Yãmb na n toeema y tigissã wakat bɩ?

Zĩis nins tigims wʋsg sẽn tigimd taab Rĩung Roog a yembr pʋgẽ n zems taab n na n toeem b tigissã wakatã, yaa yʋʋm-vẽkr kiuugã pipi daar la rẽ segd n sɩnge. D sã n sak n tũ segls nins b sẽn maan rẽ wɛɛngẽ wã, wilgdame tɩ d nonga taab la d waoogda taaba. Naoor wʋsgo, tigissã wakat b sẽn toeema na n zemsa ne tõnd sẽn datã, tɩ rẽ kɩt tɩ tigissã kẽnd yɩ nana n yɩɩda.

La tõeeme tɩ rõandã toeengã ka zems ne yãmb tʋʋma na-kẽndr ye. Tõeeme tɩ yɩ tɩlae tɩ y toeem y raasenkam tʋʋma na-kẽndre, tɩ rẽ yaa bũmb sẽn tõe n tiis-yã. Tõnd ned kam fãa sã n sak n tũ toeeng ning b sẽn na n maanã, wilgdame tɩ d nanda seglsã b sẽn dɩk neba fãa yĩngã, tɩ rẽ yaa bũmb sẽn na n naf neb nins fãa yel-kãngã sẽn pakã.

Yaa vẽeneg tɩ vẽer tigissã wakat toeeng tõe n zemsa ne yãmb sẽn datã n yɩɩda. La nananda, d sagend-y lame tɩ y maan toeeng ning sẽn yaa tɩlae wã n tõog n kẽnd semennã tigiss fãa, wa sẽn zems ne sard ning tigingã sẽn dɩkã. Modg-y n tall yɩɩl-gʋlsd a Davɩɩd tagsgã, a sẽn da wa n yeel tɩ: “Mam maana sũ-noogo b sẽn yeel maam: ‘Tɩ d kẽng Zusoaba roogẽ’ ” wã.—Yɩɩl 122:1.