Kaxxa għall-​Mistoqsija

◼ X’għandu jsir meta kelliemi pubbliku inkarigat jonqos li jasal fil-​ħin għal-​laqgħa?

Xi drabi, minħabba ċirkostanzi li ma jistgħux jiġu evitati, xi ħu ma jirnexxilux jasal fil-​ħin biex jagħti t-​taħdita li jkun ġie mogħti skond l-​iskeda. Jekk hemm x’wieħed jifhem li dan dalwaqt se jasal, l-​anzjani jistgħu jiddeċiedu li jibdew bl-​Istudju taʼ It-​Torri Taʼ L-​Għassa; il-​Laqgħa Pubblika tistaʼ ssir wara. X’jiġri jekk jidher ċar li l-​kelliemi m’huwiex se jiġi? Forsi wieħed mill-​kelliema lokali jistaʼ jagħti taħdita li jkun ipprepara minn qabel.

Taʼ spiss ippjanar bil-​għaqal minn qabel jevita din il-​problema. Il-​koordinatur tat-​taħdita pubblika għandu jikkuntattja lil kull kelliemi minn taʼ l-​inqas ġimgħa qabel sabiex ifakkru dwar l-​inkarigu tiegħu. It-​tfakkira għandha tinkludi l-​ħin tal-​laqgħa, l-​indirizz u n-​numru tat-​telefon tas-​Sala tas-​Saltna, u direzzjonijiet ċari taʼ kif isib is-​sala. Il-​kelliemi għandu jieħu nota taʼ dawn id-​dettalji bil-​għaqal. Għandu jieħu l-​inkarigu bis-​serjetà, billi jagħmel xi aġġustamenti li hemm bżonn fl-​arranġamenti persunali tiegħu sabiex ikun jistaʼ jwettaq din ir-​responsabbiltà. Jekk jinqalaʼ xi ħaġa li ma tistax tiġi evitata u b’hekk ma jkunx jistaʼ jagħmel dan, għandu jikkuntattja lill-​koordinatur tat-​taħdita pubblika immedjatament biex jinstab ħu ieħor minfloku. Għandu jsir kull sforz sabiex jiġi evitat li taħditiet jiġu kkanċellati fl-​aħħar minuta. Jekk il-​kelliemi se jiddawwar bi ftit minuti, għandu jieħu ħsieb li ssir telefonata lis-​Sala tas-​Saltna biex l-​aħwa jkunu jafu x’għandhom jagħmlu.

Apprezzament lejn inkarigi taʼ taħditiet pubbliċi, ippjanar u tfakkiriet tajbin minn qabel, u indokrar bil-​għaqal jistgħu jassiguraw li l-​kongregazzjoni tkun tistaʼ tgawdi taħdita pubblika taʼ benefiċċju kull ġimgħa.