Watchtower SƐB VAEESG ZĨIGA
Watchtower
SƐB VAEESG ZĨIGA
Moore
  • BIIBLE
  • SƐBA
  • TIGISSÃ
  • km04 Sigr kiuugu s.n. 4
  • Bũmb nins sẽn kɩt tɩ d rat tigingã sebr zãmsgã

Video pa be zĩ-kãngã ye.

Video wã pa tõog n yi ye.

  • Bũmb nins sẽn kɩt tɩ d rat tigingã sebr zãmsgã
  • Yʋʋmd 2004 Rĩungã tʋʋmde
  • Bũmb sẽn wõnd woto
  • Sebrã zãmsg sẽn sõngd tõnd to-to
    Yʋʋmd 2007 Rĩungã tʋʋmde
  • Tigingã sebr zãmsg yel-gɛtb sẽn wilgd tɩ b geta b sulã ned fãa yell to-to
    Yʋʋmd 2002 Rĩungã tʋʋmde
  • Y koe-moonegã sull sẽn tõe n naf-y to-to
    Yʋʋmd 2012 Rĩungã tʋʋmde
  • Sõng-y y sebrã zãmsg yel-gɛta
    Yʋʋmd 2002 Rĩungã tʋʋmde
Bũmb a taaba
Yʋʋmd 2004 Rĩungã tʋʋmde
km04 Sigr kiuugu s.n. 4

Bũmb nins sẽn kɩt tɩ d rat tigingã sebr zãmsgã

1. Wãn to la sebra zãmsg sɩng-yã?

1 Yʋʋmd 1895 wã, a Zeova Kaset rãmbã b sẽn da boond tɩ Biiblã zãmsdb sasa kãngã, ra tara Biibl zãmsg sul b sẽn boond tɩ Tõdbeoog Sula. B ra tikda Aurore du Millénium sɛbã zut n maand zãmsgã. Kaoosg zugẽ b wa n boola sul-kãens tɩ Beere sul Biiblã zãmsg yĩnga. (Tʋʋ. 17:11) Neb sõor sẽn zems bal n da minim n tigimd taab ned zakẽ wakat ning sẽn zems ne sullã neb fãa. Yaa woto la sebra zãmsg sɩng-yã.

2. Wãn to la d tõe n keng taab raood sebrã zãmsgẽ?

2 Raood kengr la sõngre: B sẽn maan sebrã zãmsg sul tɩ b yaa bõonegã yĩngã, sullã neb paamdame n kõt leoor n wilgd b tẽebã nana-nana n yɩɩda. Rẽ na n kɩtame tɩ b keng taab ‘raood ne taab tẽebo.’—Rom 1:12.

3, 4. Wãn-wãn la sebrã zãmsg sõngd tõnd d koe-moonegã pʋgẽ?

3 Tõnd sã n get sebrã zãmsg yel-gɛt sẽn zãmsd nebã to-to wã, tõe n sõnga tõnd tɩ d ‘togs sɩd koɛɛgã tɩrg bala.’ (2 Tɩm. 2:15) Ges-y a sẽn wilgd zãmsgã sẽn tik Gʋlsg Sõamyã zug vẽeneg to-to. A tõe n kɩtame tɩ tags-yẽg puk vẽenega, n tik Biiblã zug bal n maan lebg-n-ges zãmsgã baasgẽ, sã n mikame tɩ sebrã b sẽn zãmsda zemsa ne rẽ maanego. Mak sõng ning a sẽn kõtã tõe n sõnga tõnd tɩ d paas d zãmsgã sõmblem koe-moonegã pʋgẽ.—1 Kor. 11:1.

4 A sẽn lʋɩt sebrã zãmsg taoor semen fãa wã sẽn yãk a toogo, sebrã zãmsg yel-gɛt lʋɩta taoor koe-noogã mooneg pʋgẽ me. A zemsda ne tʋʋmdã yel-gɛt n maand segls moonegã yĩnga. A baoodame n na n sõng sullã fãa neb tɩ b tʋk b kiris-neb zɩɩb ning sẽn yaa moon koe-noogã la b maan karen-biisã.—Mat. 28:19, 20; 1 Kor. 9:16.

5. Sõng-bʋg la tõnd ned kam fãa paamd ne sebrã zãmsg maasem?

5 Sebrã zãmsg yel-gɛt rata sullã ned kam fãa neer tẽebã wɛɛngẽ. A wilgda rẽ tigingã tigissẽ, la a sã n wa moond ne neb a taabã. A sã n leb n tɩ kaagd saam-biisã b zagsẽ me, a tũnugda ne rẽ n kengd b tẽebã. Sullã neb fãa ka segd n maan yam-yoog la b tɩ yã sebrã zãmsg yel-gɛt n kos sõngr tẽebã wɛɛngẽ, b sẽn dat sõngr wakat ning fãa ye.—Ezai 32:1, 2.

6. a) Tẽns kẽer pʋsẽ, wãn to la tõnd saam-biisã tẽeb paam kengre, b sẽn tigim taab sul bõoneg pʋsẽ wã? b) Wãn to la yãmb mengã rɩ sebrã zãmsg nafa?

6 Keng-y taab raoodo: Saam-biisã nong n tigimda taab sul bõoneg pʋsẽ tẽns nins b sẽn gɩdg Wẽnnaam nin-buiidã tʋʋmdã. Saam-biig a yembr tẽega woto: “Baa ne b sẽn da wa n gɩdg d tũudmã tʋʋmã, sã n da tõe fãa, d maanda d semen fãa tigissã sul sẽn tar neb sõor sẽn zems 10 n digd 15 pʋsẽ. Tigissã ra kengda tõnd tẽebã, d sẽn da paamd zãmsg sẽn yit Biiblã pʋgẽ wã, la tũud-n-taarã d sẽn da tar ne neb a taabã zãmsgã poorã yĩnga. Tõnd ned kam fãa ra togsda a to yɛl a sẽn vɩɩmde, tɩ rẽ ra sõng tõnd fãa tɩ d bãng tɩ d ra sega yɛl sẽn wõnd d taabã rẽnda.” (1 Pɩɛ. 5:9) Bɩ tõnd me kengd taab raoodo, ne d sẽn na n teend sebra zãmsg sõma.—Ef. 4:16.

    Moorã Sɛba (1991-2025)
    Pag-y
    Pak-y
    • Moore
    • Toole
    • Y sẽn date
    • Copyright © 2025 Watch Tower Bible and Tract Society of Pennsylvania
    • Y sẽn segd n sake
    • Noy d sẽn tũudi
    • Paramètres de confidentialité
    • JW.ORG
    • Pak-y
    Toole