Laqgħat tas-Servizz għal Dovembru
Ġimgħa li Tibda 1 taʼ Novembru
10 min: Avviżi lokali. Avviżi magħżulin minn Il-Ministeru tas-Saltna. Irrevedi “Ara l-Qawwa tal-Bibbja!”
15 min: “L-Ippridkar Jagħmilna Differenti.” Illimita l-kummenti fl-introduzzjoni għal inqas minn minuta, u kompli b’diskussjoni f’għamla taʼ mistoqsija u tweġiba. Billi tuża l-ktieb Għarfien, paġna 173, paragrafu 8, semmi fil-qosor dak li nistgħu ngħidu biex ninkuraġġixxu student tal-Bibbja ħalli jirsisti f’li jieħu sehem fil-ministeru.
20 min: “Min Għandu Mnejn Jaċċetta Studju tal-Bibbja?” Taħdita u turijiet. Fi qbil maʼ paragrafu 4, issuġġerixxi diversi modi sabiex tqanqal interess f’li nitgħallmu dak li fihom il-pubblikazzjonijiet tagħna. Ħejji żewġ turijiet qosra biex juru kif dan jistaʼ jsir. Stieden lil dawk fl-udjenza biex jgħidu kif kisbu suċċess f’li jibdew studji.
Għanja 198 u talba taʼ l-għeluq.
Ġimgħa li Tibda 8 taʼ Novembru
10 min: Avviżi lokali. Rapport tal-kontijiet. Fakkar lill-aħwa biex jippreparaw l-ewwel 18-il paragrafu taʼ l-insert taʼ Novembru għad-diskussjoni tal-ġimgħa d-dieħla.
15 min: Kaxxa għall-Mistoqsija. Taħdita. Semmi l-arranġamenti lokali biex is-Sala tas-Saltna tinżamm nadifa u f’kundizzjoni tajba.
20 min: “Kieku Int x’Tgħidlu lil Wieħed Musulman?” Mistoqsijiet u tweġibiet. Enfasizza l-bżonn għad-dehen meta nitkellmu maʼ nies taʼ kulturi oħra. Agħmel turija taʼ preżentazzjoni preparata sew. Għal iktar informazzjoni dwar l-Islam, ara l-insert taʼ Il-Ministeru tas-Saltna taʼ Frar taʼ l-1998; il-ktejjeb Kif Nibdew u Nkomplu Diskussjonijiet Fuq Il-Bibbja, paġni 15-6; u l-ktieb Mankind’s Search for God, kapitlu 12.
Għanja 208 u talba taʼ l-għeluq.
Ġimgħa li Tibda 15 taʼ Novembru
8 min: Avviżi lokali.
25 min: “L-Użu taʼ l-Internet—Oqgħod Attent mill-Perikli!” Diskussjoni f’għamla taʼ mistoqsija u tweġiba minn paragrafi 1-18. Aqra paragrafi 4-7, 12, 16, 17. Inkuraġġixxi lil kulħadd biex jipprepara sew il-paragrafi 19-36 għad-diskussjoni tal-ġimgħa d-dieħla.
12 min: Ġenituri—Qed Tikkonduċu Studju tal-Familja Regulari? Taħdita u diskussjoni maʼ l-udjenza. Spjega għala l-familji għandhom bżonn jistudjaw flimkien. (Ara l-iSchool Guidebook, paġni 37-8.) Ittratta dawn l-ostakli li ġejjin dwar l-istudju tal-familja: (1) il-ħsieb li t-tfal huma żgħar wisq biex jibbenefikaw, (2) il-ħsieb li l-attendenza għal-laqgħat tal-kongregazzjoni hi biżżejjed, (3) l-għeja minħabba skeda mimlija, u (4) l-aljenazzjoni minħabba t-televixin. (Ara It-Torri taʼ l-Għassa taʼ l-1 taʼ Ġunju, 1994, paġni 9-10.) Stieden lill-kapijiet tal-familja biex jgħidu kif huma jegħlbu ostakli sabiex iżommu rutina tajba taʼ l-istudju tal-familja. Enfasizza li dan jitlob sforz, determinazzjoni, u kooperazzjoni.
Għanja 217 u talba taʼ l-għeluq.
Ġimgħa li Tibda 22 taʼ Novembru
10 min: Avviżi lokali u xi esperjenzi mis-servizz taʼ l-għalqa.
10 min: X’Inhi l-Attitudni Tiegħek lejn l-Inkarigi? Taħdita minn anzjan. Hemm lista twila t’affarijiet neċessarji li huma meħtiġin biex il-kongregazzjoni tibqaʼ tiffunzjona: li nippreparaw inkarigi tal-programm; li ngħaddu għal oħrajn biex niħduhom għal-laqgħat jew fis-servizz; nassistu lil dawk imdaħħlin fiż-żmien; u nnaddfu, nirranġaw, u nieħdu ħsieb is-Sala tas-Saltna. Int kif twieġeb meta tiġi mitlub biex tagħti l-għajnuna? Xi wħud jaħarbu minnha, jaċċettaw b’nofs qalb, jew jonqsu li jwettquha kompletament. Iddiskuti għala l-fatt li taċċetta u twettaq l-inkarigi huwa privileġġ hieni. Inkuraġġixxi lil kulħadd fil-kongregazzjoni biex juri spirtu volontier dispost.—Salm 110:3, New World Translation, ntt.; Is. 6:8.
25 min: “L-Użu taʼ l-Internet—Oqgħod Attent mill-Perikli!” Diskussjoni f’għamla taʼ mistoqsija u tweġiba minn paragrafi 19-36. Aqra paragrafi 23-5 u 34-6.
Għanja 223 u talba taʼ l-għeluq.
Ġimgħa li Tibda 29 taʼ Novembru
10 min: Avviżi lokali. Fakkar lill-pubblikaturi biex jitfgħu r-rapport tas-servizz taʼ l-għalqa għal Novembru.
15 min: Inkuraġġixxi lil Uħud Ġodda biex Jattendu għal-Laqgħat. Diskussjoni bejn anzjan u qaddej ministerjali jew tnejn, ibbażata fuq il-browxer Doing God’s Will, paġni 14-15. Irrevedi għala hu vitali li wħud ġodda jattendu għal-laqgħat. Hemmhekk dawn se jirċievu l-maġġur parti taʼ l-istruzzjoni, l-inkuraġġiment, u l-għajnuna tagħhom. Irrevedi l-ħames laqgħat tal-ġimgħa, billi tispjega l-benefiċċji taʼ kull waħda minnhom. Iddiskuti kif il-laqgħat jippromwovu l-kondotta li togħġob lil Alla, jgħinuna nibnu l-ispiritwalità, iressquna lejn l-organizzazzjoni, jgħinuna niżviluppaw rabtiet mill-qrib m’oħrajn, u jassistuna f’li nifhmu l-iskop tal-ministeru tagħna. Inkuraġġixxi lill-aħwa fl-udjenza biex jużaw il-browxer biex iqanqlu wħud ġodda sabiex jiġu għal-laqgħat.
20 min: L-Għażla Tagħna—In-New World Translation. Taħdita u turijiet. Fost l-organizzazzjonijiet reliġjużi, tagħna hi unika minħabba l-fatt li nippubblikaw, nużaw, u nqassmu traduzzjoni tal-Bibbja magħmula minn adoraturi midlukin taʼ Jehovah. Aħna ma nixtiqux nagħmlu profitt kummerċjali jew inxerrdu twemmin settarju. Minflok, aħna mqanqlin mix-xewqa li nonoraw l-isem t’Alla u ngħinu lil oħrajn isiru jafuh sew. Taʼ spiss, traduzzjonijiet oħrajn jittraduċu l-Kelma t’Alla f’manjiera diffiċli biex wieħed jifhimha, u għalhekk irrevedi l-vantaġġi ċari tan-New World Translation. (Ara l-ktieb “All Scripture”, paġni 327-31. Innota l-kummenti f’paragrafu 3, semmi xi eżempji taʼ kliem tradott aħjar f’paragrafu 6, u enfasizza l-benefiċċji li hemm f’paragrafi 22-3.) Ħejji żewġ turijiet qosra li jissuġġerixxu kif nistgħu nwieġbu meta oħrajn jgħidulna, “Intom għandkom il-Bibbja tagħkom.”—Ara l-ktieb Reasoning, paġni 279-80.
Għanja 205 u talba taʼ l-għeluq.