‘Offri Rivista Iktar Antika jew Kwalunkwe Browxer li Jittratta Dwar l-​Interessi tal-​Persuna’

Matul ix-​xhur li noffru l-​ktieb Il-​Bibbja X’Tgħallem? u studju fl-​ewwel żjara, aħna niġu inkuraġġiti biex ‘noffru rivista iktar antika jew kwalunkwe browxer li jittratta dwar l-​interessi tal-​persuna’ kull meta l-​inkwilin diġà jkollu l-​ktieb u ma jaċċettax l-​offerta għal studju. Għala?

Browxers u rivisti iktar antiki jikkunsidraw varjetà taʼ suġġetti f’waqthom. Xi ħaġa f’waħda minn dawn il-​pubblikazzjonijiet għandha mnejn tmiss il-​qalb tal-​inkwilin. Għalhekk, meta tkun qed tlesti l-​basket għall-​ippritkar, inkludi diversi browxers u ħarġiet iktar antiki differenti. Jekk m’għandekx rivisti iktar antiki, forsi tistaʼ tikseb xi ftit mill-​bank tal-​letteratura. Imbagħad, jekk l-​inkwilin diġà għandu l-​ktieb Il-​Bibbja X’Tgħallem? u ma jaċċettax studju tal-​Bibbja, tistaʼ turih ftit mir-​rivisti jew browxers li għandek u tistiednu jieħu dak li jinteressah. Wara dan, agħmel arranġamenti biex tmur lura ħalli tikkultiva l-​interess tiegħu. Forsi eventwalment jinbeda studju tal-​Bibbja.