Qiegħed Tuża l-​Browxer X’Jirrikjedi biex Tibda l-​Istudji?

¹ Kont taf li jekk ikollok diskussjonijiet mill-​Bibbja regulari u organizzati, għalkemm fil-​qosor, maʼ xi ħadd interessat u tkopri xi materjal minn wieħed mill-​pubblikazzjonijiet suġġeriti, tkun qiegħed tikkonduċi studju tal-​Bibbja? Iva, dan huwa minnu anki jekk l-​istudju jsir fil-​bieb jew fuq it-​telefon. Għax ma tagħmilx sforz speċjali matul Mejju u Ġunju ħalli tibda studju bħal dan bl-​użu tal-​browxer X’Jirrikjedi?

² Kun Preparat Ħalli Tirnexxi: Meta tkun qed toffri l-​browxer X’Jirrikjedi, żomm ċar f’moħħok dak li trid tiddiskuti. Jekk qed tagħmel żjara lura, aħseb dwar il-​konversazzjoni li kellek fl-​ewwel żjara. Staqsi lilek innifsek: ‘Liema paragrafi fil-​browxer nistaʼ nsemmi b’mod partikulari sabiex inkompli niżviluppa d-​diskussjoni u nwassalha għal studju tal-​Bibbja?’ Jekk qed tagħti xiehda minn dar għal dar, aħseb dwar liema suġġetti se jolqtu lil xi żagħżugħ, lil xi ħadd anzjan, lil xi raġel, jew lil xi mara. Irrivedi s-​suġġetti fil-​browxer, u agħżel suġġett taʼ interess. Wara li tiddeċiedi kif se tagħmel il-​preżentazzjoni, ipprattikaha għal bosta drabi. Dan hu wieħed mill-​modi kif tirnexxi.

³ L-​insert tal-​Ministeru tas-​Saltna taʼ Jannar 2002 jagħti tmien “Suġġerimenti Kif Nippreżentaw il-​Browxer X’Jirrikjedi.” Il-​kaxxa “Il-​Metodu Dirett” turi kif jistaʼ jintuża l-​browxer biex jinbdew l-​istudji. Tistaʼ tuża l-​ewwel suġġeriment kif se jiġi muri:

◼ “Kont taf li fi ftit minuti biss, tistaʼ ssib it-​tweġiba għal mistoqsija Biblika importanti? Per eżempju, għala hawn daqshekk reliġjonijiet li jgħidu li huma Kristjani? Qatt ħsibt dwar dan?” Wara li l-​individwu jwieġeb, iftaħ lezzjoni Nru. 13 u iddiskuti l-​ewwel żewġ paragrafi. Skond ma jippermetti l-​ħin, aqra u iddiskuti skrittura jew tnejn. Imbagħad aqra l-​aħħar mistoqsija fin-​naħa taʼ fuq tal-​paġna, u għid: “Il-​bqija tal-​lezzjoni ssemmi ħames affarijiet li jidentifikaw ir-​reliġjon vera. Nieħu gost jekk inkun nistaʼ nerġaʼ niġi u nikkunsidrahom miegħek.”

⁴ Kun Persistenti: Ħu vantaġġ minn kull opportunità biex turi kif isir studju tal-​Bibbja mill-​browxer X’Jirrikjedi. Itlob għall-​barka taʼ Jehovah. (Mt. 21:22) Billi tippersisti fl-​isforzi tiegħek, tistaʼ tesperjenza l-​ferħ li jiġi meta tgħin lil xi ħadd iwieġeb favorevolment għall-​aħbar tajba!