Skeda għal-​Laqgħat tas-​Servizz

Ġimgħa li Tibda 13 taʼ Mejju

Għanja 37

15min: Avviżi lokali. Avviżi magħżulin minn Il-​Ministeru tas-​Saltna. Uża s-​suġġerimenti f’paġna 8, u ħejji turija taʼ kif jiġi preżentat it-​Torri taʼ l-​Għassa tal-​15 taʼ Mejju. Uri mod kif wieħed iwieġeb lil xi ħadd li jipprova jwaqqaf il-​konversazzjoni billi jgħid, “Għandi x’nagħmel.”—Ara l-​ktejjeb Kif Nibdew u Nkomplu Diskussjonijiet Fuq Il-​Bibbja, paġni 11, 12. Ħeġġeġ lil kulħadd biex jieħu sehem fis-​servizz taʼ l-​għalqa fi tmiem il-​ġimgħa.

15 min: “Okkażjoni Speċjali biex Ninkuraġġixxu lil Xulxin.” Taħdita. Għin lil kulħadd japprezza l-​fatt li jattendi l-​konvenzjoni distrettwali. Ħeġġeġ lil kulħadd biex ikun preżenti għal kull sessjoni, mill-​Ġimgħa fil-​għodu sal-​Ħadd wara nofsinhar.

15 min: “Qed Nibqgħu Mqajmin Filwaqt li Nevitaw Affarijiet li Jtellfuna?”a Skond ma jippermetti l-​ħin, żid xi kummenti bbażati mit-​Torri taʼ l-​Għassa taʼ l-​1 t’Awissu, 1992, paġni 13-15, pari. 7-18.

Għanja 115 u talba taʼ l-​għeluq.

Ġimgħa li Tibda 20 taʼ Mejju

Għanja 13

15min: Avviżi lokali. Rapport tal-​kontijiet. Irrivedi l-​Kaxxa għall-​Mistoqsija.

12 min: “Issodisfa l-​Bżonn Spiritwali Tiegħek.” Taħdita u diskussjoni maʼ l-​udjenza. Ikkunsidra xi raġunijiet għala kulħadd għandu joqgħod attent ħafna għall-​programm tal-​konvenzjoni. Enfasizza l-​bżonn taʼ li napplikaw dak li nitgħallmu u mhux nisimgħu biss. Ħeġġeġ lil kulħadd biex jieħu n-​noti. Stieden lil xi wħud biex jesprimu ruħhom dwar il-​benefiċċji li kisbu mill-​programm tas-​sena l-​oħra.

18 min: “Inkunu Modesti fl-​Ilbies u d-​Dehra.”b Għandha tingħata minn anzjan, li se jaqra kull paragrafu wara li jiġi diskuss. Għin lil kulħadd jifhem għala huwa importanti li joqgħod attent dwar kif jidher fil-​pubbliku.

Għanja 169 u talba taʼ l-​għeluq.

Ġimgħa li Tibda 27 taʼ Mejju

Għanja 208

12 min: Avviżi lokali. Fakkar lill-​pubblikaturi biex jitfgħu r-​rapport tas-​servizz taʼ l-​għalqa għal Mejju. Uża s-​suġġerimenti f’paġna 8, u ħejji turija minn pubblikatur imdaħħal fiż-​żmien taʼ kif jiġi preżentat it-​Torri taʼ l-​Għassa taʼ l-​1 taʼ Ġunju u minn żagħżugħ li juri kif jiġi preżentat Stenbaħ! tat-​8 taʼ Ġunju. Wara kull turija, ikkummenta dwar kemm kien faċli li tiġi inkluża skrittura maʼ kull preżentazzjoni. Ħabbar l-​arranġamenti speċjali għas-​servizz taʼ l-​għalqa għal nhar il-​Ġimgħa 7 taʼ Ġunju li se tkun festa pubblika.

15 min: “Tistaʼ Terġaʼ Tingħaqad mal-​Kumplament?” Iddiskuti maʼ l-​udjenza. Għandha tingħata minn anzjan. Inkludi xi esperjenzi lokali li juru kif xi ħadd irnexxielu jerġaʼ jibda jaqdi fis-​servizz taʼ pijunier jew kif tad-​dar għenu lil membru tal-​familja biex jieħu vantaġġ minn dan il-​privileġġ.

18 min: “Qiegħed Tuża l-​Browxer X’Jirrikjedi biex Tibda l-​Istudji?” (Kulħadd għandu jkollu miegħu l-​insert tal-​Ministeru tas-​Saltna taʼ Jannar 2002 għal din id-​diskussjoni.) Ibda b’turija mħejjija sew minn pubblikatur li juri kif jinbeda studju, bl-​użu taʼ l-​eżempju f’paragrafu 3. Wara, semmi xi punti prinċipali tal-​browxer, u spjega kemm huwa mħejji apposta biex jinbdew l-​istudji. Uri kemm huwa importanti li jiġu riveduti l-​preżentazzjonijiet suġġeriti fl-​insert taʼ Jannar 2002. Staqsi lill-​udjenza dwar liema suġġerimenti kienu taʼ suċċess għalihom. Ikkonkludi billi tirrepeti t-​turija msemmija iktar kmieni.

Għanja 93 u talba taʼ l-​għeluq.

Ġimgħa li Tibda 3 taʼ Ġunju

Għanja 178

15 min: Avviżi lokali. Ipprepara minn qabel lil xi pubblikaturi biex jitkellmu dwar il-​barkiet li esperjenzaw meta ħadu sehem fis-​servizz taʼ pijunier awżiljarju jew regulari matul ix-​xhur taʼ Marzu, April, jew Mejju. Ħeġġeġ lil kulħadd biex jieħu sehem fis-​servizz taʼ l-​għalqa fi tmiem il-​ġimgħa.

15 min: “Ħalli lil Kulħadd Jara li Int Miexi ’l Quddiem.”c

15 min: “Il-​Fidi Tagħna Tqanqalna għal Għemejjel Tajbin.”d Meta tkun qed tiddiskuti paragrafu 2, intervista fil-​qosor lil Xhud żeluż. Ħalli lill-​pubblikatur jesprimi ruħu kif li jagħti xiehda lil oħrajn juri l-​fidi li għandu kif ukoll isaħħaħhielu.

Għanja 56 u talba taʼ l-​għeluq.

[Noti taʼ taħt]