Tɩbsg ning sẽn yaa sõma n yɩɩdã la bʋgo?

A Michael Rose sẽn yaa logtor kãseng yeela woto: “Hakɩka, bãad ning sẽn pa sak tɩ b tɩbs-a ne zɩɩm paama tɩbsg sẽn yaa sõma n yɩɩdã.” Tɩbsg buud toɛy-toɛy sẽn pa tũud ne zɩɩmã la bʋse, la wãn to la b maand n tõog n tɩbs ned n pa ning-a zɩɩm? Y segd n bãnga rẽnda sẽn na yɩl n wa tõog n yãk yam sõma, tɩbsg la woperasiõ sasa. Ges-y video ning gom-zug sẽn yaa Pas de sang : la médecine relève le défi wã. Rẽ poore, bɩ y ges y sã n na n tõog n leoka sogsg nins sẽn pʋgdã.—Vẽnegre: Video wã sẽn tar zĩis b sẽn wilgd woperasiõ rãmbã yĩnga, kom-bõoneg sã n na n naag n ges video wã, roagdbã segd n maana gũusg wʋsgo.

1) Bʋʋm kãseng n kɩt t’a Zeova Kaset rãmbã pa sakd tɩ b ning-b zɩɩm. Bʋʋm kãng la bʋgo? 2) Tɩbsg bʋg buud la a Zeova Kaset rãmbã rata? 3) Dʋrwa bʋg la bãad fãa tare? 4) Bõe yĩng tɩ yaa yam tʋʋmd tɩ d yãk tɩbsg buud nins sẽn pa tũud ne zɩɩmã? 5) Zɩɩm wʋsg sã n daag woperasiõ sasa, bũmb a yi bʋs la logtoɛɛmbã segd n yɩ tao-tao n maane? 6) Bũmb a naas bʋs la b segd n maan n tõog n tɩbs ned n pa ning-a zɩɩm? 7) Wãn to la logtoɛɛmbã tõe n kɩt tɩ a) zɩɩm da raag wʋsg woperasiõ sasa, b) globill ruuz rãmb da sa, d) yĩngã maand zɩɩmã n paasdẽ, la e) bãad zɩɩm waooglem ta wa pĩndã? 8) Bilg-y tɩbsg nins sẽn pʋgdã a) emodilisɩõ, la b) rekiperasɩõ de sã epãnse. 9) Tɩbsg sẽn pa tũud ne zɩɩmã wɛɛngẽ, bõe la yãmb rat tɩ logtoɛɛmbã togs-yã? 10) Rẽ yĩnga, b tõe n maana ned woperasiõ sẽn yaa kɛgeng n pa ning a zɩɩm bɩ? 11) Bõe la logtoɛɛmb kẽer sakd n maand masã tɩ yaa sõma?

Tɩbsg nins b sẽn wilg video kãngã pʋgẽ wã kẽer sakr bee ne ned kam fãa yam yãkr la a sũur kaseto. Rẽ yĩnga, yãmb zoe n yãka tɩbsg ning buud y mensã la y kambã sẽn na n sak bɩ? Y segd n kɩtame tɩ yãmb zakã neb nins sẽn pa a Zeova Kaset rãmbã bãng yãmb sẽn yãk bũmb ning tɩbsgã wɛɛngẽ wã, la y wilg-b bũmb ning sẽn kɩt tɩ y yãk woto wã.—Ges-y “Karemdbã sogsgo,” sẽn be yʋʋmd 2004, sigr kiuug rasem 15 Gũusg Gasgã ne farende, la yʋʋmd 2000, sɩpaolg kiuug pipi daar Gũusg Gasgã ne moore.