D pa na n le vaeesd daar vɛrse wã koe-moonegã tigisg sasa ye

Pĩndã, d ra tõe n vaeesa daar vɛrse wã koe-moonegã tigisg sasa, sã n mik tɩ gomda koɛɛgã mooneg yelle. B maana remsg rẽ wɛɛngẽ. D pa na n le sõsd D vaees Gʋlsg Sõamyã daar fãa sebrã zug koe-moonegã tigisgẽ ye. La wala pĩndã, koe-moonegã tigisg sasa, neb nins sẽn lʋɩt taoorã ket n tõe n tũnugda ne Biiblã, Rĩungã Tʋʋmde, École du ministère sebrã, Comment raisonner sebrã, la sɛb a taab sẽn gomd koe-moonegã yell n sõng koe-moondbã. Neb nins b sẽn yãk tɩ b lʋɩ taoorã segd n segla b mens n tõog n kõ koe-moondbã sagls sẽn na n sõng-b tɩ b tõog n moon koɛɛgã sõma daar-n-kãngã. Wala pĩndã, koe-moonegã tigisg pa segd n yɩɩg minit 10 bɩ 15 ye. La sã n yaa tigingã tigisg poore, pa segd n ta woto meng ye.