Nippreżentaw L-​Aħbar Tajba B’Attitudni Pożittiva

¹ Ilkoll kemm aħna nieħdu gost ikollna sens taʼ ferħ u twettiq f’dak li nagħmlu, speċjalment fix-​xogħol taʼ li nagħmlu dixxipli. X’iġibilna daqshekk sodisfazzjon? Dan kollu jibda billi nżommu attitudni mentali pożittiva fil-​waqt li nżommu ruħna biżlin fix-​xogħol siewi taʼ li ­ngħinu oħrajn. (Prov. 11:25) Il-​mod kif nippreżentaw l-​aħbar tajba għandu juri li aħna verament nemmnu f’dak li qegħdin ngħidu. Jekk nitkellmu minn qalbna, allura se jidhru s-​sinċerità u l-​konvinzjoni persunali tagħna. (Luqa 6:​45) Billi nipprattikaw il-​preżentazzjoni tagħna, se nħossuna iktar kunfidenti meta nitkellmu man-​nies fit-​territorju. Dan se jkun taʼ valur b’mod partikulari matul Settembru meta noffru l-​ktieb Life​—How Did It Get Here? By Evolution or by Creation? Għalkemm m’għandkomx dan il-​ktieb bil-​Malti, bla dubju hemm ħafna nies li huma interessati f’dan is-​suġġett u jkunu lesti li jaċċettaw l-​informazzjoni bl-​Ingliż. Intom tistgħu ssibu s-​suġġerimenti li ġejjin t’għajnuna f’li tippreżentaw l-​aħbar tajba b’attitudni pożittiva.

² Meta tkun se toffri l-​ktieb “Crea­tion,” tistaʼ tgħid dan fl-​ewwel żjara:

◼ “Waqt li konna qegħdin nitkellmu mal-​ġirien tagħna, sibna li xi ftit ipoġġu l-​fiduċja tagħhom f’Alla. Oħrajn isibuha diffiċli li jemmnu fih. Int kif tħossok? [Ħalli ħin għal tweġiba.] Innota kif tirraġuna l-​Bibbja fuq din il-​ħaġa. [Aqra Rumani 1:​20.] Nistgħu naraw prova tal-​‘qawwa eterna u d-​Divinità’ t’Alla billi nosservaw l-​affarijiet li ħalaq.” Aqra l-​aħħar paragrafu f’paġna 48 tal-​ktieb Creation, u iġbed l-​attenzjoni lejn il-​komplessità taċ-​ċellola ħajja. Jew uża paragrafu 18 f’paġna 147 biex turi kif is-​sistema ċirkolatorja taʼ l-​għaġeb taʼ siġra tagħti prova li hu xogħol taʼ Ħallieq. Offri lill-​individwu li tagħtih il-​ktieb jekk jaċċetta li jaqrah. Jekk iva, ħallih miegħu, u, jekk jistaqsi dwar xi ħlas, spjega li naċċettaw bil-​qalb donazzjonijiet għax-​xogħol tagħna madwar id-​dinja.

³ Meta tmur lura biex iżżur lil dawk li magħhom tkun iddiskutejt dwar l-​istat t’Alla bħala l-​Ħallieq, forsi tixtieq tgħid hekk:

◼ “Fiż-​żjara taʼ qabel, konna tkellimna dwar l-​evidenza għall-​eżistenza t’Alla​—il-​ħolqien meraviljuż tiegħu. Issibha diffiċli int biex temmen li dak il-​Wieħed li ħalaq l-​univers ikun interessat ukoll fil-​futur tagħna? [Ħalli ħin għal tweġiba.] Huwa taʼ interess li tinnota li l-​futur diġà ġie ddeterminat mill-​Ħallieq.” Aqra Isaija 46:​9, 10. Skond l-​interess taʼ l-​individwu, uża l-​istampi u l-​kliem taʼ taħthom f’kapitlu 19 tal-​ktieb Creation biex tenfasizza l-​kundizzjonijiet ideali mwegħdin minn Alla. Aqra paragrafu 1 taʼ kapitlu 20, u offri studju tal-​Bibbja. Jekk jaċċetta, ibda l-​istudju fil-​ktieb Għarfien.

⁴ Tistaʼ tipprova din il-​preżentazzjoni meta tkun qiegħed toffri l-​ktieb “Creation”:

◼ “Waqt li kont qiegħed nitkellem man-​nies taʼ l-​inħawi, osservajt li l-​biċċa l-​kbira jixxennqu għal komunità bla periklu u dinja mimlija paċi. X’inhi l-​opinjoni tiegħek dwar għala l-​bniedem naqas li jikseb kundizzjonijiet bħal dawn? [Ħalli ħin għal tweġiba.] Xi mexxejja jistgħu jkunu sinċiera u jagħmlu xi ftit tal-​ġid, imma innota x’parir għaref tagħti l-​Bibbja.” Aqra Salm 146:​3, 4; imbagħad staqsi: “Hemm xi ħadd li jistaʼ jissodisfa l-​bżonnijiet tal-​bniedem?” Aqra versi 5 u 6. Uri l-​istampa f’paġna 251 tal-​ktieb Creation, u iġbed l-​attenzjoni lejn il-​benefiċċji tal-​ħakma t’Alla. Offri l-​ktieb, u semmi l-​arranġament tagħna għal donazzjonijiet kull meta l-​inkwilin jistaqsi dwar xi ħlas.

 ⁵ Jekk l-​ewwel darba ddiskutejt l-​istat taʼ ħakma t’Alla, tistaʼ tipprova dan is-​suġġeriment meta terġaʼ tmur:

◼ “Meta kont ġejt xi ġranet ilu, aħna tkellimna dwar in-​nuqqas tal-​bniedem li jġib paċi vera fuq l-​art. Forsi tiftakar li mill-​Bibbja sibna r-​raġuni għal nuqqas bħal dan. [Aqra Salm 146:3 mill-​ġdid.] Innotajt għala Alla javżana biex ma npoġġux it-​tamiet tagħna fil-​bnedmin? [Ħalli ħin għal tweġiba.] Forsi int taqbel li kwalunkwe tama għal soluzzjoni permanenti trid tiġi mingħand Alla. Ir-​raġuni għala jistaʼ jkollna din il-​fiduċja hija spjegata f’Salm 146:10. [Aqra.] Jekk irridu nkunu sudditi taħt is-​Saltna t’Alla, x’irridu nagħmlu?” Mur f’paġna 250 tal-​ktieb Crea­tion, aqra paragrafu 13, u enfasizza Ġwann 17:3. Offri li turi kif, permezz taʼ studju tal-​Bibbja, miljuni kisbu l-​għarfien li jwassal għall-​ħajja taʼ dejjem. Jekk iħalluk, introduċi l-​ktieb Għarfien u ibda l-​istudju.

⁶ F’li taħdem minn ħanut għall-​ieħor, tistaʼ tuża dan il-​mod qasir bil-​ktieb “Creation”:

◼ “Illum qegħdin nagħtu servizz speċjali lin-​nies tan-​negozju tal-​komunità. Ilkoll kemm aħna inkwetati bil-​kriminalità u l-​vjolenza li dejjem jiżdiedu fl-​inħawi tagħna. Tħoss int li xi ħadd għandu soluzzjoni vera għall-​problema? [Ħalli ħin għal tweġiba.] Alla għandu soluzzjoni.” Mur f’paġna 196 tal-​ktieb Creation; aqra u ikkummenta fuq Proverbji 2:​21, 22 f’paragrafu 19. Uri t-​titlu taʼ kapitlu 16, u offri l-​ktieb. Meta tqum il-​mistoqsija tal-​ħlas, spjega li fil-​waqt li l-​ktieb huwa bla ħlas, naċċettaw donazzjonijiet żgħar għax-​xogħol tagħna madwar id-​dinja.

⁷ Meta tagħmel żjara lura fuq bniedem tan-​negozju li tkun ħallejtlu l-​ktieb “Creation,” tistaʼ tgħid dan:

◼ “Fl-​aħħar żjara tiegħi, semmejt li Alla hu l-​uniku wieħed li verament għandu s-​soluzzjoni dejjiema għall-​kriminalità u l-​vjolenza. Skond il-​wegħda tiegħu, nistgħu nkunu ċerti li art mimlija paċi għad isseħħ. Innota l-​għażla mpoġġija quddiem kull wieħed u waħda minna.” Aqra paragrafu 11 f’paġna 250 tal-​ktieb Creation, inkluż Salm 37:​37, 38. Ikkummenta dwar l-​istampa f’paġna 251, u aqra l-​ewwel sentenza f’paragrafu 14. Offri studju tal-​Bibbja b’xejn, li jistaʼ jsir jew fil-​post tan-​negozju tagħhom jew f’darhom.

⁸ Bħala “ħaddiema sħab t’Alla,” għandna kull raġuni għalfejn inkunu pożittivi meta nippreżentaw l-​aħbar tajba. (1 Kor. 3:9) Li nżommu din l-​attitudni se jirriżulta fil-​barka għanja taʼ Jehovah.