Y tõe n moona sasa a taab bɩ?
1. Bõe yĩng tɩ d segd n moon sasa a taaba?
1 D sẽn yaa kiris-neb hakɩkã yĩnga, d sak n na n yɩɩ a Zezi “neba baoodba.” (Mat. 4:19) Wala zĩm yẽedbã, tõnd sã n moon sasa ning d sẽn tõe n yã nebã b zagsẽ wã, d na n paama neb wʋsgo. Zaabr la zĩigã sẽn wat n sɩng sobgrã tɩ neb wʋsg bee b zagsẽ. Rẽ sasa tɩ neb wʋsg nong n tara vɩʋʋgo, la d tõe n paamame me tɩ b gãneg b yamã n kelg-do. Y tõe n moona sasa kãensã bɩ?—1 Kor. 9:23.
2. Wãn-wãn la d tõe n maan tɩ neb wʋsg paam n wʋm koɛɛgã?
2 Koe-moonegã yiib zĩ-sob-paandã: D sã n sigl tɩ b moond koɛɛgã zĩ-sob-paandã, tõe n kɩtame tɩ neb wʋsg paam n wʋm koe-noogã. (Yel. 21:5) Rẽ, kom-bɩɩsã tõe n paam n moona b karengã yiib poore. Neb a taab me tõe n yii b tʋʋmã sigb poore. Sebrã zãmsg sul kẽer tõe n dɩka segls n dengd n moond lɛɛr a ye nand tɩ b sɩng b zãmsgã.
3. Wãn-wãn la y tõe n moon zaabr-zaabr la zĩ-sob-paandã?
3 Koɛɛgã mooneg zak-zak ne zaabr la zĩ-sob-paandã tõe n kɩtame tɩ d paam n moon neb d sẽn da pa tõe n yã yiri. Zĩis wʋsgo, b tõe n moona soayã noy la nebã sẽn beẽ wʋsgã me tɩ yɩ sõma. La neb wʋsg yãame tɩ yaa sõma me tɩ zĩ-sob-paandã bɩ d tʋgd n kaagd neb nins d sẽn da zoe n sõs ne wã, la d sɩngd Biiblã zãmsg ne-ba.
4. D sã n moond zĩ-sob-paandã, bõe yĩng tɩ tar yõod tɩ d wilgdẽ tɩ d yaa wʋmdba?
4 D segd n maanda gũusgu: D sã n wa moond zĩ-sob-paandã, d segd n gũusame. Yaa sõma tɩ d ra moond n kaoosd n tãagd zagsa rãmb sẽn wat n dat n kẽ gãagã ye. (Fil. 2:4) D sã n ta zak noor n wẽ salem bɩ d yals zĩig ning b sẽn tõe n yã-do, tɩ ned sã n wa bɩ d wilgd d sẽn yaa b rãmbã vẽenega. D yɩ tao n wilg d waoongã võore. D sã n ta n mik tɩ zaka rãmb rɩtame bɩ b maanda bũmb a to tɩ kɩt tɩ d pa tõe n sõse, bɩ d wilg-b tɩ d na n lebg n waa nindaare. D yɩ wʋmdb wakat fãa.—Mat. 7:12.
5. Wãn-wãn la d tõe n gill zu-loees d sã n wa moond zĩ-sob-paandã?
5 D sã n wa moond zĩ-sob-paando, d sã n pa gũusi, d tõe n sega zu-loeese. D tog n kẽna yiib-yiibu, wall sull-sulli. Ra kẽng-y zĩis nins sẽn yaa likã ye, la y ra bak n bas y taabã tɩ b pa ne-y me ye. Moon-y zĩisẽ y sẽn mi tɩ yell pa tõe n paam-y ye. Ra kẽ-y zĩis nins sẽn tõe n yɩ yell ne-y zĩ-sobd sasa wã ye.—Yel. 22:3.
6. Nafa bʋs me la d na n paame, d sã n moond zaabr la zĩ-sob-paandã?
6 Zĩ-sob-paandã mooneg tõe n kɩtame tɩ d tõog n moon ne sõngr so-pakdbã la wakat fãa so-pakdbã. (Rom 1:12) Rẽ yĩnga y tõe n moona sasa kãng bɩ?