Skeda għal-Laqgħat tas-Servizz
Ġimgħa li Tibda 13 taʼ Marzu
10 min: Avviżi lokali. Avviżi magħżulin minn Il-Ministeru tas-Saltna.
15 min: “Aħna Nippridkaw Aħbar Tajba.” Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba. Agħti eżempji taʼ punti Skritturali pożittivi li nistgħu noħorġu mill-ktieb Għarfien meta noffruh fil-ministeru.
20 min: “Nistgħu Nagħmlu x-Xahar t’April 2000 l-Aħjar Wieħed li qatt Kellna?” (Paragrafi 1-11) Mistoqsijiet u tweġibiet. Semmi l-akbar numru taʼ pijunieri awżiljarji li kellha l-kongregazzjoni dan l-aħħar. Ħejji lil xi wħud li huma fost dak in-numru, biex jgħidu dwar kif jibbenefikaw personalment kulmeta jżidu s-sehem tagħhom fil-ministeru. Inkuraġġixxi lill-kongregazzjoni biex taħdem lejn quċċata ġdida taʼ pijunieri awżiljarji matul April. Irrevedi l-kwalifiki li huma mniżżlin fil-ktieb Our Ministry, paġni 113-14. Il-pubblikaturi li jixtiequ jkunu pijunieri awżiljarji jistgħu jiksbu applikazzjoni wara l-laqgħa.
Għanja 187 u talba taʼ l-għeluq.
Ġimgħa li Tibda 20 taʼ Marzu
10 min: Avviżi lokali. Rapport tal-kontijiet.
15 min: “X’Nistaʼ Nagħmel?” Ħu li jikkonduċi l-istudju tal-ktieb jiddiskuti l-artiklu maʼ qaddej ministerjali jew tnejn. Minħabba diversi limitazzjonijiet, xi pubblikaturi jistgħu jħossuhom li huma kapaċi jikkontribwixxu ftit biss għall-attività tal-kongregazzjoni. Irrevedi ftit mill-ħafna modi kif ilkoll nistgħu nagħtu kontribut siewi f’li nsaħħu l-kongregazzjoni u navanzaw ix-xogħol tas-Saltna. Ikkonkludi billi turi kif kulħadd jistaʼ jieħu sehem f’rapport finali.—Ara l-ktieb Our Ministry, paġni 108-10.
20 min: “Nistgħu Nagħmlu x-Xahar t’April 2000 l-Aħjar Wieħed li qatt Kellna?” (Paragrafi 12-18) Mistoqsijiet u tweġibiet. Inkludi turija qasira dwar kif nistiednu lil xi ħadd li nafuh personalment għall-Mafkar. Irrevedi x-xahar t’April fuq il-kalendarju tas-Soċjetà għas-sena 2000, u spjega fuq fuq il-laqgħat għas-servizz pjanati għall-kongregazzjoni tagħkom. Fakkar lil kulħadd biex jagħmel skeda prattika sabiex jieħu sehem kemm jistaʼ jkun fil-ministeru matul dan ix-xahar, billi nimmiraw għal 100 fil-mija tal-parteċipazzjoni mill-kongregazzjoni. Inkuraġġixxi lil kulmin jistaʼ, biex jagħmel ix-xogħol taʼ pijunier awżiljarju u biex jikseb applikazzjoni wara l-laqgħa.
Għanja 65 u talba taʼ l-għeluq.
Ġimgħa li Tibda 27 taʼ Marzu
10 min: Avviżi lokali. Fakkar lil kulħadd biex jitfaʼ r-rapport tas-servizz taʼ l-għalqa għal Marzu. Ħabbar l-ismijiet taʼ dawk li se jkunu pijunieri awżiljarji f’April. Spjega li m’huwiex tard wisq biex jagħtu l-applikazzjoni. Spjega fuq fuq l-iskeda sħiħa tal-laqgħat għas-servizz pjanati matul dan ix-xahar. Inkuraġġixxi lil kulħadd biex jieħu sehem fil-ministeru f’dan it-tmiem il-ġimgħa, billi jibda x-xahar t’April tajjeb. Fakkar lill-aħwa li fi tmiem il-ġimgħa se nimxu siegħa ’l quddiem. Dan jistaʼ jgħin lill-pijunieri awżiljarji f’li jilħqu l-miri tagħhom. Matul dan ix-xahar se noffru kopji individwali taʼ It-Torri taʼ l-Għassa u Stenbaħ! Enfasizza artiklu wieħed u punt interessanti u xieraq li jistgħu jintużaw b’mod effettiv fil-preżentazzjonijiet taʼ kull ħarġa kurrenti. Kulħadd għandu jkollu kopja tal-browxer X’Jirrikjedi u jistinka biex jużah ħalli jibda studji tal-Bibbja maʼ nies li juru interess.
13 min: “Itlob l-Għajnuna.” Taħdita u diskussjoni minn anzjan. Spjega kif ilkoll kemm aħna kultant żmien ikollna bżonn taʼ xi tip t’għajnuna. M’għandniex xi ngħidu, kulħadd irid jerfaʼ t-tagħbija tiegħu stess. (Gal. 6:5) Madankollu, meta ma nkunux nistgħu nlaħħqu, m’għandniex inżommu lura milli nfittxu l-għajnuna minn xi membru matur spiritwalment fil-kongregazzjoni. Stieden lil dawk fl-udjenza biex jirrakkontaw xi esperjenzi li juru kif għajnuna b’qalb tajba minn oħrajn inkuraġġiethom.
10 min: Bżonnijiet lokali.
12 min: Irrevedi t-2000 Yearbook. Diskussjoni maʼ l-udjenza u reviżjoni tal-punti prinċipali tan-“1999 Grand Totals,” f’paġna 31. Iddiskuti wkoll “A Letter From the Governing Body,” f’paġni 3-5. Itlob xi kummenti minn ċerti wħud dwar x’bi ħsiebhom jagħmlu wara li ngħataw dan l-inkuraġġiment.
Għanja 195 u talba taʼ l-għeluq.
Ġimgħa li Tibda 3 t’April
10 min: Avviżi lokali u xi esperjenzi mis-servizz taʼ l-għalqa. Uża esperjenzi reċenti magħżulin mit-territorju lokali li se jinkuraġġixxu lil oħrajn biex jieħdu sehem ukoll.
17 min: “Nistudjaw Il-Profezija taʼ Danjel.” Mistoqsijiet u tweġibiet. Ikkummenta fil-qosor dwar kif se nibbenefikaw milli nistudjaw il-ktieb Bibliku taʼ Danjel. (Ara kapitlu 1, paragrafi 15-17, fil-ktieb Il-Profezija taʼ Danjel.) Inkuraġġixxi lil kulħadd biex jattendi l-Istudju tal-Ktieb tal-Kongregazzjoni regolarment.
18 min: Għandi Nirrapporta xi Ħażen Serju? Taħdita serja minn anzjan, diretta lejn iż-żgħażagħ. Żviluppaw ħafna problemi fis-soċjetà moderna li kellhom effett taʼ ħsara fuq iż-żgħażagħ: nuqqas taʼ livelli morali, żjieda fil-vjolenza, dipendenza mid-drogi, u nuqqas taʼ rispett lejn l-awtorità. Xi adolexxenti jgħixu ħajja doppja, billi jaħbu l-imġiba ħażina tagħhom. Dan tassew jhedded il-benesseri spiritwali tal-kongregazzjoni kollha. Xi wħud jikkommettu xi ħażen serju u jkunu jridu jżommuh fil-moħbi. Jekk issir taf li xi ħu jew oħt fil-kongregazzjoni jkunu għamlu xi ħaġa li biha jkunu kisru serjament il-liġi t’Alla, x’għandek tagħmel? Ikkunsidra l-prinċipju msemmi f’Levitiku 5:1. (Ara l-Watchtower tal-15 t’Awissu, 1997, paġni. 27-30.) Irreferi għall-ktieb Young People Ask, paġni 68-9, u spjega x’għandha tagħmel persuna f’każ bħal dan.
Għanja 68 u talba taʼ l-għeluq.