Uża r-Rivisti fil-Ministeru Tiegħek
1, 2. It-Torri taʼ l-Għassa u Stenbaħ! kif effettwaw il-ħajjiet tan-nies?
1 “Interessanti, f’waqthom, u edifikanti.” “L-iktar rivisti inkuraġġanti li qatt qrajt.” Dawn il-kummenti jiddeskrivu tajjeb kif ħassewhom xi qarrejja madwar id-dinja dwar It-Torri taʼ l-Għassa u Stenbaħ! Tabilħaqq, ir-rivisti tagħna taw prova kemm huma għodda imprezzabbli li laħqu lill-“bnedmin taʼ kull xorta” bl-aħbar tajba.—1 Tim. 2:4.
2 Wieħed negozjant kiseb rivista Stenbaħ! dwar suġġett li kien jinteressa ruħu fih. Iktar tard hu qara l-ħarġa tat-Torri taʼ l-Għassa li ngħata magħha, u li fiha kien hemm artiklu li qanqlu biex jifli bir-reqqa t-twemmin tat-Trinità li kien ilu jħaddan għal ħajtu kollha. Dan qajjimlu l-interess. Sitt xhur wara, hu tgħammed. Raġel ieħor kien jirċievi r-rivisti regolarment imma qatt ma qrahom. Martu, mill-banda l-oħra, evitat lix-Xhieda imma kienet taqra r-rivisti li kienu jitħallew maʼ żewġha. Il-wegħda Biblika taʼ ġenna fuq l-art mimlija b’nies tajbin messitilha qalbha. Maż-żmien, hi, binha, u oħtha saru qaddejja taʼ Ġeħova.
3. X’inhu l-vantaġġ li noffru r-rivisti bħala sett?
3 Offrihom Bħala Sett: Bħalma juru l-eżempji taʼ qabel, aħna ma nistgħux inkunu ċerti min se jaqra r-rivisti jew x’jistaʼ jqanqlilhom l-interess. (Koħ. 11:6) Għalhekk, huwa taʼ benefiċċju li noffru t-Torri taʼ l-Għassa u Stenbaħ! flimkien bħala sett, avolja ġeneralment aħna nuru biss rivista waħda fil-preżentazzjoni tagħna. F’ċerti ċirkustanzi, jistaʼ jkun xieraq li noffru diversi ħarġiet differenti tar-rivisti tagħna fi żjara waħda.
4. Kif nistgħu ninkludu x-xogħol bir-rivisti fl-iskeda tagħna?
4 Huwa taʼ benefiċċju li fl-iskeda tagħmel ġurnata fil-ġimgħa biex tuża r-rivisti. Fil-kalendarju tax-Xhieda taʼ Ġeħova għas-sena 2005, kull nhar taʼ Sibt hija mmarkata bħala ġurnata tar-rivisti. M’għandniex xi ngħidu, ladarba ċ-ċirkustanzi lokali u persunali jvarjaw, xi wħud jistgħu jwarrbu ġurnata oħra biex jiffokaw fuq li joffru r-rivisti tagħna. Hija din parti mill-iskeda tiegħek taʼ kull ġimgħa?
5. Liema opportunitajiet biex inħallu r-rivisti għandna nkunu attenti għalihom, u x’jistaʼ jgħinna nagħmlu dan?
5 Agħmel Mira Persunali: Il-fatt li nagħmlu mira persunali dwar kemm inqassmu rivisti fix-xahar jistaʼ jgħinna nkunu iktar konxji tar-rivisti. Għandek int xi rotta bir-rivisti? Toffrilhom rivisti lil dawk li tiltaqaʼ magħhom fil-ministeru? Tistaʼ toffri r-rivisti fit-toroq, f’territorju taʼ negozju, u f’postijiet pubbliċi? Tieħu rivisti miegħek meta tkun qed tivvjaġġa, tmur tixtri, u meta tkun sejjer għal xi appuntament? Aħtaf kull opportunità xierqa biex tgħin lil oħrajn jibbenefikaw mit-Torri taʼ l-Għassa u Stenbaħ!
6. Kif nistgħu nagħmlu użu tajjeb mill-ħarġiet iktar qodma tar-rivisti?
6 Nistgħu wkoll nagħmluha mira li nħallu man-nies il-ħarġiet iktar qodma li jistaʼ jkollna. Anki jekk ir-rivisti li nkunu ħallejna jkunu taʼ xi xahar jew xahrejn ilu, l-informazzjoni xorta għadha taʼ valur. Agħtihom lil dawk li huma interessati. Għal miljuni taʼ nies, ir-rivisti tat-Torri taʼ l-Għassa u Stenbaħ! kienu “kelma . . . f’waqtha.” (Prov. 25:11) Ejja nużawhom biex ngħinu lil miljuni taʼ nies isiru jafu u jaqdu lil Ġeħova.