¹ “Għada min rah?” Ħafna jafuha din l-​idjoma li tħeġġeġ lil dak li jkun biex jagħmel dak li għandu bżonn jagħmel fil-​pront. Il-​fatt li dan il-​prinċipju nistgħu napplikawh fil-​ministeru tagħna jidher mill-​esperjenza li ġejja.

² Oħt li ħalliet ktieb maʼ wieħed raġel wegħditu li se tmur lura. Bi żball, siegħa wara oħt oħra marret tħabbat l-​istess bieb. Ir-​raġel fetaħ il-​bieb bil-​ktieb f’idejh u qalilha: “Meta għedtli li se terġaʼ tiġi ma ħsibtx li se jkun daqshekk malajr, imma idħol, ninsab lest għall-​istudju tiegħi.” Filwaqt li żjara lura daqshekk malajr m’hijiex xi ħaġa tas-​soltu, din l-​esperjenza turina kemm hu importanti li nkunu pronti biex immorru lura fuq l-​interess li nsibu fil-​ministeru tagħna mingħajr ħafna dewmien bla bżonn.

³ In-Nies Għandhom Bżonn Iktar Għajnuna: Sabiex ngħinu lin-​nies jifhmu l-​informazzjoni li hemm f’din il-​pubblikazzjoni u japprezzaw li din teffettwa l-​ħajja u l-​futur tagħhom, hemm bżonn naraw li jkun hemm żjara lura, jekk jistaʼ jkun ftit jiem wara l-​ewwel żjara. Kif se nagħmluh dan? Forsi jekk turi lill-​individwu li se tmur lura se jgħinek tiddetermina kemm hu verament interessat.

⁴ Ħejji t-​Triq għal Żjara Lura: Mhux dejjem ikun faċli fid-​dinja taʼ llum li żżomm impenn f’ċertu ħin, u l-​inkwilin jistaʼ ma jiftakarx iżomm l-​appuntament. Minkejja dan, jekk int toqgħod attent li tieħu nota tal-​ħin għal żjara lura bħal din u mbagħad tkun ċert li tmur lura—wara ftit jiem jekk jistaʼ jkun—int tkun qed twettaq ir-​responsabbiltà tiegħek li tieħu l-​appuntament bis-​serjetà. Jekk l-​individwu ma jkunx id-​dar, kun żgur li tibqaʼ tipprova tikkuntattjah. Hu jistaʼ jitqanqal jieħu ż-​żjara tiegħek bis-​serjetà meta jara d-​determinazzjoni li għandek biex issibu d-​dar.

⁵ Peress li qatt ma nistgħu nkunu assolutament ċerti mill-​interess li juri l-​individwu fl-​ewwel kuntatt li nagħmlu, ħu nota biex tmur lura anki meta juri li jimpurtah imqar ftit. Ikun taʼ benefiċċju li tmur lura fejn issib interess bħal dan mingħajr dewmien; meta tmur lura tistaʼ tieħu sorpriża sabiħa għax tiġi milqugħ. Mela kun ċert li tmur lura fejn issib l-​interess mingħajr dewmien! (km-E 3/92)