D ges saam-biis lagem-n-taar hakɩk ne Unis grâce à l’enseignement divin wã maasem

Tigims gĩnd yel-gɛt n zĩnd pag sẽn da nan ka sɩng tigingã tigiss waoong Biibl zãmsgẽ. A kos-a lame t’a ges Unis grâce à l’enseignement divin wã video. Semen kãnga, pagã waa tigisgã n yeel t’a sũur yɩɩ noog wʋsg a sẽn zĩnd be wã. Bõe yĩng tɩ video kãngã tõog n wom biis tao-tao woto? B sẽn bilg tõnd saam-biirã sẽn be yõod wʋsgã sẽn tar pãng to-to dũniyã sẽn tar nen-kɛglem la kisgrã pʋgẽ wã, zĩnda yamleoog wʋsg ne-a.—Zã 13:35.

Ges-y video kãngã n bãng bãan la nonglem ning a Zeova Kaset rãmbã sẽn tar dũniyã gill zugã. Rẽ poor bɩ y bʋgs sʋgs-kãensã zutu:

1) Bõe yĩng tɩ b sẽn da yãk yʋʋmd 1993-94 tigis-kãsemsã gom-zug tɩ “Wẽnnaam Zãmsgã” zemse?—Mii. 4:2.

2) Biiblã sɩdã yõod yɩɩ bõe ne zags kẽere? La wãn to la yãmb me ges-a?

3) Bõe yĩng tɩ tar yõod wʋsg t’a Zeova zãmsd-do?—Yɩɩl 143:10.

4) Yel-bʋs buud la b tog n tõog n welg n yaool n segl tẽn-tẽns tigis-kãsemse?

5) Wãn-wãn la yãmb yã Yɩɩl Sõamyã 133:1 wã la Matɩe 5:3 wã pidsg kiris-neb tigis-kãsems nins y sẽn kẽngẽ wã?

6) Kaset bʋg zãma wã sẽn ne n wilgd tɩ Wẽnnaam zãmsgã tara pãng wʋsg n tõe n toeem neba?—Wil. 7:9.

7) Kiris-neb hakɩk wʋsg sẽn lagem taab n deeg lisg sõor sẽn yɩ kãseng n yɩɩdã yɩɩ bʋgo?

8) A Miise, a Pɩɛɛre, la a Zezi gom-bʋs n paamd pidsg a Zeova Kaset rãmbã sʋka?

9) Bõe n wilgd tɩ ãdem-biis sẽn be lagem-n-taar pʋgẽ la b tar sũ-noog yaa bũmb sẽn ka belgre?

10) Ãnda la yãmb na n wilg video kãngã, la bõe yĩnga?

Saam-bi-poak sẽn ges video kãngã poore, a kʋms-a-la woto neere: “Video kãngã na n sõnga maam tɩ m ket n ningd m yamẽ n paasdẽ tɩ kiris-neb saam-biis la saam-bi-pogs wʋsg n be dũniyã pʋgẽ masã woto n balemd a Zeova ne kɩs-sɩda. . . . Ad tõnd saam-biisã lagem-n-taar sɩd tar yõod wʋsgo!”—Ef. 4:3.