Wẽnnaam tʋʋmdã lekoll yʋʋmd 2004 yĩnga
1 A Zeova segenda ninsaan-zaals woto bal sẽn na yɩl tɩ b maan tʋʋmd sẽn tar yõod dũniyã gill zugu. Bũmb a yembr a sẽn maand n segend-b yaa zãmsg ning b sẽn kõt semen fãa Wẽnnaam Tʋʋmdã lekollẽ wã. Sẽn zems ne yãmb tõogã, y kẽesda y meng zãng-zãng Wẽnnaam tʋʋmdã lekollẽ bɩ? Sẽn sɩngd ne yʋʋmd 2004 yʋʋm-vẽkr kiuugã, remsg a wãn la b na n maan n sõng karen-biisã tɩ b rɩ lekollã nafa.
2 Sagend sõngdbã na n maanda b tʋʋmdã n deesd taaba: Saam-biis nins sẽn kõt zãmsg sõssã ne Biiblã tags-kãsemsã sõssã talla mi-beoog ne sagend sõngdã saglsã b sẽn paamã yĩnga. Tigims nins sẽn tar kãsem dãmb sẽn tar tõog tɩ sekã tõe n maanda sagend sõngdbã tʋʋmd n deesd taab yʋʋmd-yʋʋmde. B sã n maan woto, b sõngda taab ne tʋʋmdã. La sẽn tar yõod n yɩɩd yaa tɩ kãsem dãmbã la kãsemb sõngdb nins sẽn tar tõogã na n tõog n dɩɩ sõasdb la karen-saam dãmb toɛy-toɛyã sẽn tar tõogã minim nafa.
3 Lebg-n-ges ne sogsg la leoorã: Tigims gĩnd tigis-kãsengã sã n sega lebg-n-ges ne sogsg la leoorã semene, bɩ y maan lebg-n-gesã (ne semenã lekoll sõss a taabã) semen ning sẽn pʋgdã, la b kõ semen kãng lekollã sõss tigis-kãsengã semen sasa. La lebg-n-gesã sã n sega ne tigims gĩnd yel-gɛtã kaagre, pa tɩlae tɩ semen dãmb a yiibã lekoll sõss fãa ledg taab ye. B ka na n ledg yɩɩllã, sõasg minimã, la Biiblã kareng tags-kãsems ne semen ning sẽn pʋgdã rẽnd ye. B segd n kell n maana wa sẽn be lekollã na-kẽndrã pʋgẽ bala. Zãmsg sõasgã (b sẽn kõt sõasg minimã sõasg poorã) segd n yɩɩ semen ning sẽn pʋgdã rẽnda. Biiblã kareng tags-kãsems poore, b na n maana Tʋʋmd tigisg minit 30 pʋgẽ. B tõe n demsa Tʋʋmdã tigisg na-kẽndr tɩ yɩ minit piig-piig sõss a tãabo, bɩ minit piig la nu-nu sõss a yiibu. (Tigingã koees ka na n zĩnd ye.) Tʋʋmdã tigisg poore, b na n yɩɩla yɩɩlle, tɩ tigims gĩnd yel-gɛtã kõ sõasg sẽn kaoosd minit 30. Semen ning sẽn pʋgdã Wẽnnaam tʋʋmdã lekoll na n sɩnga ne sõasg minimã la Biiblã kareng tags-kãsems tɩ zems ne sẽn be lekollã na-kẽndr pʋgẽ, tɩ rẽ poor bɩ b yaool n maan lebg-n-ges ne sogsg la leoorã.
4 Tũnug-y ne segb buud fãa y sẽn paam n bɩ tẽebã wɛɛngẽ. Yãmb sã n dɩ Wẽnnaam tʋʋmdã lekoll zãmsg nafa, y na n tõog n kenga tigingã neb raoodo, n sõng n pids Biiblã bãngr-goamã, la y pẽg a Soab ning sẽn kõ tõnd noor tɩ d moon koe-noogã.—Ezai 32:3, 4; Wil. 9:19.