Yãmb na n dɩka sõngr so-pakrã tʋʋlg wall tʋʋl-nif kiuugã bɩ?

Yãmb dat n moona koɛɛgã wʋsg a Zeezi kũumã tẽegr sã n wa ket bilf bɩ? (2 Kor. 5:14, 15) Tʋʋlg la tʋʋl-nif kiuugã, y tõe n dɩka sõngr so-pakrã, n moon lɛɛr 30 bɩ 50. Y sã n ges tɩ y tõeeme bɩ y reeg sõngr so-pakrã demandã, n gʋls n kõ kãsem-dãmbã sull ning sẽn get koe-moonegã yellã. Kiuug fãa, b na n togsa neb nins sẽn dɩk sõngr so-pakrã yʋyã. Rẽ, tigingã neb a taabã tõe n bãng n sõnga so-pakdbã b koe-moonegã pʋgẽ. Bɩ d fãa bẽd ne a Zeezi kũumã tẽegr sẽn kolgdã, n paas d koe-moonegã minim, la d keng taab raoodo.—1 Tes. 5:11.