D WILG TƖ D YAA KIRIS-NEB HAKƖƖKA
Ki-bʋg la m tõe n yɩ sõngr so-pakda?
A Ezekɩyɛll vẽnegrã pʋgẽ wẽnd-doogã wilgdame t’a Zeova nin-buiidã na n teela a tũudmã ne yamleoogo. Wãn to la tõnd ned kam fãa tõe n kõo a Zeova ‘maoong sẽn yaa pẽgre’?—Ebre. 13:15, 16.
Bũmb a ye sẽn tõe n sõng-d tɩ d maan dẽ n yɩɩda, yaa sõngr so-pakrã. Yʋʋmd 2018 wã kiis wʋsg tara sibr a nu la hat-rãmb a nu. Woto na n kɩtame tɩ tʋm-tʋmdbã paam sẽk wʋsg n moon koɛɛgã, sẽn yɩɩd fãa, wɩkɛn-dãmbã. Sẽn paase, tʋʋlg ne tʋʋl-nif kiisã la tigims sull yel-gɛtã kaagr sasa, koe-moondbã tõe n dɩka sõngr so-pakrã, n moon lɛɛr 30 wall lɛɛr 50.
La bũmb ning sã n kɩtame tɩ y pa tõe n dɩk sõngr so-pakrã, bõe la y tõe n maane? Y tõe n modg n paasa y koe-moonegã minim wall y moon koɛɛgã n yɩɩg raasenkam. Rẽ wã, bɩ d fãa tʋm a Zeova tʋʋmdã yʋʋmd 2018 soabã pʋgẽ wa d sẽn tõe tɛka, d sẽn nong-a wã yĩnga! —Ooze 14:3.
Koe-moonegã wɛɛngẽ, wãn to la d tõe n dɩk a Sabina Hernández togs-n-taare?
NING VIDEO WÃ GOM-ZUG SẼN YAA: NE A ZEOVA SÕNGRE, M TÕE N MAANA BŨMB FÃA LA BALA. RẼ POOR BƖ Y LEOK SOGSGÃ:
Bõe yĩng t’a Sabina tʋlg n na n tʋm a Zeova tʋʋmdã n paase?
Wãn to la a Sabina kibarã keng yãmb daoodo?
Yʋʋmd 2018 soabã pʋgẽ, ki-bʋg la y tõe n yɩ sõngr so-pakda?