Tʋʋmdã tigisg geelg-n-tʋm

Sẽoog r. 10 semena

Yɩɩll a 7

Min. 10: Tigingã koeese. D Rĩungã Ministɛɛrã Koees b sẽn tũusi. Gom-y tẽngã la tigingã tʋʋl-nif kiuug koe-moonegã tʋʋmd rapoor zugu. Tak-y neba yam n sik zĩ-gũbr ning gom-zug sẽn yaa “Ges-y sebrã poorẽ” wã zugu, la y yãk wilsgã b sẽn sagl tɩ tõe n wom biis yãmb tigingã koe-mooneg zĩigẽ wã a yembr n maan mak-n-wilgi.

Min. 13: “Tõnd ka tõe n ka togs . . . ye.” Kɩt-y tɩ sɩngr-goama ra ta minit a yembr ye, la y pʋgl ne sʋgsg la leoor sõasga. Gom-y n tadg bʋʋm nins sẽn kɩt tɩ d ka reemd ne moonegã tʋʋmdã zugu. Paas-y tagsa sẽn zems sẽn yit yʋʋmd 1997, yʋʋm-vẽkr kiuug rasem 15 Gũusg Gasgã (farende), seb-nens 23-4 pʋgẽ.

Min. 22: “Bɩ bũmbã fãa maan tẽeb kengr yĩnga.” Kẽem dãmb a yiib n sõsd gom-zugã zugu. B gomd n tadgda noy nins sẽn kẽed sʋkã zugu. Wilg-y vẽeneg tɩ b segdame n tall yam-welgre, b sã n wa welgd yɛl sẽn tɩ loe ne afɛɛr dãmb bɩ ligd b sẽn dɩk n kẽes afɛɛr pʋgẽ yelle. Lebg-y n ges sagls nins sẽn be yʋʋmd 1997, tʋʋlg kiuug rasem 15 Gũusg Gasgã (farende), seb-nens 18-​19, 22 pʋgẽ wã.

Yɩɩll 15 la baasg pʋʋsgo.

Sẽoog r. 17 semena

Yɩɩll 23

Min. 15: Tigingã koeese. Gɛɛlã rapoore. Koɛɛg-koɛɛg bala wilg-y b sẽn tõe n dɩk Nom divin seb-bilã n tʋm to-to n sõng neb nins sẽn wilgd ratmã tɩ b bãng tɩ b segd n bãnga Wẽnnaam yʋʋrã la b tũnug ne-a.​—Ges-y Comment raisonner sebrã, seb-nens 200-1.

Min. 10: Yãmb Sʋgsgã Leoore. Diskuur kẽem soab sẽn kõte.

Min. 20: Ãnd togs-n-taar la yãmb segd n dɩke? Baaba a yembr maanda zak pʋgẽ Biibl zãmsg ne bi-bɩɩg a yembr bɩ a yiibu. Sẽn pa kaoos pʋgẽ a gũus n gesame tɩ b ra nong n gomda ɛspoorã, filim dãmba, la televiziõ nin-kãsems la reem-dɛɛmdb yelle. A wilgda a yɩɩre, bala yɛl a woto buud yamleoog sã n tar neda, yaa dũniyã yam pukri. B sõsda yʋʋmd 1998, sig-noy kiuug rasem 22 Réveillez-vous! wã zugu, seb-nens 12-14. Kom-bɩɩsã bãngame tɩ maan tɩ dũniyã nin-kãsems lebg wẽn-naands yaa wẽnga, la b sak tɩ naam dũniyã pʋgẽ ka tar baa fɩ sẽn nafd kiris-ned ye. B getame tɩ tara yõod tɩ b rɩk togs-n-taar ne roagdba, kẽem dãmba, tigingã neb a taab sẽn kõt mak-sõngo, la sẽn yɩɩd fãa ne a Zezi Kirista.

Yɩɩll 34 la baasg pʋʋsgo.

Sẽoog r. 24 semena

Yɩɩll 45

Min. 10: Tigingã koeese. Lebg-y n ges “Yʋʋmd 2000 ‘Wẽnnaam Gomdã sakdba’ Bab-sak tigis-kãsems zĩis la b wakate.” Wilg-y vẽeneg tɩ tara yõod tɩ ned kam rɩk segls takɩ n deng pĩnd n yãk a vakãas rãmb wakat sẽn na yɩl n zĩnd tigis-kãsengẽ wã raar fãa, arzũma sẽn paase.

Min. 18: D wilg tɩ d zemsa ne d yɩ Wẽnnaam ministr dãmba. Ministɛɛr sõgen dãmb a yiib yẽsda saglgã sẽn tik Biiblã zugã b sẽn kõ yʋʋmd 1998, yʋʋm-sar kiuug rasem 15 Gũusg Gasgã (farende), seb-nens 19-​20 wã zugu. B miimi tɩ b segd n yɩɩ ministɛɛr sõgen dãmb sẽn wilgd tɩ b zemsa ne b tʋʋmdã sõma, la b vaeesd bũmb nins bãmb mens sẽn tõe n maan n wilg tɩ b pidsda tʋʋmd ning b sẽn bobl-bã sõma. B neeme tɩ tara yõod wʋsg tɩ b kõ mak-sõng koe-moonegã pʋgẽ, la b sõsd n wilgd b sẽn tõe n maan to-to n sõng kẽem dãmbã, neb a taabã sõngr pʋgẽ. B sakame tɩ b ratame n maan b sẽn tõe fãa n sõng tigingã neb tɩ b bãng tɩ wakatã yaa yãgdem wakate, la b sõng-b tɩ b bɩ la b yidg tẽebã pʋgẽ.

Min. 17: Tũnug-y ne sɩngr-goam sẽn womd biisi. Tũus-y sɩngr-goam a yiib bɩ a tãab Biibl Sõss seb-bilã, seb-nens a 2-7 wã pʋgẽ, la y sõs n wilg b sẽn tõe n dɩk-b n tʋm sõma to-to yãmb tigingã koe-mooneg zĩigẽ. Sʋk-y kɛlgdbã woto: “Sɩngr-gom-bʋs la yãmb tũnugd ne n sɩngd sõasg ne neb soayã zutu, ne manesem sẽn ka yãk wakate, bɩ wakat a taaba?” Sẽk sã n beẽ, tik-y sɩngr-gomd a ye bɩ a yiib zug n maan mak-n-wilgi.

Yɩɩll 54 la baasg pʋʋsgo.

Sẽoog r. 31 semena

Yɩɩll 66

Min. 15: Tigingã koeese. Tẽeg-y koe-moondba fãa tɩ b kɩs b sẽoog kiuugã koe-mooneg tʋʋmd rapoore. Kos-y kɛlgdbã tɩ b togs yɛl bãmb mens sẽn vɩɩmd ki-kãngã seb-bi wã pʋɩɩb pʋgẽ.

Min. 12: Tigingã ratem.

Min. 18: “Yãmb nanda a Zeova sũ-marã bɩ?” Ne sʋgsg la leoore. Paas-y tagsa sẽn zems a Zeova sũ-marã wɛɛngẽ.​—Ges-y Etude perspicace, volim a 2, seb-nens 499-501.

Yɩɩll 75 la baasg pʋʋsgo.

Sa-sik r. a 7 semena

Yɩɩll 88

Min. 10: Tigingã koeese.

Min. 17: “Yãmb yaa nin-zoeer soab bɩ?” Ne sʋgsg la leoore. Togs-y yell b sẽn vɩɩmd sẽn yit Annuaire 1997 pʋgẽ, seb-nens 43-4 pʋgẽ.

Min. 18: Paam-y yam beoog-daare. Diskuur kẽem soab sẽn kõte. Kom-bɩɩsã tʋllame n paam beoog-daar sẽn be sũ-noog ne b rãmb nins b sẽn nongã. Baa rẽ sẽn yaa bũmb sẽn zemsã, b sã n dat n tõoge, b tog n tũu Wẽnnaam saglsã. (Yel. 19:20) Bi-bɩɩlmã wakate, komdibli wã ne kompugli wã yamleoog sẽn kẽed taab to-to wã tara pãng wʋsgo. B sã n ka tõog b yĩn-sidsã, tõe n wa baasa wẽng wʋsgo. D tõe n wa maana sʋgsg wʋsg n dat n bãnge, rẽ yĩnga yaa yam bũmb tɩ komdibli la kompugli wa nong taab tɩ rẽ wa baas ne roobo. Lebg-y n ges sagls nins b sẽn kõ Jeunes s’interrogent sebrã pʋgẽ, seb-nens 231-5 wã pʋgẽ. Gom-y n tadg tags-kãsems sẽn be yʋʋmd 1999, sɩpaolg kiuug rasem 15 Gũusg Gasgã (farende), seb-nens 18-23 zugu, sẽn wilgd tɩ tara yõod tɩ kom-bɩɩsã pids b zɩɩbã fãa Wẽnnaam taoorã. Sagl-y kom-bɩɩsã tɩ b tags sagl-kãensã zutu, la b sõs b zut ne b roagdbã b sã n tar sʋgsgo.

Yɩɩll 101 la baasg pʋʋsgo.