Ipprova Uża Metodu Addattabbli

Interess sinċier fin-​nies se jqanqalna biex nipprovaw nagħrfu x’inhuma l-​bżonnijiet tagħhom u nuruhom kif is-​Saltna se ssolvi darba għal dejjem il-​problemi li jiffaċċjaw. (Flp. 2:4) Metodu addattabbli li ħafna pubblikaturi jsibu effettiv hu li jistiednu lill-​inkwilin biex jikkumenta dwar stampi taʼ xeni tal-​Ġenna taʼ l-​art li hemm fil-​pubblikazzjonijiet tagħna, bħal dawk imsemmijin fil-​kolonna fuq il-​lemin taʼ din il-​paġna. Forsi tistaʼ tagħmel dan billi tuża waħda minn dawn l-​introduzzjonijiet:

◼ “Taħseb li qatt se naraw il-​familja umana tgawdi l-​kundizzjonijiet li jidhru hawnhekk?”

◼ “Ilkoll kemm aħna nixtiequ li wliedna jkunu jistgħu jgawdu l-​kwalità taʼ dinja li tidher hawnhekk. X’taħseb li hemm bżonn sabiex dan iseħħ?”

◼ “Din hija stampa taʼ kif se tkun tidher l-​art meta r-​rieda t’Alla sseħħ fuq l-​art kif inhi fis-​sema. Qed tinnota xi ħaġa li hi differenti minn kif inhi l-​ħajja llum?”

◼ “Tixtieq tgħix fil-​kundizzjonijiet li jidhru hawnhekk? [Agħti ċans għal tweġiba.] Taħseb li dan se jseħħ matul ħajjitna?”

Ismaʼ sew it-​tweġiba taʼ l-​individwu, u sir af il-​ħarsa tiegħu billi bil-​ħlewwa tistaqsih xi mistoqsija oħra. Jekk xi wħud iwieġbu li ma jixtiqux jgħixu fil-​kundizzjonijiet li jidhru fl-​istampa jew li ma jemmnux li ħaġa bħal din hija possibbli, tkunx ħafif biex tikkonkludi li m’humiex interessati. Bit-​tattika staqsi għala jħossuhom hekk. Il-​kummenti tagħhom forsi jikxfu interess profond dwar il-​problemi li qed tiffaċċja l-​umanità u li donnu m’hemmx soluzzjoni għalihom.​—Eżek. 9:4.

Hekk kif issir taf x’inhu dak li jinkwieta lill-​inkwilin, addatta l-​preżentazzjoni tiegħek fi qbil maʼ dan. Enfasizza l-​aspett tal-​messaġġ tas-​Saltna li l-​iktar jittratta l-​bżonnijiet tiegħu. Urih skrittura jew tnejn li għandhom x’jaqsmu mal-​kwistjoni li tikkonċernah. (Ara xi suġġerimenti fil-​kolonna fuq il-​lemin.) Ħallih jara b’għajnejh stess xi tgħid il-​Kelma t’Alla. Jekk juri interess, offri l-​pubblikazzjoni u agħmel appuntament għal żjara lura. Kompli żviluppa l-​interess tiegħu dwar dak li tkellimtu fil-​bidu.

[Kaxxa f’paġna 6]

Eżempji taʼ Xeni tal-​Ġenna taʼ l-​Art

Il-​ktieb Għalliem: paġni 251-4

Il-​ktieb Għarfien: paġni 4-5, 188-9

Il-​browxer X’Jirrikjedi​: paġni 11, 13

Il-​ktieb Qim lil Alla: paġni 92-3

[Kaxxa f’paġna 6]

Affarijiet li Jinkwetaw lin-​Nies

Dipressjoni

Salm 34:9 [Salm 34:8, NW];

Isaija 65:​17-​19

Djar, problemi ekonomiċi

Isaija 65:​21, 22

Falliment morali

2 Timotju 3:​1-5

Faqar, oppressjoni

Salm 72:​12-​14;

Koħèlet 8:9

Gvernijiet inefettivi

Salm 146:​3, 4;

Danjel 2:​44

Gwerra, terroriżmu

Salm 46:​9, 10 [Salm 46:​8, 9, NW];

Mikea 4:​3, 4

Korruzzjoni, inġustizzja

Isaija 9:​6, 7;

2 Pietru 3:​13

Kriminalità, vjolenza

Salm 37:​10, 11;

Proverbji 2:​21, 22

Maltrattament taʼ l-​annimali

Proverbji 12:10

Mard, diżabilità

Isaija 33:24; 35:​5, 6

Mewt, niket

Isaija 25:8;

Rivelazzjoni 21:​3, 4

Nuqqas taʼ ikel, malnutrizzjoni

Salm 72:16;

Isaija 25:6

Preġudizzju, nuqqas t’ugwaljanza

Isaija 11:​3-5;

Atti 10:​34, 35

Rovina taʼ l-​art

Rivelazzjoni 11:18