Uża sew ir-​rivisti antiki

Ladarba rivisti antiki ma jkunu taʼ ġid għal ħadd jekk ikunu maħżunin jew mormijin, għandna nipprovaw inħalluhom man-​nies. Rivista waħda tistaʼ tqanqal l-​interess taʼ dak li jkun fil-​verità u tqanqlu jibda jsejjaħ isem Ġeħova. (Rum. 10:13, 14) Dawn li ġejjin huma xi suġġerimenti għal dak li nistgħu nagħmlu biex nużaw sew ir-​rivisti antiki.

• Meta tkun qed tipprietka f’territorji li ma jinħadmux spiss, forsi tistaʼ tħalli rivista, f’post fejn ma jidhirx, fi djar fejn ma ssibx nies.

• Meta tkun qed tieħu sehem fl-​għoti taʼ xhieda lill-​pubbliku u tara li hemm nies jistennew, bħal pereżempju għal tal-​linja, saqsi lill-​individwi jekk jixtiqux xi ħaġa x’jaqraw. Urihom diversi ħarġiet antiki tar-​rivisti, u ħallihom jagħżlu xi jridu.

• Meta żżur xi djar tal-​anzjani, ċentri tas-​saħħa, jew postijiet simili li huma fit-​territorju tal-​kongregazzjoni tiegħek, ħalli ftit ħarġiet antiki fil-​waiting room. Is-​soltu jkun aħjar jekk l-​ewwel titlob permess mingħand il-​persuna li qed tieħu ħsieb, jekk din tkun preżenti. Jekk tara li diġà hemm xi rivisti, tħallix iktar.

• Meta tkun qed tipprepara għaż-​żjajjar lura, ikkunsidra x’jinteressa lil kull individwu li beħsiebek iżżur. Għandu familja? Iħobb jivvjaġġa? Iħobb jistad? Ittawwal f’ħarġiet antiki tar-​rivisti biex tara jekk hemmx xi artiklu li għandu mnejn jieħu pjaċir jaqrah, u urihulu meta żżuru.

• Meta fl-​aħħar terġaʼ ssib id-​dar lil xi ħadd li kien wera interess wara li tkun mort lura diversi drabi, urih ftit mir-​rivisti antiki li jkunu ħarġu.