Skeda għal-​Laqgħat tas-​Servizz

Ġimgħa li Tibda 11 taʼ Ġunju

Għanja 178

10 min: Avviżi lokali. Avviżi magħżulin minn Il-​Ministeru tas-​Saltna u “Aħbarijiet Teokratiċi.” Inkuraġġixxi lil kulħadd biex jara l-​vidjo Jehovah’s Witnesses Stand Firm Against Nazi Assault (Ix-Xhieda taʼ Jehovah Jieqfu Sodi Kontra l-​Attakki tan-​Nazi) bħala preparazzjoni għad-​diskussjoni fil-​Laqgħa tas-​Servizz għall-​ġimgħa tal-​25 taʼ Ġunju.

15 min: “Ibqaʼ ‘Agħmel it-Tajjeb.’” Taħdita inkuraġġanti mill-​Iskrittura li tingħata minn anzjan.

20 min: “Ilħaq Qalb l-​Istudent Tiegħek.”a Inkludi xi suġġerimenti prattiċi dwar kif għandha tingħata għajnuna lil uħud ġodda biex jiżviluppaw f’qalbhom fidi u mħabba għal Jehovah u għal Ġesù. Uża l-​punti ewlenin li hemm fit-​Torri taʼ l-​Għassa tal-​15 taʼ Lulju, 1999, paġna 14, paragrafi 18-20.

Għanja 184 u talba taʼ l-​għeluq.

Ġimgħa li Tibda 18 taʼ Ġunju

Għanja 194

5 min: Avviżi lokali. Rapport tal-​kontijiet.

10 min: Kif Tistaʼ Twieġeb għal Risposti X’Aktarx Risposti Intenzjonati li Jwaqqfu l-​Konversazzjoni. Diskussjoni maʼ l-​udjenza. Irrevedi l-​“Kummenti” fil-​ktejjeb Kif Nibdew u Nkomplu Diskussjonijiet Fuq il-​Bibbja, paġni 7-​8. Minn paġni 8-​12, agħżel xi oġġezzjonijiet li tiltaqaʼ magħhom fit-​territorju tiegħek. Stieden lill-​udjenza biex jgħidu liema tweġibiet sabu li huma effettivi u għaliex.

30 min: “Tistaʼ Tagħmel Lilek Innifsek Disponibbli?” Taħdita inkuraġġanti mżewqa b’kummenti mill-​udjenza li jwieġbu għall-​mistoqsijiet ippreparati minn qabel fuq paragrafi 13 u 18-24. Ħeġġeġ lill-​ġenituri biex jgħinu lil uliedhom iħarsu lejn is-​servizz f’Betel bħala karriera għall-​futur. Agħti l-​parir li l-​familji jistudjaw flimkien dan l-​insert waqt l-​istudju tagħhom tal-​familja.

Għanja 197 u talba taʼ l-​għeluq.

Ġimgħa li Tibda 25 taʼ Ġunju

Għanja 2

15 min: Avviżi lokali. Irrevedi l-​offerta taʼ letteratura għal Lulju u Awissu. Iġbed l-​attenzjoni lejn żewġ browxers li għandkom maħżunin lokalment. Lesti xi turijiet preparati sew dwar kif jistgħu jiġu offruti fil-​ministeru. Għal suġġerimenti taʼ turijiet, ara l-​paġna taʼ wara tal-​Ministeru tas-​Saltna mill-​1996-1998 għax-​xhur taʼ Lulju u Awissu, u taʼ l-​Our Kingdom Ministry taʼ l-​1995 fl-​istess xhur.

10 min: “L-​Arranġament Simplifikat li Għandna għat-​Tqassim tal-​Letteratura.” Taħdita minn anzjan. Jekk jogħġbok enfasizza li l-​letteratura m’għandhiex titqassam bl-​addoċċ. Hemm bżonn li nużaw l-​għaqal meta nqassmu r-​rivisti u letteratura oħra. Esprimi apprezzament mill-​qalb lejn l-​appoġġ ġeneruż taʼ l-​aħwa għax-​xogħol globali. Ikkonkludi billi tistieden lill-​udjenza tagħti l-​kummenti pożittivi tagħha sabiex tiżgura ruħek li kulħadd fehem sew l-​arranġament.

20 min: “Jien Se Nieqaf Sod! Jien Se Nieqaf Sod! Jien Se Nieqaf Sod!” Diskussjoni maʼ l-​udjenza dwar il-​vidjo Stand Firm, bl-​użu tal-​mistoqsijiet f’paragrafu 2. Imbagħad ikkunsidra paragrafi 3-4. Agħlaq bl-​esperjenza li tinsab fi Stenbaħ! taʼ l-​1999, tat-​8 taʼ Diċembru, paġna 13. F’Awissu se naraw il-​vidjo The New World Society in Action (Is-Soċjetà tad-​Dinja l-​Ġdida fl-​Azzjoni).

Għanja 29 u talba taʼ l-​għeluq.

Ġimgħa li Tibda 2 taʼ Lulju

Għanja 5

13 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Ġunju. Irrevedi l-​kaxxa “Għandkom xi Yearbooks Neqsin mil-​Librerija Tagħkom?” Semmi xi ftit punti mill-​esperjenzi li jinsabu fil-​Yearbooks taʼ l-​1995 sa l-​1998 sabiex turi kemm huwa taʼ valur dak li hemm ġo fihom. Ħeġġeġ lil dawk kollha li m’għandhomx dawn il-​Yearbooks fil-​librerija persunali tagħhom biex jordnawhom waqt li huma disponibbli.

15 min: Żgħażagħ—Kunu Għaqlin f’li Tagħżlu l-​Karriera Tagħkom. Din hija l-​ewwel waħda minn tliet partijiet fil-​Laqgħa tas-​Servizz li se jirrevedu prinċipji Skritturali fejn għandha x’taqsam l-​edukazzjoni supplimentarja. Xi żgħażagħ Kristjani qed ifittxu karriera sekulari permezz taʼ edukazzjoni għolja, u dan qed iħalli effett negattiv fuq l-​ispiritwalità tagħhom. Din il-​parti hija diskussjoni bejn koppja u t-​tifel jew it-​tifla adolexxenti tagħhom. Iż-​żagħżugħ jinsab fi żmien meta għandu bżonn jieħu deċiżjoni serja dwar x’miri għandu jkollu fil-​futur. Filwaqt li xi wħud forsi jridu jfittxu vantaġġi finanzjarji, fama, jew il-​kumditajiet tal-​ħajja, il-​familja teżamina l-​Bibbja biex tara din x’parir tagħti. (Ara Iż-​Żgħażagħ Jistaqsu, paġni 174-5; It-​Torri taʼ l-​Għassa taʼ l-​1 taʼ Settembru, 1997, paġna 14, u taʼ l-​1 taʼ Settembru, 1999, paġni 19-​21, paragrafi 1-3 u 5-6.) Iż-​żagħżugħ jaqbel li huwa għaqli li jsegwi d-​direzzjoni fil-​ħajja li se tiswielu taʼ ġid sabiex jikseb miri teokratiċi li se jgħinuh javanza l-​interessi tas-​Saltna.

17 min: “Oqgħod Attent biex Tgħin lil Nies Neqsin mis-​Smigħ fit-​Territorju Tiegħek.”b Jekk hemm xi statistiċi disponibbli, semmi kemm hemm nies li huma neqsin mis-​smigħ fit-​territorju tal-​kongregazzjoni tagħkom. Semmi l-​esperjenza li hemm fil-​Ministeru tas-​Saltna taʼ Frar taʼ l-​1998, paġna 3, paragrafu 7.

Għanja 32 u talba taʼ l-​għeluq.

[Noti taʼ taħt]