Ikkwalifikati u Mgħammrin Biex Ngħallmu Lil Oħrajn

¹ Meta Mosè ġie maħtur bħala r-​rappreżentant taʼ Jehovah, hu ma ħassux ikkwalifikat biex jiddikjara l-​kelma t’Alla lil Farawni. (Eżo. 4:​10; 6:​12) Ġeremija wera li ma kienx kunfidenti li hu kapaċi jaqdi bħala l-​profeta taʼ Jehovah, billi qal lil Alla li hu ma kienx jaf jitkellem. (Ġer. 1:6) Għalkemm għall-​ewwel it-​tnejn li huma ma kinux kunfidenti, dawk iż-​żewġ profeti wrew li kienu xhieda bla biżaʼ għal Jehovah. Alla kkwalifikahom b’mod adegwat.

² Illum, grazzi għal Jehovah, aħna għandna dak li neħtieġu biex inwettqu l-​ministeru tagħna b’mod kunfidenti. (2 Kor. 3:​4, 5; 2 Tim. 3:17) Bħal mekkanik ikkwalifikat b’sett sħiħ t’għodda, aħna mgħammrin kif jixraq biex inwettqu b’sengħa l-​ministeru li ġejna inkarigati bih. F’Jannar sejrin noffru Il-​Ktieb Tiegħi Taʼ Stejjer Mill-​Bibbja. Dan il-​ktieb issodisfa bżonn. Ġenituri li huma interessati f’li jgħallmu lil uliedhom għandhom bżonn ktieb maħsub għal dak l-​għan. Meta joffru l-​ktieb Stejjer Tal-​Bibbja minn bieb għal bieb, ħafna jħossu li, jekk jirnexxilhom ipoġġuh f’idejn l-​inkwilin, dan se joffri lilu nnifsu. Il-​ktieb huwa sempliċi imma m’huwiex tal-​vavi. Il-​ħafna stampi li fih jappellaw għall-​imħuħ ċkejknin. L-​istejjer qosra, irrakkontati b’mod imżewwaq, jiġbdu l-​attenzjoni taż-​żgħar. It-​tfal għandhom bżonn xi ħaġa li tislet il-​lezzjonijiet u l-​prinċipji minn storja tal-​Bibbja u tispjegahom b’mod li mħuħ żgħar jistgħu jifhmuh. Ħafna kbar isibu li l-​mod sempliċi u dirett li bih jidħol għall-​Bibbja huwa rifreskanti; toqgħodx taħsibha biex toffrihulhom.

³ Is-​suġġett taʼ l-​edukazzjoni jistaʼ jiġi wżat biex joħloq l-​interess. Tistaʼ tibda konversazzjoni billi tgħid:

◼ “Illum insibu enfasi kbira fuq il-​bżonn t’edukazzjoni taʼ kwalità. Fl-​opinjoni tiegħek, liema xorta t’edukazzjoni għandu wieħed ifittex biex jaċċerta ruħu li jkollu l-​akbar hena u suċċess fil-​ħajja? [Ħalli ħin għal tweġiba.] Jistgħu jinkisbu benefiċċji dejjiema minn dawk li jieħdu għarfien dwar Alla. [Aqra Proverbji 9:​10, 11.] Dan il-​ktieb li jismu Il-​Ktieb Tiegħi Taʼ Stejjer Mill-​Bibbja ġie miktub biex jiżviluppa l-​abbiltà tat-​tfal li jaqraw, u fl-​istess ħin, jitgħallmu l-​affarijiet fundamentali tal-​Kelma t’Alla. Per eżempju, storja 58 tenfasizza l-​kwalitajiet taʼ li nistrieħu u nafdaw f’Alla meta tirrakkonta dwar kif David iġġieled kontra l-​ġgant Filistej Gulija. (1 Sam. 17:​45-51) Xi kultant it-​tfal jiffaċċjaw ostakli li jkunu jidhru ġganteski għalihom.” Jekk ikun hemm interess ġenwin, ħalli l-​ktieb u irranġa għal żjara lura.

⁴ Meta tmur lura għand inkwilin li miegħu tkun iddiskutejt dwar l-​importanza t’edukazzjoni Biblika, tistaʼ tgħid:

◼ “Fl-​aħħar żjara tiegħi, iddiskutejna dwar il-​Bibbja bħala li hija s-​sors t’edukazzjoni li jistaʼ jassigura l-​futur dejjiemi tagħna. M’għandniex xi ngħidu, jinvolvi sforz biex nitgħallmu dak li hemm bżonn insiru nafu mill-​Iskrittura. [Aqra Proverbji 2:​1-5.] Ħafna nies isibuha diffiċli biex jifhmu ċerti siltiet mill-​Bibbja u minħabba f’hekk ma jkunux jistgħu jwieġbu xi mistoqsijiet li jistaqsuhom uliedhom. Il-​Ktieb Tiegħi Taʼ Stejjer Mill-​Bibbja jgħin lill-​kbar u liż-​żgħar biex jitgħallmu iktar dwar it-​tagħlim bażiku tal-​Bibbja.” Mur fi storja 98 u spjega kif nafu li Ġesù dalwaqt se jtemm il-​ħażen. Jekk l-​inkwilin jixtieq li jkollu studju regulari, spjega li se terġaʼ tiġi bil-​ktieb Għarfien Li Jwassal Għall-​Ħajja Taʼ Dejjem li jgħin lil dak li jkun jistudja.

⁵ Ħafna nies jiddispjaċihom meta jisimgħu bis-​sofferenza taʼ miljuni taʼ tfal fid-​dinja. Forsi tistaʼ tgħin lill-​inkwilin biex jara kif Alla jħares lejn din il-​qagħda kerha, billi tgħid:

◼ “Bla dubju int smajt b’rapporti fl-​aħbarijiet dwar tfal madwar il-​globu li huma bil-​ġuħ, morda, u abbandunati. Organizzazzjonijiet ikkonċernati għala ma rnexxilhomx itejbu s-​sitwazzjoni? [Ħalli ħin għal tweġiba.] Alla jixtieq biss l-​aqwa għall-​bnedmin. Innota x’iwiegħed lit-​tfal u lill-​kbar, kif iddokumentat fil-​Bibbja. [Aqra Rivelazzjoni 21:4.] Dan il-​ktieb li jismu Il-​Ktieb Tiegħi Taʼ Stejjer Mill-​Bibbja jipprovdi iktar dettalji dwar dinja magħmula minn Alla fejn is-​sofferenza se tintemm.” Jekk hu possibbli, mur fl-​istampa li hemm fi storja 71 li turi l-​Ġenna, u tkellem dwarha. Offri l-​ktieb, u irranġa għal żjara oħra.

⁶ Jekk fl-​ewwel darba tkellimt dwar is-​sofferenza tat-​tfal, fiż-​żjara li jmiss tistaʼ tkompli d-​diskussjoni billi tgħid:

◼ “L-​aħħar darba li kont hawn, int urejt tħassib dwar il-​qagħda kerha tat-​tfal li jsofru minħabba familji mifrudin, ġuħ, mard, u vjolenza. Huwa taʼ faraġ li naqraw fil-​Bibbja dwar dinja fejn la t-​tfal u lanqas il-​kbar m’huma se jsofru l-​mard, l-​uġigħ, jew il-​mewt. Profezija fil-​ktieb taʼ Isaija tiddeskrivi ħajja aħjar li se jkun hawn fuq l-​art.” Erġaʼ mur fi storja 71 u semmi xi punti prinċipali minn Isaija 11:​6-9. Wassal għal studju eventwali tal-​Bibbja fil-​ktieb Għarfien.

⁷ Peress li d-​drawwa tat-​talb hija komuni għal nies reliġjużi, tistaʼ tibda konversazzjoni fuq dan is-​suġġett billi tgħid:

◼ “Ħafna nies reliġjużi li nitkellmu magħhom jgħallmu lil uliedhom it-​talba tal-​Missierna. Taħseb int li l-​biċċa l-​kbira tat-​tfal jifhmuha dik it-​talba?” Ħalli ħin għal tweġiba. Aqra Mattew 6:​9, 10, fil-​waqt li tipponta lejn l-​affarijiet ewlenin li jsemmi Ġesù fit-​talba mudell tiegħu. Uri storja 91 f’Il-Ktieb Tiegħi Taʼ Stejjer Mill-​Bibbja li tispjega t-​tifsir tat-​talba tal-​Missierna fi kliem li huwa faċli biex tispjegah lil tifel jew tifla, u offri l-​ktieb.

⁸ Meta tmur lura biex tkompli diskussjoni li tkun bdejt dwar it-​talb, tistaʼ tipprova dan il-​mod:

◼ “Ħadt gost bil-​konversazzjoni li kellna fuq is-​suġġett tat-​talb. F’xi perijodu f’ħajjitna, il-​biċċa l-​kbira minna ġarrabna problemi li qanqluna biex nitolbu lil Alla għall-​għajnuna. Madankollu, ħafna jħossu li t-​talb tagħhom ma jiġix imwieġeb. Taħseb int li Alla verament jagħti widen għat-​talb? Int bla dubju se ssib taʼ gwida tajba l-​ħsibijiet taʼ Ġesù dwar dak li għandna nitolbu għalih.” Aqra Mattew 6:​9, 10, fil-​waqt li tipponta lejn l-​affarijiet ewlenin li jsemmi Ġesù fit-​talba mudell tiegħu. Uri kapitlu 16, “Kif Tistaʼ Tersaq Qrib Lejn Alla,” fil-​ktieb Għarfien, u staqsi jekk tistax turi kif jiġi studjat il-​materjal.

⁹ Nirringrazzjaw lil Jehovah għall-​Iskrittura Mqaddsa li permezz tagħha “l-​bniedem t’Alla jistaʼ jkun kompetenti għalkollox, mgħammar bis-​sħiħ għal kull xogħol tajjeb.” (2 Tim. 3:17) Aħna grati wkoll għal kotba bħalma huwa l-​ktieb Stejjer Mill-​Bibbja. Napprezzaw il-​valur tiegħu u ferħanin li nistgħu noffruh lil oħrajn matul ix-​xahar taʼ Jannar.