Nibbenefikaw Mill-​Iskola Tal-​Ministeru Teokratiku Għall-​1996

¹ Qrajthom int l-​istruzzjonijiet ipprovduti maʼ l-​“Iskeda Taʼ L-​Iskola Tal-​Ministeru Teokratiku Għall-​1996”? Tajt kas taʼ xi tibdiliet? Minn Jannar s’April, Inkarigu Nru. 3 se jkun ibbażat fuq il-​ktieb Reasoning, u minn Mejju sa Diċembru, se jkun ibbażat fuq il-​ktieb li għadu kemm ħareġ Għarfien. Inkarigu Nru. 4 se jkun taħdita dwar karattru Bibliku differenti kull ġimgħa.

² Inkarigi Taʼ L-​Istudent: Inkarigu Nru. 3 huwa mogħti lil oħt. Meta huwa bbażat fuq il-​ktieb Reasoning, is-​setting għandu jinvolvi għoti taʼ xiehda minn dar għal dar jew informali. Meta bbażat fuq il-​ktieb Għarfien, għandu jiġi ppreżentat bħala żjara lura jew studju tal-​Bibbja fid-​dar. Dan għandu jkun t’għajnuna kbira, peress li l-​ktieb Għarfien se jkun użat b’mod estensiv biex isiru studji tal-​Bibbja fid-​djar.

³ Jekk is-​setting huwa studju tal-​Bibbja fid-​dar, iż-​żewġt aħwa nisa jistgħu jpoġġu bil-​qiegħda. Idħol direttament fl-​istudju billi tagħmel xi kummenti qosra taʼ introduzzjoni, u mbagħad staqsi l-​mistoqsija mniżżla. L-​irwol taʼ l-​inkwilina għandu jintlagħab b’mod realistiku. L-​iskritturi ċċitati jistgħu jiġu mfittxijin u moqrijin skond ma jippermetti l-​ħin. L-​oħt għandha tuża l-​arti tat-​tagħlim biex l-​inkwilina tgħid x’hemm f’qalbha permezz taʼ mistoqsijiet u raġunar fuq l-​iskritturi wżati.

⁴ X’għandu jsir jekk hemm iktar skritturi ċċitati fl-​inkarigu milli jistgħu jiġu diskussi f’ħames minuti? Agħżel it-​testi tal-​qofol li jitfgħu dawl fuq il-​punti prinċipali. Jekk hemm biss ftit skritturi, il-​punti prinċipali fil-​lezzjoni jistgħu jiġu diskussi b’mod iktar estensiv. Xi kultant, paragrafu jew sentenza mill-​ktieb jistgħu jiġu moqrijin u mbagħad diskussi maʼ l-​inkwilina.

⁵ Il-​kaxxa intitolata “Ittestja L-​Għarfien Tiegħek,” li tinsab fit-​tmiem taʼ kull kapitlu tal-​ktieb Għarfien, tistaʼ tiġi mgħoddija fil-​qosor mill-​pubblikatriċi li l-​inkarigu tagħha jkun ikopri l-​aħħar paragrafu tal-​kapitlu. Kaxxi bl-​informazzjoni li jaqgħu taħt il-​paragrafi magħżulin jistgħu jiġu diskussi wkoll skond ma jippermetti l-​ħin. Jekk kaxxa bl-​informazzjoni tinzerta bejn żewġ inkarigi, l-​oħt li jkollha l-​ewwel inkarigu tistaʼ tikkunsidraha. Kummenti fuq stampi fil-​ktieb jistgħu jsiru skond fejn japplikaw għall-​materjal li qiegħed jiġi kkunsidrat.

⁶ Inkarigu Nru. 4 għandu jkun verament interessanti u prattiku. Kull ġimgħa se jiġi kkunsidrat eżempju taʼ wieħed li għex veru​—karattru Bibliku. Studja bil-​għaqal dak li l-​Insight, l-​I Volum, għandu x’jgħid dwar il-​karattru Bibliku magħżul. Iżviluppa t-​taħdita madwar it-​tema, u agħżel testi Bibliċi tal-​qofol li se jgħinu lill-​udjenza biex tiffoka fuq il-​karattru Bibliku u l-​personalità tiegħu, inklużi karatteristiċi, kwalitajiet, jew inklinazzjonijiet li aħna rridu nimitaw jew inkella niċħdu. Skritturi li m’għandhomx x’jaqsmu direttament mal-​karattru Bibliku jistgħu jiġu inklużi jekk jitfgħu dawl fuq kif Jehovah iħares lejn ċerti kwalitajiet tajbin jew ħżiena jew jekk għandhom x’jaqsmu mat-​tema tat-​taħdita.

⁷ Jekk nieħdu vantaġġ sħiħ mit-​taħriġ ipprovdut fl-​iskola, inkunu nistgħu “nippridkaw il-​kelma” aħjar b’mod li juri “l-​arti tat-​tagħlim” mill-​aħjar.​—2 Tim. 4:2.