Qassam B’Mod Estensiv L-​Aħbar Tas-​Saltna Nru. 35

¹ Ix-​xhur T’ottubru U Novembru Se Jkunu Xhur Biżlin Għalina Lkoll. Matul L-​ewwel 11-Il Ġurnata T’ottubru, Se Noffru Kopji Individwali Taʼ It-​torri Taʼ L-​għassa U Stenbaħ! Bil-​malti U Bl-​ingliż. Imbagħad, Mill-​ħadd, 12 T’ottubru, Sal-​ħadd, 16 Taʼ Novembru, Se Nieħdu Sehem fit-​tqassim Mad-​dinja Kollha Taʼ L-​aħbar Tas-​saltna Nru. 35. Se Jkollna L-​privileġġ Li Nwasslu Messaġġ Importanti Lin-​nies Kollha fil-​lokalità Tagħna. Dan Huwa T-​tweġiba Għall-​mistoqsija, “In-​nies Kollha Qatt Se Jħobbu Lil Xulxin?” Matul Din Il-​kampanja Speċjali, Se Nqassmu L-​aħbar Tas-​saltna Nru. 35 Fost Il-​ġimgħa. Fi Tmiem Il-​ġimgħa, flimkien Maʼ Li Nippreżentaw L-​aħbar Tas-​saltna, Se Noffru L-​ħarġiet Kurrenti Tar-​rivisti.

² Min Jistaʼ Jieħu Sehem? Bħas-​soltu, l-​anzjani se jkunu fuq quddiem fix-​xogħol. Kulħadd jieħu pjaċir iqassam l-​Aħbar Tas-​Saltna, u m’hemmx dubju li ħafna se jkunu l-​pubblikaturi li se jagħmlu x-​xogħol taʼ pijunier awżiljarju matul wieħed jew inkella fix-​xahrejn tal-​kampanja. Pubblikaturi oħrajn se jkunu jixtiequ jqattgħu iktar ħin mis-​soltu fil-​ministeru.

³ Għandek int xi student tal-​Bibbja li mexa ’l quddiem sew fl-​istudju tiegħu tal-​ktieb Għarfien u li dalwaqt se jikkwalifika biex jieħu sehem fis-​servizz taʼ l-​għalqa? Forsi hu jkun jistaʼ jsir pubblikatur mhux mgħammed kmieni biżżejjed biex jilħaq jieħu sehem fil-​kampanja taʼ l-​Aħbar Tas-​Saltna. Hemm bżonn biss preżentazzjoni sempliċi biex wieħed jintroduċi l-​fuljett. Per eżempju, wieħed jistaʼ jgħid: “Dan il-​messaġġ tant huwa importanti li qiegħed jixxandar mad-​dinja kollha dan ix-​xahar f’169 lingwa. Nixtieq nagħtik il-​kopja persunali tiegħek.” It-​tfal żgħar ukoll jistgħu jkollhom sehem sinjifikanti f’dan ix-​xogħol eċċitanti.

⁴ Dawk li jikkonduċu l-​istudju tal-​Ktieb għandhom jinkuraġġixxu lil kull membru tal-​grupp tagħhom biex jieħu sehem bis-​sħiħ fit-​tqassim taʼ l-​Aħbar Tas-​Saltna Nru. 35. Jistaʼ wkoll ikun hemm xi pubblikaturi li saru inattivi imma li kapaċi jerġgħu jsiru attivi fis-​servizz li kieku jingħataw l-​inkuraġġiment meħtieġ. Qabel ma tibda l-​kampanja, l-​anzjani għandhom iżuru lil kull wieħed u waħda minnhom biex jaraw x’jistaʼ jsir ħalli dawn jakkumpanjaw lil xi pubblikaturi bl-​esperjenza f’dan l-​aspett tal-​ministeru.

⁵ Meta Nistgħu Niltaqgħu Għas-​Servizz? Din l-​attività kollha se tirrikjedi li jkun hemm arranġamenti taʼ gruppi għall-​għoti taʼ xiehda li jkunu kemm konvenjenti u kemm prattiċi. Kulfejn ikun possibbli, għandhom jiġu organizzati laqgħat tas-​servizz għal kull ġurnata tal-​ġimgħa, is-​Sibt u l-​Ħadd, u fil-​għaxijiet. Dawn għandhom jinżammu f’ħinijiet fejn il-​pubblikaturi u l-​pijunieri jkunu jistgħu jieħdu vantaġġ sħiħ mill-​perijodu taʼ l-​għoti taʼ xiehda. Jistgħu jsiru wkoll arranġamenti għall-​gruppi tard wara nofs in-​nhar għall-​benefiċċju taʼ l-​istudenti taʼ l-​iskola, tal-​ħaddiema li jaħdmu bix-​xift, u t’oħrajn. L-​indokratur tas-​servizz għandu jkun ċert li se jkun hemm biżżejjed territorju minn dar għal dar u tan-​negozju sabiex kulħadd ikun jistaʼ jieħu sehem bis-​sħiħ fix-​xogħol. Fejn f’inħawi minnhom ikun hemm ħafna pubblikaturi, dawn għandhom ikunu għaqlin dwar kemm uħud għandhom jaħdmu f’ċerta parti tat-​territorju.

⁶ Xi Ngħidu Għal Dawk Id-​Djar Fejn Ma Nsibu Lil Ħadd? Aħna nixtiequ nitkellmu maʼ kemm jistaʼ jkun inkwilini biex nispjegawlhom għala għandhom jaqraw l-​Aħbar Tas-​Saltna Nru. 35. Mela jekk meta tħabbat ma ssib lil ħadd id-​dar, ħu nota taʼ l-​indirizz u erġaʼ mur f’xi ħin differenti tal-​ġurnata. Jekk sa l-​aħħar ġimgħa tal-​kampanja l-​isforzi tiegħek biex tikkuntattja lil dawn l-​inkwilini xorta jkunu għadhom bla suċċess, tistaʼ tħalli kopja taʼ l-​Aħbar Tas-​Saltna f’dik id-​dar f’xi post fejn ma tkunx tidher minn dawk li jkunu għaddejjin minn hemm. F’inħawi residenzjali, kun konxju li toffri l-​Aħbar Tas-​Saltna lil individwi li jkunu għaddejjin mit-​triq. Meta jkunu qed jinħadmu nħawi rurali u fejn ikun hemm iktar territorju milli jistaʼ jintlaħaq matul il-​kampanja, tistaʼ titħalla kopja taʼ l-​Aħbar Tas-​Saltna fl-​ewwel żjara meta ma nsibu ’l ħadd id-​dar.

⁷ X’Inhu L-​Objettiv Tagħna? Il-​kongregazzjonijiet għandhom jistinkaw biex jużaw il-​provista tagħhom kollha taʼ l-​Aħbar Tas-​Saltna biex ikopru t-​territorju tagħhom kollu qabel ma tintemm il-​kampanja fis-​16 taʼ Novembru. Jekk it-​territorju li minnu hija inkarigata l-​kongregazzjoni tiegħek huwa kbir mhux ħażin u jekk ma jkunx taʼ periklu li taħdem waħdek minflok ma tkunu tnejn, jistaʼ jkun prattiku li tagħmel hekk. Dan se jgħinek tilħaq bl-​aħbar tajba lil kemm jistaʼ jkun uħud li jixirqilhom. (Matt. 10:11) Jistaʼ jkun taʼ vantaġġ li ġġorr xi ftit fuljetti f’idejk u żżomm Bibbja fil-​but jew f’xi basket żgħir, minflok ma toqgħod tuża briefcase. Kun ċert li tieħu nota sewwa taʼ kulfejn tkun sibt xi interess.

⁸ Lest Int Biex Tibda? L-​anzjani għandhom jantiċipaw kemm se jkollha bżonn rivisti żejda l-​kongregazzjoni u għandhom jordnaw skond il-​bżonn. M’hemmx għalfejn tiġi ordnata l-​Aħbar Tas-​Saltna Nru. 35, peress li se tintbagħat kunsinna lil kull kongregazzjoni. Il-​pijunieri speċjali, regulari, u awżiljarji se jkollhom 250 kopja kull wieħed x’iqassmu, fil-​waqt li l-​pubblikaturi tal-​kongregazzjoni se jingħataw 50 kopja kull wieħed. Għandna biċċa xogħol x’nagħmlu. Ħerqan int biex tieħu sehem f’din l-​attività mill-​isbaħ? Daż-żgur li int. Ejjew inqassmu f’kemm jistaʼ jkun postijiet il-​messaġġ importanti bbażat mill-​Bibbja li fiha l-​Aħbar Tas-​Saltna Nru. 35!