemã wita wa bugum,
n dɩt gõos tuudã ne moodã.
La a na n ninga kãgã sẽn be weoogẽ wã bugum,
tɩ b ruk bug-zõos sẽn yaa taok wa sawato.
19 Tãb-biis naab a Zeova sũ-puugrã kɩtame tɩ
tẽngã rɩt bugum,
la bugmã na n dɩɩ nebã.
Ned pa na n fãag a ba-biig meng ye.
20 Ned na n kɛɛ nemd rɩtgo,
la kom na n ket n tar-a lame.
A na n dɩɩ goabga,
la pa na n sek-a ye.
Ned fãa na n wãba a meng kang nemdo.
21 A Manase na n wãba a Efrayim,
t’a Efrayim wãb a Manase.
B na n naaga taab n zab ne Zida.+
B kɩɩsgã fãa yĩnga, Wẽnnaam sũ-puugrã pa sig ye.
A nugã ket n tẽegame n na n wẽ.+
10 Toog na paam neb nins sẽn gʋlsd noy sẽn pa sõma wã,+
b rãmb nins sẽn yiisd tõod n na n weoog nebã,
2 n na n kɩt tɩ naong soab ra tɩ bao a yell manegr bʋʋd roogẽ,
n mongd mam nin-buiidã nimbãan-nebã bʋʋm,+
n zɛɛd pʋg-kõap teedo,
4 Sẽn ket bal yaa y naag b sẽn yõg b rãmbã n kuudẽ,
wall y naag b sẽn kʋ b rãmbã n ki.
B kɩɩsgã fãa yĩnga, Wẽnnaam sũ-puugrã pa sig ye.
A nugã ket n tẽegame n na n wẽ.+
5 Ad a sẽn yete: “Ad Asiiri nedã!+
A yaa raoog mam sẽn na n tall n wilg m sũ-puugrã,+
la m na n talla dasaar ning sẽn be a nugẽ wã n wa ne sɩbgre!
6 Mam na n tʋm-a lame t’a tɩ zab ne buud sẽn yaa wẽn-kɩɩsda,+
n zab ne nin-buiid sẽn yik mam sũuri.
Mam na n kõ-a-la noor t’a tɩ zɛ teed wʋsg la a fã teed wʋsgo,
la a tab-b wa sor zug bɛgdo.+
7 La a pa na n tʋlg n maan dẽ ye.
A pa na n mag woto a sũurẽ ye.
Bala sẽn be a sũurẽ wã yaa sãam zãnga,
n menes buud wʋsgo. Pa bilf ye.
8 Bala yẽ yetame yaa:
‘Mam nanambsã fãa pa rĩm-dãmb sɩda?+
9 Kalno+ pa wõnd Karkemis+ sɩda?
tɩ Samari+ me yaa wa Damaas+ sɩda?
10 Mam nugã taa soolem nins sẽn da tũud wẽn-faadã,
b rãmb nins bõn-naandsã sẽn da yɩɩd Zerizalɛm ne Samari wã!+
11 Mam kõn maan Zerizalɛm ne a bõn-naandsã
wa m sẽn maan Samari ne a wẽn-faadã sɩda?’+
12 “A Zeova sã n tʋm a tʋʋmdã fãa Siyõ tãngã zug ne Zerizalɛm n sa, a na n sɩbga Asiiri rĩmã a nin-pa-nandmã, a wuk-m-mengã la a tɩtaamã yĩnga.+ 13 Bala yẽ yetame yaa:
‘Mam na n maana bõn-kãng ne mam nugã pãnga,
la ne m yamã, bala mam yaa yam soaba.
14 Mam nugã na n wʋka nin-buiid arzɛgs
wa ned nug sẽn ta liuul tʋko.
La mam na n wʋka tẽngã bũmba fãa
wa ned sẽn wʋkd gɛl b sẽn daag n base!
Ned baa a ye pa na n pigimd a pɩgsa, wall a yaag a noor bɩ n yɩ fẽõ ye.’”
15 Lar na wuk a meng ne ned ning sẽn tar-a n kɛɛdẽ wã sɩda?
Ra-wãad sĩ na zẽk a meng ne ned ning sẽn tar-a n wãadẽ wã?
Rẽ yĩnga, dasaar+ tõe n kɩtame tɩ ned ning sẽn zẽkd yẽ wã serge,
bɩ raoog tõe n zẽka ned ning sẽn zãad-a wã sɩda?
16 Woto yĩnga, Zu-soab sɩd-sɩd a Zeova sẽn yaa tãb-biis naabã
na n kɩtame t’a neb* nins sẽn nobã faage,+
la a yõgen bugum sẽn dɩt zirg-zirg+ a ziirã tẽngre.
17 Israyɛll Vẽenemã+ na n lebga bugum,+
t’a Sõng soabã lebg bug-witim.
A na n widame n dɩ a moodã ne a gõos tuudã daar-n-yɛnga.
18 A na n menesa a weoogã ne a tɩ-womdsã zĩig ziirã fasɩ.
Na n yɩɩ wa bãad pãng sẽn tar boogre.+
19 A weoogã tɩɩsã sẽn kellã
na n lebga kar-kare, hal tɩ bi-bilf tõe n sõd-ba.
20 Baraare, Israyɛll neb nins sẽn na n kellã
ne a Zakoob roogã neb nins sẽn na n põsã
pa na n le teeg ned ning sẽn wẽ bãmbã ye.+
Yaa a Zeova, Israyɛll Sõng soabã
la bãmb na n teeg ne b sũur fãa.
21 Yaa neb kell bal n na n lebg n wa,
a Zakoob neb nins sẽn kellã n na n lebg n wa Wẽnnaam sẽn tar pãngã nengẽ.+
22 Israyɛlle, baa fo nin-buiidã
sẽn yaa wʋsg wa mogrã bĩisrã,
bãmb sʋkã neb kell bal n na n lebg n wa.+
23 N-ye! Sãoong ning Zu-soab sẽn ka to a Zeova sẽn yaa
tãb-biis naabã
sẽn yãk yam n na n wa
ne wãna n taa soolmã fãa zugu.+
24 Rẽ wã, ad Zu-soab sẽn ka to a Zeova sẽn yaa tãb-biis naabã sẽn yeele: “Mam nin-buiidã sẽn be Siyõ wã, ra zoe-y Asiiri nedã sẽn da pãbd yãmb ne a rasaarã,+ la a ra zẽkd a raoogã yãmb zug wa Ezɩpt sẽn da maandã ye.+ 25 Bala keta bilf tɩ m sũ-puugrã ta a tɛka. La m sũ-yikrã na n yɩɩ bãmb sãoongo.+ 26 Tãb-biis naab a Zeova na n zẽka kalwaas yẽ yĩng+ wa a sẽn da tõog Madiyã nebã Orɛɛb pĩigẽ wã.+ A na n tẽega a rasaarã mogrã zugu, la a zẽk-a wa a sẽn da maan Ezɩptã.+
27 Baraare, yẽ zɩɩbã na n yii yãmb baokẽ,+
a yubl-balgdgã na n yii yãmb yublẽ,+
la kaamã na n kɩtame tɩ yubl-balgdgã kao.+
29 Bãmb rʋʋga kʋɩlgã.
Bãmb gãee Geba+ yʋngã.
30 Galim bi-pugla, kelem la f kaase!
Layiisa, gũusi!
Anatote,+ m kʋmd-fo!
31 Madmena zoeeme.
Gebim nebã baoo solgr zĩiga.
32 Baraare, a na n yalsa Noobe.+
A zẽkda a nug-gilg n bugsd Siyõ bi-puglã tãngã,
Zerizalɛm kunkubrã.
33 Ade! Tãb-biis naab a Zeova sẽn yaa Zu-soab sɩd-sɩdã
yolemda wilã ne bʋr-kãsenga.+
A kɛɛda tɩ-wogdã n lubdẽ,
la a sikd sẽn yaa-b lug-lugã.
34 A kɛɛda weoogã kãgr fãa ne lare,
la gãndaoog n na n lub Libã.
2 A Zeova vʋʋsmã na n siga a zugu,+
n kɩt t’a tall yam+ ne yam-vẽenem,
n mi neb saglg+ la a tall pãn-kãsenga.
A na n talla bãngre, ne a Zeova zoeese.
3 A na n maana sũ-noog a Zeova zoeesã pʋgẽ.+
A pa na n bʋ wa sẽn zems a nif sẽn ne,
wall a kibl ned wa sẽn zems a tʋbr sẽn wʋm bal ye.+
5 Tɩrlem na n yɩɩ a sɛɛg sẽbdga,
tɩ maan-sɩd yɩ a sɛɛg wĩiri.+
6 We-baag na n zĩnda wakat bilf ne pe-bila,+
tɩ ãbg naag bull n gãande.
Nag-bil ne gɩgemd la rũm-nobdg na n naaga taaba,*+
tɩ bi-bilf kɩɩm-ba.
Gɩgemd na n wãba yamd wa loalga.+
8 Biig sẽn yẽsemd na n deema ruruug bok noore,
la bi-sigdg na n ninga a nug wag-toaag bokẽ.
9 B pa na n maan wẽng buud baa a ye,+
wall b wa ne sãoong buud baa a ye mam tãn-sõngã zug ye.+
Bala sɩd-sɩdã, tẽngã na n pida ne a Zeova bãngre,
wa koomã sẽn pid mogrã.+
10 Baraare, a Zese yẽgrã+ na n yik n yalsa wa tãb-kaoor buud toɛy-toɛyã yĩnga.+
11 Baraare, a Zeova na n le tẽega a nug naoor a yiib-n-soaba, n deeg a nin-buiidã kellã b sẽn bas Asiiri,+ Ezɩpt,+ Patroos,+ Kuus,+ Elam,+ Sineyaar* ne Hamat la mogrã ko-sʋk tẽnsẽ wã.+ 12 A na n zẽka tãb-kaoor buud toɛy-toɛyã yĩnga,+ la a tigim Israyɛll neb nins sẽn sãeegã, n tigim Zida neb nins sẽn sãeeg n be dũniyã ween-vɩɩs a naasã me.+
13 Efrayim sũ-kiirã na n saame,+
la b na n menesa neb nins sẽn da zabd ne Zida wã.
Efrayim pa na n le maan sũ-kiir ne Zida,
la Zida me pa na n le zab ne Efrayim ye.+
14 Bãmb na n fõd n siga Filisti nebã soolmã sigdsã sẽn be nin-taoorã.
B na n naaga taab n fã Yaang nebã.
Yẽ na n kʋɩɩsa kʋɩlgã ko-soay a yopoe wã ne a noorã pems-tʋʋlgã,
la a kɩt tɩ neb wid b neooda n pɩʋʋg-a.
16 So-kõodr+ n na n yi Asiiri a nin-buiidã kellã b sẽn basã yĩnga,+
wa sẽn yɩ to-to ne Israyɛll nebã, daar ning b sẽn yi Ezɩptã.
12 Hakɩɩka, baraare yãmb na n yeelame yaa:
“Mam pʋʋsda yãmb barka, Zeova.
Bala baa yãmb sũur sẽn da yik ne maamã,
bilf-bilfu, yãmb sũ-puugrã sigame, la yãmb belsa maam.+
2 Gese! Wẽnnaam yaa mam fãagda.+
Mam na n teeg-a lame n pa zoe rabeem ye.+
Bala a Zah,* a Zeova yaa mam pãnga, la pãng ning mam sẽn teegã.
Yẽ lebga mam fãagda.”+
3 Yãmb na n tooga koom ne sũ-noogo,
fãagr ko-bundsẽ wã.+
4 Baraare, yãmb na n yeelame:
“Pʋʋs-y-yã a Zeova barka! Bool-y-yã a yʋʋrã!
Kɩt-y tɩ b bãng a tʋʋmã buud toɛy-toɛyã sʋka!+
Moon-y t’a yʋʋrã yaa kãsenga.+
5 Yɩɩl-y n pẽg-y-yã a Zeova,+ bala a maana bõn-kãsemse.+
Kɩt-y tɩ dũniyã gill bãng rẽ.
6 Foom a Siyõ neda,* kils la f kaas ne sũ-noogo.
Bala Israyɛll Sõng soabã yaa kãseng yãmb sʋka.”
13 Ad bʋ-kaoor koɛɛg b sẽn vẽneg a Amooz biig a Ezayi+ t’a togs Babilon+ wɛɛngẽ:
2 “Zẽk-y tãb-kaoor+ pĩis tãngã zugu.
Zẽk-y y koɛɛg n bool-ba, kams-y-b ne y nug
tɩ b wa tũ nin-kãsemsã rignoyẽ n kẽ.
3 Mam kõo m sẽn yãk b rãmbã*+ noore.
Mam boola m tãb-biisã n na n wilg m sũ-puugri,
tɩ b wuk b mens n kɩdemd sũ-noogo.
4 Kelg-y-yã! Kʋʋng n be tãensẽ wã.
Yaa wa neb kʋʋng bʋrg rãamde.
Kelg-y soolem toɛy-toɛyã bʋrgo,
yaa buud toɛy-toɛy sẽn tigim taab bʋrgo!+
Tãb-biis naab a Zeova tigimda tãb-biisã zabr yĩnga.+
5 Bãmb yita tẽn-zãrgẽ n watẽ.+
B yita saasã satmẽ n watẽ.
A Zeova wata ne a sũ-puugrã zab-teed
n na n sãam dũniyã gilli.+
6 Wiis-y-yã! Bala a Zeova daarã kolgame!
A na n yɩɩ sãoong sẽn yit Sẽn-tõe-a-fãa wã nengẽ.+
7 Rẽ n so tɩ rabeem na n yõk ned kam fãa,+
tɩ b nusã pãng booge.
8 Rabeem-kãseng yõka nebã tɩ b yirbdẽ.+
Toog tar-b lame tɩ b virsd
wa pag sẽn kʋmd rogem.
Bãmb ned kam fãa geta a to ne pelen-yɩka,
tɩ sũ-toogã kɩt tɩ b nensã gãneme.
9 Ges-y-yã! A Zeova daarã watame.
Yaa raar sẽn yaa toaaga, n naag ne sũ-kãbr la sũ-puugri,
n na n kɩt tɩ tẽngã lebg bũmb sẽn kẽesd rabeem,+
la a menes tẽngã yel-wẽn-maandbã fãa.
10 Bala ãdsã sẽn be saasẽ wã ne ãd-sulã*+
pa na n kõ b vẽenem ye.
Wĩntoogã sã n yi, a na n lebga lika.
Kiuugã pa na n kõ a vẽenem ye.
11 Mam na n soka dũniyã nebã b tʋʋm-wẽnsã yĩnga,+
la m sok nin-wẽnsã b kongrã yĩnga.
M na n kɩtame tɩ tɩtaam dãmbã wuk-m-mengã sa,
la m sik nin-toosã b wuk-m-mengã yĩnga.+
12 Mam na n kɩtame tɩ ninsaal sẽn yaa kiidã yãab lebg toog n yɩɩg sãnem halaale,+
la m kɩt tɩ ãdem-biisã yãab lebg toog n yɩɩg Ofɩɩr sãnemã.+
13 Rẽ n so tɩ m na n kɩt tɩ saasã rigimdi,
tɩ tẽngã miim n serg a zĩigẽ,+
tãb-biis naab a Zeova sũ-kãbrã yĩnga, a sũ-puugrã daare.
14 B ned kam fãa na n leba a nebẽ,
tɩ b ned kam fãa zoe n leb a tẽngẽ,+
wa yãk tãoos sẽn digdi, la wa piis sẽn pa tar ned n na n tigim-ba.
15 B na n kõsa ned ning fãa b sẽn na n paame,
la b kʋ ned ning fãa b sẽn na n yõkã ne sʋʋga.+
17 Mam na n kɩtame tɩ Meed-rãmbã wa zab ne-ba.+
Bãmb geta wanzuri wa zaalem,
tɩ b toog kae ne sãnem me ye.
19 Babilon sẽn yaa soolem ning sẽn tar ziir n yɩɩd a taabã fãa wã,+
Kalde nebã neermã la b wuk-m-mengã+
na n lebga wa Sodom ne Gomoore, wakat ning Wẽnnaam sẽn sãam-bã.+
20 Ned kõn tol n le zĩnd a pʋgẽ,
la zãmaan woo zãmaana, a pa na n le yɩ zĩig ned sẽn tõe n zĩnd me ye.+
Araab pa na n le tilg a fu-roog beenẽ,
la rũm-kɩɩm me pa na n le kɩt t’a rũms vʋʋs be ye.
21 We-rasempʋɩɩgã rũms na n gãanda be.
B rotã na n pida ne vitu.
22 We-rũms na n kaasa a gasdã pʋsẽ,
tɩ we-baas wũun a na-yiyã sẽn yaa neebã pʋsẽ.
A wakat kolgame, la b pa na n paas a rasmã ye.”+
14 Bala a Zeova na n zoee a Zakoob+ nimbãanega, la a na n le yãka Israyɛlle.+ A na n zĩniga bãmb* b soolmẽ wã,+ la sãamb na n wa naaga bãmba, n loe b mens ne a Zakoob yagensã.+ 2 Buud toɛy-toɛy n na n tall-b n leb b soolmẽ wã. A Israyɛll yagensã na n sooga bãmb tɩ b lebg b tʋm-tʋmd-daad la b tʋm-tʋmd-pogs+ a Zeova soolmẽ wã. Bãmb na n sooga neb nins sẽn da yõg bãmbã, la b na n sooga neb nins sẽn da modgd bãmb tɩ b tʋmdẽ wã.*
3 Daar ning a Zeova sẽn na n yiis yãmb y toogã pʋgẽ la a kɩt tɩ y paam y mens ne y yɩɩrã sẽn da loog noorã, la ne yembdã sẽn da namsd yãmbã,+ 4 yãmb na n togsa gom-kãensã Babilon rĩmã zug n yaal-a:
“Ad ned ning sẽn da modgd a taab tɩ b tʋmdẽ wã yaa n taa a tɛka!
Weoogrã sa-yã!+
5 A Zeova kaoo nin-wẽnsã raoogo,
a kaoo nanambsã rasaare,+
6 soab ning sẽn da pãbd buud toɛy-toɛyã ne sũ-kãbr n pa basdẽ wã,+
soab ning sẽn da so soolem toɛy-toɛyã neb n namsd-b ne sũ-yikr n pa basdẽ wã.+
7 Masã, dũniyã gill paama a menga, nebã vɩɩ bãane.
Nin-buiidã kaasda sũ-noogo.+
8 Baa zenevirie tɩɩsã ne Libã sɛɛdr tɩɩsã
kɩdemda sũ-noog bũmb ning sẽn paam foomã yĩnga.
Bãmb yetame yaa: ‘Fo lʋɩɩsã tɛka,
ra-wãad pa le wat n kɛɛd tõnd ye.’
9 Fo sẽn wa n sigdã, baa Yaoogã* meng rigimdame
n na n seg foo.
Fo yĩnga, a nekda neb nins sẽn ki n pa le tõe n maan bũmbã,
dũniyã na-toosã fãa.
A kɩtdame tɩ buud toɛy-toɛyã rĩm-dãmbã yik b zaoosẽ.
10 Bãmb fãa gomda ne foo n yetẽ:
‘Fo-me lebga ka pãng soab wa tõnd la?
Fo-me lebga wa tõnd la?
Zũnzũy n lebg fo gãaga,
la zũnzũy n lebg fo fu-goabg me.’
12 Kayto! Tõd-beoog ãdg sẽn yãgde,
fo yii saasẽ n lʋɩ!
B kɛɛ foo n lub tẽnga,
foom a ned ning sẽn da tõog soolem toɛy-toɛyã!+
13 Fo yeela f sũurẽ yaa: ‘Mam na n dʋʋ hal saasẽ.+
14 Mam na n dʋʋ yĩngri, sawatã zugẽ.
Mam na n maana m meng n lebg wa Sẽn ka-a to wã.’
15 La yaa hal Yaoogã* pʋgẽ la b na n sik foo,
hal bokã zĩ-zulumsẽ wã.
16 Neb nins sẽn na n yã foo wã na n ges-f-la kuii,
b na n maaga b yĩng n ges foo n sok yaa:
‘Yaa rao ning sẽn da rãmbd dũniyã la woto bɩ?
A soab ning sẽn da kɩt tɩ soolem toɛy-toɛyã rigimdi,+
17 tɩ dũniyã lebg wa we-raoogo,
n da sãamd galʋ-tẽnse,+
la a zãgsdẽ t’a kõn bas a yembsã tɩ b kuilã+ la woto bɩ?’
19 La foo yẽ, b loba foo tɩ f pa paam yaoogo,
wa wil-poll* b sẽn kisgi.
Yaa neb nins b sẽn kõs ne sʋʋg n kʋ wã n lud foo wa fuugu,
neb b sẽn lob bok sẽn pid ne kug pʋgẽ.
Fo lebga wa kũum b sẽn tabe.
20 Fo pa na n tɩ naag bãmb yaoogẽ ye.
Bala fo sãama f soolmã.
Fo kʋʋ f nin-buiidã.
B kõn tol n le pʋd nin-wẽnsã yagensã yʋʋr ye.
21 Bao-y zĩig b sẽn na n kʋ a kom-dibli wã,
b yaab-rãmbã taal yĩnga,
tɩ b ra wa yik n deeg dũniyã n yãmbe,
n me tẽns n pids soolmã ye.”
22 Tãb-biis naab a Zeova yeelame yaa: “Mam na n zaba ne bãmba.”+
A Zeova yeelame yaa: “Mam na n menesa yʋʋre, kelle, kamb la yagens Babilonne.”+
23 Tãb-biisã naab a Zeova yeelame: “Mam na n kɩtame t’a lebg sẽema zĩig la bãoogo, la m na n pɩɩs-a-la ne sãoong saaga.”+
24 Tãb-biis naab a Zeova wẽename n yeel yaa:
“Mam sẽn sɩf n na n maan bũmb ningã pa na n vaal ye.
La yam ning m sẽn yãkã na n pidsame.
25 Mam na n bedsa Asiiri nedã m soolmẽ wã,
la m na n tab-a-la m tãensã zutu.+
B na n yãka a yubl-balgdgã mam nin-buiidã zugu,
la b yãk zɩɩb ning a sẽn da palg m nin-buiidã bãgdẽ wã.”+
26 Yaa woto la b yãk yam n na n maan dũniyã gilli,
la yaa nug ning sẽn tẽeg n na n zab ne soolem toɛy-toɛyã la woto.
27 Bala tãb-biis naab a Zeova raab la woto.
Ãnda n tõe t’a pa pidsi?+
A nugã tẽegame,
la ãnd n tõe t’a gõde?+
28 Rĩm a Akaaz kũumã yʋʋmde,+ Wẽnnaam kɩtame tɩ b togs gom-kãensã:
29 “Filisti neba, bɩ yãmb ned baa a ye ra kɩdem
b sẽn kaoog sẽn da pãbd-a yãmbã rasaarã yĩng ye.
Bala wag-toaag+ n na n yik waafã yẽgrẽ,+
la a yagengã na n yɩɩ wag-bɛɛg meng-meng sẽn kɛɛd ne tʋʋlem.*
30 Sik-m-mens rãmbã kom-dẽems na n dɩtame n tɩgda,
tɩ naong rãmbã gãe bãane,
la mam na n kɩtame tɩ kom kʋ fo nebã,*
la b na n kʋʋ fo neb nins sẽn na n kellã.+
31 Kʋɩlenga, kaase! Tẽnga, kelme!
Filisti neba, y fãa na n komsa raoodo,
bala bug-zõos n yit rɩtg sẽnesã n watẽ,
la ned sẽn maand maas-maas ka be y bɛɛbã sʋk ye.”
32 B na n leoka buudã koe-taasdbã tɩ bõe?
B na n yeelame t’a Zeova rɩgla Siyõ yẽbgrã,+
la tɩ neb nins sẽn yaa sik-m-mens rãmb a nin-buiidã sʋkã na n solga be.
15 Ad bʋ-kaoor koɛɛg b sẽn togs Mowaab wɛɛngẽ:+
B sẽn sãam Mowaab Aarã+ ne yʋngã yĩnga,
a lebga sɩddd.
B sẽn sãam Mowaab Kɩɩrã+ ne yʋngã yĩnga,
a lebga sɩddd.
2 Nin-buiidã kẽnga pʋʋsg roogẽ wã, la Dibon+
ne zĩ-zãntsẽ wã n na n tɩ yãbe.
Mowaab yãbda Nebo+ ne Medeba+ yĩnga,
b fãa zutã põngame,+ la b toeemsã wõrsame.+
3 Nebã yeelga bot a soayã zutu.
B fãa kaasda b rotã zutu, la zãma wã zĩisẽ.
Bãmb sigdame la b yãbda.+
Rẽ n so tɩ Mowaab tãb-biisã kaasd n pa basdẽ wã.
Nebã rigdame.
5 Mam sũur kelemda Mowaab yĩnga.
A neb nins sẽn zoe n na n põsã taa Zowaar+ ne Eglat-selisiya.+
Bãmb bee Luyit rʋʋdgẽ wã n dʋʋd la b yãbda.
Bãmb bee Horonayim sorã zug n kaasd yel-beedã yĩnga.+
6 Bala Nimrim koomã kʋɩɩme.
Mo-maasã lebga koeemse.
Moodã saame, la yam-maas ka le be ye.
7 Rẽ n so tɩ b wʋkd bũmb nins sẽn kell b teedã b sẽn bĩngã ne b paoongã pʋgẽ wã.
8 Bala kɛlengã rãamd saaga Mowaab+ soolmã fãa.
Wiisgã taa hal Eglayim.
Wiisgã taa hal Bɛɛr-elim.
9 Bala Dimon koomã pida ne zɩɩm,
la mam bĩnga yel-beed sẽn yɩɩd woto Dimon yĩnga:
Gɩgemd n na n kʋ Mowaab neb nins sẽn põsã,
la neb nins sẽn na n kell tẽngã pʋgẽ wã.+
16 Tʋm-y neb ne pe-raoog tɩ b tɩ kõ tẽngã naaba.
Kɩt-y tɩ b yi Sela n pɩʋʋg we-raoogã
n ta Siyõ bi-puglã tãnga.
2 Arno+ kʋɩlgã zĩis nins b sẽn tõe n kẽn n dʋʋgẽ wã, Mowaab kom-pugli wã
na n yɩɩ wa liuul b sẽn dig n yiis a tʋkẽ.+
3 “Kõ-y saglga, tũ-y yam-yãkrã.
Kɩt-y tɩ y wĩnto-sʋk maasmã yɩ wa yʋngo.
Solg-y b rãmb nins sẽn sãeegã, la y ra zãmb sẽn zoet-b n na n põsã ye.
4 Mowaabe, bas tɩ mam neb nins sẽn sãeegã zĩnd fo pʋgẽ.
Solg-b tɩ sãamdã ra paam-b ye.+
Ned ning sẽn namsd a taabã na n menemame,
la sãoongã na n taa a tɛka.
Neb nins sẽn tabd b taabã na n menema tẽngã zugu.
5 B na n lugla naam geer kãn-kãe ne nonglem.
Ned ning sẽn zao a zug a Davɩɩd fu-roogẽ wã na n yɩɩ sɩd soaba.+
A na n bʋʋ ne zemsgo, la a na n maana sẽn yaa tɩrg tao-tao.”+
6 Tõnd wʋma Mowaab wuk-m-mengã kibare, a tɩtaamã sẽn loog noorã,+
a zẽk-m-mengã ne a wilg-m-mengã la a sũ-puugrã.+
La a gom-vɩɩdã pa na n yãk neng ye.
7 Mowaab na n wiisa a toogã yĩnga,
Mowaab nebã fãa na n wiisame.+
Neb nins b sẽn tõogã na n wẽe sir Kɩɩr-haresɛt+ viyn biis b sẽn kʋɩɩs n gilã yĩnga.
8 Bala Hɛsbon+ viyn pʋtã kʋɩɩme,
Sibma+ viyn pʋtã me kʋɩɩme.
Buud toɛy-toɛyã nanambs taba b wil nins sẽn tar bi-moaamã.
B wilã ra taa hal Yazɛɛr.+
Bãmb da tẽeg n taa we-raoogẽ wã.
B tobendã yiime n tẽeg n ta hal mogrẽ wã.
9 Woto yĩnga, mam na n wiisa Sibma viyn pʋtã yĩnga, wa m sẽn wiisd Yazɛɛr yĩngã.
Hɛsbon ne Eleyale,+ mam nintãmã na n madga yãmba.
Bala yãmb tɩɩsã biis womb ne y kẽebgã wakat sũ-noog kelemsã saame.
10 Sũ-noogã ne kɩdengã saa tɩ-womdsã zĩigẽ.
B pa le wʋmd sũ-noog yɩɩl wall kaasg viyn pʋtã pʋsẽ ye.+
Sẽn tabd-a viyn biisã pa le tabd viyn biis vẽ wẽkr bokẽ wã ye.
Bala mam na n kɩtame tɩ kaasgã sɛ.+
11 Rẽ n so tɩ mam sũurã sidgd Mowaab+ yĩng
wa pɛndg riss sẽn zãeede.
N-ye, mam sũur sãama wʋsg Kɩɩr-haresɛt+ yĩnga.
12 Baa Mowaab sã n namsd a meng n kẽnd zĩ-zãntsẽ wã la a wẽnd-doogẽ wã n pʋʋsdẽ, a pa na n tõog n maan baa fʋɩ ye.+
13 Yaa goam nins a Zeova sẽn da pĩnd n togs Mowaab zugã la woto. 14 La masã, a Zeova yeelame yaa: “Ka la yʋʋm a tãabo, wa sẽn zems ned b sẽn dɩk tʋʋm sẽn sõt yʋʋm to-to wã, Mowaab ziirã na n lebga paoogre, la gudgr buud fãa na n zĩnda be. A neb nins sẽn na n kellã na n yɩɩ bilf bala, n pa zem baa fʋɩ.”+
17 Ad bʋ-kaoor koɛɛg b sẽn togs Damaas wɛɛngẽ:+
“Ade! Damaas pa na n le yɩ galʋ-tẽng ye.
A na n lebga raboogo.+
2 Arowɛɛr+ galʋ-tẽnsã na n lebga vɩɩdo.
Bãmb na n lebga rũms gãag zĩisi,
tɩ ned kae n kẽesd-b rabeem ye.
3 Tãb-biis naab a Zeova yeelame yaa: Tẽns sẽn gũbg ne lals pa na n le zĩnd Efrayim+ ye.
Rĩung me pa na n le zĩnd Damaas+ ye.
La Siiri neb nins sẽn na n kellã
na n lebga wa Israyɛll nebã* ziiri.”
4 “Baraare, a Zakoob ziirã na n boogame,
la a sẽn da nobã, a na n faagame.
5 Na n yɩɩ wa ned sẽn kẽebd kood pʋʋgẽ.
A na n kẽeba koodã zut ne a nugu,
wa ned sẽn yiisd kood Refayim longã+ pʋgẽ.
6 Ad Israyɛll Wẽnnaam a Zeova sẽn yeele:
Yaa biis bilf bal n na n kell yiisg yĩnga,
wa b sẽn pãbd oliiv tɩɩg to-to wã:
Oliiv tɩɩg bi-moaam a yiib wall a tãab bal n na n kell a will ning sẽn zãnt n yɩɩdã zugu, tɩ bãmb b naas wall b nu bal kell a wil nins sẽn tar biisã zutu.”+
7 Baraare, ninsaal na n baoo a Naandã sõngre, la a na n teega Israyɛll Sõng soabã.* 8 Yẽ pa na n teeg tẽn-kugã+ a sẽn maan ne nusã ye.+ A pa na n teeg bũmb nins a nug-biisã sẽn maanã, wall ra-lugsã b sẽn lugl n pʋʋsdẽ wã* bɩ wisd tẽn-kugã ye.
9 Baraare, tẽns nins sẽn gũbg ne lalsã na n lebga wa zĩig b sẽn daag n bas weoogẽ,+
la wa will b sẽn daag n bas Israyɛll nebã taoore.
A na n lebga zĩ-vɩʋʋgo.
10 Bala fo yĩma Wẽnnaam+ ning sẽn fãagd foomã yelle.
Fo pa tẽeg fo Pĩigã+ sẽn yaa fo pãng zĩigã yell ye.
Rẽ n so tɩ fo sel tɩ-neeba,
la f sel bu-zẽng* tɩ-tobeng b sʋka.
11 Ne wĩntoogo, fo wẽeda yãgr n gũbg fo tɩɩsã sõma,
la ne yibeoogo, fo kɩtdame tɩ f sẽn bʋdã buli.
La fo bãagã ne toogã sẽn pa tar tɩɩmã raare, fo pa na n wob baa fʋɩ ye.+
12 Kelg-y neb kʋʋng bʋrg rãamd
sẽn yaa wa mogr sẽn gudg rãamde!
Kelg-y buud toɛy-toɛyã kelems rãamd
sẽn yaa wa ko-rãmb sẽn tar pãng rãamde!
13 Buud toɛy-toɛyã na n maana bʋʋr wa ko-kãsems bʋrgo.
Wẽnnaam na n tãs-b lame tɩ b zoe n zãage,
wa sobg sẽn dɩk wudg tãens zutu,
la wa gõos sob-kẽeng sẽn dɩke.
14 Zaabr sã n ta, yaa rabeem.
La nand tɩ beoog vẽege, b pa le be ye.
Neb nins sẽn fãad tõndã pʋɩɩr la woto,
rẽ la neb nins sẽn zɛɛd tõndã pʋɩɩre.
18 Toog na paam tẽng ning b sẽn wʋmd bõn-yɩgdɩ pɩgs rãamd a pʋgẽ wã,
tẽng ning sẽn be Etiyopi+ kʋɩlsã soolmẽ wã!
2 A tʋmda neb tɩ b kẽnd mogrã zug
n pasgd koomã ne kogend sẽn maan ne rudma, n yetẽ yaa:
“Yãmb a koe-taasdb sẽn tʋʋle, kẽng-y
buud neb sẽn wogem tɩ b yĩnsã yaa saalg nengẽ,
nin-buiid b sẽn zoet zĩig zãnga,+
la buud sẽn tar pãng n tõogd zab nengẽ.
Kʋɩls koom n kãagd bãmb tẽngã tom n loogdẽ.”
3 Yãmb a soolmã fãa neba, la neb nins fãa sẽn be dũniyã zugã,
yãmb sẽn na n yã bũmb ningã na n yɩɩ wa tãb-kaoor sẽn zẽk tãensã zutu,
la y na n wʋma bʋrg sẽn wõnd baorg rãamde.
4 Bala a Zeova yeela maam yaa:
“Mam na n paa sɩɩ n get m zĩigã sẽn vigl sõma wã
wa walem ne wĩntoog vẽenem,
la wa meenem sẽn sigd tigsg wakat sẽn yaa tʋʋlgo.
5 Bala nand tɩ tigsgã ta,
tɩɩsã sã n wa ning puud n sa tɩ puudã lebg viyn biis sẽn mooge,
b na n yãgsa a wil-poalã ne sʋʋg b sẽn tar n yolemd viyn tɩɩse,
la b wõrs a tobendã n lobe.
6 B na n basa b fãa n kõ tãensã zut yɩbrendo,
la we-rũmsã sẽn be tẽngã zugã.
Yɩbrendã na n paa bãmb zut sigr wakate,
la we-rũmsã sẽn be tẽngã zugã fãa na n paa be tigsg wakate.
7 Wakat kãnga, b na n waa ne kũun n kõ tãb-biis naab a Zeova.
B na n yii ne kũunã buud neb sẽn wogem tɩ b yĩnsã yaa saalg nengẽ,
nin-buiid b sẽn zoet zĩig zãnga,
la buud sẽn tar pãng n tõogd zab
tɩ kʋɩls koom kãagd b tẽngã tom n loogdẽ nengẽ,
n wa zĩig ning b sẽn boond ne tãb-biis naab a Zeova yʋʋrã, rat n yeel tɩ Siyõ tãngã zugu.”+
19 Ad bʋ-kaoor koɛɛg b sẽn togs Ezɩpt+ wɛɛngẽ:
Ges-y-yã! A Zeova zomba sawadg sẽn zoet ne tʋʋlem n wat Ezɩpti.
2 “Mam na n kɩtame tɩ Ezɩpt nebã wẽneg n zab taaba.
Ned fãa na n zaba ne a to.
Ned kam fãa na n zaba ne a ba-biiga, la ne a yaka.
Tẽng na n zaba ne a tẽn-taaga, tɩ soolem zab ne soolem a to.
3 Ezɩpt nebã na n yirbame,
la mam na n zũndga b magbã.+
B na n teesa b wẽn-faadã
ne tɩt rãmbã nengẽ, neb nins sẽn gomd ne kɩɩms la bag-bʋgdbã nengẽ.+
4 Tãb-biis naab a Zeova sẽn yaa Zu-soab sɩd-sɩdã yeelame yaa:
Mam na n ninga Ezɩpt nebã na-toaag nugẽ, la rĩm sẽn yaa toaag n na n soog bãmba.”+
5 Mogrã koom na n kʋɩɩme,
tɩ kʋɩlgã koom me fõog n kʋɩ.+
6 Kʋɩlsã koom na n lebga yũugu.
Nill kʋɩlgã ko-soayã na n boogame n kʋɩ.
Tãnwĩisã ne mo-wogdã na n põogame.+
7 Tɩɩsã sẽn be Nill kʋɩlgã wogellã, Nill noorẽ wã,
la Nill kʋɩlgã wogellã zĩis nins fãa b sẽn bʋdã+ na n lebga koɛɛnga.+
Sobg n na n dɩk-b n looge, la b na n menema zãnga.
8 Zĩm-yõgdbã na n wilga b sũ-sãamse.
Neb nins sẽn lobd leoos Nill kʋɩlgã pʋgẽ wã na n yãb n wiisame,
la neb nins sẽn lobd b zĩm-gãmba koomã pʋgẽ wã sõor na n boogame.
10 Ezɩpt sʋn-wʋgdbã sũy na n sãama wʋsgo.
Neb nins fãa b sẽn dɩk tʋʋmã na n maana sũ-sãamse.
11 Zowan+ nanambsã yaa yalemba.
A Farawõ sagendb nins yam sẽn yɩɩd b taabã kõt-a-la sagls sẽn ka võore.+
Maana a wãn tɩ yãmb ned kam fãa yet a Farawõ yaa:
“Mam yaa sẽn tar-b yamã yagenga,
la kʋdem-wẽndẽ rĩm-dãmbã yagenga?”
12 Woto wã, fo yam dãmbã bee yɛ?+
Bãmb sã n mii bũmb ning tãb-biis naab a Zeova sẽn sɩf n na n maan Ezɩptã bɩ b togse.
13 Zowan nanambsã maana yalemdo.
Noof*+ nanambsã belga b mense.
Ezɩpt buud toɛy-toɛyã taoor dãmb kẽes-a-la moogo.
14 A Zeova kɩtame tɩ nen-yiling+ yõk Ezɩpt nebã.
La bãmb kẽesa Ezɩpt moog a sẽn maand fãa pʋgẽ,
wa rã-yũud sẽn kẽnd n lengd n tabd a wʋbdo.
15 Ezɩpt zugã wall a zʋʋrã, pa rẽ bɩ a tobeng wall a mo-wok*
pa na n tõog n le maan bũmb ye.
16 Baraare, Ezɩpt nebã na n lebga wa pagba: B na n yɛɛsame n digda, tãb-biis naab a Zeova sẽn zẽk a nug n na n zab ne bãmbã yĩnga.+ 17 Ezɩpt na n yɛɛsa Zida soolmã yĩnga. B sã n wʋm Zida kibare, rabeem na n yõk-b lame, bũmb ning tãb-biis naab a Zeova sẽn yãk yam n na n maan bãmbã yĩnga.+
18 Baraare, tẽns a nu n na n zĩnd Ezɩpt soolmẽ wã n gomd Kanaã+ nebã buud-gomde, la b sakd tãb-biis naab a Zeova ne b sũy fãa. B na n boonda tẽn-kãens a yembr tɩ Siigr tẽnga.
19 Baraare, b na n vigla tẽn-kugr Ezɩpt soolmã tẽn-sʋk a Zeova yĩnga, la b lugl ra-luk a toadgẽ wã a Zeova yĩnga. 20 A na n yɩɩ bãnd la kaset Ezɩpt soolmẽ wã tãb-biis naab a Zeova yĩnga. Bala bãmb na n kelmame n bao a Zeova sõngre, neb nins sẽn namsd bãmbã yĩnga. La Wẽnnaam na n tʋma fãagd sẽn yaa kãseng t’a fãag bãmba. 21 A Zeova na n kɩtame tɩ Ezɩpt nebã bãng-a, la Ezɩpt nebã na n bãnga a Zeova baraare. Bãmb na n maana maand la b kõ kũuni, n pʋlem a Zeova bũmbu, la b pids b pʋlengã. 22 A Zeova na n wẽe Ezɩpti,+ a na n wẽ-a lame la a sãoog-a. Ezɩpt nebã na n lebg n waa a Zeova nengẽ, la a na n kelga b kosgã n maag-ba.
23 Baraare, so-kõodr+ sẽn yit Ezɩpt n dabd Asiiri n na n zĩndi. Dẽ, Asiiri neb na n waa Ezɩpti, tɩ Ezɩpt neb me kẽng Asiiri, la Ezɩpt ne Asiiri nebã na n naaga taab n tũ Wẽnnaam. 24 Baraare, Israyɛll na n yɩɩ tãab-n-soab n naag Ezɩpt ne Asiiri,+ la a na n lebga bark dũniyã tẽn-sʋka. 25 Bala tãb-biis naab a Zeova na n ning-a-la bark n yeele: “Bɩ Ezɩpt sẽn yaa mam nin-buiidã paam barka, ne Asiiri sẽn yaa mam nug tʋʋmdã, la Israyɛll sẽn yaa m pʋɩɩrã.”+
20 Yʋʋmd ning Asiiri rĩm a Sargõ sẽn tʋm Tartannã* t’a kẽng Asdoodã,+ yẽ zaba ne Asdood n deeg-a.+ 2 Wakat kãnga, a Zeova goma ne a Amooz biig a Ezayi+ n yeel-a yaa: “Kẽng n sẽk botã sẽn be f sɛɛgẽ wã la f pidg f neooda wã.” La yẽ maana woto, n da kẽnd beelle, la na-zaala.
3 Rẽ poore, a Zeova yeelame: “Wa mam tʋm-tʋmd a Ezayi sẽn kẽn beell la nao-zaal yʋʋm a tã tɩ yɩ bãnd+ la bõn-makr Ezɩpt+ la Etiyopi+ yĩngã, 4 woto me, Asiiri rĩmã na n talla Ezɩpt+ ne Etiyopi neb nins b sẽn yõgã n kẽng yembdo, b kom-dibli la b nin-kẽemba. Bãmb na n kẽna bɛɛl la nao-zaal tɩ b kɛgbã be yɩnga, tɩ yɩ Ezɩpt yãnde. 5 Bãmb na n yɛɛsame, la Etiyopi, bãmb sẽn da teeg a soabã yãnd na n yõka bãmba. Ezɩpt b sẽn da wukd b mens a soab poorẽ* wã me yãnd na n yõka bãmba. 6 Baraare, soolem ning sẽn be mogrã noorã neb na n yeelame yaa: ‘Ges-y bũmb ning sẽn paam tõnd sẽn da teeg a soabã, tẽng ning tõnd sẽn da zoe n kẽng n tɩ kos sõngr la fãagr Asiiri rĩmã yĩngã! Tõnd na n maana a wãn n põs masã?’”
21 Ad bʋ-kaoor koɛɛg b sẽn togs mogrã we-raoogã* wɛɛngẽ:+
A wata wa sob-kẽeng sẽn pɩɩsd nug-goabgã,
a yita we-raoogẽ wã, tẽng sẽn kẽesd rabeem pʋgẽ n watẽ.+
2 B wilga maam vẽnegr sẽn kẽesd rabeem:
Zãmb soabã maanda zãmbo,
tɩ sãamdã sãamdẽ.
Elam, kẽnge! Medi,+ tilg sik n gũbgi!
Mam na n kɩtame tɩ sidgr ning fãa a sẽn wa ne wã sa.+
3 Rẽ n so tɩ mam maand yɩɩr wʋsgo.+
Mam virsda
wa pag sẽn dat n doge.
M sũurã sãama hal wʋsg tɩ m tʋbã pa tõe n wʋm ye.
Toogã kɩtame tɩ m ninã pa le neẽ ye.
4 Mam sũurã kiuusdame. Mam digda rabeem.
Mam sẽn da gũud zĩ-sobd ningã kɩtame tɩ m digda.
5 Rɩgl-y taable, la y maneg zaoosã!
Rɩ-y la y yũ!+
Yãmb a nanambsã, yik-y n zae-y gãongã kaam!
6 Bala a Zeova yeela maam yaa:
“Kẽng n tɩ kɩt tɩ gũud yals a zĩigẽ, n togs bũmb ning a sẽn ne wã.”
A maaga a yĩng n gese, a gesa ne gũusgu.
8 Dẽ, yẽ kelma wa gɩgemd n yeel yaa:
“Zeova, wakat fãa mam yasa gũusg gasgã zug daarã tõre,
la mam yasa m gũubã zĩigẽ yʋng fãa.+
9 Ges-y bũmb ning sẽn watã:
Rap n zao saar sẽn sog wed-moos n watẽ!”+
Dẽ, yẽ zẽka a koɛɛg n yeele:
“A lʋɩɩme! Babilon lʋɩɩme!+
B pãba a wẽnnaam-dãmbã bõn-naandsã fãa n sãeeg tẽnga!”+
10 Mam nin-buiid b sẽn pãb wa koodo,
mam togsa yãmb bũmb ning m sẽn wʋm tãb-biis naab a Zeova sẽn yaa Israyɛll Wẽnnaamã nengẽ wã.
11 Ad bʋ-kaoor koɛɛg b sẽn togs Duma* wɛɛngẽ:
Ned n be Seyɩɩr+ n zẽk a koɛɛg n gomd ne maam n sokdẽ:
“Gũuda! Yʋngã na n le kaoosa wakat a wãna?
Gũuda! Yʋngã na n le kaoosa wakat a wãna?”
12 Gũudã leokame yaa:
“Yibeoog watame, la yʋng me watame.
Y sã n dat n soke, bɩ y soke.
Lebg-y n wa-y-yã!”
13 Ad bʋ-kaoor koɛɛg b sẽn togs we-rasempʋɩɩgã sẽn yaa tẽn-nabrã wɛɛngẽ:
Dedan+ neb sẽn tong taab n togd sor ne rũmsi,
yʋngã, yãmb na n gãanda kãgrẽ wã, we-rasempʋɩɩgã sẽn be tẽn-nabrẽ wã.
14 Yãmb a Tema+ soolmã neba,
tall-y koom n wa kõ ko-yũud sẽn tar-b rãmbã,
la y zã rɩɩb n wa kõ sẽn zoet-b n na n põsã.
15 Bala bãmb zoee sʋʋsã taoore, sʋʋsã sẽn wõogã,
ne tãbdã sẽn yãagã, la zabrã wẽnem taoore.
16 Bala a Zeova yeela maam yaa: “Ka ne yʋʋmde, wa sẽn zems ned b sẽn dɩk tʋʋm sẽn sõt yʋʋm to-to wã, Kedaar+ ziirã fãa na n saame. 17 Kedaar tãb-biisã tãb-tãoodbã sẽn kellã na n yɩɩ bilfu. Bala yaa Israyɛll Wẽnnaam a Zeova n gome.”
22 Ad bʋ-kaoor koɛɛg Vẽnegr longã*+ wɛɛngẽ:
Bõe n tar foo? Maana wãn tɩ f nin-buiidã fãa rʋ rotã zutu?
2 Fo ra pida ne bʋrgo,
fo ra yaa tẽng sẽn pid ne neb wʋsg rãamde, la tẽng sẽn kɩdemde.
Fo neb nins sẽn ki wã pa sʋʋg n kʋ,
la pa zabr pʋgẽ me la b ki ye.+
3 Fo na-toosã fãa naaga taab n zoe.+
B yõg-b lame tɩ pa tũ ne tãp ye.
B yõga b sẽn paam b rãmbã fãa,+
baa ne b sẽn da zoe n zãagã.
4 Rẽ n kɩt tɩ mam yeele: “Wẽnemd-y y nens n da ges maam ye.
Bas-y maam tɩ m yãb ne m sũur fãa.+
Ra pẽdg-y n na n bels maam
mam nin-buiidã sãoong yĩng ye.+
5 Bala yaa zũnd-zãnde, lʋɩɩs la pelen-yɩk raar+
tãb-biis naab a Zeova sẽn yaa Zu-soab sẽn ka to wã sẽn na n wa ne
Vẽnegr longã pʋgẽ.
B na n luba lalgã,+
la kɛleng n na n zẽk n ta tãngã.
7 Fo lond* nins sẽn yaa sõma n yɩɩdã
na n pida ne zabr saar-dãmba,
la wed-rʋʋdbã na n yalsa tẽngã rignoor n dat n zab ne-fo.
8 B na n yãka bũmb ning sẽn kogend Zida wã.
“Baraare, yãmb na n wẽnemd n gesa zab-teed bĩngr zĩigã sẽn be Libã tɩɩs roogẽ wã,+ 9 la yãmb na n yãa a Davɩɩd tẽngã+ lals sẽn wur zĩis wʋsgo. Yãmb na n koka koom tẽngr bãkã pʋgẽ.+ 10 Yãmb na n sõda Zerizalɛm dotã, la y tus rotã n lub n na n paas lalsã pãnga. 11 Yãmb na n manega zĩig lals a yiibã sʋk n kok bãg-kʋdrã koom, la y pa na n tags a Naand-kãsengã yelle, la y pa na n yã Soab ning sẽn da naan-a hal sẽn kaoosã ye.
12 Baraare, tãb-biis naab a Zeova sẽn yaa Zu-soab sẽn ka to wã
na n yeelame tɩ b yãb la b wiisi,+
tɩ b põng b zut la b yeelg boto.
13 La ade! B na n maana tigr la b kɩdem sũ-noogo,
b na n kʋʋ niis la b kood piisi,
b na n wãba nemd la b yũ divẽ.+
Yãmb na n yeelame yaa: ‘Bɩ d rɩ la d yũ, tɩ bala beoogo d na n kiime.’”+
14 Dẽ poore, tãb-biis naab a Zeova yeela maam yaa: “‘Yãmb pa na n tol n paam sugr y beeg-kãngã yĩng n tãag y kũum ye.’+ Yaa tãb-biis naab a Zeova sẽn yaa Zu-soab sẽn ka to wã n yeele.”
15 Ad tãb-biis naab a Zeova sẽn yaa Zu-soab sẽn ka to wã sẽn yeele: “Kẽng a Sebna+ sẽn yaa yel-gɛtã nengẽ, ned ning sẽn get na-yirã yellã nengẽ n tɩ yeel-a yaa. 16 ‘Fo bõe n be ka, la fo kĩi ne ãnda ka n tu f yaoog ka?’ A tuuda a yaoog zĩ-zãntgẽ. A peesa pĩig n maan a vʋʋsg zĩiga. 17 ‘Gese, raoa! A Zeova na n loba foo tẽng ne pãnga, n sog-f kãn-kãe. 18 Hakɩɩka, a na n gila foo sõma n lobg-f wa b sẽn lobg kutungiling tẽn-yalengẽ. Be la fo na n ki, la be la fo saar-dãmbã sẽn tar ziirã na n pa, n yɩ f zu-soabã zak yãnde. 19 Mam na n sika foo f naamẽ wã, la m na n yiis-f-la f tʋʋmdẽ wã.
20 “‘Baraare, mam na n boola m tʋm-tʋmd a Eliyakim+ sẽn yaa a Hilkiya biigã, 21 la mam na n yeelg-a-la fo kasaabã, n sẽbg-a ne fo sẽbdgã sõma,+ la m deeg naamã fo nugẽ n kõ-a. A na n lebga Zerizalɛm nebã ne a Zida roogã rãmb ba. 22 La mam na n dɩka a Davɩɩd roogã rãmb kʋɩlen-biig+ n yagl a bãokẽ. A na n pakame tɩ ned pa tõog n page, la a na n pagame tɩ ned pa tõog n pak ye. 23 Mam na n ka-a-la wa baaf zĩ-kɛgengẽ, la a na n lebga wa geer sẽn tar ziir a ba wã roog rãmb yĩnga. 24 B na n yagla a ba wã roog rãmb ziirã fãa yẽ zugu, yagensã la kambã,* te-bõonesã fãa, ne teed nins sẽn wõnd laasã, la rʋg-bɛdã fãa.
25 “Tãb-biis naab a Zeova yeelame: ‘Baraare, b na n feooga baaf ning b sẽn da ka zĩ-kɛgengẽ wã.+ B na n kɛɛg-a lame t’a lʋɩ, la zɩɩb ning sẽn da yag a zugã na n lʋɩɩme n sãame. Bala yaa a Zeova meng n yeele.’”
23 Ad bʋ-kaoor koɛɛg b sẽn togs Tɩɩr+ wɛɛngẽ:
Tarsiis+ koom-kogendo, wiis-y-yã!
Bala b sãama koom-kogendã yalsg zĩigã. Ned pa le tõe n kẽ be ye.
Yaa Kitim+ soolmẽ wã la b vẽneg bõn-kãng n togs-ba.
2 Mogrã noor soolmã neba, sĩnd-y-yã!
Sɩdõ+ toandbã sẽn dʋʋgd mogrã pidsa foom ne arzɛka.
ne Nill kʋɩlgã kood sẽn yaa Tɩɩr paoongã n dʋʋg ko-kãsemse.
A paoongã ra nafda buud toɛy-toɛya.+
4 Sɩdõ, fo sẽn yaa tẽng sẽn be Mogrã zug n tar pãng wʋsgã, bɩ f paam yãnde!
Bala mogrã yeelame:
“Mam pa paam dogem toogo, la m pa rog kamb ye.
M pa wub kom-dibli la kom-pugli me ye.”+
6 Yãmb a mogrã noor soolmã neba, wiis-y-yã!
Rʋʋg-y n kẽng-y Tarsiisi!
7 Fo tẽng ning sẽn da kɩdemd sũ-noog hal sẽn kaoose, hal a sɩngr wakatã la woto bɩ?
A naoã ra tar-a lame n dabd zĩ-zãrsẽ t’a na n tɩ tilgi.
8 Ãnd n yãk yam n na n maan Tɩɩr bõn-kãngã?
Yẽ ra pʋɩta maanf-rãmba,
t’a toandbã ra yaa nanambse,
tɩ b ra waoogd a lɛɛbdbã dũniyã fãa zugu.+
9 Yaa tãb-biis naab a Zeova n yãk yam n na n maan woto,
n na n kɩt t’a sẽn da wukd a meng a neermã yĩngã sa,
la a ning b sẽn da waoogd b rãmb fãa dũniyã gill zugã yãnde.+
10 Tarsiis bi-pugla,* pɩʋʋg f tẽngã wa Nill kʋɩlgã.
Koom-kogend zĩig pa le be ye.+
11 Wẽnnaam tẽega a nug mogrã zugu.
A rigimda soolem toɛy-toɛya.
A Zeova kõo noor tɩ b menes Fenisi pãng zĩisã.+
Yik n pɩʋʋg n kẽng Kitim.+
La baa beenẽ, fo pa na n paam bãan ye.”
13 Ges-y Kalde nebã!+
Yaa nin-kãensã, la pa Asiiri+ nebã ye.
Bãmb kɩtame t’a lebg we-rasempʋɩɩgã rũms zĩiga.
14 Tarsiis koom-kogendo, wiis-y-yã!
Bala b sãama yãmb pãng zĩigã.+
15 Baraare, b na n yĩma Tɩɩr yell yʋʋm pis-yopoe,+ wa rĩm yõor woglem. Yʋʋm pis-yopoe wã poore, bũmb ning sẽn paam pʋg-yoodrã tɩ b gom a yell yɩɩll pʋgẽ wã n na n paam Tɩɩre:
16 “Pʋg-yoodr b sẽn yĩm f yelle, rɩk pɛndg n gilg tẽngã.
Wẽ pɛndgã neere,
n yɩɩl yɩɩl wʋsgo,
sẽn na yɩl tɩ b tẽeg f yelle.”
17 Yʋʋm pis-yopoe wã poore, a Zeova na n gesa Tɩɩr yelle, t’a le paam a yaoodã n koos a meng ne dũniyã soolem toɛy-toɛyã zĩig fãa. 18 La a yõodã ne a yaoodã na n lebga bũmb sẽn yaa sõng a Zeova nifẽ. B pa na n tigs-a, bɩ n bĩng-a ye. Bala a yaoodã na n yɩɩ neb nins sẽn be a Zeova taoorã rẽnda, sẽn na yɩl tɩ b rɩ n tɩge, la b ning fu-neeba.+
24 Ade! A Zeova na n kɩtame tɩ soolmã lebg vɩʋʋgo, a na n kɩtame t’a lebg raboogo.+
A na n zũndg-a lame+ la a sãeeg a nebã.+
2 Bõn-yɛngã n na n paam b ned kam fãa:
Nin-zaalg la maan-kʋʋda,
tʋm-tʋmd ne a zu-soaba,
tʋm-tʋmd-poak ne a zu-soben-poaka,
sẽn daad-a ne sẽn koaasd-a,
sẽn pɛngd-a ne ned ning a sẽn pengde,
sẽn kõt-a samd ne a sam-soaba.+
4 Tẽngã bee sũ-sãang pʋgẽ,*+ a sãamdame n dabda.
Tẽngã zelgdame, a pãngã satame.
A nin-kãsemsã pãng satame.
5 Tẽngã nebã wẽneg n rẽgem-a lame,+
bala bãmb maana b toor kae ne tõodã,+
b toeema noorã,+
la b sãam kaoolã sẽn paad wakat fãa wã.+
6 Rẽ n so tɩ kãab-wẽng sãamd soolmã,+
t’a nin-buiidã tar taale.
Yaa rẽ yĩng la tẽngã nebã sẽn booge,
tɩ yaa neb bilf bal n kellã.+
8 B pa le wʋmd bembendã* sẽn wẽed tɩ noomẽ wã rãamd ye.
Sẽn da kɩdemd-bã bʋʋr saame.
B pa le wʋmd pɛndgã sẽn wẽed tɩ noomẽ wã rãamd me ye.+
9 Bãmb pa le yũud divẽ la b yɩɩndẽ ye.
Rãam noor lebga toog ne rã-yũudbã.
10 Tẽngã sẽn yaa vɩʋʋgã sãamame.+
Rotã fãa pagame tɩ ned pa le tõe n kẽ ye.
11 Nebã yãbda soayã zut n baood divẽ.
Kɩdengã saa fasɩ.
Tẽngã neb sũ-noogã saame.+
12 Tẽngã lebga raboogo.
B pãba tẽngã rignoor n wã t’a lebg tãn-dʋre.+
13 Ad yɛlã sẽn na n yɩ to-to soolmã pʋgẽ, buud toɛy-toɛyã sʋka:
14 Bãmb na n zẽka b koeese,
b na n kaasa sũ-noogo.
Bãmb na n moona a Zeova ziirã hal nin-taoore.*+
15 Rẽ n so tɩ b na n pẽg a Zeova wĩndg sẽn pukdẽ wã.*+
Bãmb na n waooga Israyɛll Wẽnnaam a Zeova yʋʋrã mogrã ko-sʋk tẽnsã pʋsẽ.+
16 Tõnd wʋmda yɩɩl sẽn yit dũniyã kɩrems n yetẽ yaa:
“Bɩ Tɩrlem soabã paam pẽgre!”+
La mam yetame yaa: “Mam pãngã satame, mam pãngã satame!
Toog na paam maam! Zãmb dãmbã maana zãmbo.
Ne zãmbo, bãmb maana zãmbo.”+
17 Tẽngã nin-buiidu, pelen-yɩk ne bogd la bẽds n gũud yãmba.+
18 Ned ning sẽn zoet bũmb sẽn yɩkd pɛleng rãamd yĩng na n lʋɩɩ bokã pʋgẽ,
la ned ning sẽn yit bokã pʋgẽ, bẽdg n na n yõk-a.+
Bala saasẽ koomã kʋɩlens na n pagsame,
la soolmã yẽbgr na n digimdame.
20 Tẽngã langda wa ned sẽn yũ rãam n su,
a miimda wa sobg sẽn lengd sẽoko.
A kongrã lebga zɩsg a zugu.+
A na n lʋɩɩme, n pa le yik ye.
21 Baraare, a Zeova na n gesa tãb-biisã sẽn be hal yĩngrã,
ne dũniyã rĩm-dãmb sẽn be tẽngã zugã yelle.
22 B na n tigma bãmb
wa b sẽn tigimd bi-bees bok pʋgẽ.
B na n paga bãmb bi-bees roogẽ.
La rasem wʋsg poore, b na n gesa b yelle.*
23 Tãb-biis naab a Zeova lebga Rĩm+ Siyõ tãngã zugu,+ la Zerizalɛm.
A na n dɩɩ a naamã ne ziir a nin-buiidã kãsem-dãmbã taoore.+
La a naamã ziir yĩnga, baa kiuugã sẽn peelã na n yɩɩ lika,
tɩ wĩntoogã sẽn yãgdã lebg libsgu.+
25 Zeova, yãmb yaa mam Wẽnnaam.
Mam kilsda yãmba, la m pẽgd yãmb yʋʋrã,
bala yãmb maana bõn-kãsemse,+
bõn-kãsems yãmb sẽn yãk yam n na n maan hal pĩnd wẽndẽ,+
ne pʋ-peelem la ne kɩs-sɩda.+
2 Bala yãmb kɩtame tɩ tẽng lebg kug-rʋre.
Y kɩtame tɩ tẽng sẽn da tar pãng lebg raboogo.
Sãambã pãng zĩigã pa le yaa tẽng ye.
B pa na n tol n leb n me-a ye.
3 Rẽ n so tɩ nin-buiid sẽn tar pãng na n waoog yãmba.
Tẽng ning sẽn yaa buud toɛy-toɛy neb sẽn yaa nin-toos tẽngã na n zoee yãmba.+
4 Yãmb lebga soondg zĩig nimbãan-ned yĩnga,
zĩig naong soab sẽn tõe n solg a yel-pakr wakate,+
zĩ-soalgdg sa-kẽeng wakate,
la maasem tʋʋlg wakate.+
Nin-toosã vʋʋsem sã n wa fugd wa sa-kẽeng sẽn pãbd lalga,
5 la wa walem zĩ-koɛɛngẽ,
yãmb kɩtdame tɩ sãambã bʋʋr sa.
Nin-toosã yɩɩl yalsa
wa sawat maasem sẽn kɩt tɩ tʋʋlg sa.
6 Tãb-biis naab a Zeova na n maana tigr tãn-kãngã+ zug buud toɛy-toɛyã neb fãa yĩnga.
Yaa tigr dɩ-nood sẽn na n zĩndi.+
Na n yɩɩ tigr divẽ-noog sẽn na n zĩndi,
ne rɩ-nood sẽn pid ne nemd sõma,*
la divẽ-noog b sẽn yoog sõma.
7 Yaa tãn-kãngã zug la a na n sãam* peend ning sẽn lud buud toɛy-toɛyã fãa nebã,
la fu-wʋgdg ning b sẽn wʋg soolem toɛy-toɛyã fãa neb zugã.
Yẽ na n doka a nin-buiidã yãnd dũniyã gill zugu.
Yaa a Zeova meng n yeele.
9 Baraare, nebã na n yeelame yaa:
“Ges-y-yã! Yaa tõnd Wẽnnaamã la woto!+
Yaa a Zeova la woto!
Tõnd teega yẽnda.
Bɩ d maan sũ-noog la d kɩdem a fãagrã yĩnga.”+
10 Bala a Zeova nugã na n zĩnda tãn-kãngã zugu,+
la a na n taba Mowaab a zĩigẽ wã+
wa b sẽn tabd mood birg b sẽn sam pʋgẽ.
11 Yẽ na n tẽega a nug n wẽ Mowaabe,
wa ko-rugd sẽn tẽeg a nus n gaad koom to-to wã.
Ne a sẽn tʋmd ne a nusã ne minim to-to wã,
a na n kɩtame tɩ Mowaab tɩtaamã sa.+
12 Yẽ na n luba tẽngã sẽn tar pãngã
ne a lal-zãntsã sẽn da kogend-a wã.
A na n sirg-a lame t’a ta tẽnga, hal tomã pʋgẽ.
26 Baraare, b na n yɩɩla yɩɩn-kãngã+ Zida soolmã pʋgẽ:+
“Tõnd tara tẽng sẽn tar pãnga.+
A* kɩtame t’a fãagrã yaa wa lalsã la bũmb nins sẽn kogend-a wã.+
3 Yãmb na n kogla neb nins sẽn dell yãmb zãng-zãngã.
Yãmb na n kɩtame tɩ b paam bãan wakat fãa,+
bala yaa yãmb la bãmb teeg-yã.+
5 Bala a sika neb nins sẽn da be zĩ-zãntgẽ wã, tẽng ning sẽn zẽkã.
A fabg-a tẽng ning sẽn zẽkã.
A fabg-a-la tẽnga.
A kɩtame t’a ta tomẽ.
6 B na n tab-a-la ne nao.
Nimbãan-nebã na n tab-a-la ne b nao, naong rãmbã na n tab-a lame.”
Yãmb sẽn yaa tɩrlem soabã yĩnga,
y na n kõoga nin-tɩrg sore.
8 Zeova tõnd teega yãmba,
n tũud y tɩrlem sorã.
Tõnd nanda yãmb yʋʋrã, n dat ne d sũur fãa tɩ b tẽeg a yelle.
9 Yʋngo, mam baooda yãmb ne m sũur fãa.*
N-ye, mam sũurã pʋgẽ, m data yãmb wakat fãa.+
Yãmb sã n kaood dũniyã neb bʋʋdo,
tẽngã neb bãngda tɩrlem sẽn yaa a soaba.+
11 Zeova, yãmb nugã zẽkame la b pa ne ye.+
Bãmb na n yãa yẽesem ning y sẽn tar y nin-buiidã yĩngã hal tɩ yãnd yõk-ba.
N-ye! Yãmb bugmã na n dɩɩ y bɛɛbã.
12 Zeova, yãmb na n kɩtame tɩ d paam bãane.+
Bala bũmb nins fãa tõnd sẽn tõog n maanã
yaa yãmb n maan n kõ-do.
13 Zeova tõnd Wẽnnaam, yãmb sẽn yãk y toogo, zu-soben-dãmb a taab n soog tõndo,+
la yaa yãmb yʋʋrã bal la tõnd pʋta.+
14 Bãmb kiime. B pa na n le vɩɩmd ye.
Bãmb kiime n pa le tõe n maan bũmb ye. B pa na n le yik ye.+
Bala yãmb sɩbg-b lame, y sãam-b lame,
tɩ nebã pa na n le tẽeg b yell ye.
yãmb yalga soolmã todsã fãa hal wʋsgo.+
16 Zeova, bãmb toogã wakate, b baoo yãmb sõngre.
Yãmb sẽn kibl-bã, b pʋʋsa yãmb tẽngr-tẽngr ne b sũur fãa.+
18 Tõnd dɩka pʋga, tõnd da kʋmda rogem.
La yaa wa tõnd doga sobgo.
Tõnd pa kɩt tɩ soolmã paam fãagr ye.
Ned sẽn na n zĩnd soolmã pʋgẽ pa rog ye.
19 “Fo neb nins sẽn ki wã na n vɩɩmdame.
Mam kũ-rãmbã na n yikame.+
Yãmb a neb nins sẽn be tomẽ wã,+
nek-y n kaas-y sũ-noogo!
Bala fo meenemã yaa wa yibeoog meenem,*
la tẽngã na n basa neb nins sẽn ki n pa le tõe n maan bũmbã tɩ b le vɩɩmde.
Solg-y wakat bilfu,
hal tɩ sũ-puugrã looge.+
21 Ade! A Zeova yii a zĩigẽ wã n watẽ,
n na n sok tẽngã neb b beegrã yĩnga.
Tẽngã na n puka zɩɩm ning b sẽn daag a pʋgẽ wã,
la a pa na n le solg neb nins b sẽn kʋ wã ye.”
27 Baraare, a Zeova na n dɩka a sʋ-kẽengã sẽn tar pãng n dɩt sõma wã,+
n ges Leviatã* wã sẽn yaa waaf sẽn tʋʋlã* yelle,
n-ye, Leviatã wã sẽn yaa waaf ning sẽn kẽnd gõnem-gõnemã.
La a na n kʋʋ bõn-bãndã sẽn be mogrã pʋgẽ wã.
2 Baraare, pʋd-y yɩɩn-kãngã a* yĩnga:
“Viyn pʋʋg sẽn kõt divẽ sẽn kʋme!+
3 Maam a Zeova kogend-a lame.+
Mam zãgsd-a-la koom wakat fãa.+
Mam kogend-a-la wĩntoog ne yʋngo,
sẽn na yɩl tɩ ned ra maan-a bũmb ye.+
Ãnd n na n zab ne maam ne gõos tuud la moodo?
Mam na n tab-b lame, n yõog-b fãa bugum.
5 Sã n pa rẽ, bɩ a wa solg mam zĩ-soalgdgẽ wã n paam koglgo.
Bɩ a bao laafɩ ne maam.
A bao laafɩ ne maam.”
6 Wakat sẽn wate, a Zakoob na n kɩɩ yẽga,
a Israyɛll na n ninga puud la a tobe,+
la bãmb na n woma biis n pids soolmã.+
7 B segd n wẽe yẽ wa ned ning sẽn pãbd yẽ wã bɩ?
Bɩ b segd n kʋʋ yẽ wa neb nins a sẽn kʋ wã?
8 Yãmb na n kelma ne pãnga, n zab ne-a n dig-a.
Yaang sobgã daare, yãmb na n fʋʋs-a-la ne y vʋʋsmã sẽn tar pãngã n dig-a n yiisi.+
9 Woto, b na n luda a Zakoob kongrã.+
B sã n wa yiis a yel-wẽndã, ad bũmb ning sẽn na n yɩ:
A na n kɩtame tɩ tẽn-kugrã kugã fãa
lebg wa goor b sẽn wer zom,
la ra-lugsã b sẽn lugl n pʋʋsdẽ wã,* bɩ wisd tẽn-kugr baa a yembr pa na n pa ye.+
10 Bala tẽng ning sẽn gũbg ne lalsã na n lebga vɩʋʋgo.
B na n daaga rũms wãbneg zĩisã n bas tɩ b lebg wa we-raoogo.+
Nag-bil na n wãba yamd be, la a gãand beenẽ.
A na n wãba tɩɩsã wil fãa.+
11 Wil-poalã sã n kʋɩ,
pagb na n kao-b lame
n tugl bugum.
Bala bu-kãngã nebã ka yam ye.+
Rẽ n so tɩ Soab ning sẽn naan bãmbã pa na n zoe bãmb nimbãaneg ye.
Sẽn yag-a bãmbã pa na n maan-b lohorem ye.+
12 Israyɛll neba! Baraare, a Zeova na n woba biisã sẽn sɩng ne Kʋɩlgã* sẽn zoetã n tãag Ezɩpt kosoogã,*+ la b na n tigsa yãmb yembr-yembre.+ 13 Baraare, b na n peeba baor-kẽenga,+ la neb nins sẽn be Asiiri+ soolmẽ wã n dat n ki wã, n paas neb nins sẽn sãeeg Ezɩpt soolmẽ wã+ na n wa wõgemda a Zeova taoor tãn-sõngẽ wã Zerizalɛm.+
28 Toog na paam Efrayim+ rã-yũud-kãasã wilg-m-meng maanfã,*
n paas a neermã ziir tɩ-puud sẽn zelgde,
n be divẽ wã sẽn tõog b rãmbã long sẽn sakd koodã zugẽ wã!
2 Ges-y-yã! A Zeova na n tʋma gãndaoog sẽn tar pãnga.
A na n waa wa sapɩlem sẽn dʋʋgd ne pãnga, wa sob-kẽeng sẽn wat ne sãanga,
la wa sa-kẽeng sẽn kiigdi,
n leeb-a n lub tẽng ne pãnga.
3 B na n taba Efrayim rã-yũud-kãasã
wilg-m-meng maanf-rãmbã ne nao.+
4 A neermã ziir tɩ-puud sẽn zelgde,
n be long sẽn sakd koodã zugẽ wã
na n lebga wa kankam-dẽemse, kankamã bɩʋʋng wakat sɩngrẽ.
Ned sã n yã-a, a sã n ta a nugẽ bala, a vond-a lame.
5 Baraare, tãb-biis naab a Zeova na n lebga maanf sẽn tar ziiri, la zug nag-teoog sẽn yaa neere, a nin-buiidã sẽn kellã yĩnga.+ 6 A na n kɩtame tɩ bʋ-kaoodbã kaood bʋʋd tɩrga, la a na n yɩɩ pãng yẽgr me, neb nins sẽn zabd ne bɛɛbã tẽngã noorã yĩnga.+
7 Nin-kãensã kẽeda moog divẽ wã yĩnga.
B rãamã kɩtame tɩ b langdẽ.
Maan-kʋʋdbã la no-rɛɛsdbã kẽeda moog b rãamã yĩnga.
Divẽ wã yilimda b nense,
tɩ b langd b rãamã yĩnga.
Vẽnegr ning b sẽn paamdã kɩtame tɩ b kẽed moogo,
la b pa tõe n kao bʋʋd tɩrg me ye.+
8 Bãmb taabl-dãmbã pida ne wʋbdo,
tɩ zĩigã fãa yaa wʋbdo.
9 Ãnd dãmb la b na n kõ bãngre,
la ãnd dãmb la b na n bilg koɛɛgã võore?
Yaa sẽn nan bas-b bĩismã bɩ?
B rãmb nins b sẽn nan yãk bĩisrẽ wã bɩ?
11 Woto yĩnga, a na n tũnuga ne neb sẽn gomd n bidimdẽ la ne bu-zẽng goam n gom ne bu-kãngã nebã.+ 12 A ra yeel-b lame yaa: “Ad vʋʋsg zĩiga. Bɩ ned ning sẽn yɛ vʋʋse. Zĩ-kãngã yaa yolsg zĩiga.” La bãmb zãgsame tɩ b kõn kelg ye.+ 13 Woto yĩnga, ad koɛɛg ning a Zeova sẽn na n taas bãmba:
14 Rẽ wã, pẽg-m-mens rãmbã,
yãmb a nin-buiidã nanambs sẽn be Zerizalɛmmã, kelg-y-yã a Zeova koɛɛga.
15 Bala yãmb yetame yaa:
Sa-kẽengã koom sã n wa fõta,
a pa na n ta tõnd ye.
Bala tõnd dɩka ziri tɩ yaa d solgr zĩiga,
la tõnd solga d mens zirẽ-beed pʋgẽ.”+
16 Dẽ wã, ad Zu-soab sẽn ka to a Zeova sẽn yeele:
“Mam dɩgenda kugr b sẽn mak*+ Siyõ tɩ yaa yẽbgre,
gõdrã zĩigẽ kugr sẽn tar yõod+ b sẽn tall n maan yẽbgr tɩ yaa kãn-kãe.+
Ned ning fãa sẽn tar tẽeb kõn dig rabeem ye.+
La sapɩlem na n kãaga zirẽ-beed zĩ-soalgdgã n looge.
Sa-kẽengã koom na n lima solgr zĩigã.
18 Kaool ning yãmb sẽn maan ne kũumã na n sãamame,
Sa-kẽengã koom sã n wa fõta,
a na n sãam-y lame.
19 Sẽn yaa wakat ning fãa la a loogda,
a na n kãag-y lame n looge,+
bala a na n pɩʋʋgda yibeoog fãa,
wĩntoog la yʋngo.
Yaa pelen-yɩk bal n na n kɩt tɩ b bãng koɛɛg ning bãmb sẽn da wʋmã võore.”*
20 Bala gãagã yaa koɛɛg wʋsg tɩ ned pa tõe n tẽeg a meng a zug ye.
La fu-goabgã yaa bilf wʋsgo, n pa sekd pilb ye.
21 A Zeova na n maana wa a sẽn maan Perazim tãngẽ wã.
A na n yika wa a sẽn da yik to-to long ning sẽn pẽ Gabawõ+ wã pʋgẽ,
sẽn na yɩl n maan bũmb sẽn yaa bõn-sãanga,
la a tʋm a tʋʋmdã, tʋʋmd sẽn pa wõnd a taaba.+
22 Masã, bɩ y ra la+
tɩ b wa maneg n sẽbg-y kãn-kãe ye.
Bala mam wʋmame tɩ tãb-biis naab a Zeova sẽn yaa Zu-soab sẽn ka to wã
23 Kɩll-y y tʋbr n kelg m koɛɛgã.
Maag-y y mens n kelg m sẽn yetã.
24 Ka-koaad warda zĩigã daarã tõr n pa bʋtẽ la?
A tara zĩigã gudgr n bẽesdẽ n pa basdẽ bɩ?+
25 A sã n maneg n sarem zĩigã,
a pa fẽrgd kumẽ-sablga, n bʋd kumẽ,
bɩle, kazʋy la orz* b zĩisẽ,
la a bʋd bɩle buud a to+ a todsã zug n gilg sɩda?
27 Bala b pa tabd kumẽ-sablg ne zɛɛg ra-vuuds ye.+
B pa tabd kumẽ ne bilim-bilim nao ye.
Yaa ne rasaar la b pãbd kumẽ-sablga,
la b pãbd kumẽ ne ra-bãande.
28 Rẽ yĩnga, ned sã n pãbd koodo, a bʋkd-a-la wa a na n tall n maana bur sɩda?
29 Woto fãa yita tãb-biis naab a Zeova nengẽ,
soab ning raab* sẽn yaa sõma hal wʋsgo,
29 “Toog na paam Ariyɛlle,* Ariyɛll sẽn yaa tẽng ning a Davɩɩd sẽn da tɩ tilg a tãb-sikã!+
Yʋʋmd ne a to fãa,
ket-y n maand-y tig toɛy-toɛyã fãa.+
2 La mam na n waa ne toog Ariyɛlle.+
Na n yɩɩ sũ-sãang ne wiisgu.+
Ne maam, a na n lebga wa Wẽnnaam tẽn-kugr bug-toaalga.+
3 Mam na n tilga sik n gũbg foom, n zab ne-fo.
Mam na n tilga yãgr n gũbg foom,
la m zam tãnd n dʋ n zab ne foom.+
4 B na n sika foom tẽnga.
Fo na n paa tẽngã n gome,
la tomã na n kɩtame tɩ b pa wʋmd fo sẽn yetã ye.
Fo koɛɛgã rãamd na n yita tẽngr+
wa ned sẽn gomd ne kɩɩms koɛɛga,
la fo goamã na n yɩɩ wa ned sẽn walemd tomẽ.
5 Fo bɛɛbã* sẽn yaa neb kʋʋngã na n yɩɩ wa tom-bãanega.+
Nin-toosã sẽn yaa neb kʋʋngã na n yɩɩ wa wudg sobg sẽn dɩkde.+
Na n yɩɩ zĩig pʋgẽ, tao-tao.+
6 Tãb-biis naab a Zeova na n gesa fo yell n fãag foo.
Na n yɩɩ ne sa-tãs la tẽn-digimdg la bʋr-kãsenga,
n paas sob-kẽeng ne sa-kẽeng la bug-witim sẽn dɩte.”+
7 Dẽ, buud toɛy-toɛyã fãa neb kʋʋngã sẽn zabd ne Ariyɛllã,+
b rãmb nins fãa sẽn zabd ne-a wã,
gasdã b sẽn maan n zabd ne-a wã,
la b rãmb nins sẽn wat ne toog a zugã
na n lebga wa zãmsdo, wa ned sẽn paam vẽnegr ne yʋngo.
8 Na n yɩɩ wa kom sẽn tar ned t’a gõe n zãmsdẽ t’a rɩtame,
n yaool n nek t’a pʋg yaa vɩʋʋgo,
la wa ko-yũud sẽn tar ned t’a gõe n zãmsdẽ t’a yũuda koom,
n yaool n nek tɩ yaams la ko-yũud tar-a.
Woto n na n paam buud toɛy-toɛyã fãa neb kʋʋngã
sẽn zabd ne Siyõ tãngã.+
Bãmb suume, la pa divẽ yĩng ye.
B langdame, la pa rãam yĩng ye.
10 Bala a Zeova kɩtame tɩ y lebg wa neb sẽn gõe tamm.+
A muma yãmb ninã, rat n yeel tɩ y no-rɛɛsdbã.+
La a pil y zutã, rat n yeel tɩ y bãngdbã.+
11 Ne yãmba, vẽnegr fãa lebga wa goam sẽn be sebr sẽn sog pʋgẽ.+ B sã n dɩk-a n kõ ned sẽn tõe n karme, n kos-a t’a zẽk a koɛɛg n karme, a na n yeelame yaa: “Mam pa tõe ye. Bala b sog-a lame.” 12 La b sã n dɩk sebrã n kõ ned sẽn pa mi kareng n kos-a t’a karme, a na n leokame yaa: “Mam pa mi kareng baa bilf ye.”
13 A Zeova yeelame yaa: “Bu-kãngã nebã kolgda maam ne noore,
n waoogd maam ne b no-bɩmse,+
la b sũyã zãra ne maam.
Bãmb sẽn zoet maamã tika ninsaalb tõod b sẽn zãms-ba.+
14 Woto wã, mam yaa soab ning sẽn na n le maan bõn-kãsems n ling nin-kãensa wã.+
Na n yɩɩ yel-solemd woo yel-solemde.
Bãmb yam dãmbã yam na n sãamame,
la b bãngdbã bãngr na n menemame.”+
15 Toog na paam neb nins sẽn maand b sẽn tõe fãa n na n solg a Zeova b magbã.+
B tʋmda b tʋʋmã lik pʋgẽ,
la b yetẽ yaa: “Ãnd n ne tõndo?
Ãnd n mi tõnd sẽn maandã?”+
16 Yãmb golemda bũmba fãa!
Yagdã ne tãndã yaa a yembr sɩda?+
Rẽ yĩnga, bũmb ning b sẽn maanã tõe n yeelame
tɩ sẽn maan-a yẽ wã pa maan-a sɩda?+
Bũmb ning b sẽn yagã tõe n yeelame
t’a yagdã pa tar bãngr sɩda?+
19 Sik-m-mens rãmbã na n kɩdma sũ-noog wʋsg a Zeova yĩnga.
Naong rãmbã na n maana sũ-noog Israyɛll Sõng soabã yĩnga.+
20 Bala nin-toaagã pa na n le zĩnd ye.
Wuk-m-meng soabã na n menemame.
B na n sãama neb nins sẽn baood n na n maan wẽngã.+
21 Yaa b rãmb nins sẽn yagd ziri tɩ b taab paamd taale,
n bẽt ned ning sẽn gomd bʋ-kaoodb taoor n dat a yell manegr tẽngã rignoore,+
la b gomd gom-vɩɩd n kɩtdẽ tɩ nin-tɩrg kongd bʋʋmã.+
22 Woto yĩnga, ad a Zeova sẽn fãag a Abrahaamã+ sẽn yet a Zakoob roogã rãmba:
23 Bala a sã n wa yã a kambã
sẽn yaa mam nus tʋʋmã sẽn be a sʋkã,+
b na n waooga mam yʋʋrã.*
N-ye, b na n waooga a Zakoob Sõng soabã,
24 Neb nins sẽn bʋdgã na n wʋma yɛlã võore,
la neb nins sẽn yẽgemdã na n sakame tɩ b zãms-ba.”
30 A Zeova yeelame yaa: “Toog na paam kom-kãensã sẽn pa wʋmd tʋbrã.+
Bãmb pidsda b mens magbo, pa mam dẽndã ye.+
B maanda kaool toɛy-toɛy sẽn pa zems ne m daabã,*
n maand yel-wẽn n paasd b yel-wẽn a taabã.
2 Bãmb dabda Ezɩpt+ n pa sok maam,+
n na n tɩ solg a Farawõ nengẽ n paam koglgo,
la b solg Ezɩpt maasmẽ wã!
3 La a Farawõ koglgã na n yɩɩ yãmb yãnde,
tɩ y sẽn solg Ezɩpt maasmẽ wã yɩ yãmb paoogre.+
4 Bala a nanambsã bee Zowan,+
la a koe-taasdbã taa Hanɛs.
5 B fãa na n paama yãnde,
Ezɩpt nebã sẽn yaa buud sẽn pa tõe n naf nedã yĩnga.
B pa tõe n sõng ned wall b naf-a ye.
Yaa yãnd la paoogr bal la b wat ne.”+
6 Ad bʋ-kaoor koɛɛg goabg we-rũmsã wɛɛngẽ:
Bãmb pɩʋʋgda namsg la toog soolmã.
Yaa gɩgemdã soolmẽ, gɩgemd ning sẽn kelemdã soolmẽ,
la põeerã ne wag-bɛɛg meng-meng sẽn kɛɛd ne tʋʋlmã* soolmẽ.
Bãmb zɩlga bõens ne arzɛgse,
la b zɩlg yʋgma ne rɩɩbo,
la bõn-kãensã fãa pa na n naf nin-buiidã ye.
7 Ezɩpt sõngrã ka neng baa bilf ye.+
Rẽ n so tɩ mam bool-a t’a Rahaab+ sẽn zĩ n pa maand bũmbu.
8 “Masã, kẽng n gʋls koɛɛgã walg zug bãmb taoore,
la f gʋls-a sebr pʋgẽ,+
tɩ beoog-daar
bɩ a yɩ kaset wakat fãa yĩnga.+
10 Bãmb yeta gɛtbã yaa: ‘Ra n yã-y bũmb ye.’
La b yet bãngdbã* yaa: ‘Ra n togs-y tõnd vẽnegr sẽn yaa sɩd ye.+
Togs-y tõnd gom-noodo,* la y paam vẽnegr sẽn yaa belgre.+
11 Bʋdg-y n bas-y sorã, bas-y so-bukã n kẽ moogo.
Ra n le gom-y Israyɛll Sõng soabã yell ne tõnd ye.’”+
12 Dẽ wã, ad Israyɛll Sõng soabã sẽn yeele:
“Yãmb sẽn bas mam goamã+
n tẽ ziri la zãmbo,
la y teeg bõn-kãensã,+
13 tudg-kãngã na n yɩɩ yãmb yĩng wa lalg sẽn pusgi,
la wa lal-zãonglg sẽn kɩll n dat n lʋɩ.
A na n sirga zĩig pʋgẽ, nif kamsg pʋgẽ.
14 A na n wãa wa yʋ-bedre.
A na n wãa zõg-zõg tɩ pɛɛg baa a ye pa kell
sẽn sek bug-saal yãkr bug-toaalgẽ,
wall koom toogr bakẽ ye.”*
15 Bala Zu-soab sẽn ka to a Zeova sẽn yaa Israyɛll Sõng soabã yeelame yaa:
“Yaa yãmb sẽn na n lebg n wa mam nengẽ la y zĩnd sɩɩ, la y na n paam fãagre.
Yaa y sã n kell n pa sɩɩ la y teeg maam, la y na n paam pãnga.”+
La yãmb pa tʋlg rẽ ye.+
16 Yãmb yeelame yaa: “Ayo. Tõnd na n zomba wed-moos n zoe!”
Sɩd me, y na n zoeeme.
Yãmb leb n yeelame yaa: “Tõnd na n zomba wed-moos sẽn tʋʋl n zoe!”+
Woto yĩnga, neb nins sẽn digd yãmbã me na n zoee ne tʋʋlem.+
17 Nin-yend na n bugsa yãmb neb tusr tɩ b rig rabeem,+
la neb a nu na n bugsa yãmb tɩ y zoe,
hal tɩ yãmb neb nins sẽn na n kellã lebg wa ra-luk sẽn be tãng zugu,
la wa tãb-kaoor sẽn be kunkubr zugu.+
18 La a Zeova maaga a yĩng n gũud n dat n maan yãmb neere.+
A na n maana bũmbu, a na n zoee yãmb nimbãanega.+
Bala a Zeova yaa tɩrlem Wẽnnaam.+
Sũ-noog rãmb la neb nins fãa sẽn ket n gũud-a wã.*+
19 Bas f yam tɩ nin-buiidã sã n le wa be Siyõ, Zerizalɛm pʋgẽ,+ fo pa na n le yãb ye.+ Fo sã n wa kelem n bool-a, a na n zoee fo nimbãanega. A sã n wʋm fo kɛlenga, a na n leoka foo zĩig pʋgẽ.+ 20 Yaa sɩd t’a Zeova na n kõo yãmb sũ-sãang tɩ yɩ y rɩɩbo, la namsg tɩ yɩ yãmb koom.+ La yãmb Karen-saam-kãsengã pa na n le solg a meng ye. Y nin na n yãa y Karen-saam-kãsengã.+ 21 Yãmb sã n wa rat n bʋdg goabg wall rɩtgo,+ y tʋbã na n wʋma koɛɛg y poorẽ wã sẽn yete: “Ad sorã.+ Tũ-y-yã-a!”
22 Yãmb na n dẽgma y bõn-naandsã b sẽn pees n bolg ne wanzuri wã la b rãmb nins b sẽn dõog n bolg ne sãnemã.+ Yãmb na n lob-b-la kɛɛng wa kʋɩdg pag pekr sẽn dẽgme, n yeel yaa: “Menem-y-yã!”*+ 23 A na n kõo yãmb saag y bõn-buudã y sẽn bʋdã yĩnga,+ la koodã tẽngã sẽn na n womã na n yɩɩ wʋsgo, la sõma.*+ Wakat kãnga, yãmb rũmsã na n wãba yamd zĩ-yalemsẽ.+ 24 La niisã ne bõensã sẽn kood pʋtã na n wãba yamd sẽn kalem ne bɩto, la b sẽn yelg ne pell la kaorgo. 25 Tẽn-kũumã raare, wakat ning gasdã sẽn na n lʋɩ wã, kʋɩls la ko-zoetem na n zĩnda tãn-lug-lug fãa zugu, la kunkubr sẽn zãnt fãa zugu.+ 26 Daar ning a Zeova sẽn na n sẽb a nin-buiidã kaoondã,+ la a maag sãmpoag nins a sẽn da pãb-b tɩ b pogl hal wʋsgã,+ ki-pɛɛl vẽenem na n lebga wa wĩntoog vẽenem, tɩ wĩntoogã vẽenem pãng paas naoor a yopoe+ wa rasem a yopoe vẽenem.
27 Ade! A Zeova* yita zĩ-zãrgẽ n wat
ne sũ-puugr sẽn yaa kãsenga, n zao sawad-tagdo.
A no-bɩmsã pida ne sũ-yikri,
t’a zɩlemdã yaa wa bugum sẽn dɩte.+
28 A vʋʋsmã yaa wa kʋɩlg sẽn pid n puugi, n limd n tat koakoaya,
n na n go nin-buiidã ne sãoong goaadga,
la a na n gaag buud toɛy-toɛyã yɛy ne salbr+ sẽn na n kẽes-b moogo.
29 La yãmb yɩɩllã na n yɩɩ wa yɩɩll ning b sẽn yɩɩnd ne yʋngo,
wakat ning yãmb sẽn segend y mens* tigr yĩngã,+
n kɩdemd sũ-noog wa ned sẽn zãad wɩɩg*
n dabd a Zeova sẽn yaa Israyɛll Pĩig kugrã+ tãngẽ wã.
30 A Zeova na n kɩtame tɩ b wʋm a koɛɛgã sẽn tar ziirã.+
La a na n wilga a kangã+ sẽn na n wẽ ne sũ-pu-kãsengã,+
ne bug-witim sẽn dɩte,+
32 Wakat ning fãa a Zeova sẽn na n wẽ Asiiri nebã ne a sɩbgr dasaarã,
na n naaga ne bembend* la pends rãamde,+
wakat ning a sẽn na n zẽk a kang n zab ne-bã.+
A maana a ra-killã zĩig zulung la yalenga,
n pids-a ne bugum la raad wʋsgo.
A Zeova vʋʋsmã sẽn yaa wa kidbr kʋɩlgã
na n ning-a-la bugum.
31 Toog na paam neb nins sẽn dabd Ezɩpt n na n tɩ kos sõngrã,+
b rãmb nins sẽn teeg wed-moose,+
b rãmb nins sẽn teeg saar-dãmb* b sẽn yaa wʋsgã yĩnga,
la b teeg wed-rʋʋdba,* b sẽn tar pãng yĩngã.
La b yaool n pa teeg Israyɛll Sõng soabã ye.
Bãmb pa baood a Zeova ye.
2 La Wẽnnaam yaa yam soab me, n na n wa ne yel-beedo.
A pa na n lebs a noorã poorẽ ye.
A na n yik n zaba ne tʋʋm-wẽns-maandbã roog rãmba,
la a zab ne b rãmb nins sẽn sõngd nin-wẽnsã.+
3 La Ezɩpt nebã yaool n yaa ninsaalb bala, b pa Wẽnnaam ye.
B wed-moosã yaa yĩn-nemse, pa bõn-naands nif sẽn pa tõe n yã ye.+
A Zeova sã n tẽeg a nugã,
sẽn sõngd-a a taab na n lak n lʋɩɩme,
la b sẽn sõngd a soabã me na n lʋɩɩme.
Bãmb fãa na n sãama wakat-yɛnga.
4 Bala ad a Zeova sẽn yeel maam:
Wa gɩgemde, gɩgem-poll sẽn tar pãng sẽn yõk bũmb n wũundẽ,
tɩ baa b sã n bool pe-kɩɩmb sull n tigim tɩ b na n zab ne-a
bɩ b koeesã rãamd pa kẽesd-a rabeem,
tɩ b bʋrgã pa bugsd-a wã,
tãb-biis naab a Zeova me na n sig n zaba
Siyõ tãngã ne a kunkubrã yĩnga.
5 Tãb-biis naab a Zeova na n zab n sõnga Zerizalɛm wa liuul sẽn fõt n wat a tʋkẽ n na n kogl a kamba.+
A na n zab n sõng-a lame la a fãag-a.
A pa na n maan-a bũmb ye. A na n fãag-a lame.”
6 “Israyɛll neba, lebg-y n wa-y Soab ning yãmb sẽn da tõdg fasɩ wã nengẽ.+ 7 Baraare, ned kam fãa na n loba a wẽn-faadã sẽn maan ne wanzuri wã, la a wẽnnaam-dãmbã sẽn ka yõodã sẽn maan ne sãnemã. Yãmb maana bõn-kãensã ne y nus n beeg Wẽnnaam.
8 Sʋʋg n na n kʋ Asiiri nedã, la pa ninsaal sʋʋg ye.
Sʋʋg n na n dɩ-a, la pa ãdem-biig sʋʋg ye.+
Yẽ na n zoee sʋʋgã yĩnga,
la b na n modga a kom-bɩɩsã tɩ b tʋm tʋʋm-wɛgla.
9 Asiiri pĩigã na n menema rabeemã yĩnga,
la a nanambsã na n yɛɛsa tãb-kaoorã yĩnga.” Yaa a Zeova,
soab ning vẽenem* sẽn be Siyõ t’a wʋngã be Zerizalɛmmã n yeele.
2 Bãmb ned kam fãa na n yɩɩ wa zĩ-soalgdg sobg wakate,
wa soondg zĩig sa-kẽeng wakate,
wa kʋɩls koom zĩ-koɛɛngẽ,+
la wa pĩ-kẽeng maasem zĩ-koɛɛngẽ.
3 Dẽ, neb nins sẽn ne wã nin pa na n le mumi,
la neb nins tʋb sẽn wʋmdã na n kelga neere.
4 Neb nins sẽn da maand bũmb fãa yãg-yãgã na n bʋgsa bãngrã zugu,
la neb nins sẽn gomd n bidimdẽ wã* na n goma vẽeneg la fasɩ.+
5 B pa na n le bool yalem tɩ nin-sõngo,*
la b kõn le ges zãmb soab wa ned sẽn tog ne waoogr ye.
6 Bala yalem na n goma yalem goama,
la a na n maga wẽng a sũur pʋgẽ,+
n na n tus nebã tɩ b kɩɩs Wẽnnaam, la b gom goam sẽn paoogd a Zeova,
n na n kɩt tɩ kom sẽn tar a soab kẽn pʋ-vɩʋʋgo,
la a mong ko-yũud sẽn tar a soab koom.
7 Zãmb soab magda mag-wẽnse.+
A pirsda nebã tɩ b tʋmd yãn-tʋʋma,
sẽn na yɩl n yag ziri n wã nimbãan-neda,+
baa naong soab sã n be a bʋʋm zugu.
8 La nin-sõng* magda mag-sõma,
la a wɩngd ne tʋʋm-sõma maanego.
9 “Yãmb a pagb sẽn sek b mense, yik-y n kelg-y m koɛɛgã!
Yãmb a kom-pugli sẽn maand b toor kae,+ kelg-y m sẽn yetã neere!
10 Ka ne yʋʋmd la rasem a wãn bala, yãmb b rãmb nins sẽn maand b toor kae wã na n digame.
Bala viyn tɩɩs wobr na n loogame tɩ y pa paam baa fʋɩ ye.+
11 Yãmb a pagb nins sẽn sek b mensã, rig-y rabeem!
Yãmb b rãmb nins sẽn maand b toor kae wã, rig-y-yã!
Yees-y y fut n bas y mens bɛɛla,
la y sẽgen boto.+
12 Pãb-y y yãoog n wiis
y pʋt nins sẽn yaa sõma wã la y viyn pʋtã sẽn womd sõma wã yĩnga.
13 Bala mam nin-buiidã tẽng na n pida ne gõos la gõ-payãndse.
B na n pida rot nins pʋsẽ b sẽn da kɩdemd sũ-noogã.
N-ye! B na n pida kɩdeng tẽngã.+
14 Bala b basa gasg ning sẽn da tar pãngã.
B raaga tẽng ning sẽn da pid ne bʋʋrã n base.+
Ofɛll+ ne gũusg gasgã lebga raboog wakat fãa yĩnga,
zĩig sẽn noom we-bõense,
la rũms wãbeneg zĩiga,+
15 hal n tãag wakat ning Wẽnnaam sẽn na n pʋdg a vʋʋsmã tõnd zugu,+
la wakat ning we-raoogã sẽn na n lebg tɩ-womds zĩiga,
la b sẽn na n ges tɩ-womdsã zĩig wa kãgrã.+
16 Dẽ, tɩrlem na n zĩnda we-raoogẽ wã,
la zemsg na n zĩnda tɩ-womdsã zĩigẽ.+
17 Tɩrlem hakɩɩkã na n waa ne laafɩ,+
la tɩrlem hakɩɩkã biis na n yɩɩ yĩn-maasem la bãan sẽn kaoosd wakat fãa.+
18 Mam nebã na n zĩnda bãan zĩigẽ,
rot sẽn na n kogl-b pʋsẽ, la vʋʋsg zĩis sẽn yaa sɩɩ.+
19 La sapɩlmã na n sarma kãgrã,
la b na n sirga tẽngã fasɩ.
20 Sũ-noog rãmb la yãmb a neb nins sẽn bʋt b bõn-buud koom sẽn beẽ fãa,
33 Toog na paam foo, foom a soab ning sẽn sãamd f taabã tɩ b pa sãam-fã,+
foom a soab ning sẽn zãmbd f taabã tɩ b pa zãmb-fã.
Fo sã n sãam f taabã n sa, b na n sãama foom,+
la fo sã n zãmb f taabã n sa, b na n zãmba foom me.
2 Zeova, zoe-y tõnd nimbãanega!+
Yaa yãmb la tõnd teeg-yã.
3 Buud toɛy-toɛyã neb sã n wʋm gudgr rãamde, b zoetame.
Yãmb sã n yiki, bu-zẽmsã sãeegdame.+
4 B na n zama fo te-zɛɛdmã, wa sʋy sẽn dɩt wʋsg sẽn su taaba.
Nebã na n kaooga wa sʋy sul n wa zɛ-a.
5 A Zeova na n paama waoogre,*
bala a bee hal yĩngri.
A na n kɩtame tɩ tɩrlem la zemsg pid Siyõ.
6 Yẽ kɩtame tɩ f vɩɩmã* yaa bãane.
Fãagr sẽn yaa kãsenga,+ n paas yam ne bãngr la a Zeova zoees+
n yaa a arzɛka.
7 Ade! Bãmb* gãndaadã bee soayã zut n kaasdẽ.
Laafɩ koe-taasdbã yãbda ne sũ-sãan-kãsenga.
8 So-kãsemsã lebga vɩɩdo.
So-toagd baa a ye pa le tũud b soayã ye.
9 Tẽngã bee sũ-sãang pʋgẽ,* a zelgdame.
Yãnd n tar Libã.+ A põogame.
Saarõ lebga we-rasempʋɩɩga,
la Basan ne Karmell tɩɩsã vãadã sʋʋgame.+
10 A Zeova yeelame yaa: “Masã, mam na n yikame.”
“Masã, mam na n zẽka m menga.+
Masã, mam na n waooga m menga.
11 Yãmb dɩkda mo-koeems pʋga, n dogd moodo.
Yãmb yam-wẽngã na n wẽneg n dɩ-y-la wa bugum.+
12 Nebã na n lebga wa b sẽn yõog goor tɩ lebg tom-pɛglem.
B na n ning-b-la bugum tɩ rɩ wa gõos b sẽn kɛ.+
13 Yãmb a neb nins sẽn be zĩ-zãrgẽ wã, kelg-y m sẽn na n maanã!
Yãmb a neb nins sẽn pẽ wã, sak-y n deeg-y tɩ m tara pãnga!
14 Siyõ yel-wẽn-maandbã yɛɛsa wʋsgo.+
Wẽn-kɩɩsdbã rigda rabeem n yetẽ yaa:
‘Ãnda tõnd sʋkã n tõe n zĩnd bugum sẽn beẽ?+
Ãnd n be tõnd sʋkã n tõe n vɩɩmd bugum sẽn pa kiid pʋgẽ?’
15 Ned ning sẽn maand sẽn yaa tɩrg wakat fãa,+
n togsd sɩd wakat fãa,+
n zãagd a meng ne pʋ-lik la zãmb bũmbu,
n pa sakd n tẽeg a nug n deeg noor-madgre,+
n yẽt a tʋb n pa kelgd zɩɩm daagr goama,
la sẽn mumd a nin n pa rat n ges bõn-wẽnga,
16 nin-kãng na n zĩnda zĩ-zãntsẽ.
Pãng zĩis sẽn be pĩisẽ na n yɩɩ a solgr zĩiga.
B na n kõt-a-la rɩɩbo,
la koom me kõn paoog-a ye.”+
17 Fo ninã na n gesa rĩm sẽn be a ziir pʋgẽ.
B na n yãa tẽng sẽn be zĩ-zãrgẽ.
18 Fo sũurẽ wã, fo na n tẽega bũmb ning sẽn da kẽes foom rabeemã:
“Seb-gʋlsdã bee yɛ?
Ned ning sẽn makd fadgã* bee yɛ?+
A soab ning sẽn gilgd n sõt gasdã bɛ?”
19 Fo pa na n le yã buud ning neb sẽn yaa tɩta-neba,
b rãmb nins sẽn gomd buud-gomd sẽn yaa toog wʋsg tɩ ned pa tõe n wʋm a võore,
la sẽn gomd n bidimdẽ tɩ f pa tõe n wʋm b sẽn yetã ye.+
20 Ges Siyõ, tẽng ning pʋgẽ d sẽn maand d tigã!+
Fo nif na n yãame tɩ Zerizalɛm yaa zĩig sẽn be bãane,
n yaa fu-roog b sẽn pa na n viigi.+
B pa na n tol n vigs a bayã,*
la b pa na n kãsg a wĩir baa a yembr me ye.
21 La zĩ-kãnga, Ziir soab a Zeova
na n kogla tõnd wa kʋɩls koom la ko-so-yalems sẽn kogend tẽng to-to wã.
Zabr koom-kogend pa na n pɩʋʋg be,
la koom-kogend-bɛd me pa na n tũ be ye.
22 Bala a Zeova n yaa tõnd Bʋ-kaooda,+
a Zeova n yaa tõnd Tõod-lugunda,+
a Zeova n yaa tõnd Rĩma.+
Yẽ la Soab ning sẽn na n fãag tõndã.+
23 Bɛɛbã kogendã wĩy na n yolsame.
B pa na n tõog n gãd raoog ning sẽn yas sellã, wall b tẽeg b pɛɛlã ye.
Wakat kãnga, b na n pʋɩɩ te-zɛɛdem wʋsgo,
la baa koms-rãmb meng na n zɛɛ teed wʋsgo.+
24 Tẽngã ned baa a ye pa na n yeel t’a ka laafɩ ye.+
Neb nins sẽn be soolmã pʋgẽ wã na n paama b kongrã sugri.+
34 Soolem toɛy-toɛyã neba, kolg-y n kelg-y-yã!
Yãmb a buud toɛy-toɛy neba, kelg-y neere.
Bɩ dũniyã ne bũmb nins fãa sẽn pid-a wã kelge,
la bɩ tẽn-gãongã ne sẽn be a zugã fãa kelge.
A na n sãam-b lame.
A na n kʋ-b lame.+
4 Saasẽ tãb-biisã fãa na n põogame,
la b na n pila sa-gãongã wa seb-pindem.
Saasẽ tãb-biisã fãa na n zelga
wa viyn tɩɩg vãoog sẽn zelg n lʋɩ,
la wa kankam-koɛɛng sẽn yi kankang zug n lʋɩ.
5 “Bala zɩɩm na n madga m sʋʋgã saasẽ.+
A na n siga Edom zug n sɩbg-a,+
buud ning mam sẽn ges t’a segda ne sãoongã zugu.
6 A Zeova tara sʋʋga. Zɩɩm n na n bol-a.
Bala a Zeova tara maoong Boosra,
a na n daaga zɩɩm wʋsg Edom soolmẽ wã.+
7 We-niis na n naag-b lame n ki,
lol-poal la lol-nobdse.
B tẽngã na n pida ne zɩɩm,
la b tomã na n bʋka ne kaam.”
9 A* kʋɩlsã na n toeem n lebga sũudu,
t’a tomã lebg kidbri,
la a tẽngã na n lebga wa sũud sẽn dɩt bugum.
10 A na n dɩta bugum wĩndg la yʋng n pa kiidẽ ye.
A bug-zõosã na n dukda wakat sẽn kõn sa.
A na n kell n yɩɩ raboog zãmaan woo zãmaana.
Ned kõn tol n pɩʋʋg be a bada.+
11 Pelikã* ne sẽemd na n soog-a lame,
viuug sẽn tar tʋb-wogdo, ne gãabd na n zĩnda be.
Wẽnnaam na n mak-a-la ne wĩ-makdga, la ne bõn-makdg a to*
n wilg t’a na n lebga raboog n pa le tar bark ye.
12 A nin-kãseng baa a yembr pa na n yɩ rĩm ye.
A nanambsã fãa na n menemame.
13 Gõos tuud na n yii a gasdã sẽn tar pãngã pʋsẽ,
tɩ gõos ne gõ-payãnds yi a tãn-soben-dotã pʋsẽ.
A na n lebga we-baas zĩiga,+
la naneoond gãag zĩiga.
14 We-rasempʋɩɩgã bõn-vɩɩs na n sega rũms sẽn yãbd beenẽ.
We-bʋʋsã* na n boola taab be.
N-ye, be la laab na n maan a tʋk n paam vʋʋsg zĩiga.
15 Wag-tʋʋlg na n maana a gãag zĩig be n lob gɛla.
A na n weka a kambã n kogl-ba.
N-ye, sɩl-faad na n tigma taab be, raad ne yãanse.
16 Bao-y-yã a Zeova sebrã pʋgẽ n zẽk y koɛɛg n karm-a:
Rũm-kãensã* baa a ye pa na n paoog ye.
B baa a ye pa na n kong tũud-n-taaga,
bala yaa a Zeova meng noor n yeele,
la yaa a pãngã n tigim-ba.
17 Wẽnnaam n yaa soab ning sẽn maan bãnd bãmb yĩngã,
la a meng nug n mag zĩigã a sẽn kõ-bã.*
B na n soog-a-la wakat fãa yĩnga.
B na n zĩnda be zãmaan woo zãmaana.
35 We-raoogã ne tẽn-koɛɛngã na n kɩdmame.+
We-rasempʋɩɩgã sẽn yaa tẽn-nabrã na n maana sũ-noog la a pid ne tɩ-puudu.*+
2 Hakɩɩka, a na n ninga puudu.+
A na n kɩdmame la a kaas ne sũ-noogo.
Bãmb na n yãa a Zeova ziirã, tõnd Wẽnnaamã neermã.
3 Keng-y nus nins sẽn ka pãngã,
la y paas rũm nins sẽn digdã pãnga.+
4 Yeel-y neb nins sẽn maand yɩɩrã* yaa:
“Keng-y y mense. Ra n yɛɛs-y ye.
Ade! Yãmb Wẽnnaamã na n waa ne sũ-dokre.
Wẽnnaam watame n na n dol y bɛɛbã.+
A na n wa fãaga yãmba.”+
Bala koom na n pusga we-raoogẽ wã,
la kʋɩls koom na n zoee we-rasempʋɩɩgã sẽn yaa tẽn-nabrẽ wã.
7 Tẽn-koɛɛng na n lebga bãk sẽn tar tãn-wĩisi,
la zĩ-wak na n lebga ko-bunds zĩiga.+
Mo-maas ne tãn-wĩis la rudum na n zĩnda
zĩis nins we-baasã sẽn da gãeyã.+
8 So-kõodr n na n zĩnd be.+
N-ye, sor b sẽn na n bool tɩ Sõmblmã sore.
Ned sẽn yaa rẽgd pa na n tũ be ye.+
A yaa ned ning sẽn tũud-a wã rẽnda.
Yalem kõn tõog n tũ so-kãng ye.
9 Gɩgemd pa na n zĩnd be,
we-rũms sẽn yaa toos me pa na n wa be ye.
10 A Zeova sẽn fãag b rãmbã na n lebg n waa+ Siyõ ne sũ-noog kaasgo.+
Sũ-noog sẽn ka sɛt na n yɩɩ b zug maanfo.+
Kɩdeng ne sũ-noog na n yɩɩ bãmb pʋɩɩre,
la sũ-sãang ne sir wẽeb na n menemame.+
36 Rĩm a Ezekɩyaas naamã yʋʋmd piig la a naas-n-soabã, Asiiri+ rĩm a Senakeriib wa n zaba ne Zida tẽns nins fãa sẽn gũbg ne lalsã, n deeg-ba.+ 2 Asiiri rĩmã tʋma Rabsake wã,*+ ne tãb-biis kʋʋng tɩ b yi Lakiis+ n na n kẽng rĩm a Ezekɩyaas nengẽ Zerizalɛm. Bãmb tɩ yalsa yĩngr bãkã+ ko-sorã noore, so-kõodr ning sẽn dabd gar-loasdã pʋʋgẽ wã noore.+ 3 Dẽ, a Hilkiya biig a Eliyakim+ sẽn get na-yirã yellã, ne a Sebna+ sẽn yaa seb-gʋlsdã, la a Azaf biig a Yowa sẽn yaa seb-bĩngdã yiime n seg-a.
4 Rabsake wã* yeel-b lame yaa: “Mam kotame tɩ y yeel a Ezekɩyaas yaa: ‘Ad Asiiri rĩmã sẽn yaa rĩm-kãsengã sẽn yeele: “Yaa bõe la fo teeg-yã?+ 5 Fo yetame tɩ f tara yam la pãng n tõe n zabe. La yaa gom-vɩɩd bala. Fo teega ãnda, n dat n tõdg maam?+ 6 Gese! Fo teega Ezɩpt sẽn yaa wa tãnwĩig sẽn kao wã. Ned sã n tik-a, a kõsda a nug-pʋgã n sãage. Ezɩpt rĩm a Farawõ yaa woto ne neb nins fãa sẽn teeg-a wã.+ 7 La yãmb sã n yeel maam tɩ yaa yãmb Wẽnnaam a Zeova la y teeg-yã, rẽ yĩnga, pa yẽ zĩ-zãntsã* ne a tẽn-kugã la a Ezekɩyaas sẽn sãame,+ n yaool n yeel Zida ne Zerizalɛm nebã tɩ yaa tẽn-kug-kãngã taoor la b segd n wõgemdã sɩda?”+ 8 Masã, m bõos tɩ f par ne Asiiri+ rĩmã sẽn yaa m zu-soabã: Mam na n kõo foo wed-moos tus a yi, tɩ d ges f na paam neb sẽn na n zomb-ba. 9 Baa Ezɩpt sã n sõng foo ne saar-dãmb* la wed-rʋʋdba, fo tõe n zaba ne mam zu-soabã guvɛrneer a ye sẽn yaa a tʋm-tʋmd ning sẽn yaa bilf n yɩɩd a taabã n tõog-a sɩda? 10 Sẽn paase, fo tẽedame tɩ mam sooga m meng n na n wa zab ne tẽn-kãngã n sãam-a tɩ pa tũ ne a Zeova raab la? Yaa a Zeova meng n yeel maam yaa: ‘Kẽng n tɩ zab ne tẽn-kãngã n sãam-a.’”
11 A Eliyakim ne a Sebna+ la a Yowa sẽn wʋm Rabsake wã+ goamã, bãmb leok-a lame yaa: “D kotame tɩ y gom ne y tʋm-tʋmdbã ne Arameyẽ*+ tɩ tõnd wʋmdame. Ra n gom-y ne tõnd ne Zʋɩf-rãmbã goam tɩ neb nins sẽn be lalgã zugã wʋm ye.”+ 12 La Rabsake wã yeelame yaa: “Yaa yãmb ne y zu-soabã bal la mam zu-soabã tʋm maam tɩ m wa taas koe-kãngã la? Yaa neb nins sẽn zĩ lalgã zugã me. Bãmb ne yãmb fãa na n dɩɩ y bĩndã la y yũ y rʋʋd-koomã.”
13 Dẽ, Rabsake wã yalsame n zẽk a koɛɛg n gom ne Zʋɩf-rãmbã buud-gomdã+ n yeel yaa: “Kelg-y Asiiri rĩmã sẽn yaa rĩm-kãsengã koɛɛga!+ 14 Ad rĩmã sẽn yeele: ‘Ra n bas-y t’a Ezekɩyaas belg-y ye. Bala a pa tõe n fãag yãmb ye.+ 15 Ra n bas-y t’a belg-y me tɩ y teeg a Zeova,+ n yeel-y t’a Zeova na n fãaga yãmba, la tɩ Asiiri rĩmã pa na n tõog n deeg tẽn-kãngã ye. 16 Ra n kelg-y-yã a Ezekɩyaas ye. Bala ad Asiiri rĩmã sẽn yeele: “Bao-y laafɩ ne maam la y sak tɩ m soog-yã. Woto, yãmb ned kam fãa na n dɩɩ a viyn tɩɩs biisi, a kankang biisi, la a yũ a bulg koom, 17 hal tɩ m wa tall-y n kẽng tẽng sẽn wõnd yãmb tẽngã.+ Yaa tẽng sẽn tar kood ne divẽ-paalga, tẽng sẽn pid ne bur la viyn pʋto. 18 Ra n bas-y t’a Ezekɩyaas belg-yã, n yetẽ t’a Zeova na n fãaga yãmb ye. Buud a taabã wẽnnaam-dãmb tõog n fãaga bãmb Asiiri rĩmã nugẽ sɩda?+ 19 Hamat ne Arpaad+ wẽnnaam-dãmbã bee yɛ? Sefarvayim+ wẽnnaam-dãmbã bee yɛ? Bãmb tõog n fãaga Samari mam nugẽ sɩda?+ 20 Tẽnsã fãa wẽnnaam-dãmbã sʋka, bʋs n tõog n fãag b tẽng mam nugẽ, t’a Zeova na n wa tõog n fãag Zerizalɛm mam nugẽ?”’”+
21 La bãmb sĩnda b noor n pa leok-a tɩ bũmb ye. Bala rĩmã ra yeelame tɩ b ra leok-a ye.+ 22 La a Hilkiya biig a Eliyakim sẽn get na-yirã yellã, ne a Sebna+ sẽn yaa seb-gʋlsdã la a Azaf biig a Yowa sẽn yaa seb-bĩngdã pãrsa b futã, n kẽng a Ezekɩyaas nengẽ n tɩ togs-a Rabsake wã goamã.
37 Rĩm a Ezekɩyaas sẽn wʋm gom-kãensa wã, zĩig pʋgẽ, a pãrsa a futã la a yeelg boto, n kẽng a Zeova roogẽ wã.+ 2 Dẽ, yẽ tʋma a Eliyakim sẽn get na-yirã yellã, ne a Sebna sẽn yaa seb-gʋlsdã la maan-kʋʋdbã taoor dãmb tɩ b kẽng no-rɛɛs a Ezayi+ sẽn yaa a Amooz biigã nengẽ. Bãmb yeelga bot n kẽnge. 3 Bãmb yeela a Ezayi yaa: “Ad a Ezekɩyaas sẽn yeele: ‘Rũndã yaa sũ-sãang daare, tãsga,* la yãnd daare. Bala tõnd yaa wa pag sẽn kʋmd rogem, tɩ pãng kae n na n dog ye.+ 4 Tõe tɩ yãmb Wẽnnaam a Zeova na n wʋma goam nins Rabsake wã* zu-soab sẽn tʋm-a t’a wa gom n bao Wẽnnaam ning sẽn vɩ wã noorã,+ n sok-a goam nins yãmb Wẽnnaam a Zeova sẽn wʋmã yĩnga. Woto wã, pʋʋs-y+ kellã sẽn põsã yĩnga.’”+
5 Dẽ, rĩm a Ezekɩyaas tʋm-tʋmdbã kẽnga a Ezayi nengẽ+ 6 t’a yeel-b yaa: “Ad yãmb sẽn segd n tɩ yeel y zu-soabã: ‘Ad a Zeova sẽn yeele: Ra yɛɛs+ goam nins fo sẽn wʋmã yĩng ye. Ra zoe rabeem, goam nins Asiiri rĩmã tʋm-tʋmdbã+ sẽn gom n paoog maamã yĩng ye. 7 Gese! Mam na n ninga bũmb a yamẽ wã. A na n wʋma kibar n lebg n leb a tẽngẽ wã,+ la mam na n kɩtame tɩ b kʋ-a ne sʋʋg a meng tẽngã pʋgẽ.’”+
8 Rabsake wã sẽn wʋm tɩ Asiiri rĩmã loog n basa Lakiisã, a leba a nengẽ n tɩ mik t’a zabda ne Libna.+ 9 La Asiiri rĩmã wʋmame tɩ Etiyopi rĩm a Tiraka yi n na n zaba ne-a. A sẽn wʋm dẽ, a tʋma koe-taasdb a Ezekɩyaas+ nengẽ n yeel-b yaa: 10 “Ad yãmb sẽn segd n tɩ yeel rĩm a Ezekɩyaas bũmb ninga: ‘Ra bas tɩ f Wẽnnaamã fo sẽn teegã belg-fo, n yeel tɩ Asiiri rĩmã pa na n tõog n deeg Zerizalɛm ye.+ 11 Gese! Fo wʋma Asiiri rĩm-dãmbã sẽn maan tẽnsã fãa bũmb ningã. B sãam-b lame.+ Fo tagsdame tɩ f na n põsame la? 12 Buud nins mam yaab-rãmbã sẽn sãamã wẽnnaam-dãmbã fãag-b lame sɩda?+ Gozan ne Haran+ la Rezɛf bɛɛ? Edɛn nin-buiidã sẽn da be Tɛll-asaarã bɛɛ? 13 Hamat rĩmã ne Arpaad rĩmã bɛɛ? Sefarvayim+ ne Hena la Iva tẽnsã rĩmã bɛɛ?’”
14 A Ezekɩyaas reega sɛbã koe-taasdbã nugẽ n karme, la a kẽng a Zeova roogẽ wã n tɩ yadg sɛbã a Zeova taoore.+ 15 A Ezekɩyaas sɩnga a Zeova pʋʋsg+ n yeel yaa: 16 “Tãb-biis naab a Zeova+ sẽn yaa Israyɛll Wẽnnaam, soab ning sẽn zao a geerã sẽn be seribẽ-rãmbã zugã.* Yaa yãmb y ye bal n yaa dũniyã soolem toɛy-toɛyã fãa Wẽnnaam sɩd-sɩda. Yãmb n naan saasã la tẽngã. 17 Zeova, kɩll-y y tʋbr n kelge!+ Zeova, puk-y y nin n gese!+ Kelg-y goam nins fãa a Senakeriib sẽn tʋm tɩ b wa gom n bao Wẽnnaam ning sẽn vɩ wã noorã.+ 18 Zeova, yaa sɩd tɩ Asiiri rĩm-dãmbã sãama soolem toɛy-toɛyã fãa+ ne b mengã tẽnga. 19 La bãmb loba b wẽnnaam-dãmbã bugmẽ,+ bala b yaa ninsaalb nus tʋʋma, b pa wẽnnaam-dãmb ye.+ B yaa raad ne kuga. Rẽ n so tɩ b tõog n sãam-ba. 20 La masã, tõnd Wẽnnaam a Zeova, bɩ y fãag tõnd a nugẽ tɩ dũniyã soolem toɛy-toɛyã fãa bãng tɩ yãmb a Zeova y yembr bal n yaa Wẽnnaam.”+
21 Dẽ, a Amooz biig a Ezayi tʋmame tɩ b tɩ taas a Ezekɩyaas koe-kãngã: “Ad Israyɛll Wẽnnaam a Zeova sẽn yeele: ‘Fo sẽn pʋʋs maam Asiiri rĩm a Senakeriib wɛɛngẽ wã yĩnga,+ 22 ad a Zeova sẽn yet yẽ bũmb ninga:
“Siyõ bi-puglã sẽn yaa pa-kuilã* yaanda foo la a paoogd foo.
Zerizalɛm bi-puglã girda a zug n laad foo.
23 Yaa ãnda noor la fo sẽn bao wã,+ la yaa ãnda la fo sẽn paoogã?
Fo zẽka f koɛɛg ne ãnda,+
la fo naka f neng yĩngr ne wuk-m-meng n get ãnda?
Yaa Israyɛll Sõng soabã!+
24 Fo tʋma f tʋm-tʋmdbã tɩ b wa bao a Zeova noor+ n yeele:
‘Ne mam zabr saar-dãmbã* sẽn yaa wʋsgã,
mam na n dʋʋ tãensã zutu,+
n kẽng Libã zĩis nins sẽn zãr n yɩɩdã.
Mam na n kɛɛ a sɛɛdr tɩɩsã sẽn yaa wogdã, ne a zenevirie tɩɩs nins sẽn yaa sõma n yɩɩdã.
Mam na n kẽe a zĩ-solgdsã sẽn zãnt n yɩɩdã, ne a kãg nins wẽdgr sẽn yaa toogã.
25 Mam na n tuu buls n yũ koom.
Mam na n kʋɩɩsa Ezɩpt kosoodã* ne m nao-sɩlpamã.’
26 Fo pa wʋm la? Yaa hal daar zãr la mam yãk yam n na n maan yãoã.
Yaa hal wakat sẽn loog la mam segl bõn-kãngã.+
La masã, mam na n pids-a lame.+
Fo na n luba tẽns sẽn gũbg ne lals tɩ b lebg raboodo.+
27 Tẽn-kãens nebã pa na n paam sõangd ye.
Rabeem ne yãnd na n yõk-b lame,
tɩ b lebg wa weoogẽ mood ne mo-maasa,
wa sugr mood yaang sobg sẽn kʋɩɩsde.
28 La mam mii fo zĩndg wakate, fo yiib wakat la f kõom wakate,+
la wakat ning fo sũurã sẽn kãbd ne maam.+
Woto yĩnga, mam na n soga fo yõorã ne m lɛoogã la m ning f noorã salbre,+
n kɩt tɩ f lebg n dɩk sor ning fo sẽn tũ n wa wã n lebe.”
30 “Ad bãnd ning mam sẽn kõt foom a Ezekɩyaase: Rõandã, yãmb na n dɩɩ kood nins sẽn yi b toorã. La vẽere, yãmb na n dɩɩ kood-kãens sẽn na n sʋʋg n bul n yi wã. La yʋʋm a tãab-n-soabã, yãmb na n bʋdame la y kẽebe. Yãmb na n sela viyn tɩɩs n dɩ b biisã.+ 31 Zida neb nins sẽn põsã, b rãmb nins sẽn ketã+ na n kɩɩ yẽg tẽngre, la b wom biis yĩngri. 32 Bala kell n na n yi Zerizalɛm, la neb n na n põs n yi Siyõ tãngã zugu.+ Tãb-biis naab a Zeova yẽesmã n na n maan tɩ yɩ woto.+
33 “‘Woto yĩnga, ad a Zeova sẽn yet Asiiri rĩmã wɛɛngẽ:+
“A pa na n kẽ tẽn-kãngã pʋgẽ,+
bɩ n tão peemd be,
wall a zẽk a gãong ne-a,
bɩ n zam tom n na n ta a lalsã ye.”’+
34 A Zeova yeelame yaa: ‘Sor ning a sẽn tũ n wa wã, yaa so-kãng la a na n tũ n lebe.
A pa na n kẽ tẽn-kãngã pʋgẽ ye.’
35 ‘Mam na n zab n sõnga tẽn-kãngã+ la m fãag-a mam mengã yʋʋrã yĩnga,+
la m tʋm-tʋmd a Davɩɩd yĩnga.’”+
36 A Zeova malɛkã yiime n kʋ tãb-biis tus-koabg la pis-nii la a nu Asiiri nebã tãb-sikã zĩigẽ. Nebã sẽn yik yibeoog pĩnda, b yãa kũ-rãmbã fãa sẽn dʋre.+ 37 Dẽ, Asiiri rĩm a Senakeriib lebgame n leb Niniiv+ n tɩ zĩnd be.+ 38 La yẽ sẽn wa n wõgemded a wẽnnaam a Nisrok roogẽ wã, a kom-dibli a Adramelɛk ne a Sarezɛɛr kʋ-a-la ne sʋʋga,+ la b zoe n kẽng Ararat+ soolmẽ wã. Rẽ poore, a biig a Esar-hadon+ ledg-a lame n lebg rĩma.
38 Wakat kãnga, a Ezekɩyaas lʋɩɩ bãaga, hal n dat n ki.+ A Amooz biig a Ezayi+ sẽn yaa no-rɛɛsã waa a nengẽ, n yeel-a yaa: “Ad a Zeova sẽn yeele: ‘Togs f zakã rãmb f yaoolem koees tɩ f na n kiime. Fo bãagã pa na n sãoog ye.’”+ 2 A Ezekɩyaas sẽn wʋm dẽ, a wẽnemda a neng n tees roogã lalg n sɩng a Zeova pʋʋsg n yeel yaa: 3 “Zeova, mam kotame tɩ y tẽeg+ mam sẽn tũ yãmb ne sɩd la ne m sũur fãa wã,+ la mam sẽn maan sẽn yaa sõma yãmb nifẽ wã yelle.” Rẽ poore, a Ezekɩyaas yãba wʋsgo.
4 Dẽ, a Zeova goma ne a Ezayi n yeel-a yaa: 5 “Lebg n tɩ yeel a Ezekɩyaas+ yaa: ‘Ad fo yaab a Davɩɩd Wẽnnaam a Zeova sẽn yeele: “Mam wʋma fo pʋʋsgã.+ Mam yãa fo nintãmã.+ Mam na n paasa fo yõorã woglem yʋʋm piig la a nu,+ 6 la m fãag foom ne tẽn-kãngã Asiiri rĩmã nugẽ. Mam na n zab n sõnga tẽn-kãngã.+ 7 Ad bãnd ning a Zeova sẽn na n kõ n wilg t’a Zeova na n pidsa a gomdã:+ 8 Mam na n kɩtame tɩ wĩntoogã maasem sẽn sigd a Akaaz rʋʋdsẽ wã leb poorẽ nao-yakem piiga.+ La wĩntoogã maasmã sẽn da zoe n sig rʋʋdsẽ wã sɩd leba poorẽ nao-yakem piiga.”’”
9 Ad bũmb ning Zida rĩm a Ezekɩyaas sẽn gʋlse, a sẽn da lʋɩ bãag n wa paam laafɩ wã:
10 Mam da yetame yaa: “Mam vɩɩmã sẽn wa n be a pʋɩ-sʋkã
la m segd n kẽng Yaoogã* rignoyẽ.
Mam vɩɩmã woglem na n teka woto.”
11 Mam yeelame yaa: “Mam pa na n le yã a Zah* ye. Mam pa na n le yã a Zah nin-vɩɩsã soolmẽ ye.+
Mam sã n wa be zĩig ning vɩɩm sẽn pa le be wã,
mam pa na n le yã ãdem-biisã ye.
12 B viiga mam roogã n tall n looge,+
wa b sẽn viig rũm-kɩɩm fu-roogo.
Mam pila m vɩɩmã wa sʋn-wʋgd sẽn pil peende.
Wẽnnaam kʋrga mam vɩɩmã wa peend gĩsi.
Wĩndgã pukr n tãag a lʋɩɩse, yãmb tara maam n dabd m baasgẽ.+
13 Mam gãnega m yam n gũud yibeoogo.
La yẽ wõrda mam kõabã fãa wa gɩgemde.
Wĩndgã pukr n tãag a lʋɩɩse, yãmb tara maam n dabd m baasgẽ.+
Mam naka m neng n get yĩngr hal tɩ m ninã pãng sɛ:+
‘Zeova, mam bee yel-pakr meng pʋgẽ!
Yɩ-y mam sõangda!’+
15 Mam na n yeelame tɩ bõe?
Wẽnnaam goma ne maam, la a sõng maam.
Mam na n sika m meng m vɩɩmã tõre,
m sũ-sãangã sẽn yaa kãsengã yĩnga.
16 ‘Zeova, yaa bõn-kãensã* maasem yĩng la ninsaal fãa vɩ.
Yaa bãmb maasem yĩng me la mam ket n vʋʋsdẽ.
Yãmb na n kõo maam laafɩ, la y bas-m tɩ m vɩɩmde.+
17 Mam da pa tar bãan ye. Ra yaa sũ-sãams bala.
La yãmb sẽn nong maamã yĩnga,
Yãmb loba m yel-wẽnã fãa y poorẽ.*+
Neb nins sẽn sigd bokẽ wã pa tõe n yã yãmb tʋʋmã sẽn wilgd tɩ y yaa sɩd soabã ye.+
19 Yaa nin-vɩɩs bal n tõe n pẽg yãmba,
wa mam sẽn maand rũndã wã.
Ba tõe n sõnga a kom-dibli tɩ b bãng tɩ yãmb yaa sɩd soaba.+
20 Zeova, fãag-y maam.
Tõnd na n yɩɩla mam yɩɩlã ne yʋʋm-teed sẽn tar rissi,+
d vɩɩmã tõre, yãmb a Zeova roogẽ wã.’”+
21 Rẽ poore, a Ezayi yeelame yaa: “Bao-y kankam-gil koɛɛng n wa ning nod-tãoodrã, tɩ rĩmã yĩns na n sãoogame.”+ 22 A Ezekɩyaas ra sok-a lame: “Bõe n na n yɩ bãnd n wilg tɩ mam na n kẽnga a Zeova roogẽ wã?”+
39 Wakat kãnga, a Baladan biig a Merodak-baladan sẽn yaa Babilon rĩmã tʋma neb tɩ b tɩ kõ a Ezekɩyaas+ lɛta ne kũuni. Bala yẽ wʋmame t’a Ezekɩyaas ra lʋɩɩ bãaga, la t’a bãagã sãoogame.+ 2 A Ezekɩyaas reeg-b-la sõma, la a wilg-b a laogã bĩngr roogã:+ Wanzuri wã, sãnemã, bomiye kaamã* ne ka-sõng a to, a zab-teedã fãa, la bũmb nins fãa sẽn be a laogã bĩngr zĩigẽ wã. Bũmb pa be a na-yirã ne a soolmã fãa pʋgẽ a sẽn pa wilg-b ye.
3 Rẽ poore, no-rɛɛs a Ezayi waa rĩm a Ezekɩyaas nengẽ n sok-a yaa: “Nin-kãensã yeelame tɩ bõe, la b yii yɛ?” T’a Ezekɩyaas leok yaa: “Bãmb yii zĩ-zãrgẽ, Babilon soolmẽ wã.”+ 4 A Ezayi leb n sokame yaa: “Bõe la b yã na-yirã pʋgẽ?” T’a Ezekɩyaas leok yaa: “B yãa bũmb nins fãa sẽn be na-yirã. Bũmb pa be mam laogã bĩngr zĩigẽ m sẽn pa wilg-b ye.”
5 A Ezayi yeela a Ezekɩyaas yaa: “Kelg-y-yã a Zeova sẽn yaa tãb-biis naabã koɛɛga. 6 Ad a Zeova sẽn yeele:+ ‘Gese! Wakat n wat tɩ b na n wʋk bũmb nins fãa sẽn be na-yirã la bũmb nins fãa f yaab-rãmbã sẽn bĩng n tãag masã wã n kẽng Babilonne. Bũmb baa a ye pa na n kell ye.’+ 7 ‘Sẽn paase, b na n yõga kamb nins fo sẽn na n dogã kẽer n tall n kẽng Babilonne, tɩ b tɩ lebg Babilon rĩmã na-yirã tʋm-tʋmdba.’”+
8 A Ezekɩyaas sẽn wʋm rẽ, a yeela a Ezayi yaa: “A Zeova goamã fo sẽn togsã yaa sõma.” La a paasame: “Bala laafɩ la bãan na n zĩnda m vɩɩmã tɛka.”+
40 Yãmb Wẽnnaamã yeelame yaa: “Bels-y-yã, bels-y mam nin-buiidã.+
2 “Gom-y n bels Zerizalɛm sũurã,
Yeel-y-yã-a t’a tʋʋm-wɛglã wakat taa a tɛka,
la t’a yaoo a kongrã yĩnga.+
Yẽ reega a yel-wẽnã fãa yaood zãng* a Zeova nugẽ.+
3 Ned n zẽkd a koɛɛg we-raoogẽ wã n yetẽ:
Tuk-y so-kõodr sẽn yaa tɩrg+ we-rasempʋɩɩgẽ wã tõnd Wẽnnaamã yĩnga.+
4 Yẽd-y londã fãa,
la y sarem tãng la kunkubr fãa.
Kɩt-y tɩ zĩ-zãntsã lebg zĩ-lamse,
la y kɩt tɩ zĩ-londã lebg tẽn-nabre.+
6 Kelge! Ned n yet yaa: “Kelme!”
Tɩ ned a to sok yaa: “M kelem n yeel tɩ bõe?”
“Ninsaalbã* fãa yaa wa mo-maasa.
B maan-neerã fãa yaa wa puud sẽn be pʋʋg pʋgẽ.+
Hakɩɩka, nin-buiidã yaa mo-maas bala.
9 Foom a pag sẽn tar koe-noog n na n taas Siyõ,+
rʋ tãn-lug-lug zugu.
Foom a pag sẽn tar koe-noog n na n taas Zerizalɛm,
zẽk f koɛɛg ne pãnga.
Zẽk f koɛɛg la f ra yɛɛs ye.
Yeel Zida tẽnsã yaa: “Ad yãmb Wẽnnaamã.”+
Gese! Yẽ wata ne a keoorã,
la yaood ning a sẽn yaoodã bee a taoore.+
11 Wẽnnaam yaa wa pe-kɩɩm n na n ges a rũmsã yelle.*+
A na n tigma pe-bi wã ne a nugã,
la a na n dɩk-b lame n ning a yãoogẽ.
Yẽ na n leka sẽn yẽsemd-b b kambã ne bʋgsem.+
Ãnd n wʋk dũniyã tom n ning makdg pʋgẽ,+
wall a mak tãensã balãns pʋgẽ,
la a ning kunkubã balãns pʋgẽ n make?
13 Ãnd n tõe n mak a Zeova vʋʋsmã,
la ãnd n tõe n sagl-a la a wilg-a bũmbu?+
14 A yẽsa ne ãnd n na n wʋm bũmb võore,
bɩ ãnd n wilg-a tɩrlem sore?
Wall ãnd n sõng-a t’a paam bãngre,
pa rẽ bɩ n wilg-a yam-vẽenem hakɩɩk sore?+
15 Ade! Buud toɛy-toɛyã yaa wa ko-tosr sẽn yit lʋʋgẽ,
la wa wubsg sẽn gãneg balãnse.+
Ges-y-yã! Wẽnnaam zẽkda ko-sʋk tẽnsã wa wubsg sẽn yaa bãanega.
16 Baa Libã tɩɩsã mengã pa sekd bugum tuglg ye.
A we-rũmsã pa sekd maoong sẽn yõogd bugum maaneg ye.
17 Buud toɛy-toɛyã neb fãa yaa zaalem Wẽnnaam taoore.+
A get-b-la wa bõn-vɩɩdo, wa bũmb sẽn yaa faoore.+
18 Ãnda la yãmb tõe n dɩk n mak ne Wẽnnaam?+
Y tõe n yeelame tɩ Wẽnnaam wõnda bõe?+
20 Nina yãkda tɩɩg n na n kõ kũuni,+
tɩɩg sẽn pa na n põoge.
A baooda nug-tʋʋm soaba,
sẽn na yɩl t’a pees bõn-naandg sẽn pa na n bidg n lʋɩ.+
21 Yãmb pa mi la?
Yãmb pa wʋm la?
B zɩ n togs yãmb hal sɩngr wakatã la?
Yãmb pa bãng bũmb nins sẽn be hal dũniyã yẽbgr wakatã la?+
A tẽegda saasã wa peen-faasga,
la a yɛdg-b wa fu-roog tɩ neb na n zĩnd be.+
23 Yẽ sikda nin-kãsemse,
la a kɩtdẽ tɩ dũniyã bʋ-kaoodb* lebg zaalem.
24 B sẽn sel-b yee,
b sẽn bʋd bãmb bala,
b sẽn kɩ yẽg bala,
la pemsem sẽn fʋʋs-b tɩ b kʋɩ,
tɩ sobg rɩk-b n loog wa moodo.+
25 Sõng soabã sokame yaa: “Ãnd la yãmb tõe n mak ne maam, n tagsdẽ t’a zema maam?”
26 “Nak-y y nens yĩngr n gese.
Ãnd n naan bõn-kãensã?+
Yaa soab ning sẽn kɩtd tɩ b fãa yit wa tãb-biisi, n sõt-b yembr-yembrã.
Yẽ boonda b fãa ne b yʋya.+
A pãngã sẽn yaa kãsengã yĩnga, la a pãngã sẽn sek rabeemã yĩnga,+
b baa a ye pa paoog ye.
27 Zakoobe, Israyɛlle, bõe yĩng tɩ fo yetẽ yaa:
‘A Zeova pa ne bũmb ning sẽn paamd maamã,
Wẽnnaam toog kae ne b sẽn wẽgd maamã ye.’+
28 Fo pa mi la? Fo pa wʋm la?
A Zeova, tẽngã ween-vɩɩsã fãa Naandã yaa Wẽnnaam wakat fãa yĩnga.+
A pa yaade, la a pãngã pa boogd me ye.+
Ned pa tõe n fees n bãng a yamã* tɛk ye.+
30 Kom-dibli na n yɛɛme tɩ b pãng booge.
Kom-bɩɩs na n lags n lʋɩɩme,
31 la neb nins sẽn teeg a Zeova wã na n le paama pãnga.
Bãmb na n yɩgame n lug yĩngr wa b tara pɩgs wa pa-nand-tuga.+
B na n zoeeme, la b pãngã pa na n boog ye.
B na n kẽname la b pa na yɛ ye.”+
41 “Yãmb a ko-sʋk tẽnse, sĩnd-y n kelg-y maam.
Bɩ buud toɛy-toɛyã lebs n paam b pãngã.
Bɩ b kolge, la b gome.+
Bɩ d seg taab tɩ m bʋ-yã.
2 Ãnd n yãk ned sẽn yit wĩndg sẽn pukdẽ,*+
n boond-a ne tɩrlem t’a wa maan a raabo,*
sẽn na yɩl n ning buud toɛy-toɛyã a nugẽ,
la a kɩt t’a soog rĩm-dãmba?+
Ãnd n tall a sʋʋgã n kɩt tɩ b lebg tom,
la a sãeeg bãmb ne a tãpã, wa sobg sẽn dɩkd moogo?
3 Yẽ rigda bãmba, n tũud soay a nao sẽn zɩ n tage,
n loogdẽ tɩ bũmb pa gɩdgd-a ye.
4 Ãnda tʋʋmd la woto? Ãnd n maan bõn-kãngã,
n boond zãmaan toɛy-toɛyã hal sɩngrẽ?
Yaa maam a Zeova. Maam n yaa Pipi soabã,+
la hal n tãag yaoolem dãmbã, mam ket n yaa m sẽn yaa a soabã.”+
5 Ko-sʋk tẽnsã yãa rẽ n yɛɛse.
Dũniyã kɩremsã sɩnga rigbu.
Bãmb kolgdame, bãmb watame.
6 Ned fãa sõngda a tũud-n-taaga,
la a yet a ba-biig yaa: “Keng f menga.”
7 Nug-tʋʋm soabã kengda yõakã raoodo,+
tɩ ned ning sẽn saasd ne marto wã
kengd sẽn toosd-a kɩsgr zugã raoodo.
Yẽ yetame tɩ sũgungã yaa sõma.
Rẽ poore, b kaad-a-la ne põents sẽn na yɩl tɩ ra vigs ye.
8 “La foom a Israyɛlle, fo yaa mam tʋm-tʋmda.+
Foom a Zakoobe, mam yãka foo,+
fo sẽn yaa a Abrahaam sẽn yaa m zoa wã yagengã,+
9 foom a soab ning mam sẽn yiis hal dũniyã satmẽ wã,+
la foo a soab ning mam sẽn bool hal zĩis nins sẽn zãr n yɩɩdã.
10 Ra zoe rabeem ye. Bala mam bee ne foo.+
Ra maan yɩɩr ye. Bala mam yaa fo Wẽnnaam.+
Mam na n kõo foo pãnga. N-ye, mam na n sõnga foom,+
mam na n gãda foo kãn-kãe ne m nug-rɩtgã sẽn wat ne tɩrlmã.’
11 Ade! Neb nins fãa sẽn yikd b sũy ne foomã na n paama yãnd la paoogre.+
B na n sãama neb nins sẽn zabd ne foomã n kɩt tɩ b lebg zaalem.+
12 Fo na n gẽesa neb nins sẽn maood ne foomã, la f pa na n yã-b ye.
Neb nins sẽn zabd ne foomã na n lebga wa bũmb sẽn pa be, wa zaalem fasɩ.+
13 Bala maam a Zeova sẽn yaa fo Wẽnnaamã gãta fo nug-rɩtgo,
la m yet foom yaa: ‘Da zoe rabeem ye. Mam na n sõnga foom.’+
14 A Zeova sẽn yaa fo Fãagdã,*+ n yaa Israyɛll Sõng soabã yeelame yaa:
Zũnzũur* a Zakoobe,+ da zoe rabeem ye.
Yãmb a Israyɛll neba, mam na n sõnga yãmba.”
15 “Gese! Mam kɩtame tɩ fo lebg zɛɛg ra-vuudga,+
zɛɛg tʋʋm-te-paalg sẽn tar noy sẽn dɩt sõma.
Fo na n taba tãens n sirg-ba,
la f kɩt tɩ kunkubã lebg wa wudgu.
16 Fo na n yelg-b lame,
tɩ sobgã rɩk-b n looge.
Sob-kẽeng n na n sãeeg-ba.
17 “Nimbãan-nedã ne naong soabã baooda koom, la ka be ye.
Ko-yũudã kɩtame tɩ b zɩlmã kʋɩ.+
Maam a Zeova na n sõng-b lame.+
Maam a Israyɛll Wẽnnaamã pa na n daag foo n bas ye.+
18 Mam na n kɩtame tɩ kʋɩls koom zoe kunkub nins zut baa fʋɩ sẽn pa yitẽ wã,+
la m kɩt tɩ ko-bunds zoe tẽn-nabẽ wã.+
Mam na n kɩtame tɩ we-raoogã lebg bãk sẽn tar tãnwĩisi,
la m kɩt tɩ zĩ-koɛɛgã lebg ko-bunds zĩiga.+
19 Mam na n sela sɛɛdr tɩɩg we-rasempʋɩɩgẽ,
n paas akasiya ne mirt la pẽ tɩɩse.+
We-rasempʋɩɩg sẽn yaa tẽn-nabrẽ wã, mam na n sela zenevirie tɩɩga,
20 sẽn na yɩl tɩ nebã fãa yã la b bãnge,
n maag b yĩng n ges n bãng
tɩ yaa a Zeova nug n maan bõn-kãnga,
la tɩ yaa Israyɛll Sõng soabã n naan-a.”+
21 A Zeova yeelame yaa: “Togs-y y yellã.”
A Zakoob Rĩmã yeelame: “Wa-y ne y kasetã.”
22 “Wa-y ne kaset la y wilg bũmb nins sẽn na n maanã.
Togs-y tõnd bũmb nins sẽn zĩnd pĩndã,*
sẽn na yɩl tɩ d tags b zut neer n bãng b baasg sẽn na n yɩ a soaba,
wall y togs tõnd bũmb nins sẽn watã.+
23 Wilg-y tõnd bũmb ning sẽn na n maan beoog-daare,
tɩ d bãng tɩ yãmb yaa wẽnnaam-dãmba.+
N-ye, maan-y bũmbu, sõma wall wẽnga,
tɩ d sã n yã bɩ ling-d wʋsgo.+
24 Ade! Yãmb ka yõodo,
la y tʋʋmdã yaa zaalem.+
Ned ning sẽn yãkd yãmba, a yaa ned b sẽn kisi.+
25 Mam yãka ned sẽn yit nug-rɩtg sẽnesã, la a na n waame.+
Yẽ na n taba nanambs wa tãndo,+
la wa yagd sẽn tabd tãn-maasa.
26 Ãnd n togs rẽ hal sɩngrẽ wã tɩ tõnd da tõe n bãnge,
wall hal pĩnd wẽndẽ, tɩ tõnd da tõe n yeel t’a bee bʋʋm?+
Hakɩɩka, ned baa a ye pa moon dẽ,
ned baa a ye pa gom rẽ yell me ye.
Yãmb pa togs baa fʋɩ tɩ ned wʋm ye!+
27 Maam n yɩ pipi n yeel Siyõ yaa: “Gese! Ad-y-ba!”+
Mam na n tʋma ned ne koe-noog Zerizalɛm.+
28 La mam da ket n getame, la m pa yã ned ye.
Ned ra kae b sʋkã sẽn na n kõ sagls ye.
Mam da ket n kotame tɩ b leoke.
29 Ges-y-yã! Bãmb fãa ka võor ye.
B tʋʋmã yaa zaalem.
B bõn-naandsã sẽn dõogã yaa sobg la faoor bala.+
42 Ad mam tʋm-tʋmdã+ mam sẽn teendã,
soab ning mam sẽn yãkã+ la sẽn ta-a mam yamã!+
Hakɩɩka, yẽ na n kɩtame tɩ tɩrlem zĩndi.+
4 A pãngã pa na n booge, la a pa na n koms raoodo, hal t’a wa kɩt tɩ tɩrlem zĩnd tẽngã zugu.+
Ko-sʋk tẽnsã ket n gũuda yẽ tõogã.*
5 Ad a Zeova sẽn yaa Wẽnnaam sɩd-sɩdã,
saasã Naandã la Wẽnnaam-kãseng ning sẽn tẽeg-ba,+
soab ning sẽn yɛdg tẽngã ne bũmb nins fãa sẽn be a zugã,+
soab ning sẽn kõt nebã sẽn be tẽngã zugã vɩɩm+
la sẽn kẽnd-b a zugã vʋʋsmã+ sẽn yeele:
6 “Maam a Zeova n bool foom ne tɩrlem.
Mam gãda fo nugu.
Mam na n kogla foom la m kɩt tɩ f yɩ kaool nin-buiidã yĩnga,+
la vẽenem buud toɛy-toɛyã yĩnga,+
7 sẽn na yɩl tɩ f puk zoens nini,+
la f yiis b sẽn balg b rãmbã bãens roogẽ,
ne sẽn zĩ-b lik pʋgẽ wã bãens roogẽ.+
8 Mam yaa a Zeova. Mam yʋʋrã la woto.
Mam pa na n dɩk m ziirã n kõ ned a to,
wall m dɩk m pẽgrã n kõ bõn-naands b sẽn pees ye.+
9 Ade! Pipi yɛlã loogame,
masã mam togsda bõn-paalse.
Nand tɩ b sɩnge,* mam wilgd-b-la yãmba.”+
10 Yãmb a neb nins sẽn kẽnd mogrã zugã la bũmb nins fãa sẽn be a pʋgẽ wã,
la yãmb a ko-sʋk tẽnsã la b neba,+
yɩɩl-y yɩɩn-paalg a Zeova yĩnga,+
yɩɩl-y n pẽg-y-yã-a hal dũniyã kɩremsẽ.+
Bɩ neb nins sẽn be pĩisẽ wã kaas ne sũ-noogo,
bɩ b zẽk b koees tãensã zutu.
12 Bɩ b waoog a Zeova,
la bɩ b pẽg-a ko-sʋk tẽnsẽ wã.+
13 A Zeova na n yii wa gãndaoogo.+
Yẽ na n neka a yẽesmã wa tãb-biiga.+
A na n kaasame. N-ye, a na n kelma zabr kɛlenga.
A na n wilgame t’a pãngã yɩɩda a bɛɛbã.+
14 “Mam da paa sɩɩ hal sẽn kaoose.
Mam da sĩndame n da yõk m menga.
Wakat-yɛnga, mam na n wẽe siri, m na n sesame tɩ m vʋʋsmã tulgi,
wa pag sẽn kʋmd rogem.
15 Mam na n sãama tãens la kunkuba,
la m kʋɩɩs b tɩɩsã ne b moodã fãa.
Mam na n kɩtame tɩ kʋɩls lebg ko-sʋk tẽnse,
la m kʋɩɩs bãgs sẽn tar tãnwĩisi.+
16 Mam na n talla zoens n kẽng sor b sẽn pa mi zugu,+
la m kɩt tɩ b tũ so-bugs b sẽn pa wae n tũudẽ.+
Yaa woto la m na n maan n kõ bãmba, la m pa na n daag-b n bas ye.”
17 Neb nins sẽn teeg bõn-naandsã b sẽn peesã,
b rãmb nins sẽn yet tɩ bõn-naandsã sẽn dõogã yaa b wẽnnaam-dãmbã,+
na n tarame n leb poorẽ, la b na n paama yãnd wʋsgo.
18 Yãmb b rãmb nins sẽn yaa wʋmse, kelg-y-yã.
Yãmb b rãmb nins sẽn yaa zoense, ges-y la y yã.+
19 Ãnd n yaa zoang tɩ sã n pa mam tʋm-tʋmdã,
la ãnd n yaa wʋng wa mam koe-taasdã?
Ãnd n yaa zoang wa ned ning b sẽn dolã,
la ãnd n yaa zoang wa a Zeova tʋm-tʋmdã?+
20 Fo nee bũmb wʋsgo, la fo pa gũusd ye.
Fo yoka f tʋbã, la fo pa kelgd ye.+
21 A Zeova tɩrlmã yĩnga,
a sũur yaa noog t’a kɩtdẽ tɩ tõogã* yaa kãseng la a tar ziiri.
22 La bãmb yaa nin-buiid b sẽn fã la b zɛ b teedo.+
B bẽda b fãa bogdẽ n yõke, la b solg-b bãens rotẽ.+
B zɛ-b lame tɩ ned kae n na n fãag-b ye.+
La b fã-b lame tɩ ned kae n na n yeel tɩ b lebg n wa ne-b ye.
23 Ãnd yãmb sʋkã n na n wʋm bõn-kãngã?
Ãnd n na n maan gũusg la a kelg beoog yĩnga?
24 Ãnd n kɩt tɩ b fã a Zakoobe,
la a ning a Israyɛll fãadbã nugẽ?
Pa a Zeova, soab ning tõnd sẽn beegã sɩda?
25 Woto, yẽ kell n sika a sũ-puugrã
ne a sũ-yikrã b zugu, la a kɩt tɩ zabrã toolem nams-ba.+
Rẽ sãama bũmb nins fãa sẽn gũbg-bã, la bãmb pa maan gũusg ye.+
Yõoga bãmba, la b maana b toog kae.+
43 Masã, Zakoobe, ad a Zeova sẽn yaa fo Naandã,
Soab ning sẽn naan foom a Israyɛllã+ sẽn yeele:
“Ra yɛɛs ye. Bala mam fãaga* foom.+
Mam boola foom ne f yʋʋre.
Maam n so foom.
2 Fo sã n wa pasgd koom, mam na n zĩnda ne foom,+
la fo sã n wa rʋʋgd kʋɩlse, koomã pa na n lim-f ye.+
Fo sã n wa kẽnd bugmẽ, bugmã pa na n yõog foom,
bug-witmã me pa na n vʋʋl-f ye.
3 Bala mam yaa fo Wẽnnaam a Zeova,
Israyɛll Sõng soabã sẽn yaa fo Fãagdã.
Mam dɩka Ezɩpt n yao n fãag foom,
la Etiyopi ne Seba me n kõ n deeg foom.
Rẽ n so tɩ m na n dɩk neb n kõ n fãag foom,
la m dɩk buud toɛy-toɛy n kɩs n fãag f yõorã.*
5 Ra yɛɛs ye. Bala mam bee ne foom.+
Mam na n kɩtame tɩ f yagensã yi yaang n wa,
la m tɩ tall-b nin-taoor n wa.+
6 Mam na n yeela rɩtg yaa: ‘Wa ne-ba!’+
La m yeel goabg yaa: ‘Ra gɩdg-b ye.
Tall m kom-dibli wã sẽn be zĩ-zãrgẽ wã, la m kom-pugli wã sẽn be dũniyã kɩremsẽ wã n wa.+
7 Yaa neb nins fãa b sẽn boond ne mam yʋʋrã,+
neb m sẽn naan m ziirã yĩnga,
la m sẽn yag la m maane.’+
8 Yiis-y nin-buiid sẽn yaa zoens baa ne b sẽn tar ninã,
la sẽn yaa wʋms baa ne b sẽn tar tʋbã.+
9 Bɩ buud toɛy-toɛyã fãa tigim taab zĩ-yɛnga,
la bɩ nin-buiidã tigim taaba.+
Ãnd bãmb sʋkã n tõe n togs bõn-kãngã,
wall ãnd n tõe n kɩt tɩ tõnd wʋm pipi yɛlã?*+
Bɩ b wa ne b kaset rãmb n wilg tɩ b bee bʋʋm,
pa rẽ bɩ b kelg la b yeel tɩ yaa sɩda.”+
10 A Zeova yetame yaa: “Yãmb yaa mam kaset rãmba.”+
“N-ye, mam tʋm-tʋmd mam sẽn yãke,+
sẽn na yɩl tɩ y bãng maam la y tẽ maam,*
la y bãng me tɩ mam ket n yaa m sẽn yaa a soabã.+
Sẽn deng maam, Wẽnnaam pa zĩnd ye.
La mam poorẽ, a to pa zĩnd me ye.+
11 Maam, mam yaa a Zeova.+ Mam sẽn yãk m toogo, fãagd kae ye.”+
12 A Zeova yetame yaa: “Maam la soab ning sẽn togse, sẽn fãage, la sẽn kɩt tɩ b bãnge,
wẽn-sãang sẽn wa n ka be yãmb sʋkã.+
Woto wã, yãmb yaa mam kaset rãmba, tɩ mam yaa Wẽnnaam.+
Mam sã n maand bũmbu, ãnd n tõe n gɩdg-a?”+
14 Ad a Zeova sẽn yaa yãmb Fãagdã,*+ n yaa Israyɛll Sõng soabã+ sẽn yeele:
“Yãmb yĩnga, mam na n tʋma tãb-biis Babilon tɩ b tɩ sãam a kʋɩlensã fãa,+
la Kalde nebã sẽn be b koom-kogendã pʋsẽ wã na n yãba ne sũ-sãanga.+
15 Mam yaa a Zeova, yãmb Sõng soabã,+ Israyɛll Naandã+ sẽn yaa yãmb Rĩmã.”+
16 Ad a Zeova,
Soab ning sẽn pãrgd sor mogrã pʋgẽ,
n tukd sor baa koom sẽn gudgd pʋgẽ,+
17 la Soab ning sẽn yiisd saar* la wed-moaaga,+
ne tãb-biisã la gãndaadã fãa wã sẽn yeele:
“Bãmb na n gãandame n pa yik ye.+
B na n kiis-b-la tẽma wa fɩtl laongo.”
18 “Ra tẽeg-y bũmb nins sẽn zĩnd pĩndã,
la y ra tagsd sẽn loogã yell n pa basdẽ ye.
Yãmb pa ne-a la?
20 We-rũmsi, rat n yeel tɩ we-baasã
ne naneoondã na n waooga maam.
Bala mam na n kɩtame tɩ koom zĩnd we-raoogẽ,
la m kɩt tɩ kʋɩls zĩnd we-rasempʋɩɩgẽ,+
sẽn na yɩl tɩ m nin-buiidã, mam sẽn yãk b rãmbã+ yũ.
21 Mam kɩtame tɩ bãmb lebg nin-buiid mam sẽn so,
tɩ b tõe n pẽg maam m tʋʋmã yĩnga.+
23 Fo pa wa kõ maam piis fo maand sẽn yõogd bugmã yĩnga,
wall n waoog maam ne f maandã ye.
Mam pa modg foom tɩ f wa kõ-m kũuni,
m pa nams-f me n kɩt tɩ f wa ne wisd sẽn yaa pɛɛlg ye.+
24 Fo pa ra raoog sẽn tar yũ-noog ne f ligd n kõ maam,
la fo pa kõ maam f maandã kaam tɩ sek-m ye.+
Fo pʋd n zɩsga maam ne f yel-wẽnã,
la f kɩt tɩ m yɛ ne f kongrã sẽn yaa wʋsgã.+
25 Maam, mam yaa Soab ning sẽn yẽesd fo beegrã*+ m yʋʋrã yĩnga.+
Mam pa na n tẽeg f yel-wẽnã yell ye.+
26 Tẽeg maam. Wa tɩ d bʋ d yellã ne taaba.
Gom n wilg tɩ f tara bʋʋm.
28 Rẽ n so tɩ m na n kɩt tɩ zĩ-sõngã nanambs lebg bõn-dẽgdo.
Mam na n kɩtame tɩ b sãam a Zakoobe,
la m kɩt tɩ b tʋ a Israyɛlle.+
44 “Masã, mam tʋm-tʋmd a Zakoobe, kelge.
La foom a Israyɛll mam sẽn yãk a soabã,+ kelge.
2 Ad a Zeova sẽn yaa
fo Naandã, soab ning sẽn naan foomã,+
la sẽn sõng foo f sẽn yi f ma pʋgẽ wã tɛkã sẽn yete:
Mam na n pʋdga m vʋʋsmã fo yagensã zugu,+
la m ning fo roogã rãmb barka.
5 Nina na n yeelame: “Mam yaa a Zeova n so.”+
Ned a to na n deega a Zakoob yʋʋre,
tɩ ned a to me gʋls a nugẽ wã yaa: “A Zeova rẽnda.”
Yẽ na n pʋda a meng t’a Israyɛlle.’
‘Mam yaa pipi soabã la yaoolem soabã.+
Wẽnnaam a to kae tɩ sã n ka maam ye.+
7 Ãnd n yaa wa maam?+
Bɩ a soab zẽk a koɛɛg n togse, la a wilg-m tɩ m bãnge!+
Bɩ a* togs bũmb nins sẽn watã,
la a togs bũmb nins sẽn na n maanã,
wa mam sẽn maan hal m sẽn zĩnig pĩnd wẽndẽ nebã tɛkã.
Mam pa reng n wilg yãmb ned kam fãa, la m togs-y sɩda?
Yãmb yaa mam kaset rãmba.+
Rẽ yĩnga, Wẽnnaam a to beeme tɩ sã n ka maam sɩda?
Ayo. Pĩig a to kae ye.+ Mam pa mi baa a yembr ye.’”
9 Neb nins fãa sẽn peesd bõn-naandsã yaa zaalem,
la teed nins b sẽn nongã pa na n tall yõod ye.+
Bãmb* yaa kaset rãmb sẽn pa ne bũmbu, la sẽn pa mi baa fʋɩ.+
Dẽ wã, neb nins sẽn maan bãmbã na n paama yãnde.+
10 Ãnd n na n sak n maan wẽnd la a rõog bõn-naandg
sẽn pa tõe n naf-a?+
11 Ade! A tʋmd-n-taasã fãa na n paama yãnde!+
Tʋʋm-mitbã yaa ninsaalb bala.
Bɩ b fãa tigim taab n yalse.
Rabeem-kãseng na n yõk-b lame, la b na n ninga b fãa yãnde.
12 Sãeyã tara a tʋʋm-teoogã n wɩngd kut bug-saal zugu.
A kut-a-la ne marto toɛy-toɛy n naan-a,
n saasd-a ne a nugã sẽn tar pãngã.+
Dẽ, kom yõkd-a lame t’a pãngã boogdẽ.
A pa yũud koom, tɩ yaams tar-a.
13 Ra-pɛɛsdã tẽegda wĩ-makdgã, n dɩk goor sẽn yaa miuug n gʋl naande.
Yẽ peesd-a-la ne kɩtga, la a rẽeg-a ne tʋʋm-teoog b sẽn tar n dẽesdẽ.
14 Nina tʋʋmd yaa sɛɛdr tɩɩs kɛɛbo.
Yẽ baooda tɩɩg ninga, n-ye, sɛnn tɩɩga,
n bas-a t’a bɩ n lebg bedr weoogã tɩɩs sʋka.+
A senda loriye tɩɩga, tɩ saagã kɩt t’a lebgd bedre.
15 Dẽ, tɩɩgã na n lebga raad tɩ ned tõe n dɩk n yõgend bugum.
A yãkda raadã n na n wootẽ,
la a yõgen bugum n maan buri.
La yẽ leb n yãkda raadã n maan wẽnnaam n waoogd-a.
A peesd-a lame n maan bõn-naandga, n wõgemded a taoore.+
16 A rɩkda raadã pʋɩ-sʋk n tugl bugum,
a rɩkda pʋɩ-sʋg-kãng me n sẽed nemdã a sẽn na n wãbã, n wãbdẽ t’a pʋg pitẽ.
Yẽ woota bugmã la a yetẽ:
“N-faa! Mam geta bugmã tɩ wɩngd m yĩngã.”
17 La yẽ rɩkda sẽn kellã n maan wẽnd sẽn yaa bõn-naandg a sẽn pees a meng yĩnga.
A wõgemdeda a taoor n waoogd-a,
la a pʋʋsd-a n yetẽ:
“Fãag maam, bala fo yaa mam wẽnnaam.”+
18 Bãmb pa mi baa fʋɩ, la b pa wʋmd bũmb võor me ye.+
Bala b ninã muma tag-tag tɩ b pa tõe n yã ye.
Bãmb yamã* pa wek ye.
19 Ned baa a yembr pa tagsd a sũurẽ,
ned baa a yembr pa tar bãngr wall yam n na n yeele:
“Mam dɩka pʋɩ-sʋkã n yõog bugum,
la m tall bug-saalã n maan bur la m sẽ nemd n wãbe.
Dẽ wã, mam na rɩk sẽn kellã n maan bũmb sẽn yaa wẽnga?+
Mam na waoog raoogo?”
20 Yẽ rɩlgda a meng ne tompɛglem.
A sũurã sẽn yaa zãmb soabã kẽes-a-la moogo.
A pa tõe n fãag a menga,* la yẽ pa sokd a meng yaa:
“Pa ziri la sẽn be mam nug-rɩtg pʋgẽ wã sɩda?”
21 “Zakoobe, tẽeg bõn-kãensã yelle. Foom a Israyɛlle, tẽege.
Bala fo yaa mam tʋm-tʋmda.
Maam n naan foo, tɩ fo yaa mam tʋm-tʋmda.+
Israyɛlle, mam pa na n yĩm fo yell ye.+
22 Mam na n yẽesa fo kongrã wa sawadg sẽn lud bũmbu,+
la m yẽes f yel-wẽnã wa sawad-taok sẽn lud bũmbu.
Lebg n wa mam nengẽ, bala mam na n lebs n daa foo.+
23 Yãmb a saase, kaas-y ne sũ-noogo,
bala a Zeova kẽesa a toogo!
Tẽngã zĩ-zulumsi, zẽk-y y koees n kɩdme!
Yãmb a tãense, kaas-y ne sũ-noogo!+
Kãgrã ne a tɩɩsã fãa, kaas-y-yã!
“Mam yaa a Zeova, soab ning sẽn maan bũmb fãa wã.
Ãnd n da be ne maam?
25 Mam kɩtdame tɩ gom-vɩɩd rãmbã* sẽn kõt bãn ninsã ra pidsi,
la maam n yaa soab ning sẽn kɩtd tɩ bag-bʋgdbã tʋmd yalemdo,+
sẽn kɩtd-a tɩ yam dãmb yirbdẽ,
la a kɩtdẽ tɩ b bãngrã lebg yalemdã.+
26 Maam n yaa soab ning sẽn kɩtd t’a tʋm-tʋmdã gomd pidsi,
la a kɩtdẽ t’a koe-taasdbã sẽn deng n togs bũmb ninsã fãa pidsdẽ wã.+
Yaa maam la soab ning sẽn yet tɩ neb n na n zĩnd Zerizalɛm,+
la m yetẽ tɩ b na n lebs n mee Zida tẽnsã,+
la tɩ m na n manega a raboodã.+
27 Mam yaa soab ning sẽn yet ko-zulumsã yaa: ‘Yõbg-y-yã,
la mam na n kʋɩɩsa y kʋɩlsã fãa.’+
28 Maam n yaa soab ning sẽn yet a Sirus+ wɛɛngẽ yaa: ‘Yẽ yaa mam pe-kɩɩma,
la a na n maana m daabã fãa zãnga.’+
Yaa maam la soab ning sẽn yet tɩ b na n lebs n mee Zerizalɛm,
la tɩ b na n yẽbga wẽnd-doogã.”+
45 Ad a Zeova sẽn yet a Sirus+ sẽn yaa ned ning yẽ sẽn yakã,*
yẽ sẽn gãd a soab ning nug-rɩtgo,+
n na n kɩt t’a tõog buud toɛy-toɛya,+
n dees rĩm-dãmb zab-teedo,*
la a lʋɩ a taoor n pags kʋɩlens sẽn tar pagds a yiibu,
sẽn na yɩl tɩ tẽngã noyã ra pagã:
Mam na n pãba zũud kʋɩlensã n zõgse,
la m kao kut sogdsã.+
3 Mam na n kõo foom arzɛgs sẽn be lik pʋgẽ,
la laog b sẽn bĩng zĩ-solgdsẽ,+
tɩ f bãng tɩ mam yaa a Zeova,
Israyɛll Wẽnnaamã, soab ning sẽn boond foom ne f yʋʋrã.+
4 Mam tʋm-tʋmd a Zakoob la a Israyɛll mam sẽn yãk a soabã yĩnga,
mam boonda foo ne fo yʋʋrã.
Mam kõta foo waoogr yʋʋre, baa ne fo sẽn nan pa mi maamã.
5 Mam yaa a Zeova, mam pa tar to ye.
Sã n ka maam, Wẽnnaam a to kae ye.+
Mam na n kenga f raoodo,* baa ne fo sẽn pa mi maamã,
6 sẽn na yɩl tɩ nebã bãng
hal sẽn sɩng wĩndg sẽn pukdẽ n tãag a sẽn lʋɩtẽ,*
tɩ mam sẽn yãk m toogo, Wẽnnaam a to kae ye.+
Mam yaa a Zeova, mam pa tar to ye.+
7 Maam n kɩtd tɩ vẽenem beẽ,+ la m kɩtdẽ tɩ lik beẽ.+
Maam n wat ne laafɩ,+ la m wat ne yel-beedo.+
Maam a Zeova n maand bõn-kãensã fãa.
8 Saase, pa-y yĩngr n dʋʋg sa-koom.+
Bɩ sawatã kiig tɩrlem.
Bɩ tẽngã pake, la bɩ a wom fãagr
la a kɩt tɩ tɩrlem bul n yi wakat kãng me.+
Maam a Zeova n maan woto.”
9 Toog na paam ned ning sẽn wẽed no-koɛɛm ne a Naandã!*
Bala yẽ yaa sa-pɛɛg sẽn
be sa-pees a taabã sẽn dɩg tẽngã sʋk bala!
Rẽ yĩnga, tãnd na sok Yagdã* tɩ yaa bõe la a maanda?+
Bɩ fo nusã tʋʋmd na yeel tɩ fo pa tar nusi?*
10 Toog na paam ned ning sẽn yet ba yaa: “Fo lebga bõe baaba?”
la a sokd pag yaa: “Yaa bõe biig la f rogda?”
11 Ad a Zeova sẽn yaa Israyɛll Sõng soabã,+ soab ning sẽn maan-a wã sẽn yeele:
“Fo na wẽ no-koɛɛm ne maam bũmb nins sẽn watã poorẽ,
la fo kõ maam noor m kom-dibli wã+ la m nus tʋʋmã wɛɛngẽ sɩda?
12 Mam maana tẽngã+ la m naan ninsaal n ning a zugu.+
13 Tãb-biis naab a Zeova yeelame yaa: “Mam kɩtame tɩ rao yik ne tɩrlem,+
la m na n kɩtame t’a soayã fãa yɩ tɩrse.
Yaa yẽ n na n me mam tẽngã,+
la a kɩt tɩ m nebã sẽn kẽng yembdã paam lohorem+ tɩ pa tũ ne yaood wall noor-madgr ye.”+
14 Ad a Zeova sẽn yeele:
“Ezɩpt yõodã* ne Etiyopi leebgã teed* la Sabe nebã sẽn yaa nin-wogdã
na n waa fo nengẽ, n lebg fo rẽnda.
B na n soga bãmb ne bãens tɩ b kẽnd fo poorẽ.
Bãmb na n kolg n wõgemda fo taoore.+
Bãmb na n waooga foom n yeele: ‘Hakɩɩka, Wẽnnaam bee ne foom.+
A to ka be ye. Wẽnnaam a to kae ye.’”
15 Israyɛll Wẽnnaam sẽn yaa Fãagda,+
Hakɩɩka, yãmb yaa Wẽnnaam sẽn solgd a menga.
16 B fãa na n paama yãnd la paoogre.
Sẽn maand-b bõn-naandsã fãa na n looga ne yãnde.+
17 La a Zeova na n fãaga Israyɛll wakat fãa yĩnga.+
Wakat fãa yĩnga, yãmb pa na n tol n paam yãnde, la b kõn paoog-y me ye.+
18 Bala ad a Zeova sẽn yaa
saasã Naandã,+ Wẽnnaam sɩd-sɩdã,
soab ning sẽn maan tẽngã n vigl-a kãn-kãe wã,+
n pa naan-a zaalem yĩngã,* la sẽn maan-a sẽn na yɩl tɩ neb zĩnd a zugã+ sẽn yeele:
“Mam yaa a Zeova. Mam pa tar to ye.
19 Mam pa zĩnd zĩ-soalgdgẽ, tẽng sẽn yaa lik pʋgẽ n gom ye.+
Mam pa yeel a Zakoob yagensã
tɩ b bao maam zaalem yĩng ye.
Mam yaa a Zeova, soab ning sẽn togsd sẽn yaa tɩrg la sẽn zemsã.+
20 Sũ-y taab n wa.
Yãmb a neb nins sẽn põs buud toɛy-toɛyã nugẽ wã,+ lagm-y taab n kolge.
B rãmb nins sẽn zãad bõn-naandsã b sẽn peesã,
la b pʋʋsd wẽnnaam sẽn pa tõe n fãag-bã+ pa mi baa fʋɩ.
21 Gom-y-yã, la y wa ne y kaseto.
Bɩ y zems taab n yẽse.
Ãnd n pĩnd n togs bõn-kãngã hal sẽn kaoose,
la a wilg rẽ hal pĩnd wẽndẽ?
Pa maam a Zeova la?
Wẽnnaam a to kae n zʋʋg maam ye.
Mam sẽn yãk m toogo, Wẽnnaam sẽn yaa tɩrg la sẽn fãagd kae ye.+
22 Bɩ neb nins sẽn be dũniyã ween-vɩɩsã fãa wã wa mam nengẽ n paam fãagre,+
bala mam yaa Wẽnnaam, mam pa tar to ye.+
Rũmã fãa na n yĩgimda mam taoore,
la zɩlemd fãa na n wẽename t’a na n saka maam ne a sũur fãa,+
24 la a yeel yaa: ‘Hakɩɩka, tɩrlem sɩd-sɩdã la pãng bee a Zeova nengẽ.
Neb nins fãa sẽn yik b sũur ne-a wã na n waa a taoor ne yãnde.
25 A Zeova maasem yĩnga, Israyɛll yagensã fãa na n paama bʋʋm+
la bãmb na n pẽga b mense.’”
46 A Bɛll zõondedame,+ a Nebo sulgdame.
Yaa rũms sẽn zɩt zɩɩb la b zɩlgd bãmb bõn-naandsã,+
wa teed b sẽn zɩlg rũms sẽn yɛ.
3 “Yãmb a Zakoob roogã rãmba, la yãmb a Israyɛll roogã neb nins fãa sẽn kellã,+ kelg-y maam.
Yãmb a neb nins mam sẽn teel hal y rogem tɛka, la m zã hal y sẽn wa n ket y ma pʋgẽ wã,+ kelg-y maam.
4 Hal n tãag y kʋʋlem, mam na n kell n yɩɩ m sẽn yaa a soabã.+
La hal tɩ yãmb zoobdã wa pelge, mam na n ket n sõngda yãmba.
Mam na n zãa yãmba, n teel yãmb la m fãag yãmb+ wa m sẽn da zoe n maanã.
5 Ãnda la yãmb na n mak ne maam, wall y yeel t’a zema maam?+
Ãnda la yãmb na n mak ne maam tɩ d wõneg taaba?+
6 Neb n vaagd sãnem b korgẽ,
la b makd wanzuri balãns zugu.
Bãmb yaooda yõak t’a rɩk rẽ n maan bõn-naandga.+
Rẽ poore, bãmb wõgemdeda a taoore. N-ye, bãmb waoogd-a lame.+
7 Bãmb zẽkd-a lame n palg b bãgdẽ,+
n tall-a n tɩ sik a zĩigẽ, t’a yas be.
A pa tõe n viig a zĩigẽ wã ye.+
Bãmb kelemd n boond-a lame, la a pa leokd ye.
A pa tõe n fãag ned yel-pakr wakat ye.+
8 Tẽeg-y rẽ yell n paam daoodo.
Yãmb a kɩɩsdbã, tags-y bõn-kãng yell neere.
9 Tẽeg-y bũmb nins sẽn zĩnd pĩnd* hal sẽn kaoosã yelle.
Tẽeg-y tɩ mam yaa Wẽnnaam, la t’a to kae ye.
Mam yaa Wẽnnaam, la a to kae sẽn yaa wa maam ye.+
Mam gomame, la mam na n pids-a lame.
Mam yãka yam n na n maan-a, la mam na n kɩtame t’a pidsi.+
12 Yãmb a neb nins sũy sẽn diglmã,
la yãmb a neb nins sẽn zãr ne tɩrlmã, kelg-y maam.
Mam na n waa ne fãagr Siyõ, la m n kõ Israyɛll m neermã.”+
47 Babilon pa-kuilã,+
sig n zĩnd tomẽ.
Kalde nebã bi-pugla,
zĩnd tẽnga, zĩig geer sẽn kaẽ.+
Bala nebã pa na n tol n le bool foo tɩ na-poaka, la b sẽn põneg a soabã ye.
2 Rɩk ne-biig n wer zom.
Yãk f peendã.
Kool f fuugã n bas f gɛyã.
Rʋʋg kʋɩlsã.
3 B na n yãa foo f zaala.
B na n kɩtame tɩ nebã yã f yãndã.
Mam na n doka m sũuri,+ la ned kõn tõog n gɩdg maam ye.
5 Kalde nebã bi-pugla,+
sĩnd f noor n zĩnd be n pa lik pʋgẽ.
Ned kõn le bool foo tɩ soolem toɛy-toɛyã Zu-soben-poak* ye.+
6 Mam sũur da puuga ne m nin-buiidã.+
La fo pa zoe b nimbãaneg ye.+
Fo zɩlga b nin-kẽembã meng ne zɩɩb sẽn yaa zɩsgo.+
7 Fo ra yetame yaa: “Mam na n yɩɩ Zu-soben-poak* wakat fãa yĩnga.”+
Fo pa bʋgs bõn-kãensã zug neer ye.
Fo pa bao n bãng yellã sẽn na n baas to-to wã ye.
8 Masã, kelge, foom a soab ning sẽn nong yõ-noogrã,+
sẽn zĩ bãan la sẽn yet a sũurẽ yaa:
“Mam yaa m ye, mam pa tar to ye.+
Mam pa na n lebg pʋg-kõor ye.
Mam pa na n tol n bõn m kamb ye.”+
9 La yel-kãensã b yiibã na n tiig n paama foo raar-n-yɛnga:+
Fo na n bõna f kamba, la f na n lebga pʋg-kõore.
Yel-kãensã na n namsa foo hal sõma,+
fo tɩtã sẽn yaa wʋsgo, la fo sẽn dabsd f taabã hal tɩ tar pãngã yĩnga.*+
10 Fo ra teega f wẽnemã.
Fo ra yetame tɩ ned pa ne foom ye.
Fo yamã la f bãngrã kẽesa foo moogo.
La fo yeela f sũurẽ yaa: “Mam yaa m ye, mam pa tar to ye.”
11 Yel-beed n na n paam foo,
la fo tɩtã baa a ye kõn tõog n gɩdg-a ye.*
Toog n na n paam foo, la fo pa na n tõog n gil-a ye.
Fo na n tiig n paama sãoong f sẽn da zɩ n yã.+
12 Rẽ wã, ket n dabsd neba, la f maand f tɩtã,+
fo sẽn da sɩng n maand ne f sũur fãa hal f bi-bɩɩlem wakatã.
Tõe tɩ f na n tõog n dɩɩ a yõodo.
Tõe tɩ f kẽes neb rabeem.
13 Fo baoo sagendb wʋsg tɩ wa ne f yaamse.
Bɩ b yik n fãag foo masã.
Bãmb yaa neb nins sẽn waoogd saasã,* n get ãdsã,+
la b togsd bũmb nins sẽn na n paam foom
ki-paalã sasa wã.
14 Ade! Bãmb yaa wa moodo.
La bugum n na n dɩ-ba.
Bãmb pa tõe n fãag b mens* bug-witmã pãng taoor ye.
Pa bug-saal sẽn tõe n wɩng yĩnsi,
la bugum ned sẽn tõe n zĩnd a taoor ye.
15 Fo tɩtã rãmba,
fo sẽn nams wʋsg ne b rãmb hal f bi-bɩɩlem wakatã na n lebga woto.
Bãmb ned fãa na n yeebame, ned fãa a sẽn teesdẽ.*
Ned sẽn na n fãag foo kõn zĩnd ye.+
48 A Zakoob roogã rãmba, kelg-y-yã!
Yãmb b rãmb nins b sẽn boond ne a Israyɛll yʋʋrã,+
la sẽn yi Zida ko-rãmbẽ wã,*
n wẽend ne a Zeova yʋʋr+
la b pʋʋsd Israyɛll Wẽnnaamã
tɩ pa ne sɩd la tɩrlmã,+ kelg-y-yã.
2 Bala bãmb rɩka tẽn-sõngã yʋʋr n pʋd b mense,+
la b baood Israyɛll Wẽnnaamã sõngre,+
soab ning yʋʋr sẽn yaa tãb-biis naab a Zeova wã.
3 “Hal sẽn kaoose, mam togsa yãmb bũmb nins sẽn zĩnd pĩndã.*
Bõn-kãens yii mam mengã noorẽ,
la mam kɩtame tɩ b bãng-ba.+
Zĩig pʋgẽ, mam kɩtame tɩ bũmb yɩ, la pidsame.+
4 Mam sẽn mi fo sũurã sẽn diglim to-to wã,
tɩ fo yublã gĩind yaa wa kutu, la tɩ f rĩirã yaa wa zũudã,+
5 mam togsa foom bõn-kãensã hal sẽn kaoose.
Nand tɩ b pidsi, mam kɩtame tɩ f wʋme,
sẽn na yɩl tɩ f ra wa yeel tɩ fo bõn-naandgã n maan dẽ,
la tɩ f bõn-naandgã b sẽn peesã, la a soab ning b sẽn dõogã n togs rẽ ye.
6 Fo wʋmame la f yã bõn-kãensã fãa.
Fo pa na n gom rẽ yell sɩda?+
Masã tɛka, m togsda foom bõn-paalse,+
bũmb toor-toor sẽn da solg sõma tɩ f ra pa miẽ ye.
7 Yaa masã la m naan bõn-kãense, pa hal daar zãr ye.
Sã n pa rũndã, fo ra nan zɩ n wʋm bõn-kãens kibar ye.
Rẽnd f pa tõe n yeel tɩ f ra zoe n mi-b lame ye.
8 Ayo, fo pa wʋme,+ fo pa bãnge.
Pĩndã fo tʋbã ra pa yok ye.
9 La mam yʋʋrã yĩnga, mam na n tõoga m sũurã.+
Mam ziirã yĩnga, mam na n yõka m menga,
la m pa na n menes foom ye.+
10 Ade! Mam yɩlga foom, la pa wa b sẽn yɩlgd wanzuri ye.+
Mam maka* foom namsg wʋng pʋgẽ.+
Mam pa na n dɩk m ziirã n kõ ned ye.
12 Zakoobe, la foom a Israyɛll m sẽn bool a soabã, kelge.
Mam ket n yaa m sẽn yaa a soabã.+ Mam yaa pipi soabã la yaoolem soabã.+
Mam sã n bool-ba b naagda taab n yiki.
14 Bɩ yãmb fãa tigim taab n kelge.
Ãnd bãmb sʋkã n togs bõn-kãensã?
Ned ning maam a Zeova sẽn nongã+
15 Mam meng n gome, la mam boola yẽnda.+
Maam n kɩt t’a wa, la bũmb ning a sẽn na n maanã na n yãka nenga.+
16 Kolg-y maam n kelge.
Hal sɩngrẽ wã mam pa solg n gom ye.+
Hal a maanegã wakat tɩ mam beeme.”
La masã, Zu-soab sẽn ka to a Zeova tʋma maam ne a vʋʋsmã me.
17 Ad a Zeova sẽn yaa fo Fãagdã* la Israyɛll Sõng soabã+ sẽn yeele:
“Mam yaa a Zeova, fo Wẽnnaamã,
soab ning sẽn zãmsd foom f meng nafr yĩnga,*+
la soab ning sẽn wilgd foo sore, sor ning zug fo sẽn segd n kẽnã.+
18 Fo sã n da tũudẽ mam noyã,+
19 Fo yagensã ra na n yɩẽ-la wʋsg wa bĩisri,
tɩ fo roogã rãmb yɩ wa bĩisrã bɛɛla.+
B ra pa na n tol n yãk wall b menes b yʋʋrã mam taoor ye.”
20 Yi-y Babilonne!+
Zoe-y n põs-y Kalde nebã!
Togs-y rẽ ne sũ-noog kaasgo! Moon-y-yã-a!+
Kɩt tɩ b bãng rẽ dũniyã tɛk fãa.+
Yeel-y yaa: “A Zeova fãaga* a tʋm-tʋmd a Zakoobe.+
21 A sẽn wa n tar bãmb n pɩʋʋgd zĩ-koeemsã, ko-yũud pa yõk-b ye.+
A kɩtame tɩ koom zoe pĩigẽ b yĩnga.
A wãaga pĩig n kɩt tɩ koom pusg n yi.”+
22 A Zeova yetame yaa: “Bãan kae nin-wẽnsã yĩng ye.”+
49 Ko-sʋk tẽnse, kelg-y maam,
la yãmb a tẽns nins sẽn be zĩ-zãrgẽ,+ kelg-y neere.
A Zeova boola maam tɩ m nan pa rog ye.+
La yẽ pʋda mam yʋʋr hal m sẽn wa n ket m ma pʋgẽ.
2 A kɩtame tɩ m noorã yaa wa sʋʋg sẽn dɩte.
Yẽ solga maam a nugã maasmẽ.+
A kɩtame tɩ mam yaa wa peemd sẽn saase,
la a solg maam a lokẽ.
3 Yẽ yeela maam yaa: “Israyɛlle, fo yaa mam tʋm-tʋmda,+
la soab ning m sẽn na n tũnug ne n wilg m neermã.”+
4 La mam yeelame yaa: “Mam namsa zaalem yĩnga.
Mam sɛɛsa m pãngã bũmb sẽn pa be yĩng bala.
5 La a Zeova sẽn yaa soab ning sẽn naan maam tɩ m lebg a tʋm-tʋmd m sẽn wa n ket m ma pʋgẽ wã
yeela maam tɩ m tɩ tall a Zakoob n wa a nengẽ,
sẽn na yɩl n tigim a Israyɛll yẽ nengẽ.+
Mam na n paama pẽgr a Zeova nifẽ,
la mam Wẽnnaamã na n yɩɩ mam pãnga.
6 La a yeelame: “Fo pa mam tʋm-tʋmd
sẽn na n kɩt t’a Zakoob buud toɛy-toɛyã le yiki,
la f kɩt tɩ Israyɛll neb nins b sẽn da koglã lebg n wa bal ye.
7 Ad a Zeova sẽn yaa Israyɛll Fãagd* la a Sõng soabã+ sẽn yet ned ning b sẽn sãbsdã,+ buud toɛy-toɛyã sẽn kis a soabã, la nanambs tʋm-tʋmdã:
“Rĩm-dãmb na n yãame n yiki,
tɩ nanambs yĩgimdi,
a Zeova sẽn yaa sɩd soabã+
la Israyɛll Sõng soabã sẽn yãk foomã yĩnga.”+
8 Ad a Zeova sẽn yeele:
“Mam leoka foom lohorem* wakate,+
la mam sõnga foom fãagr daare.+
Mam da ket n kogenda foom sẽn na yɩl tɩ f yɩ kaool ninsaalbã yĩnga.+
Soolmã na n lebs n meeme.
Mam nebã na n sooga b soolmã sẽn da lebg raboogã.+
9 B na n yeela sẽn be-b bãens roogẽ wã: ‘Wa n yi-y-yã!’+
La b yeel sẽn be-b lik pʋgẽ wã:+ ‘Vẽneg-y y mense!’
Bãmb na n dɩɩ soayã zutu,
la b wãbneg zĩisã na n bee so-bugs nins nebã sẽn tũud wʋsgã fãa kɩremse.*
Bala soab ning sẽn zoe bãmb nimbãanegã na n wilga bãmb sore,+
la a na n talla bãmb n pẽneg ko-bunds zĩisẽ.+
11 Mam na n kɩtame tɩ m tãensã lebg sore,
la m zẽk m so-kãsemsã.+
12 Ges-y-yã! Bãmb yita zĩ-zãrgẽ n watẽ.+
Ade! Kẽer yita nug-rɩtg ne nin-taoor sẽnesã n watẽ,
tɩ sãnda yit Sinim soolmẽ wã n watẽ.”+
13 Saase, kaas-y ne sũ-noogo. Tẽnga, kɩdme.+
Bɩ tãensã kaas sũ-noog kaasgo.+
14 La Siyõ ra yetame yaa:
“A Zeova basa maam,+ a Zeova yĩma mam yelle.”+
15 Rẽ yĩnga pag tõe n yĩma biig ning a sẽn yẽsemdã yelle,
wall a pa zoe biig ning a sẽn dogã nimbãaneg sɩda?
Baa pag sã n yĩmi, mam pa na n tol n yĩm fo yell ye.+
16 Ade! Mam gʋlsa fo yʋʋrã mam nug-pʋsẽ wã.
Fo lalsã bee mam taoor wakat fãa.
17 Fo kom-dibli wã lebg n wata tao-tao.
Sẽn lub-b foo la b sãam-f zãngã na n loog n basa foom.
18 Zẽk f neng n ges zĩig fãa.
Bãmb fãa tigimda taaba.+
Bãmb wata fo nengẽ.
A Zeova yetame yaa: “Mam wẽenda ne m mengã*
tɩ fo na n yeelga bãmb fãa wa nag-teedo,
la tɩ fo na n sẽgna bãmb wa pʋg-paal sẽn maand to-to wã.
19 Yaa sɩd tɩ b ra sãama fo zĩisã tɩ lebg vɩʋʋgo, la b kɩt tɩ fo soolmã lebg raboogo,+
la masã, a na n lebga sẽk wʋsg ne neb nins sẽn na n zĩnd be wã.+
20 Kamb nins fo sẽn dog f kamb a taabã kũum poorã na n walma fo tʋbrẽ n yeele:
‘Zĩ-kãngã yaa sẽk wʋsg ne tõndo.
Bao-y zĩig n kõ-d tɩ d zĩndi.’+
21 La fo na n yeela f sũurẽ yaa:
‘Ãnd la kom-kãensã b sẽn kõ maamã baaba?
Bala mam kambã kiime tɩ m yaa kiri,
la b yõka maam n kẽng yembdo.
Dẽ wã, ãnd n wub kom-kãensã?+
22 Ad Zu-soab sẽn ka to a Zeova sẽn yeele:
“Gese! Mam na n zẽka m nug n tees soolem toɛy-toɛyã neba,
la m zẽk m tãb-kaoorã tɩ buud toɛy-toɛy neb yã.+
23 Rĩm-dãmb na n gesa fo yelle,+
tɩ b kom-pugli yɩ fo yaoondba.
Bãmb na n wõgemda fo taoor n fõgen b nens tẽng+
n lelem fo naoã tom,+
tɩ fo bãng tɩ mam yaa a Zeova.
Neb nins sẽn teeg maamã kõn paam yãnd ye.”+
24 Gãndaoog sã n yõg neba, ãnd n tõe n deeg-b a nugẽ,
wall n fãag nin-toaag sẽn yõg b rãmbã?
25 La ad a Zeova sẽn yeele:
Mam na n zaba ne sẽn zabd-b ne foomã,+
la mam na n fãaga f kom-dibli wã.
26 Mam na n kɩtame tɩ neb nins sẽn namsd foomã wẽneg n wãb b mensã nemdo,
la b yũ b zɩɩmã wa divẽ-noog n tɩge.
Nebã fãa* na n bãngame tɩ m yaa a Zeova,+
n yaa fo Fãagda,+ soab ning sẽn lebs n da foomã,+
la a Zakoob Pãng soabã.”+
50 Ad a Zeova sẽn yeele:
“Kãadem kaoob sebr+ ning mam sẽn kõ y ma wã m sẽn digã bɛɛ?
Bɩ yaa ne m sam-soab a bõe la m koos yãmba?
2 Woto wã, bõe yĩng tɩ mam sẽn wa wã, m pa yã neda?
Bõe yĩng tɩ m bool tɩ ned pa leoke?+
Rẽ yĩnga, mam nugã yaa koɛɛg wʋsg n pa tõe n fãag bɩ,
bɩ mam ka pãng n tõe n sõnge?+
Bãmb zĩmã põogda koom sẽn ka be wã yĩnga,
b kiida ko-yũud yĩnga.
3 Mam yeelgda saasã ne lika,+
la m kɩt tɩ bot yɩ b lutga.”
4 Zu-soab sẽn ka to a Zeova kõo maam neb sẽn paam zãmsg zɩlemde,*+
sẽn na yɩl tɩ m bãng n leok ned ning sẽn yɛ wã* ne gomd sẽn zemse.+
Yẽ nekda maam yibeoog fãa.
A yokda mam tʋb tɩ m kelgd wa karen-biiga.+
Mam pa wẽnemd n tees zĩig a to ye.+
6 Mam kõo neb nins sẽn pãbd maamã m poore,
la m kõ neb nins sẽn gʋsd m toɛɛngã m yɛgdse.
Mam pa solg m neng paoogr wall kolkood tʋbsg yĩng ye.+
7 La Zu-soab sẽn ka to a Zeova na n sõnga maam.+
Rẽ n so tɩ mam pa na n ges tɩ b paooga maam ye.
Rẽ n so me tɩ m na n keng m nengã wa kugr sẽn kɛgme.+
La mam miime tɩ m pa na n paam yãnd ye.
8 Soab ning sẽn yet tɩ mam yaa tɩrgã kolgame.
Ãnd soab n tõe n ning maam taale?*+
Bɩ a yik tɩ d yalse.
Ãnd n tar yell ne maam?
Bɩ a kolge.
9 Ade! Zu-soab sẽn ka to a Zeova na n sõnga maam.
Ãnd n na n mong maam bʋʋm?
Gese! Bãmb fãa na n kii wa fuugu.
Mogd* n na n mok bãmb tẽma.
10 Ãnd soab yãmb sʋkã n zoet a Zeova,
la a kelgd a tʋm-tʋmdã koɛɛga?+
Ãnd soab n kẽn lik bida pʋgẽ tɩ vẽenem baa bilf ra kaẽ?
Bɩ a teeg a Zeova yʋʋrã la a rell a Wẽnnaamã.
11 “Ade! Yãmb fãa sẽn widgd bugum,
n kɩtdẽ tɩ bug-pãrsã yɩgda,
kẽn-y y bugmã vẽenemẽ,
bug-pãrsã sẽn yɩgdã sʋka.
Ad bũmb ning yãmb sẽn na n paam mam nugẽ:
Yãmb na n gãanda ne toog wʋsgo.
51 “Yãmb a neb nins sẽn baood tɩrlmã,
la yãmb a neb nins sẽn baood a Zeova wã, kelg-y maam.
Ges-y pĩig ning b sẽn pees n yãk yãmbã,
la pĩig bok ning b sẽn tu n yãk yãmbã.
2 Ges-y yãmb ba a Abrahaam
la a Saara+ sẽn dog yãmbã.
Bala mam sẽn wa n bool-a wã t’a ra yaa a yembre,+
la mam ning-a-la bark n kɩt t’a fɩɩg n lebg kʋʋngo.+
3 Bala a Zeova na n belsa Siyõ.+
A na n lebs n manega* a raboodã,+
la a kɩt t’a we-raoogã lebg wa Edɛnne,+
t’a we-rasempʋɩɩgã sẽn yaa tẽn-nabrã lebg wa a Zeova zẽed zĩigã.+
B na n wʋma sũ-noog kaasg la kɩdeng rãamd a pʋgẽ,
ne bark pʋʋsg la yɩɩn-noogo.+
4 Mam neba, kelg-y maam.
Buud m sẽn so,+ kɩll-y y tʋbr n kelg maam.
5 Mam tɩrlmã kolgdame.+
6 Nak-y y nens n ges saasã,
la y sulg n ges tẽngã.
Bala saasã na n wɩlga wa bug-zõose.
Tẽngã na n kii wa fuug sẽn ki,
t’a nebã ki wa rũmpigli.
Ra n zoe-y rabeem ninsaalb sẽn yaa kiidb no-baoodem yĩnga,
la ra n yɛɛs-y b tʋyã yĩng ye.
La mam tɩrlmã na n paa wakat sẽn kõn sa,
tɩ m fãagrã yɩ zãmaan woo zãmaana.”+
9 Zeova kanga,+
neke! Neke! Pil f meng ne pãnga.
Nek wa pĩnd wẽndẽ wã, la wa zãmaan nins sẽn loogã sasa.
10 Pa foom n kʋɩɩs mogrã sẽn yaa zĩ-zulungã koom sɩda?+
Pa foom n kɩt tɩ mogrã zĩ-zulumsã lebg sor tɩ b sẽn fãag* b rãmbã rʋʋg sɩda?+
11 A Zeova sẽn fãag* b rãmbã na n lebg n waame.+
Sũ-noog kaasg la kɩdeng n na n yɩ bãmb pʋɩɩre,
la sũ-sãang ne sir wẽeb na n menemame.+
12 “Yaa mam mengã n belsd yãmba.+
Dẽ wã, bõe yĩng tɩ fo na n zoe ninsaal sẽn yaa kiidã sẽn na n ki wã rabeem,+
la ninsaal sẽn na n zelg wa moogã rabeem?
Daarã tõre, fo ra rigda rabeem sẽn namsd-a* foomã sũ-puugrã yĩnga,
wa a ra tõe n menes-f lame.
La masã, sẽn namsd-a foomã sũ-puugrã bɛɛ?
14 Ka la bilfu, soab ning b sẽn sẽb ne bãens t’a surẽ wã na n paama a menga.+
A pa na n ki n sig bokẽ,
rɩɩb me kõn paoog-a ye.
15 Mam yaa a Zeova, fo Wẽnnaamã,
soab ning sẽn zẽkd mogrã n dãmbd a ko-pɛmã:+
A yʋʋr la tãb-biis naab a Zeova.+
16 Mam na n ninga m goamã fo noorẽ,
la m bui foom ne m nugã maasem,+
sẽn na yɩl n lugl saasã la m yẽbg dũni wã,+
la m yeel Siyõ yaa: ‘Yãmb yaa mam nin-buiidu.’+
17 Zerizalɛm, neke! Nek la f yiki,+
foom a soab ning sẽn yũ a Zeova sũ-puugrã bõn-yũudlã.
Fo yũu bõn-yũudlã sẽn be wamdẽ wã.
Fo sɛɛsa bõn-yũudl ning sẽn yilimd nengã.+
18 Kamb nins fãa fo sẽn dogã baa a ye pa be n na n wilg-f sor ye.
Kamb nins fãa fo sẽn wubã baa a ye pa gãd fo nug ye.
19 Bõn-kãensã a yiibã paama foom:
Sãoong la teed zɛɛbo, kom la sʋʋga!+
Ãnd n na n kʋm foo?
Ãnd n na n bels foom?+
20 Fo kom-dibli wã sobgame.+
Bãmb rʋra soayã fãa kɩremsẽ,
wa we-rũms sẽn be yʋk pʋgẽ.
B paama a Zeova sũ-puugrã la f Wẽnnaamã tãsgã tɩ seke.”
21 Rẽ wã, m bõos tɩ f kelge,
foom a pag sẽn namsd la sẽn su baa f sẽn pa yũ divẽ wã.
22 Ad fo Zu-soab a Zeova, fo Wẽnnaamã sẽn sõngd a nin-buiidã sẽn yeele:
“Gese! Mam na n deega bõn-yũudlã sẽn yilimd nengã,+
wamdã, la m sũ-puugr wũmblã fo nugẽ.
Fo pa na n tol le yũ-a ye.+
23 Mam na n ning-a-la neb nins sẽn namsd foomã nugẽ,+
b rãmb nins sẽn yet foom tɩ f gãand tɩ b tab-f n loogã.
Woto, fo maana f poorã wa tẽn-nabre,
la wa sor tɩ b tabe.”
52 Neke, Siyõ!+ Neke! Yeelg pãng wa fuugu.+
Zerizalɛm sẽn yaa tẽn-sõngo, ning f fu-neebã!+
Bala ned sẽn pa kẽ bãong ne nin-dẽgd pa na n le kẽ fo pʋgẽ ye.+
2 Zerizalɛm, pĩms tomã n yik n zĩnd zaoog zugu.
Siyõ bi-pugl b sẽn yõk n kẽng yembdo,+ lok f yublã sẽbdse.
3 Ad a Zeova sẽn yeele:
4 Ad Zu-soab sẽn ka to a Zeova sẽn yeele:
“Mam nin-buiidã reng n tɩ zĩnda Ezɩpt sãando.+
Rẽ poore, Asiiri nebã nams-b-la zaalem.”
5 A Zeova sokame yaa: “Woto wã, bõe la mam segd n maan ka?”
A Zeova yeelame: “Bala b yõga mam nin-buiidã zaalem.
6 Rẽ n so tɩ mam nin-buiidã na n bãng mam yʋʋrã.+
Rẽ n so tɩ baraare, b na bãng tɩ yaa maam la soab ning sẽn gomdã.
N-ye, yaa maam!”
7 Ad ned ning sẽn be tãensã zut n wat ne koe-noogã+ nao sɩd bee rasãnde,
soab ning sẽn moond laafɩ koɛɛga,+
soab ning sẽn wat ne koe-noog sen wilgd tɩ bũmb sẽn yaa sõma n yɩɩd n wate,
soab ning sẽn moond fãagr koɛɛga,
la soab ning sẽn yet Siyõ yaa: “Fo Wẽnnaamã lebga Rĩma!”+
8 Kelge! Fo gũudbã zẽkda b koeese.
Bãmb naaga taab n kaasd ne sũ-noogo.
Bala a Zeova sã n wa kɩt tɩ Siyõ lebg n wa, b na n yãa rẽ vẽenega.
9 Zerizalɛm raboodo,+ kɩdm-y-yã. Naag-y taab n kaas ne sũ-noogo.
10 A Zeova koola a fuugã tɩ buud toɛy-toɛyã fãa yã a kangã sẽn yaa sõngã.+
Dũniyã kɩremsã fãa neb na n yãa tõnd Wẽnnaamã fãagr tʋʋmã.*+
11 Yãmb a neb nins sẽn tʋk a Zeova teedã,+
zãag-y y mense, zãag-y y mense, yi-y beenẽ,+ ra n sɩɩs-y bõn-dẽgd ye!+
Yi-y yẽ sʋka,+ kell-y n yɩ-y yɩlma.
12 Yãmb pa na n loog ne rabeem ye.
La pa na n yɩ tɩlɛ tɩ y zoe ye.
Bala a Zeova na n lʋɩɩ yãmb taoore,+
Israyɛll Wẽnnaamã na n paa yãmb poorẽ n gũ yãmba.+
13 Gese! Mam tʋm-tʋmdã+ na n tʋma ne yam.
14 Neb wʋsg ges-a lame n yɛɛse,
bala a yalẽ wã sãamame n yɩɩg ninsaal buud fãa rẽndã,
t’a rasãndlemã sãam n yɩɩg ãdem-biisã rẽnda.
15 Woto me, yẽ na n kɩtame tɩ buud toɛy-toɛyã pelens yɩke.+
Rĩm-dãmb na n muma b noor yẽ taoore.+
Bala b na n yãa bũmb ning b sẽn da pa togs-bã,
la b na n kelga bũmb ning b sẽn da zɩ n wʋmã.+
53 Ãnda n tẽ bũmb ning tõnd sẽn togsã,*+
la sã n yaa ne a Zeova pãngã,*+ b vẽneg-a-la ãnda?+
2 A na n toba wa wil-poll+ yẽ* taoore, la wa yẽgr sẽn yi tẽn-koɛɛngẽ.
A pa na n tall rasãndlem wall ziir baa bilf ye.+
Tõnd sã n yã-a, a yalẽ wã pa na n kɩt tɩ tõnd yam kẽ-a ye.*
Ra yaa wa a nengã ra solga ne tõndo.*
B ra paoogd-a lame, la tõnd ges-a-la wa ned sẽn ka yõodo.+
La tõnd ges-a-la wa ned b sẽn sɩbge,* ned Wẽnnaam sẽn wẽ, la sẽn namsde.
Yẽ reega sɩbgr sẽn na yɩl tɩ tõnd paam laafɩ,
la yẽ sãmpoagã yĩnga, tõnd paama maagre.+
6 Tõnd fãa ra yeebda wa piisi,+
tɩ ned kam fãa tees a sẽn datẽ.
La a Zeova kɩtame tɩ tõnd fãa kongrã sig a zugu.+
B tall-a-la wa pesg b sẽn tar n na n tɩ kodge,+
la a pa yaagd a noore,+
wa pe-bil sẽn paad sɩɩ a wõrsd taoorã.
9 Baa a sẽn pa maan sẽn yaa wẽnga,
la b sẽn pa wʋm zãmb goam a noorẽ wã,+
10 Yaa a Zeova n da rat n nams-a, la yẽ basame t’a reeg toogo.
Yãmb sã n kõ a vɩɩmã tɩ yɩ taal maoongo,+
a na n yãa a yagensã, a na n vɩɩmd n kaoosame,+
la yẽ maasem yĩnga, bũmb ning sẽn ta a Zeova yamã na n paama pidsgu.
11 A sẽn paam toogã yĩnga, bũmb ning a sẽn na n yã wã na n kõ-a-la sũ-noogo.
A bãngrã yĩnga, mam tʋm-tʋmdã+ sẽn yaa nin-tɩrgã
na n kɩtame tɩ neb wʋsg lebg tɩrse,+
la a na n zɩɩ bãmb kongrã.+
12 Rẽ n so tɩ m na n kõ-a pʋɩɩr neb wʋsg sʋka,
la a na n pʋɩɩ te-zɛɛdem ne gãndaado,
a sẽn kõ a vɩɩmã yĩnga,+
la b sẽn sõdg-a n naag koangdbã yĩnga.+
A zɩɩ neb wʋsg yel-wẽna,+
la a yõka sɛɛg koangdbã yĩnga.+
54 Ad a Zeova sẽn yeele: “Foom a pag ning sẽn yaa kir n pa rogã,+ kaas ne sũ-noogo!
Foom a soab ning sẽn zɩ n bãng rogem toogã,+ kɩdem la f kaas ne sũ-noogo.+
Bala pag ning b sẽn basã kom-dibli* sõor
2 “Yalg f fu-roogã zĩiga.+
Tẽes f ro-kãsengã pɛɛla.
3 Fo na n yalga f todsã goabg la rɩtgo.
Fo yagensã na n sooga soolem toɛy-toɛy neba,
la bãmb na n zĩnda tẽns nins sẽn da lebg raboodã pʋsẽ.+
4 Ra yɛɛs ye.+ Bala fo pa na n paam yãnd ye.+
Ra ges tɩ b paooga foom, bala fo pa na n paam sũ-sãang ye.
Fo na n yĩma f bi-bɩɩlem wakatẽ yãndã,
la fo pa na n le tẽeg paoogr ning fo sẽn paam f pʋg-kõtã wakatã ye.”
B na n bool-a lame tɩ dũniyã fãa Wẽnnaam.+
6 A Zeova boola foom wa fo yaa pag b sẽn daag n base, la sẽn be sũ-sãan-kãseng pʋgẽ,+
la wa pag sẽn kẽ kãadem a bi-bɩɩlem wakatẽ tɩ b wa rig-a.” Fo Wẽnnaamã n yeele.
7 “Wakat bilf yĩnga, mam daaga foom n base.
La mam nimbãan-zoeerã sẽn yaa kãsengã yĩnga, mam na n talla foom n lebg n wa.+
8 Mam sũurã sẽn da puug wʋsgã, mam solga m neng ne foom wakat bilf yĩnga.+
La mam nonglmã sẽn pa satã yĩnga, mam na n zoee fo nimbãanega.”+ Yaa a Zeova sẽn yaa fo Fãagdã*+ n yeele.
9 “Ne maam, yaa wa a Nowe wakatẽ wã.+
Mam da wẽename t’a Nowe wakatẽ koomã pa na n le lim tẽngã ye.+
Woto me, m wẽendame tɩ m pa na n le puug m sũur ne foom wall m tãs-f ye.+
10 Bala tãensã tõe n viigame,
tɩ kunkubã miimi.
La nonglem ning m sẽn tar ne foomã pa na n sa ye.+
M laafɩ kaoolã me pa na n viig ye.”+ Yaa a Zeova, soab ning sẽn zoet fo nimbãanegã n yeele.+
11 “Foom a pag sũur sẽn sãam+ la sob-kãseng sẽn tar n lengdẽ tɩ ned pa belsd-a,+
mam rɩgenda fo kugã ne tãn-maas sẽn tar pãnga,
la fo yẽbgrã ne safɩɩr kuga.+
12 Mam na n maana fo tẽngã lalg kogs ne rubi kuga,
fo tẽngã noyã ne kug sẽn pɩnda,
la fo todsã fãa ne kug-neeba.
14 B na n vigla foom kãn-kãe tɩrlem pʋgẽ.+
Weoogr na n zãaga ne foom.+
Fo pa na n yɛɛs bũmb baa fʋɩ ye. Bũmb me kõn kẽes-f rabeem ye.
Bala bũmb a woto kõn kolg foom ye.+
15 Ned sã n wa zabd ne foom,
pa maam n kõ-a noor ye.
Ned ning fãa sẽn na n zab ne foom na n lʋɩɩ fo yĩnga.”+
16 “Ade! Yaa maam n naan sãeyã
sẽn fʋʋsd bug-saalã,
n maand zab-teoogã.
Maam n leb n naan sãoong raoã, sẽn na yɩl t’a wa ne sãoongo.+
17 Zab-teoog ning fãa b sẽn na n maan n zab ne foom pa na n tõog ye.+
Fo na n gom n luba zɩlemd ning fãa sẽn na n kɩɩs foom bʋʋd zĩigẽ.
55 Yãmb a neb nins fãa ko-yũud sẽn tarã,+ wa-y-yã! Wa-y koomã zĩigẽ!+
Yãmb a neb nins sẽn pa tar ligdi, wa n da-y n dɩ!
Wa n da-y divẽ ne bĩisim+ zaalem n pa yao ligd ye.+
2 Bõe yĩng tɩ y rɩkd y ligd n daad bũmb sẽn pa rɩɩbo,
la bõe yĩng tɩ y sãamd y yaood* ne bũmb sẽn pa pit pʋga?
Kelg-y maam neere, tɩ y na n dɩɩ rɩɩb sẽn yaa sõma,+
la y sũur na n yɩɩ noog wʋsg ne bũmb ning sẽn sɩd tar barkã.*+
3 Kɩll-y y tʋb n wa mam nengẽ.+
Kelg-y maam tɩ y na n kell n vɩɩmdame.
Hakɩɩka mam na n maana kaool sẽn paad wakat fãa ne yãmba,+
wa sẽn zems mam sẽn pʋlem a Davɩɩd tɩ m na n nong-a-la ne nonglem hakɩɩkã, sẽn yaa pʋleng b sẽn tõe n kɩs sɩd ne wã.*+
5 Fo na n boola buud f sẽn pa mi.
La buud neb sẽn da pa mi foom na n zoee n waa fo nengẽ,
fo Wẽnnaam a Zeova sẽn yaa Israyɛll Sõng soabã yĩnga.+
Bala a na n zẽka fo zugu.+
6 Bao-y-yã a Zeova tɩ b nan ket n tõe n yã-a.+
Bool-y-yã-a t’a nan ket yambẽ.+
7 Bɩ nin-wẽng bas a manesem-wẽngã,+
tɩ nin-yoog bas a tags-yoodã.
Bɩ a lebg n wa a Zeova nengẽ, t’a na n zoee a nimbãanega.+
A lebg n wa tõnd Wẽnnaamã nengẽ t’a na n kõ-a-la sugr wʋsgo.*+
8 Ad a Zeova sẽn yeele: “Mam tagsa wã pa wa yãmb tagsa wã ye.+
La mam soayã pa wa yãmb soayã ye.”
9 “Bala wa saasã sẽn zãnt n yɩɩd tẽngã,
mam soayã me zãntlem yɩɩda yãmb soayã,
la mam tagsa wã yɩɩda yãmb tagsa wã.+
10 Bala wa saag ne sa-lamd sẽn yit yĩngr n dʋʋgdẽ,
n pa lebgd n leb be tɩ b pa reng n kɩt tɩ tẽngã tɩg koom, tɩ bõn-buud bul n yi n wom biisi,
tɩ bʋt paam bõn-buudu, tɩ sẽn dɩt-a me paam dɩɩbã,
A pa na n lebg n wa mam nengẽ zaalem ye.+
La a na n sɩd maana bũmb ning sẽn ta mam yamã.+
Hakɩɩka, a na n tõog n maana bũmb ning m sẽn tʋm-a t’a tɩ maanã.
13 Zenevirie tɩɩs n na n ledg gõos tuud n yi,+
tɩ mirt tɩɩs ledg gõos sẽn kõsdã.
Woto na n kɩtame t’a Zeova yʋʋrã yi.+
A na n yɩɩ bãnd wakat fãa yĩnga, la sẽn pa na n tol n sãam ye.”
56 Ad a Zeova sẽn yeele:
“Gãd-y tɩrlmã+ la y maan sẽn yaa tɩrga.
Bala mam fãagrã na n waa ka la bilfu,
la mam tɩrlmã na n pukame.+
2 Sũ-noog soab la ned ning sẽn maand bõn-kãnga,
la ninsaal biig ning sẽn gãd rẽ kãn-kãe,
n sakd Vʋʋsg daarã noor la a pa sãamd-a,+
la sẽn zãagd a nug ne wẽng buud fãa maanego.
3 Sãan sẽn wat a Zeova nengẽ+ pa segd n yeele:
‘Hakɩɩka a Zeova na n welga maam ne a nin-buiidã.’
Rao sẽn pa tõe n dog* pa segd n yeel tɩ yẽ yaa tɩ-koɛɛng ye.”
4 Bala ad a Zeova sẽn yeele: “Rap nins sẽn pa tõe n doge, sẽn sakd mam vʋʋsg rayã, n yãk yam n maand sẽn noom maam la b gãd mam kaoolã kãn-kãe wã,
5 mam na n kõ-b-la bũmb m doogã pʋgẽ sẽn yaa bãnd tẽegr yĩnga, la yʋʋr mam doogẽ wã la m lalsã sẽn gũbgã pʋsẽ,
bũmb yõod sẽn yɩɩd kom-dibli la kom-pugli.
Mam na n kõo bãmb yʋʋr sẽn paad wakat sẽn kõn sa,
la sẽn pa na n meneme.
6 La sãamb nins sẽn wat a Zeova nengẽ n na n tũ-a,
n na n nong a Zeova yʋʋrã+
la b lebg a tʋm-tʋmdbã,
b rãmb nins fãa sẽn sakd mam Vʋʋsg raarã noor n pa sãamd-a wã,
la b gãd mam kaoolã kãn-kãe wã:
7 Mam na n talla bãmb n kẽng m tãn-sõngẽ wã,+
la mam kɩt tɩ b kɩdem mam pʋʋsg roogã pʋga.
Mam na n deega b maand sẽn yõogd bugmã, la b maand a taabã b sẽn kõt mam tẽn-kugrã zugã.
Bala b na n boola mam doogã tɩ pʋʋsg roog buud toɛy-toɛyã fãa yĩnga.”+
8 Zu-soab sẽn ka to a Zeova, soab ning sẽn tigimd Israyɛll neb nins sẽn sãeegã+ yeelame:
“Mam na n tigma neb a taaba, n naag b rãmb nins m sẽn zoe n tigmã.”+
9 Yãmb a we-rũmsã fãa sẽn be weoogẽ wã,
la we-rũmsã fãa sẽn be kãgrẽ wã, wa n dɩ-y-yã.+
10 A gũudbã fãa yaa zoense.+ B baa a ye pa yã bũmb ye.+
B fãa yaa baas sẽn yaa mugs n pa tõe n wes ye.+
B sesdame la b tẽes n gãe. Bãmb nonga suusgu.
11 Bãmb yaa baas sẽn dɩt wʋsgo.
B pa tol n tɩgd ye.
Bãmb yaa pe-kɩɩmb sẽn pa wʋmd bũmb võore.+
B ned kam fãa tũuda a sore.
Bãmb ned fãa baooda a zãmb paoong n yetẽ:
12 “Wa-y tɩ m bao divẽ
tɩ d yũ rãam n tɩge.+
Beoog na n yɩɩ wa rũndã, a pʋd n na n yɩɩ sõma n yɩɩda!”
57 Nin-tɩrg kiidame,
la ned baa a ye toog kae ye.
2 Yẽ paamda bãane.
Neb nins fãa sẽn kẽnd ne pʋ-peelmã vʋʋsda b gãasẽ.*
3 “La yãmba, pag sẽn yaa tɩɩm soab kom-dibli,
rao sẽn yood la pʋg-yoodr kamba,
kolg-y-yã:
4 Ãnd la yãmb sẽn laadã?
Ãnd la yãmb sẽn yaag y noorã yaleng la y wõogd y zɩlmã n laadẽ wã?
Yãmb pa beegr kamba,
zãmb kamba,+
5 b rãmb nins yoob ratem sẽn dɩt wa bugum tɩ-bɛd sʋka,+
la tɩ-bedr sẽn tar vãad wʋsg fãa tẽngrã,+
la b rãmb nins sẽn kʋʋd kamb lond* pʋsẽ+
la pĩis pẽgsẽ wã sɩda?
6 Fo pʋɩɩr yaa longã* kug-saalã.+
N-ye, bãmb la fo pʋɩɩre.
La bãmb zut me, fo pʋdgda divẽ n maand maoongo, la f kõt-b kũuni.+
Mam sũur na yɩ noog ne bõn-kãensã sɩda?
8 Fo kʋɩlengã ne a lugã poore, fo lugla bũmb tẽegr yĩnga.
Fo basa maam n yees f futu.
Fo rʋʋme n yalg f gãagã zĩiga.
Fo maana kaool ne bãmba.
9 Fo kẽnga a Melɛk* nengẽ ne kaam,
la ne parfẽ-rãmb wʋsgo.
Fo tʋma f koe-taasdbã zĩ-zãrgẽ,
hal tɩ kɩt tɩ fo sig Yaoogẽ.*
10 Fo namsa f meng n tũ f soayã sẽn yaa wʋsgã,
la fo pa yeel tɩ ka neng ye.
Fo lebs n paama pãnga,
rẽ n so tɩ f pa koms raood n bas ye.*
11 Ãnd soab la fo zoe la f yɛɛse,
tɩ kɩt tɩ f sɩng ziri yagbo?+
Fo pa tẽeg mam yell ye.+
Baa fʋɩ pa kẽ fo sũurẽ ye.+
Mam pa sĩnd m noor n pa gom* sɩda?+
Rẽ n so tɩ fo pa zoe maam ye.
13 Fo sã n wa kelem n kos sõngre,
fo bõn-naandsã sẽn yaa wʋsgã pa na n sõng-f ye.+
Sobg n na n dɩk b fãa n looge,
pems-zaalg n na n fʋʋs-b tɩ b meneme.
La ned ning sẽn solgd mam nengẽ wã na n sooga tẽngã,
la a soog mam tãn-sõngã.+
14 B na n yeelame yaa: ‘Tuk-y-yã, tuk-y sore! Kõog-y sorã!+
Yãk-y bũmb ning fãa sẽn be m nin-buiidã sor zug n tõe n kɩt tɩ ned lakã.’”
“Mam bee* zĩig sẽn zãnt la sẽn yaa sõng pʋgẽ,+
la m bee ne neb nins sũy sẽn sãam la sẽn yaa sik-m-mens rãmbã me,
sẽn na yɩl n lebs n kõ sik-m-mens rãmbã pãnga,
la m keng neb nins sũy sẽn sãamã raoodo.+
16 Mam pa na n zab ne bãmb wakat fãa yĩnga,
wall m puug m sũur wakat fãa ye.+
Bala sã n pa rẽ, ãdem-biig pãng ra na n saa mam yĩnga,+
hal baa bõn-naands nins sẽn vʋʋsd ne yõorã mam sẽn naanã menga.
17 Mam sũur da puugame, a sẽn da maand yel-wẽnd n baood zãmb paoongã yĩnga.+
Rẽ n so tɩ mam wẽ-a, n solg m neng ne-a, la m puug m sũurã.
La yẽ kell n yɩɩ tõtre,+ n da ket n tũud a sũurã raabo.
18 Mam yãa a soayã.
La mam na n sãoog-a lame,+ n wilg-a sore.+
Mam na n lebs n bels-a lame,+ la m bels a neb nins sẽn be sũ-sãang pʋgẽ wã.+
19 A Zeova yeelame yaa: Mam kɩtdame tɩ pẽgr goam* zĩndi.
B na n kõo ned ning sẽn be zĩ-zãrgẽ wã la a soab ning sẽn pẽ wã laafɩ sẽn pa sate.+
Mam na n sãoog-a lame.”
20 “La nin-wẽnsã yaa wa mogrã sẽn gudgd n pa tõe n yals sɩɩ,
t’a koomã kãagd rẽgd la bɛgd n yiisdẽ wã.
21 Mam Wẽnnaamã yeelame yaa: ‘Bãan kae nin-wẽnsã yĩng ye.’”+
58 “Zẽk f koɛɛg n tãse. Ra bas ye!
Zẽk f koɛɛgã wa baorgo.
Moon n wilg m nin-buiidã b kɩɩsgã,+
la f togs a Zakoob roogã rãmb b yel-wẽnã.
2 Bãmb baooda maam daar ne a to fãa,
la b yetẽ tɩ b rata ne b sũur fãa n bãng m soayã,
wa b yaa buud sẽn maand sẽn yaa tɩrga,
la sẽn pa bas b Wẽnnaamã tɩrlem ye.+
Bãmb kota maam tɩ m kao bʋʋd tɩrga,
wa b rat n pẽnega maam ne b sũur fãa+ n yetẽ yaa:
3 ‘Bõe yĩng tɩ tõnd sã n loe noor bɩ yãmb pa neẽ,+
la bõe yĩng tɩ tõnd sã n sɩbgd d mens* bɩ yãmb pa getẽ?’+
Yaa tɩ yãmb sã n loe noor daare, y baooda y mens nafa,
la y weoogda y tʋm-tʋmdbã.+
4 Yãmb no-loeerã baasda ne no-koɛɛm la zaba,
la y pãbda ne wẽnem nug-gila.
Yãmb pa tõe n loe noor wa y sẽn maand rũndã wã, n paam tɩ b kelg yãmb koees saasẽ ye.
5 Rẽ yĩnga, no-loeer ning m sẽn yãkã segd n yɩɩ
daar ned sẽn na n sɩbg a menga,*
n sulgd a zug wa mo-wogdo,
n gãe bot la tompɛglem pʋgẽ sɩda?
Yãoã la yãmb boond tɩ no-loeer la raar sẽn tat a Zeova yam?
6 Ad no-loeer ning mam sẽn yãkã sẽn segd yɩ to-to:
Y segd n loka wẽnemã sẽbdse,
n lok yubl-balgdgã wĩyã,+
n bas tɩ b sẽn namsd b rãmbã paam lohorem,+
la y kao yubl-balgdg fãa.
7 Segdame me tɩ y pʋɩ y rɩɩbã ne kom sẽn tar b rãmba,+
tɩ y peeg naong soab la ned sẽn pa tar gãag zĩig n wa y zakẽ,
tɩ y sã n yã ned sẽn yaa beell bɩ y kõ-a fuug t’a yelge,+
la y ra wẽnemd y poor n tees y saam-biig ye.
8 Woto, yãmb vẽenemã na n yãga wa zĩ-yẽegre,+
la y maagrã na n yɩɩ tao-tao.
Yãmb tɩrlmã na n kẽna y taoore,
t’a Zeova ziirã be y poorẽ n gũud-y-yã.+
9 Dẽ, yãmb na n boolame, la a Zeova na n leokame.
Y na n kelem n kosa sõngre, la yẽ na n leokame yaa: ‘Ad maam!’
Y sã n yãk yubl-balgdgã y sʋka,
la y bas nug teesg la gom-beedo,+
10 yãmb sã n kõ kom sẽn tar a soab bũmb ning yãmb sẽn date,*+
la y ges neb nins sẽn namsdã yell sõma,
y vẽenemã na n yãga hal baa lik pʋgẽ,
la y zĩ-sobd na n yɩɩ wa wĩnto-sʋka.+
11 A Zeova na n wilga yãmb sor wakat fãa,
la a na n gesa yãmb yell baa tẽn-koɛɛngẽ.+
A na n paasa y kõabã pãnga.
Yãmb na n lebga wa zẽed zĩig sẽn paamd koom sõma,+
la wa ko-bundg sẽn pa tol n sate.
12 B na n lebs n mee pĩnd raboodã yãmb yĩnga.+
La yãmb na n lebs n manega zãmaan nins sẽn loogã raboodã yẽbgre.+
B na n boola yãmb tɩ lals sẽn sãam manegdba,+
la soay nins noy b sẽn tõe n tilgã manegdba.
13 Yãmb sã n sak n pa bao y mens nafr vʋʋsg daarã sẽn yaa mam da-sõngã yĩnga,+
n ges vʋʋsg daarã wa daar sẽn kõt sũ-noog wʋsgo, la daar sẽn yaa sõng a Zeova nifẽ tɩ b segd n waoog-a,+
y sã n sɩd waoog-a n pa bao y mens nafr la y bas gom-vɩɩdo,
14 y na n paama sũ-noog wʋsg a Zeova yĩnga.
M na n kɩtame tɩ y soog tẽngã zĩ-zãntse,+
la m kɩt tɩ y rɩ y yaab a Zakoob rogem-pʋɩɩrã yõodo.+
Bala yaa a Zeova meng noor n yeele.”
2 Yaa yãmb kongrã n welg yãmb ne y Wẽnnaamã.+
Y yel-wẽnã kɩtame t’a solg a neng ne-yã,
la a zãgs t’a kõn kelg-y ye.+
3 Bala yãmb nug-pʋsã rẽgma ne zɩɩm,+
tɩ y kongrã rẽgem y nug-biisã.
Yãmb no-bɩmsã togsda zirẽ-beedo,+ tɩ y zɩlmã gomd goam sẽn yaa kɛgr vũn-vũni.
4 Ned baa a ye pa teend sẽn yaa tɩrga,+
la ned baa a ye pa kẽnd bʋʋd zĩigẽ sɩd yĩng ye.
Bãmb teega bõn-vɩɩdo,+ la b gomd goam sẽn ka võore.
Bãmb dɩkda yel-beed pʋga, n dogd sẽn yaa wẽnga.+
5 Bãmb wũunda wag-toaag gɛla,
la b wʋgd sʋlg gãmbre.+
Ned sã n wãb b gɛlã, a na n kiime.
La b gell sã n wã, põeer n yita.
6 Bãmb gãmba wã pa na n yɩ b fuug ye.
B pa na n tõog n pil b mens ne bũmb ning b sẽn maanã me ye.+
Bãmb tʋʋmã yaa wẽnse,
la b nusã tʋmda nen-kɛglem tʋʋma.+
7 Bãmb naoã zoetame n na n maan wẽnga,
la b yãgdame n na n daag bʋʋm soab zɩɩm.+
B tagsa wã yaa tags-wẽnse.
Sãoong ne yel-beed n be bãmb soayã zutu.+
8 Bãmb pa bãng laafɩ sorã ye.
Tɩrlem pa be b so-bugsẽ wã ye.+
Bãmb tugsa b soayã golemse,
la ned ning fãa sẽn kẽnd b zut kõn paam laafɩ ye.+
9 Yaa rẽ n so tɩ zemsg zãag ne tõndo,
tɩ tɩrlem me pa tat tõnd ye.
Tõnd da tẽeda vẽenem, la ade, yaa lik bal n be!
Tõnd da tẽeda vẽenem payy, la tõnd ket n kẽnda lik bida pʋgẽ.+
10 Tõnd babendame n baood lals wa zoense,
la d tar bablg wa neb nin sẽn pa ne.+
Tõnd lagsda wĩnto-sʋk wa zĩ-sobdo,
la pãens rãmb sʋka, d yaa wa kũum.
11 Tõnd fãa wũunda wa urs-rãmb* n pa satẽ,
la d wũusda ne nimbãaneg wa marwala.
Tõnd da tẽeda tɩrlem, la d pa paam ye.
Tõnd da tẽeda fãagre, la a zãra ne tõndo.
Bala tõnd mii d kɩɩsgã tiiri.
Tõnd mii d kongrã neere.+
13 Tõnd beega a Zeova, n zãgs-a.
Tõnd wẽnemda d poor n tees d Wẽnnaamã.
Tõnd goma weoogr la kɩɩsg yelle.+
Tõnd tagsa d sẽn tõe n yag ziri to-to, n gom rẽ yell vũn-vũn d sũurẽ.+
14 B kɩtame tɩ tɩrlem tar n leb poorẽ,+
la zemsg yasa hal zĩ-zãrgẽ.+
Bala sɩdã* lak n lʋɩɩ zãma wã zĩigẽ,
la sẽn yaa tɩrg pa tõe n kẽ be ye.
16 Yẽ yãame tɩ ned ra kae ye.
Ned pa yõk sɛɛga, tɩ ling-a.
Woto, yẽ meng nug waa ne fãagre,*
la yẽ meng tɩrlmã teel-a lame.
18 A na n keoo bãmba, bũmb ning b sẽn maanã yĩnga:+
Sẽn zabd-b ne yẽ wã keoor na n yɩɩ sũ-puugri, la a bɛɛbã na n paama sɩbgre.+
Ko-sʋk tẽnsã me na n deega yaood ning b sẽn segd ne wã.
19 Wĩndg sẽn lʋɩtẽ dãmbã na n zoee a Zeova yʋʋrã,
tɩ wĩndg sẽn pukdẽ dãmbã zoe a ziirã.
Bala a Zeova na n waa wa kʋɩlg ko-zoetem,
a vʋʋsmã sẽn kɩtd tɩ zoetẽ.
20 A Zeova yeelame: “Fãagdã*+ na n waa Siyõ,+
a Zakoob roogã rãmb sẽn wẽnemd n bas b yel-wẽnã nengẽ.”+
21 A Zeova yeelame yaa: “La sã n yaa ne maam, ad kaool ning mam sẽn maan ne bãmbã:+ ‘Mam vʋʋsmã sẽn be fo zugã, ne m goamã m sẽn ning fo noorẽ wã, pa na n zãag ne fo noore, fo kambã noore, wall f yagensã noor masã tɛka, la wakat fãa yĩng ye.’” Yaa a Zeova n yeele.
60 “Paga,+ yik n kɩt tɩ f vẽenemã yãge. Bala fo vẽenemã waame.
A Zeova ziirã yãgda fo zugu.+
2 Ade! Lik na n luda dũniyã,
tɩ lik bida lud buud toɛy-toɛyã.
La a Zeova vẽenem na n yãga fo zugu.
B na n yãa a ziirã fo zugu.
4 Zẽk f neng n ges zĩig zãnga!
B tigma b fãa. Bãmb wata fo nengẽ.
5 Wakat kãnga, fo na n yãame, la fo nengã na n pɩla ne sũ-noogo.+
Fo sũurã na n digimdame, la fo na n kɩdma sũ-noog wʋsgo.
Bala mogrã bõn-sõma wã na n waa fo nengẽ.
Buud toɛy-toɛyã paoong na n waa fo nengẽ.+
Saba nebã fãa na n waame.
B na n zãa sãnem ne wisd sẽn yaa pɛɛlg n wa.
Bãmb na n pẽga a Zeova zãma sʋka.+
7 B na n tigma Kedaar+ rũm-bãgã fãa fo nengẽ.
Nebayot+ pe-raadã na n pidsa fo raabo.
Bãmb na n waa mam tẽn-kugrã zugu, la mam na n sak n deeg-b lame.+
9 Bala ko-sʋk tẽnsã na n teega maam.+
Tarsiis koom-kogendã lʋɩɩ taoore,
n na n tɩ tall fo kom-dibli wã hal zĩ-zãrgẽ+
n paas b wanzuri wã la b sãnemã,
tɩ b wa pẽg fo Wẽnnaam a Zeova yʋʋrã, la Israyɛll Sõng soabã.
10 Bu-zẽms neb n na n me fo lalsã,
tɩ b rĩm-dãmbã yɩ fo tʋm-tʋmdba.+
Bala mam sũur da puugame tɩ m sɩbg foom.
La mam lohormã yĩnga, mam na n zoee fo nimbãanega.+
11 Fo kʋɩlemsã na n paka wakat fãa.+
B pa na n pag-b wĩndg wall yʋngo,
sẽn na yɩl n tall buud toɛy-toɛyã paoong n wa fo nengẽ,
la b rĩm-dãmbã n na n lʋɩ taoore.+
12 Buud bɩ soolem ning fãa sẽn pa na n sak foo na n menemame,
la b na n sãama buud toɛy-toɛyã neb zãnga.+
13 Libã ziirã na n waa fo nengẽ.+
Zenevrie tɩɩgã, ne frɛn* la sɩprɛs tɩɩsã na n naaga taab n wa,+
n kɩt tɩ zĩig ning m doogã sẽn be wã yɩ neere.
Mam na n waooga zĩig ning m naoã sẽn dogã.+
14 Neb nins sẽn da namsd foomã kom-dibli na n wa wõgemda fo taoore.
Neb nins fãa sẽn paoogd foomã segd n wa wõgemda fo naoẽ.
B na n boola foom t’a Zeova tẽnga,
la Israyɛll Sõng soabã Siyõ.+
15 B pa na n le raag foo n bas la b kisg foo tɩ ned pa pɩʋʋgd fo nengẽ ye.+
Mam na n kɩtame tɩ fo lebg zu-zẽkr bũmb wakat sẽn kõn sa yĩnga,
la bũmb sẽn na n kɩt tɩ nebã kɩdem zãmaan woo zãmaana.+
16 Hakɩɩka, fo na n yũu soolem toɛy-toɛyã bĩisim,+
la fo na n yẽsma rĩm-dãmb bĩisri.+
Fo na n sɩd bãngame tɩ maam a Zeova n yaa fo Fãagda,
la t’a Zakoob Pãng soabã n yaa soab ning sẽn lebs n da foomã.+
17 Mam na n kɩtame tɩ sãnem wa reeg zũud zĩiga,
tɩ wanzuri reeg kut zĩiga,
la m kɩt tɩ zũud wa reeg raad zĩiga,
tɩ kut me reeg kug zĩiga.
Mam na n kɩtame tɩ laafɩ yɩ fo yel-gɛta,
tɩ tɩrlem yɩ soab ning sẽn kõt foo tʋʋmã.+
Fo na n boola f lalsã tɩ Fãagre,+ la f kʋɩlensã tɩ Pẽgre.
19 Wĩntoogã pa na n le yɩ fo vẽenem wĩndga,
la kiuugã me kõn le yãg n vẽneg foo yʋng ye.
Bala a Zeova n na n yɩ fo vẽenem wakat sẽn kõn sa,+
la fo Wẽnnaamã na n yɩɩ fo neerem.+
20 Fo wĩntoogã pa na n le lʋɩ,
la fo kiuugã me pa na n le kẽ ye.
Bala a Zeova n na n yɩ fo vẽenem wakat sẽn kõn sa,+
la fo sũ-sãangã wakat na n saame.+
21 Fo nebã fãa na n yɩɩ tɩrse.
Bãmb na n sooga soolmã wakat fãa yĩnga.
22 Sẽn da yaa-a bilfã na n lebga tusri,
tɩ sẽn da pa zem-a baa fʋɩ wã lebg buud sẽn tar pãnga.
Yaa maam a Zeova n na n maan dẽ tao-tao, a wakate.”
61 Zu-soab sẽn ka to a Zeova vʋʋsmã bee mam zugu.+
Bala a Zeova yãka* maam tɩ m taas sik-m-mens rãmbã koe-noogo.+
Yẽ tʋma maam tɩ m vil neb nins sũy sẽn sãamã noada,
tɩ m togs yembsã tɩ b na n paama b mense,
tɩ m togs sẽn be-b bãens roogã tɩ b nin na n puka sõma,+
2 tɩ m moon a Zeova maan-neer* yʋʋmdã,
la tõnd Wẽnnaamã sũ-dokr daare.+
Tɩ m bels neb nins fãa sẽn be sũ-sãang pʋgẽ wã,+
3 tɩ m ges Siyõ neb nins sẽn be sũ-sãang pʋgẽ wã yelle,
tɩ m kõ-b zug-fuugu, la pa tompɛglem,
kɩdeng kaam, la pa sũ-sãanga,
pẽgr futu, la pa raood komsg ye.
B na n boola bãmb tɩ tɩrlem tɩ-kãsemse,
tɩɩs a Zeova sẽn sel a mengã ziir yĩnga.+
4 Bãmb na n lebs n mee kʋdem-wẽndẽ raboodã.
B na n yika pĩnd zĩis nins sẽn da yaa vɩɩdã,+
la b lebs n maneg tẽns nins sẽn da sãamã,+
zĩis b sẽn da bas vɩɩd zãmaan woo zãmaanã.+
7 Yãmb pa na n paam yãnd ye. Yaa pʋɩɩr a yiib la y na n paame.
B pa na n paam paoogr ye. B na n kaasa ne sũ-noog b pʋɩɩrã yĩnga.
N-ye, bãmb na n paama pʋɩɩr a yiib b soolmã pʋgẽ.+
B na n kɩdma wakat sẽn kõn sa yĩnga.+
Mam na n yaood-b-la ne pʋ-peelem,
la m na n maana kaool sẽn paad wakat sẽn kõn sa ne bãmba.+
Neb nins fãa sẽn na n yã bãmbã na n bãng-b lame.
B na n bãngame tɩ bãmb la yagens nins a Zeova sẽn ning barkã.”+
10 Mam na n kɩdma sũ-noog wʋsg a Zeova yĩnga.*
Mam mengã tõr na n kɩdma sũ-noog m Wẽnnaamã yĩnga.+
Bala yẽ yeelga maam fãagr futu.+
Yẽ yeelga maam tɩrlem kasaabo,*
wa pʋg-paal sɩd sẽn vil zu-vindg sẽn wõnd maan-kʋʋd rẽnda,+
la wa pʋg-paal sẽn nags a meng ne a fan-teedo.
11 Bala a wa tẽngã sẽn kɩtd tɩ bõn-buud buli,
tɩ zẽed zĩig kɩtdẽ tɩ bũmb nins b sẽn bʋd a pʋgẽ wã bundã,
Zu-soab sẽn ka to a Zeova me
na n kɩtame tɩ tɩrlem+ ne pẽgr bul+ buud toɛy-toɛyã fãa nifẽ.
62 Siyõ yĩnga, mam pa na n sĩnd ye.+
Zerizalɛm yĩnga, mam pa na n pa sɩɩ,
hal t’a tɩrlmã wa yãg wa vẽenem sẽn yaa payy,+
t’a fãagrã wid wa bug-vɩlenga.+
B na n boola foom ne yʋ-paalle,+
yʋʋr a Zeova meng sẽn na n yãke.
3 Fo na n lebga wa neerem maanf a Zeova nugẽ,
la wa naam zu-vindg fo Wẽnnaamã nug-pʋgẽ.
B na n boola foom tɩ “Mam sũur nooma ne-a,”+
la b bool fo tẽngã tɩ “Sẽn kẽ-a kãadem.”
Bala a Zeova sũur na n yɩɩ noog ne foom,
la fo tẽngã na n yɩɩ wa pag sẽn kẽ kãadem.
5 Wa bi-bɩɩg sẽn kẽed kãadem ne pa-kuilã,
fo tẽngã neb* me na n kẽe kãadem ne foom.
Fo Wẽnnaamã na n kɩdma sũ-noog fo yĩnga,+
wa pʋg-paal sɩd sẽn kɩdemd sũ-noog pʋg-paal yĩngã.
6 Zerizalɛm, mam yãka gũudb tɩ b be fo lalsã zutu.
Bãmb pa na n tol n sĩndi, baa wĩndg ne yʋngo.
Yãmb a neb nins sẽn gomd a Zeova yellã,
da n vʋʋs-y ye.
7 Ra n bas-y tɩ Wẽnnaam vʋʋs baa bilfu, hal t’a wa vigl Zerizalɛm kãn-kãe,
la hal t’a wa kɩt t’a lebg bũmb dũniyã fãa sẽn pẽgde.”+
8 A Zeova zẽka a nug-rɩtgo, a nug sẽn tar pãngã n wẽen n yeele:
“Mam pa na n le rɩk y bõn-koaadlã n kõ y bɛɛbã tɩ b rɩ ye.
Sãamb me pa na n le yũ y divẽ-paalgã yãmb sẽn nams n paamã ye.+
9 Neb nins sẽn tigsd bõn-koaadlã na n dɩ-a lame la b pẽg a Zeova,
tɩ neb nins sẽn maand divẽ wã me yũ-a mam saman-sõamyã pʋsẽ.”+
10 Gãng-y-yã, gãng-y tẽngã noyã n looge.
Kõog-y sorã nin-buiidã yĩnga.+
Maneg-y-yã, maneg-y so-kõodrã.
Yãgs-y-yã a kugã.+
Zẽk-y tãb-kaoor buud toɛy-toɛyã yĩnga.+
11 Kelg-y-yã! A Zeova moonda dũniyã kɩrems fãa n yetẽ:
“Yeel-y Siyõ bi-puglã yaa:
‘Gese! Fo fãagrã watame.+
Ade! Yẽ wata ne a keoorã,
la yaood ning a sẽn yaoodã bee a taoore.’”+
12 B na n bool-b lame tɩ nin-buiid sẽn yaa sõngo, neb a Zeova sẽn fãage.*+
La b na n boola foom tɩ “Soab ning b sẽn baoodã,” la “Tẽng b sẽn pa raag n base.”+
63 Yaa ãnd la sẽn yit Edom+ n watẽ,
n yit Boosra+ n watẽ t’a futã pɩndã,*
soab ning sẽn yer fut sẽn yaa neeb hal wʋsgo,
n kẽnd ne a pãn-kãsengã?
“Yaa maam, soab ning sẽn gomd ne tɩrlmã,
la sẽn tar pãn-kãseng n tõe n fãagã.”
2 Bõe yĩng tɩ fo futã yaa moomde,
la bõe yĩng tɩ fo futã yaa wa ned sẽn tabd viyn biis vẽ wẽkr bokẽ futu?+
3 “Mam taba viyn biisã koglgã pʋgẽ m yembre.
Buud baa a ye ned pa sõng maam ye.
Mam sũ-yikrã pʋgẽ, m kell n tab-b lame,
la mam sũ-puugrã pʋgẽ, mam da ket n tabd-b lame.+
B zɩɩmã yɩg n bola mam futã,
la mam dẽgma m futã fãa.
4 Bala mam sũ-dokrã daar bee m sũurẽ,+
la mam nin-buiidã fãagr yʋʋmdã me taame.
5 Mam gesame, la ned ra kae n na n sõng maam ye.
Mam sũur sãama m sẽn pa paam ned sẽn na n sõng-mã.
6 Mam taba buud toɛy-toɛy m sũ-yikrã pʋgẽ.
Mam kɩtame tɩ bãmb yũ mam sũ-puugrã tɩ b nens yilmi.+
M daaga b zɩɩmã tẽnga.”
7 Mam na n goma a Zeova nonglem sẽn pa satã tʋʋm yelle,
a Zeova tʋʋmã sẽn sek pẽgrã yelle,
a Zeova sẽn maan bũmb nins fãa n kõ tõndã yĩnga,+
la bõn-sõma nins fãa a sẽn maan a Israyɛll roogã rãmb yĩnga,
wa sẽn zems a nimbãan-zoeerã la a nonglem sẽn pa satã.
8 Bala yẽ yeelame yaa: “Hakɩɩka, bãmb yaa mam nin-buiidu, kom-dibli sẽn na n kell n maan sɩd ne maam.”*+
Dẽ, yẽ lebga bãmb Fãagda.+
9 Bãmb toogã sasa fãa yɩɩ toog ne yẽ.+
La yẽ meng koe-taasdã* fãaga bãmba.+
A nonglmã ne a nimbãan-zoeerã yĩnga, a fãaga bãmba.+
Yẽ zẽka bãmb n zã-ba, yʋʋm-kãens fãa sẽn loogã pʋgẽ.+
10 La bãmb yɩɩ tõatba,+ n sãam a vʋʋsem sõngã sũuri.+
11 Bãmb tẽega pĩnd wẽndẽ yelle,
yẽ tʋm-tʋmd a Moyiiz wakatã yelle:
“Soab ning sẽn tall bãmb n dʋʋg mogrã+ ne a rũm-kɩɩmbã+ bɛɛ?
Soab ning sẽn ning a vʋʋsem sõngã yẽ pʋgẽ wã bɛɛ?+
12 Soab ning sẽn kɩt t’a kangã sẽn tar ziirã yãag a Moyiiz nug-rɩtgã,+
soab ning sẽn welg koomã bãmb taoore,+
n na n paam yʋʋr sẽn paad wakat fãa wã,+
13 soab ning sẽn kɩt tɩ bãmb pɩʋʋg koom sẽn gudgi,*
hal tɩ bãmb kẽn n pa lags n lʋɩ,
wa wed-moaag sẽn kẽnd we-raoogẽ wã bɛɛ?
14 Wa rũms sẽn sigd tẽn-nabrẽ n na n tɩ vʋʋse,
a Zeova vʋʋsmã me kɩtame tɩ bãmb vʋʋse.”+
Yaa woto la yãmb yãag y nin-buiidã,
sẽn na yɩl tɩ y yʋʋrã yɩ kãsenga.+
15 Pa-y saasẽ n sulg n gese.
Pa-y yãmb zĩ-zãonglgã sẽn yaa sõng la sẽn tar ziirã pʋgẽ n gese.
Tõnd pa le paamd bõn-kãens ye.
16 Bala yãmb yaa tõnd Ba.+
Baa a Abrahaam sã n pa mi tõndo,
t’a Israyɛll pa bãng tõndo,
yãmb a Zeova n yaa tõnd Ba.
Yãmb yʋʋr la tõnd Fãagda,*+ hal pĩnd wẽndẽ.
17 Zeova, bõe yĩng tɩ yãmb bas* tɩ tõnd bʋdg n bas yãmb soayã?
Bõe yĩng tɩ y bas* tɩ tõnd sũyã riglim hal tɩ d pa le zoet yãmba?+
Lebg-y n wa-y-yã, y tʋm-tʋmdbã
sẽn yaa nin-buiid y sẽn so wã yĩnga.+
18 Yãmb nin-buiidã sẽn yaa sõngã sooga soolmã wakat bilf yĩnga.
Tõnd bɛɛbã taba yãmb do-sõngã.+
19 Hal sẽn kaoose, tõnd yaa wa neb yãmb sẽn zɩ n sooge,
la wa neb b sẽn zɩ n bool ne yãmb yʋʋre.
64 Yãmb sã n da kẽegẽ saasã n sigi,
n kɩt tɩ tãensã rigimdi,
2 wa bugum sẽn dɩt ribl
tɩ koom kɛɛdã,
dẽ, yãmb bɛɛbã ra na n bãnga yãmb yʋʋrã,
la buud toɛy-toɛyã ra na n diga yãmb taoore!
3 Yãmb sẽn wa n maan bõn-kãsems sẽn sek rabeem tõnd sẽn da pa tõe n saagã,+
yãmb sigame, la tãensã rigimda yãmb taoore.+
4 Hal pĩnd wẽndẽ, ned zɩ n wʋm wall n kelg b sẽn gomd Wẽnnaam a to yelle,
pa rẽ bɩ n yã Wẽnnaam a to n zʋʋg yãmba,
5 Yãmb sega neb nins sẽn maand sẽn yaa tɩrg ne sũ-noogã,+
b rãmb nins sẽn tẽegd yãmb yell la b tũud yãmb soayã.
Tõnd sẽn wa n maand yel-wẽn n pa basdẽ wã,+ yãmb sũur yikame.
Tõnd maana woto n kaoose.
Masã b segd n fãaga tõnd sɩda?
Tõnd fãa na n zelga wa tɩ-vãoogo,
la d kongrã na n kãaga tõnd n loog wa sobgo.
7 Ned sẽn pʋʋsd yãmb yʋʋrã kae,
ned sẽn modgd n na n gãd yãmb me kae ye.
Bala yãmb solga y neng ne tõndo,+
la yãmb kɩtame tɩ tõnd yorg d kongrã yĩnga.
8 La masã, Zeova, yãmb yaa tõnd Ba.+
9 Zeova, ra n yik-y y sũur wʋsg ne tõndo,+
la ra tẽeg-y tõnd kongrã yell wakat fãa yĩng ye.
D bõos tɩ y ges-do, bala tõnd fãa yaa yãmb nin-buiidu.
10 Yãmb tẽn-sõamyã lebga we-raoogo.
Siyõ lebga we-raoogo,
tɩ Zerizalɛm lebg raboogo.+
11 B yõoga+
zĩig ning d yaab-rãmbã sẽn da pẽgd yãmbã.
Bũmb nins fãa tõnd sẽn da nong wʋsgã lebga raboogo.
12 Woto fãa yĩnga, Zeova, yãmb na n ket n yõkda y menga?
Yãmb na n kell n sĩndame n bas tõnd tɩ d namsd wʋsg woto?+
65 “Mam basame tɩ neb sẽn da pa sokd mam yell bao maam.
Mam basame tɩ neb nins sẽn da pa baood maamã yã maam.+
Mam yeela buud sẽn da pa boond mam yʋʋrã yaa:+ ‘Ad maam, ad maam!’
2 Daarã tõre, mam tẽega m nug n tees nin-buiid sũy sẽn diglmi,+
neb sẽn kẽnd so-wẽng zug+
n maand b mensã raabo,+
3 la nin-buiid sẽn beegd maam wakat fãa n pa zoet nifu,+
n maand maand zẽed zĩisẽ,+ ne maoong sẽn nusd bug-zõos tãn-koɛɛm zutu.
5 Bãmb yetame: ‘Pa fo sẽn beẽ wã. Da pẽneg maam ye.
Bala mam yaa sõng n yɩɩd foom.’*
Nin-kãensã yaa bug-zõos sẽn be m yõ-bogdẽ wã, bugum sẽn dɩt daarã tõre.
6 Ade! A gʋlsa mam taoore.
Mam pa na n pa sɩɩ ye.
La mam na n dol-b lame.+
Mam na n dol-b lame hal tɩ seke,
7 bãmb kongrã yĩnga, la b yaab-rãmbã kongr yĩng me.”+ Yaa a Zeova n yeele.
“Bãmb sẽn maan maoong sẽn nusd bug-zõos tãensã zutu,
la b paoog maam kunkub zutã yĩnga,+
mam na n deng n yaoo bãmb hal tɩ seke.”
8 Ad a Zeova sẽn yeele:
“A wa b sẽn na n yã viyn biis gĩnd n bãng tɩ b tõe n paama divẽ-paalg a pʋgẽ,
tɩ ned yeel tɩ b ra sãam-a tɩ bõn-sõng* n be a pʋgẽ wã,
mam na n maana m tʋm-tʋmdbã me woto.
Mam pa na n sãam-b zãng ye.+
9 Mam na n kɩtame tɩ yagens yi a Zakoob pendẽ wã,
la m kɩt t’a Zida roogã ned soog mam tãensã.+
Mam sẽn yãk b rãmbã na n soog-b lame,
la mam tʋm-tʋmdbã na n tilga be.+
10 Saarõ+ na n lebga piis wãbneg zĩiga,
tɩ Akoor longã*+ lebg niis vʋʋsg zĩiga,
mam nin-buiidã sẽn baood maamã yĩnga.
11 La yãmb naaga neb nins sẽn basd a Zeova wã,+
neb nins sẽn yĩmd mam tãn-sõngã yelle,+
b rãmb nins sẽn dɩgend taabl Zu-noog wẽnnaamã yĩnga,
la b rãmb nins sẽn pidsd wũmbli ne divẽ sẽn kalem bũmb Pʋleng wẽnnaamã yĩngã.
12 Woto wã, mam pʋlmame tɩ sʋʋg n na n kʋ-yã,+
la yãmb fãa na n wõgemda rũm-kur tɩ b kood-yã.+
Bala mam boolame, la yãmb pa leok ye.
Mam gomame, la yãmb pa kelg ye.+
Yãmb ra ket n maanda sẽn yaa wẽng mam nifẽ,
la yaa sẽn pa noom maamã la yãmb yãk-yã.”+
13 Woto wã, ad Zu-soab sẽn ka to a Zeova sẽn yeele:
“Ade! Mam tʋm-tʋmdbã na n dɩtame, la kom na n tara yãmba.+
Mam tʋm-tʋmdbã na n yũudame,+ la ko-yũud na n tara yãmba.
Mam tʋm-tʋmdbã na n kɩdma sũ-noogo,+ la yãnd n na n kʋ yãmba.+
14 Ade! Mam tʋm-tʋmdbã na n kaasa ne sũ-noogo, b sũy sẽn noom yĩnga.
La yãmb na n kelma sũ-toog yĩnga.
Y na n wiisa sũ-pa-noaang yĩnga.
15 Yãmb na n basa yʋʋr y poorẽ tɩ mam sẽn yãk b rãmbã tar n kãabdẽ.
Zu-soab sẽn ka to a Zeova na n kɩtame tɩ yãmb ned kam fãa ki,
la a na n boonda a tʋm-tʋmdbã ne yʋʋr a to,+
16 tɩ ned ning fãa sẽn na n bao bark dũniyã zug a meng yĩng
bɩ sɩdã* Wẽnnaam ning-a barka,
la ned ning sẽn na n wẽen wẽeneg dũniyã zug
17 Bala mam maanda sa-paals la tẽn-paalga.+
B pa na n tẽeg pĩnd yɛlã yelle,
la bõn-kãens pa na n rãms sũur me ye.+
18 Dẽ wã, maan-y sũ-noog la y kɩdem wakat sẽn kõn sa, bũmb nins m sẽn naandã yĩnga.
Bala mam maanda Zerizalɛm t’a na n yɩ bũmb sẽn na n wa ne sũ-noogo,
t’a nin-buiidã na n wa ne kɩdengo.+
19 La mam na n kɩdma Zerizalɛm yĩnga, la m kaas m nin-buiidã yĩnga.+
B pa na n le wʋm yãbr dãamde, wall yel-pakr kɛleng a pʋgẽ ye.”+
20 “B pa na n le yã bi-pɛɛlg zĩ-kãng sẽn vɩɩmd rasem a wãn bala,
pa rẽ bɩ nin-kẽem sẽn ki t’a raar pa ta ye.
Bala b na n gesa ned sẽn ki a yʋʋm koabg wa biiga,
la b na n kãaba yel-wẽn-maand wẽnga, baa a sã n tar yʋʋm koabga.*
22 B pa na n me tɩ ned a to kẽ n zĩndi,
wall b sel tɩɩg tɩ ned a to rɩ a biis ye.
Bala mam nebã rasem na n kaoosa wa tɩɩg rasma,+
la mam sẽn yãk b rãmbã na n dɩɩ b nus-tʋʋmã yõod tɩ pidi.
23 Bãmb pa na n tʋm n nams zaalem yĩnga,+
wall b rog kamb zu-loees yĩng ye.
Bala bãmb ne b kambã la b yagensã n yaa
a Zeova sẽn ning b rãmb barkã.+
24 Nand meng tɩ b boole, mam na n leokame.
La bãmb sã n wa ket n gomda, mam na n wʋmame.
25 We-baag ne pe-bil na n naaga taab n dɩ,
tɩ gɩgemd wãb yamd wa loalga,+
la tom n na n yɩ waaf rɩɩbo.
B pa na n maan wẽng buud baa a ye wall b wa ne sãoong buud baa a ye mam tãn-sõngã fãa zug ye.”+ Yaa a Zeova n yeele.
66 Ad a Zeova sẽn yeele:
“Saasã yaa mam geere, tɩ tẽngã yaa mam nao-roagendga.+
2 A Zeova yeelame: “Yaa mam mengã nug n maan bõn-kãensã fãa,
la yɩɩ woto tɩ b fãa wa beẽ.+
Dẽ wã, ad ned ning yell mam sẽn na n gese:
Yaa sik-m-meng soab la sũ-sãang soab sẽn digd* mam goamã yĩnga.+
3 Ned ning sẽn kodgd loalg yaa wa ned sẽn kʋʋd ninsaala,+
tɩ sẽn kʋʋd-a pesg n maand maoong yaa wa ned sẽn kaood baag yubla.+
Ned ning sẽn kõt kũun yaa wa ned sẽn kõt kurkur zɩɩm,+
tɩ sẽn kõt-a wisd sẽn yaa pɛɛlg+ tẽegr yĩng yaa wa ned sẽn ningd bark ne zĩn-dãmb goama.*+
Bãmb tũu b mens soaya,
la b* nonga bũmb sẽn yaa wẽnga.
4 Rẽ n so tɩ mam na n yãk m sẽn na n sɩbg-b to-to wã,+
la mam na n kɩtame tɩ yɛl nins sẽn kẽesd bãmb rabeemã paam-ba.
Bala mam boolame, la ned pa leok ye.
Mam gomame, la ned pa kelg ye.+
Bãmb kell n maana sẽn yaa wẽng mam nifẽ,
la b yãka yam n na n maan bũmb nins sẽn pa noom maamã.”+
5 Yãmb a neb nins sẽn digd* mam goamã yĩngã, kelg-y-yã a Zeova gomde:
“Yãmb ba-biisã sẽn kisg yãmb la b rig yãmb mam yʋʋrã yĩngã yetame yaa: ‘Bɩ a Zeova paam pẽgre!’+
La Wẽnnaam na n vẽnega a meng n kõ yãmb sũ-noogo,
la bãmb n na n paam yãnde.”+
6 Bʋrg rãamd n zẽkd tẽngã pʋgẽ, bʋrg n yit wẽnd-doogẽ wã.
Yaa a Zeova sẽn dond a bɛɛbã bũmb ning b sẽn segd ne wã rãamde.
7 Nand t’a kʋm rogem, a rogame.+
Nand tɩ rogmã toogã sɩnge, a paama bi-ribla.
8 Ãnd n zoe n wʋm tɩ b gomd bõn-kãngã yelle?
Ãnd n zoe n yã bõn-kãensã?
Rẽ yĩnga, b tõe n doga soolem raar a yembre,
wall b rog buud zĩig pʋgẽ sɩda?
Baasgo, Siyõ rogmã toog sẽn sɩngã bal t’a roga a kom-dibli wã.
9 A Zeova yeelame yaa: “Mam na bas t’a pʋgã bɩ n ta, n yaool n gɩdg a rogem?”
“Pa rẽ bɩ m na bas t’a sɩng rogem n yaool n pa bas t’a rog n baase?” Fo Wẽnnaamã n sokde.
10 Yãmb a neb nins fãa sẽn nong Zerizalɛmmã,+ naag-y-yã-a n kɩdem la y maan sũ-noogo.+
Yãmb a neb nins fãa sẽn maand sũ-sãang a poorẽ wã, naag-y-yã-a n kɩdem sũ-noog wʋsgo.
11 Bala yãmb na n yẽsma a bĩisã sẽn kõt belsgã n tɩge.
Yãmb na n yũu sõma n maan sũ-noog a ziirã sẽn yaa wʋsg yĩnga.
12 Ad a Zeova sẽn yeele:
B na n yẽsma yãmba, n pẽgen yãmb lʋgrẽ,
la b na n tiisa yãmb rũmẽ.
14 Yãmb na n yãa rẽ la y na n kɩdma sũ-noogo.
Y kõabã na n pida ne keelem wa mo-maasa.
15 “Bala a Zeova na n waa wa bugum,+
la a saar-dãmbã* yaa wa sob-kãsenga.+
A na n dola a bɛɛbã ne sũ-pu-kãsenga,
la a tãs-b ne bug-witim.+
16 Bala a Zeova na n kaoo bʋʋd ne bugum.
N-ye, a na n kaoo ninsaalbã* fãa bʋʋd ne sʋʋga,
la neb nins a Zeova sẽn na n kʋ wã na n yɩɩ wʋsgo.”
17 A Zeova yeelame yaa: “Neb nins sẽn manegd b mens la b yɩlgd b mens sẽn na yɩl n tũ sẽn be-a tẽn-sʋkã n kẽ zẽed zĩisẽ wã,*+ b rãmb nins sẽn wãbd kurkur nemd+ ne yõens+ la bõn-dẽgd a taabã fãa na n naaga taab n ki. 18 Mam mii bãmb tʋʋmã ne b tagsa wã. Rẽ n so tɩ m wat n na n tigim buud toɛy-toɛy fãa neba, la sẽn gomd buud-goam toɛy-toɛya. Bãmb na n waame la b na n yãa mam ziirã.”
19 “Mam na n ninga bãnd bãmb sʋka. La mam na n tʋma neb kẽer sẽn põs tɩ b kẽng buud toɛy-toɛyã neb sẽn mi tãp tãoob sõma nengẽ: Yaa Tarsiis+ ne Pull la Luud.+ Mam na n tʋm-b-la Tuball ne Yavan+ la ko-sʋk tẽns sẽn zãr pʋgẽ me. Nin-kãens zɩ n wʋm tɩ b gomd mam yell wall b yã mam ziirã ye. Bãmb na n moona mam ziirã buud toɛy-toɛyã neb sʋka.”+ 20 A Zeova yeelame: “Bãmb na n yiisa yãmb ba-biisã fãa buud toɛy-toɛyã pʋgẽ,+ n wa kõ a Zeova wa kũuni. B na n zombg-b-la wed-moos la saar-dãmb zutu, niis sarɛt-rãmbẽ, bõn-wees* la yʋgma sẽn tʋʋl zut n wa mam tãn-sõngẽ wã, Zerizalɛm. Na n yɩɩ wa Israyɛll nebã sẽn zãad b kũun laas sẽn yaa yɩlmã pʋsẽ, n wat a Zeova roogẽ wã.”
21 A Zeova yeelame yaa: “Mam na n yãka kẽer me tɩ b yɩ maan-kʋʋdba, la m yãk sãnda tɩ b yɩ Levi buudã neba.”
22 Bala a Zeova yeelame yaa: “Wa sa-paalsã ne tẽn-paalgã+ mam sẽn maandã sẽn na n kell n pa mam taoorã, yãmb yagensã me ne y yʋʋrã na n kell n paame.”+
24 Bãmb na n yiime n tɩ ges neb nins sẽn tõdg maamã kũ-rãmba.
Zũnzũy nins sẽn dɩt-bã pa na n ki,
b bugmã me pa na n ki ye.+
Bãmb na n lebga bũmb nebã fãa* sẽn kisi.”
Rat n yeel t’a “Zeova fãagre.”
Bɩ, “a Zu-soabã.”
Bɩ, “zãmsgã.”
Ebre, “biig sẽn pa tar ba.”
Bɩ, “bɩle rãamã.”
Ebre, “biig sẽn pa tar ba.”
Wõnda yaa tɩɩs ne zẽed zĩis b sẽn da tare, bõn-naands pʋʋsg yĩnga.
Bɩ, “zãmsg.”
Bɩ, “rems yɛl.”
Yaa bũmb sẽn wõnd sarɛt tɩ wed-moos tatẽ.
Bɩ, “paama yãnde.”
Bɩ, “paama yãnde.”
Bɩ, “t’a vʋʋsmã bee a yõ-bogdẽ.”
Ebre, “B na n dɩɩ b tʋʋmã biisi.”
Ebre, “n nakd b yublã.”
Bɩ, “tẽngr futã.”
Yaa tɩɩs kẽer kaam sẽn tar yũ-noogo.
Yaa bãnd b sẽn da ningd ned b sẽn kẽes roogo, bɩ yamb yĩngẽ ne kut b sẽn wɩng bugmẽ.
Ebre, “Fo we n sak tɩ b boond tõnd ne fo yʋʋrã.”
Rat n yeel tɩ yãnde, b sẽn pa kẽ kãadem la b sẽn pa tar kambã yĩnga.
Ebre, “bĩndã.”
Bɩ, “pʋʋg ɛgtaar a naas.”
Ges-y vẽnegr ning sẽn yaa B14.
Ges-y vẽnegr ning sẽn yaa B14.
Ges-y vẽnegr ning sẽn yaa B14.
Yaa bũmb sẽn wõnd gãngaoogo, tɩ b zãad ne nug n pãbda.
Ges-y gom-biis võor bilgrã zĩigẽ.
Bɩ, “a nin-kãsemsã.”
Bɩ, “tɩrlmã.”
Bɩ, “zãmsgã.”
Bɩ, “rʋʋsame.”
Yaa bũmb sẽn wõnd sarɛt tɩ wed-moos tatẽ.
Bɩ, “yageng.” Ebre, “bõn-buud.”
Pa rẽ bɩ, “yẽ.”
Rat n yeel tɩ “Kell bal n na n lebg n wa.”
Pa rẽ bɩ, “kẽes-a rabeem.”
Ges-y gom-biis võor bilgrã zĩigẽ.
Rat n yeel tɩ “Wẽnd-be-ne-do.”
Bɩ, “kosoodẽ wã.”
Rat n yeel tɩ Efrat kʋɩlgã.
Tõe tɩ rat n yeelame tɩ “yãgd n na n tɩ zɛɛ teedo, zoet n watame n na n fã.”
Rat n yeel t’a Ezayi pagã.
Sɩlowe ra yaa ko-sor b sẽn tuki.
Rat n yeel tɩ Efrat kʋɩlgã.
Ges-y Ezayi 7:14.
Bɩ, “Sẽb-y y seese.”
Ne Ebre, “Wẽnnaam bee ne tõnd” yaa Emanuwɛll. Ges-y Ezayi 7:14; 8:8.
Bɩ, “zãmsgã.”
Bɩ, “gũu a Zeova ne m sũur fãa.”
Yaa tɩɩg sẽn wõnd kankanga.
Ebre, “poorẽ.”
Pa rẽ bɩ, “koang vãoog ne tãnwĩig.”
Bɩ, “kamb sẽn pa tar ba-rãmbã.”
Bɩ, “kamb sẽn pa tar ba-rãmbã.”
Bɩ, “ziirã.”
Rat n yeel tɩ “Asiiri nebã.”
Bɩ, “sɩbgr.”
Bɩ, “tɩrlem.”
Pa rẽ bɩ, “Nag-bil ne gɩgemd na n naaga taab n dɩ.”
Yaa we-rũng sẽn tar nao a naas n yaa bedre, t’a noorã wõnd baag noore.
Bɩ, “Buud toor-toorã na n bao-a lame.”
Rat n yeel tɩ Babiloni.
Pa rẽ bɩ, “kʋɩɩsa.”
Rat n yeel tɩ Efrat kʋɩlgã.
“Zah” wã yaa a Zeova yʋʋrã bool-koɛɛga.
Ebre, “pag sẽn vɩ Siyõ.” Yaa nin-buiidã fãa sẽn naag taab la b sẽn mak ne pagã.
Ebre, “m sẽn kɩt tɩ b rãmb lebg sõamyã.”
Bɩ, “Kesill ãd-sulã.” Ges-y vẽnegrã sẽn be Zoob 9:9 pʋgẽ.
Pa rẽ bɩ, “zĩn-dãmb sẽn wõnd bʋʋs.”
Bɩ, “na n kõ-b-la vʋʋsg.”
Bɩ, “b tʋʋmdã taoor dãmba.”
Ges-y gom-biis võor bilgrã zĩigẽ.
Ges-y gom-biis võor bilgrã zĩigẽ.
Ges-y gom-biis võor bilgrã zĩigẽ.
Ebre, “roogẽ.”
Bɩ, “tobeng.”
Ebre, “waaf sẽn yɩgd t’a zẽnemã zabd wa bugum.”
Ebre, “yẽgrã.”
Ebre wã gom-bilã bilgda tɩɩs sẽn wae n be kʋɩls noore. Ne Fãrende, yaa pepilye.
Bɩ, “kosoogã.”
Ebre, “a Israyɛll kom-dibli wã.”
Bɩ, “na n gesa a Naandã, la a nin na n geta Israyɛll Sõng soabã kuii.”
Ges-y gom-biis võor bilgrã zĩigẽ.
Bɩ, “wẽn-sãang.”
Bɩ, “sũyã na n yẽnegame.”
Yaa bũmb b sẽn da kood pĩnd wẽndẽ wã. B ra tara a tãandã n maand lẽ futu.
Bɩ, “Menfis.”
Pa rẽ bɩ, “koang vãoog ne tãnwĩig.”
Bɩ, “tãb-biisã naabã.”
Bɩ, “b sẽn da pẽgd a soab neermã.”
Wõnda yaa pĩnd Babiloni wã soolem yell la b gomda.
Yaa bũmb sẽn wõnd sarɛt tɩ wed-moos tatẽ.
Ebre, “mam zɛɛgã bi-ribla.”
Rat n yeel tɩ “Sɩɩ.”
Vẽenega, yaa Zerizalɛm yell la b sẽn gomdã.
Yaa bũmb sẽn wõnd sarɛt tɩ wed-moos tatẽ.
Bɩ, “segenda.”
Bɩ, “tẽn-nab.”
Bɩ, “tobendã.”
Rat n yeel tɩ Nill kʋɩlgã naoore.
Bɩ, “Tarsiis tẽngã neba.”
Bɩ, “Sɩdõ tẽngã neba.”
Pa rẽ bɩ, “kʋɩtame.”
Yaa bũmb sẽn wõnd gãngaoogo, tɩ b zãad ne nug n pãbda.
Bɩ, “mogrẽ wã.”
Bɩ, “vẽenemã soolmẽ.”
Bɩ, “b na n kɩtame tɩ bãmb kolg n togse.”
Bɩ, “rɩ-nood ne kõab sẽn tar sɩɩlem.”
Ebre, “vel.”
Ebre, “vela.”
Vẽenega, “A” wã ka wã yaa Wẽnnaam.
“Zah” wã yaa a Zeova yʋʋrã bool-koɛɛga.
Bɩ, “saalga.”
Bɩ, “ne m sɩɩgã.”
Pa rẽ bɩ, “moog meenem.”
Ges-y gom-biis võor bilgrã zĩigẽ.
Bɩ, “sẽn yaa saalgã.”
Tõe tɩ yaa Israyɛll yell la b sẽn gomdã. Ka, b mak-a-la ne paga, la wa viyn pʋʋgo.
Ges-y gom-biis võor bilgrã zĩigẽ.
Rat n yeel tɩ Efrat kʋɩlgã.
Ges-y gom-biis võor bilgrã zĩigẽ.
Tog n yaa Samari sẽn yaa na-tẽngã yell la b sẽn gomdã.
Ebre, “wĩ-makdg ne wĩ-makdga, wĩ-makdg ne wĩ-makdga.”
Ebre, “wĩ-makdg ne wĩ-makdga, wĩ-makdg ne wĩ-makdga.”
Ges-y gom-biis võor bilgrã zĩigẽ.
Rat n yeel tɩ kugr b sẽn mak n mik tɩ yaa sõma.
Yaa wĩir b sẽn sẽbg a noorã ne kutu, kugr wall yagdo, tɩ b tar n makd lalg n na n bãng a sã n yasa tɩrga.
Ges-y gom-biis võor bilgrã zĩigẽ.
Pa rẽ bɩ, “B sã n wʋm a võore, b põaag na n bendgame.”
Bɩ, “tẽngã zãnga.”
Orz yaa kood sẽn wõnd bɩle.
Bɩ, “zãmsd-a-la, sɩbgd-a-la.”
Ebre, “saglg.”
Bɩ, “t’a yamã yaa kãsengã.”
Tõe n dat n yeelame tɩ “Wẽnnaam tẽn-kugrã bug-toaalga.” Wõnda yaa Zerizalɛm yell la b sẽn gomdã.
Ebre, “sãambã.”
Rat n yeel tɩ yãnd la sũ-sãang yĩng ye.
Bɩ, “b na n sõmsa mam yʋʋrã.”
Bɩ, “n waooga.”
Ebre, “sɩɩgã.”
Ebre, “waaf sẽn yɩgd t’a zẽnemã zabd wa bugmã.”
Bɩ, “zãmsgã.”
Yaa neb sẽn taasd b taab bũmb nins Wẽnnaam sẽn vẽneg-b tɩ b yã.
Bɩ, “goam sẽn yaa belgre.”
Pa rẽ bɩ, “bulgẽ ye.”
Bɩ, “n gũud-a ne b sũur fãa wã.”
Pa rẽ bɩ, “la y bool-b tɩ rẽgdo.”
Ebre, “la b tall kaam wʋsgo.”
Ebre, “A Zeova yʋʋrã.”
Bɩ, “yɩlgd y mens n yɩ sõamyã.”
Bɩ, “kelgd wɩɩg rãamd.”
Yaa bũmb sẽn wõnd gãngaoogo, tɩ b zãad ne nug n pãbda.
Ka, “Tofɛtã” pa yõogr zĩig sɩd-sɩd ye. A makda sãoongo.
Yaa bũmb sẽn wõnd sarɛt tɩ wed-moos tatẽ.
Ebre, “zabr wed-moose.”
Bɩ, “bugum.”
Ebre, “neb nins sẽn gomd n bidimdẽ wã zɩlmã.”
Bɩ, “kõata.”
Bɩ, “kõat.”
Ebre, “yiisd.”
Ebre, “kang.”
Ebre, “zẽkre.”
Ebre, “wakatã.”
Segd n yaa Zida yell la b gomda.
Pa rẽ bɩ, “kʋɩtame.”
Fadg yaa lampo buudu.
Yaa bũmb sẽn yaa sɩleng tɩ b tar n kaad n sẽbd fu-roto.
Bɩ, “b zɩɩmã na n zoee tãensã zutu.”
Vẽenega, yaa Boosra sẽn yaa Edom na-tẽngã yell la b sẽn gomdã.
Yaa liuul buudu.
Yaa wĩir b sẽn sẽbg a noorã ne kutu, kugr wall yagdo, tɩ b tar n makd lalg n na n bãng a sã n yasa tɩrga.
Pa rẽ bɩ, “Zĩn-dãmb sẽn wõnd bʋʋsã.”
Bɩ, “Gom-kãensã.”
Ebre, “n mak-a ne wĩ-makdg n weel n kõ-ba.”
Bɩ, “ne safrã.”
Bɩ, “maand yɩɩr b sũurẽ wã.”
Bɩ, “sẽn lebs n da wã.”
Bɩ, “bõn-yũudl kɩtbã naabã.”
Bɩ, “bõn-yũudl kɩtbã naabã.”
Ges-y gom-biis võor bilgrã zĩigẽ.
Yaa bũmb sẽn wõnd sarɛt tɩ wed-moos tatẽ.
Bɩ, “Siiri nebã buud-gomdã.”
Bɩ, “tʋʋsgo.”
Bɩ, “Bõn-yũudl kɩtbã naabã.”
Pa rẽ bɩ, “sʋkã.”
Bɩ, “sẽn pa mi raoã.”
Yaa bũmb sẽn wõnd sarɛt tɩ wed-moos tatẽ.
Bɩ, “Nill kʋɩlgã ko-soayã.”
Ges-y gom-biis võor bilgrã zĩigẽ.
“Zah” wã yaa a Zeova yʋʋrã bool-koɛɛga.
Pa rẽ bɩ, “bulwãoogo.”
Rat n yeel tɩ Wẽnnaam goamã la a tʋʋmã.
Bɩ, “ne sãoong boko.”
Bɩ, “Yãmb yãka m yel-wẽnã fãa y taoore.”
Ges-y gom-biis võor bilgrã zĩigẽ.
Yaa tɩɩs kẽer kaam sẽn tar yũ-noogo.
Bɩ, “naoor a yiib.”
Bɩ, “Maneg-y-yã.”
Ebre, “yĩn-nemsã.”
Ebre, “Yĩn-nemsã.”
Bɩ, “na n kɩɩm a rũmsã.”
Ges-y vẽnegr ning sẽn yaa B14.
Bɩ, “nanambs.”
Bɩ, “bãngrã.”
Bɩ, “yaanga.”
Ebre, “a naoẽ.”
Bɩ, “Soab ning sẽn lebs n da foomã.”
Rat n yeel tɩ sẽn pa tõe n sõng a menga, la nimbãan-neda.
Yaa tɩ-bedre, t’a woglem tõe n ta metr 15. A vãadã yaa kẽeg n pɩnda, t’a wil-poalã kõbg yaa wa tompɛglem.
Ebre, “pipi wã.”
Bɩ, “yaang.”
Ebre, “bool.”
Bɩ, “noorã.”
Bɩ, “buli.”
Bɩ, “tẽn-boonesã.”
Bɩ, “noorã.”
Bɩ, “noorã.”
Bɩ, “mam lebs n daa.”
Bɩ, “sɩɩgã.”
Tõe tɩ yaa bũmb nins sẽn da na n deng n maan beoog-daarã.
Bɩ, “kɩs maam sɩda.”
Bɩ, “Soab ning sẽn lebs n da yãmbã.”
Yaa bũmb sẽn wõnd sarɛt tɩ wed-moos tatẽ.
Bɩ, “a bundame.”
Ebre, “bool.”
Bɩ, “kɩɩsgã.”
Tõe tɩ yaa Tõogã karen-saam-dãmb yell la b sẽn gomdã.
Rat n yeel tɩ “Ned sẽn yaa tɩrga.” Yaa Israyɛll waoogr yʋʋre.
Bɩ, “tẽn-koɛɛngã.”
Ebre wã gom-bilã bilgda tɩɩs sẽn wae n be kʋɩls noore. Ne Fãrende, yaa pepilye.
Bɩ, “Soab ning sẽn lebs n da-a wã.”
Ebre, “b.”
Rat n yeel tɩ bõn-naandsã.
Bɩ, “wẽnd-doog.”
Ebre, “B sũyã.”
Bɩ, “a sɩɩga.”
Bɩ, “lebs n daa.”
Bɩ, “Soab ning sẽn lebs n da foomã.”
Bɩ, “zirẽ-be-no-rɛɛsdbã.”
Bɩ, “zae.” Ges-y gom-biis võor bilgrã zĩigẽ.
Ebre, “n lok rĩm-dãmb sees sẽbdse.”
Ebre, “sẽba f sɛɛgã sẽbdga.”
Bɩ, “yaang n tãag nin-taoore.”
Bɩ, “Sẽn yag-a yẽ wã.”
Bɩ, “Sẽn maan-a yẽ wã.”
Pa rẽ bɩ, “Tãnd na yeel tɩ fo tʋʋmdã pa tar gãtse?”
Pa rẽ bɩ, “tʋm-tʋmdbã.”
Pa rẽ bɩ, “toandbã.”
Pa rẽ bɩ, “t’a yɩ vɩʋʋgã.”
Rat n yeel tɩ bõn-naands nins b sẽn zɩlg rũmsã.
Ebre, “pipi.”
Bɩ, “raabã, saglgã.”
Bɩ, “yaanga.”
Bɩ, “raabã, saglgã.”
Bɩ, “sẽn lebs n da.”
Bɩ, “Rĩm-poak.”
Bɩ, “Rĩm-poak.”
Pa rẽ bɩ, “baa fo tɩtã sẽn yaa wʋsgo, la fo sẽn dabsd f taabã hal wʋsgã.”
Bɩ, “fo pa na n bãng f sẽn na n maan to-to ne f tɩɩmã t’a loog ye.”
Pa rẽ bɩ, “yaa ãds-bagba.”
Bɩ, “b sɩɩs.”
Ebre, “a soolmẽ.”
Pa rẽ bɩ, “sẽn yaa a Zida yagensã.”
Ebre, “pipi wã.”
Bɩ, “feesa.” Pa rẽ bɩ, “yãka.”
Bɩ, “Soab ning sẽn lebs n da foomã.”
Bɩ, “f meng neer yĩnga.”
Bɩ, “lebs n daa.”
Bɩ, “a Zeova na n kaoo mam bʋʋdã tɩrga.”
Bɩ, “keoorã.”
Bɩ, “sẽn yaa Soab ning lebs n da Israyɛllã.”
Bɩ, “maan-neer.”
Pa rẽ bɩ, “kunkub nins baa fʋɩ sẽn pa yitẽ wã zutu.”
Bɩ, “wẽenda ne m vɩɩmã.”
Ebre, “yãoogẽ.”
Ebre, “Yĩn-nemsã fãa.”
Bɩ, “zɩlemd sẽn paam zãmsg sõma.”
Pa rẽ bɩ, “keng ned ning sẽn yɛ wã raood.”
Bɩ, “wẽ no-koeemd ne maam?”
Ebre wã gom-bilã bilgda bõn-yɩgdg sẽn dɩt futu.
Ebre, “belsa.”
Bɩ, “kangã.”
Bɩ, “zãmsgã.”
Ebre wã gom-bilã bilgda bõn-yɩgdg sẽn dɩt futu.
Pa rẽ bɩ, “Zũnzũy.”
Ges-y gom-biis võor bilgrã zĩigẽ.
Bɩ, “lebs n da.”
Bɩ, “lebs n da.”
Bɩ, “rɩdgd-a.”
Bɩ, “lebs n daa.”
Bɩ, “tõogrã.”
Bɩ, “B na n zẽk-a-la hal yĩngri.”
Pa rẽ bɩ, “bũmb ning tõnd sẽn wʋmã.”
Ebre, “kangã.”
“Yẽ” wã tõe n yaa ned buud fãa sẽn gete, pa rẽ bɩ Wẽnnaam.
Bɩ, “Bũmb sẽn yaa toor zall pa be a yalẽ wã pʋgẽ n tõe n kɩt t’a yamleoog kẽ tõnd ye.”
Pa rẽ bɩ, “A ra yaa wa ned nebã sẽn wẽnemd b nens n pa rat n gese.”
Bɩ, “b sẽn lob bãaga.”
Ebre, “weoogr la bʋ-kaoor yĩnga.”
Bɩ, “a sẽn da vɩ to-to wã.”
Bɩ, “b wẽ-a lame n kʋ.”
Bɩ, “ned na n kõ-a-la.”
Ebre, “rakãagr.”
Bɩ, “kamb.”
Bɩ, “zu-soabã.”
Yaa bũmb sẽn yaa sɩleng tɩ b tar n kaad n sẽbd fu-roto.
Bɩ, “zu-soaba.”
Bɩ, “Soab ning sẽn lebs n da foomã.”
Bɩ, “Soab ning sẽn lebs n da foomã.”
Bɩ, “kambã.”
Bɩ, “kambã.”
Bɩ, “rogem-pʋɩɩr.”
Bɩ, “ligd y sẽn nams n paam.”
Ebre, “kaamã.”
Bɩ, “b sẽn tõe n teege.”
Bɩ, “ne yamleoogo.”
Sã n yaa ne Ebre wã, yaa rao b sẽn kɩsge.
Rat n yeel tɩ b yaadẽ.
Bɩ, “kosood.”
Bɩ, “kosoogã.”
Tõe tɩ yaa bõn-naandsã pʋʋsg yell la b sẽn gomdã.
Pa rẽ bɩ, “rĩmã.”
Ges-y gom-biis võor bilgrã zĩigẽ.
Ebre, “pa yɛ ye.”
Bɩ, “n solg yɛlã.”
Bɩ, “vɩɩ.”
Ebre, “no-bɩms biis.”
Bɩ, “sɩɩs.”
Bɩ, “sɩɩga.”
Bɩ, “y sɩɩgã sẽn date.”
Ebre, “zɩs.”
Yaa we-rũng sẽn tar nao a naas n yaa bedre, t’a noorã wõnd baag noore.
Bɩ, “pʋ-peelmã.”
Bɩ, “Pʋ-peelem.”
Ebre, “la ra yaa wẽng a nifẽ.”
Bɩ, “kɩtame t’a paam tõogre.”
Bɩ, “gãn-tika.”
Bɩ, “tõogrã.”
Bɩ, “kobr sẽn yaa bãg-vɩɩdo.”
Bɩ, “Soab ning sẽn lebs n da wã.”
Bɩ, “m neerem doogã.”
Yaa rot ninsaal sẽn maan liuuli yĩnga.
Bɩ, “nagsa foo.”
Yaa tɩ-bedre, t’a woglem tõe n ta metr 15. A vãadã yaa kẽeg n pɩnda, t’a wil-poalã kõbg yaa wa tompɛglem.
Ebre, “zaee.” Ges-y gom-biis võor bilgrã zĩigẽ.
Bɩ, “lohorem.”
Bɩ, “arzɛgsã.”
Ebre, “a Zeova pʋgẽ.”
Bɩ, “kobr sẽn yaa bãg-vɩɩdo.”
Ebre, “fo kom-dibli wã.”
Bɩ, “lebs n da.”
Pa rẽ bɩ, “yaa miuug massã.”
Bɩ, “tõogre.”
Bɩ, “sẽn pa na n zãmb maam.”
Bɩ, “malɛk ning sẽn yi yẽ taoor n wa wã.”
Bɩ, “ko-zulumsi.”
Bɩ, “Soab ning sẽn lebs n da tõndã.”
Bɩ, “kɩt.”
Ebre, “kɩt.”
Bɩ, “sẽn gũud yẽ ne sũ-marã.”
Bɩ, “Soab ning sẽn naan-a tõndã.”
Bɩ, “neerem.”
Bɩ, “wẽnd-doogã.”
Bɩ, “rẽgd.”
Pa rẽ bɩ, “Bala mam na n longa foom m sõmblmã.”
Ebre, “bark.”
Bɩ, “tẽn-nabrã.”
Bɩ, “maan-sɩdã.” Ebre, “Ãmiina.”
Bɩ, “maan-sɩdã.” Ebre, “Ãmiina.”
Bɩ, “zu-loeesã.”
Pa rẽ bɩ, “b na n gesa ned sẽn pa ta yʋʋm koabg wa ned b sẽn kãabe.”
Bɩ, “maand yɩɩr.”
Pa rẽ bɩ, “ned sẽn pẽgd bõn-naandga.”
Bɩ, “b sɩɩsã.”
Bɩ, “maand yɩɩr.”
Bɩ, “pãngã.”
Yaa bũmb sẽn wõnd sarɛt tɩ wed-moos tatẽ.
Ebre, “yĩn-nemsã.”
Rat n yeel tɩ zẽed zĩis sẽn yaa toor zalle, tɩ b ra pʋʋsd bõn-naands be.
Yaa wed-moaag ne bõang biiga.
Bɩ, “yĩn-nemsã.”
Bɩ, “na n wa waooga maam.”
Ebre, “yĩn-nemsã fãa.”