Y sẽn segd n tʋm ne Veuillez suivre l’intérêt (S-43) wã to-to

Yaa y sã n seg ned sẽn pa be y tigingã mooneg zĩigẽ, wall ned sẽn gomd buud-gomd y sẽn pa wʋmde, n yaool n dat n bãng n paas la y segd n tʋm ne Veuillez suivre l’intérêt (S-43) wã. Pĩndã, b ra kõo sor tɩ d sã n seg ned sẽn gomd buud-gomd d sẽn pa wʋmde, baa a pa wilg t’a rat n bãng n paasame, bɩ d tõe n tʋm ne seb-kãngã. La masã, yaa a soabã sã n dat n bãng n paas bala. La mugsã nengẽ yaa toore. D sã n seg muka, a wilg t’a nonga koɛɛgã t’a pa wilg me, d segd n tʋma ne S-43 wã.

D sã n gʋls S-43 wã n sa, d maanda wãna? D segd n kɩs-a-la tigingã sekertɛɛre. Yẽ sã n mi tiging ning a sẽn tõe n toolã, a segd n tool-a-la tiging-kãng kãsem dãmbã tɩ b ges a soabã yelle. A sã n pa mi tiging ning a sẽn tõe n toole, a segd n tool-a-la Betɛllẽ wã.

Sã n yaa ned sẽn be y tigingã mooneg zĩigẽ n gomd buud-gomd y sẽn pa wʋmde, y tõe n kẽnd n get-a lame t’a bãng tɩ y pa yĩm a yelle, hal tɩ b wa tʋm koe-moond sẽn gomd a buudã gomdã t’a wa ges-a.—Ges-y yʋʋmd 2009 sɩpaolg kiuug Rĩungã Tʋʋmde, seb-neng a 4 zĩigẽ.