Ipprietka lil “Nies taʼ Kull Xorta”
1. Evanġelizzaturi effettivi kif inhuma bħal irġiel tas-sengħa?
1 Raġel tas-sengħa jkollu ħafna għodod, u jaf kif u meta għandu juża kull waħda. Bl-istess mod, aħna għandna diversi għodod biex jgħinuna nwettqu xogħolna bħala evanġelizzaturi. Pereżempju, browxers dwar varjetà taʼ suġġetti ġew stampati biex jgħinuna nippritkaw lil “nies taʼ kull xorta.” (1 Kor. 9:22) L-insert taʼ dan Il-Ministeru tas-Saltna fih lista taʼ ftit minn dawn il-browxers, jispjega għal min ġew imħejjijin, u jagħtu suġġerimenti taʼ kif il-browxers jistgħu jiġu offruti.
2. Meta għandna mnejn nużaw il-browxers fil-ministeru?
2 Meta Nużaw il-Browxers: Raġel tas-sengħa juża biċċa għodda kull meta tkun taʼ benefiċċju. B’mod simili, nistgħu noffru browxer kull meta nħossu li dak li jkun jibbenefika minnu, mhux biss matul ix-xhur meta jkun l-offerta tal-letteratura. Pereżempju, jekk l-offerta tkun il-ktieb Il-Bibbja X’Tgħallem? u nkunu qed nagħtu xhieda f’pajjiż mhux Kristjan fejn in-nies ma tantx jinteressahom mill-Bibbja, jistaʼ jkun tajjeb li noffru browxer xieraq u mbagħad nintroduċu l-ktieb Il-Bibbja X’Tgħallem? wara li nkunu qanqalna l-interess tal-persuna.
3. Għala għandna nsiru tas-sengħa f’li nużaw l-għodod tagħna taʼ ppritkar?
3 L-Iskrittura tfaħħar lil dawk li huma tas-sengħa f’xogħolhom. (Prov. 22:29) Żgur li l-ebda xogħol mhu importanti llum daqs “ix-xogħol qaddis taʼ l-aħbar tajba.” (Rum. 15:16) Sabiex inkunu ‘ħaddiema li m’għandniex minn xiex nistħu,’ se nħabirku biex insiru tas-sengħa f’li nużaw l-għodod tagħna.—2 Tim. 2:15.