Yãmb tara y meng mooneg zĩig bɩ?

1. Yãmb tigingã mooneg zĩig sã n yalma wʋsgo, bõe la y tõe n maane?

¹ Yãmb tigingã mooneg zĩig sã n yalma wʋsgo, y tõe n kosa y meng mooneg zĩiga. Tõe n yɩɩ zĩig sẽn pẽ yãmb zakã. Organisés sebrã neng 103 pʋgẽ, b yeela woto: “Y sã n tar y meng mooneg zĩig sẽn pẽ yãmba, na n sõng-y lame tɩ y tõog n moon wʋsgo. Sẽn paase, y tõe n boola koe-moond a to t’a wa moon ne-yã.”

2. Wãn to la d tõe n moond d meng zĩigẽ wã la d moond ne tigingã?

² D moond ne d sullã me: Y sã n tar y meng mooneg zĩig sẽn pẽ y tʋʋmã zĩigẽ, y tõe n moona midi wã vʋʋsg sasa bɩ tʋʋmã sigb poore. Y tõe n kosa koe-moond a to sẽn tʋmd yambẽ be t’a wa naag-yã. Y sã n paam mooneg zĩig sẽn pẽ y zakã, yãmb ne y zakã rãmb tõe n moonda be zaabr fãa. Y sã n pa tõog n zĩnd koe-moonegã yiib tigsgẽ, yɩta sõma tɩ y reng n pʋʋs a Zeova nand tɩ y sɩng moonego. (Fil. 4:6) Sẽn paase, y segd n modgame tɩ y sẽn moond y meng zĩigẽ wã ra wa kɩt tɩ y pa tar sẽk n na n moon ne y koe-moonegã sull ye. Sẽn yɩɩda, nebã wʋsg sẽn moond wɩkendã, sõmbame tɩ d naag-b n moone.

3. Y sã n tar y meng mooneg zĩiga, wãn to la na n naf-yã?

³ A nafa wã: Y sã n tar y meng mooneg zĩiga, y tõe n moonda wakat ning sẽn zems ne-yã. Sẽn paase, y na n paama sẽk wʋsg n moone, la pa na n le yɩ tɩlae tɩ y rɩk sẽk wʋsg n kẽn n ta moonegã zĩigẽ ye. Woto fãa sõngame tɩ sãnda tõog n lebg sõngr so-pakdb bɩ wakat fãa so-pakdba. Sẽn paase, sẽn mik tɩ neb nins sẽn dat n bãng n paasã bee sak a ye pʋgẽ wã, na n yɩɩ nana tɩ y lebg n tɩ ges-ba, la y zãms Biiblã ne-ba. Wʋsg yãame tɩ b sẽn tar b meng mooneg zĩigã kɩtame tɩ b tõe n bãng sẽn pak nebã n tõog n sõng-b tɩ b bas-yardo. La rẽ yaa nana n yɩɩda, b sã n moon n yɩlem n yaool n tɩ lebs kartã. Y sã n paam y meng mooneg zĩiga, na n sõnga yãmb ne y zakã rãmb tɩ y tõog n moon koɛɛgã sõma.—2 Tɩm. 4:5.