Għin Lil Oħrajn Isibu L-​Faraġ

¹ Ħafna nies xebgħu jisimgħu dwar diżastri, gwerer, kriminalità, u sofferenza. Il-​faraġ, għalkemm nieqes b’mod ċar mir-​rapporti taʼ l-​aħbarijiet tal-​lum, huwa xi ħaġa li l-​umanità verament teħtieġ. Li tfarraġ ifisser “li tagħti s-​saħħa u t-​tama lil” u “li ttaffi n-​niket u l-​inkwiet taʼ ” xi ħaddieħor. Bħala Xhieda taʼ Jehovah, aħna mħarrġin biex ngħinu lin-​nies b’dan il-​mod. (2 Kor. 1:​3, 4) Il-​brochures li għand­na bbażati fuq il-​Bibbja u li se nkunu noffru f’Lulju u ­f’Awissu fihom messaġġi taʼ verità li jfarrġu. (Rum. 15:4) Dawn li ġejjin huma xi suġġerimenti taʼ kif nist­għu nippreżentawhom taħt diversi ­ċirkostanzi:

² Storja traġika fl-​aħbarijiet tistaʼ toħloq opportunità biex tingħata xiehda u ġġib faraġ lil oħrajn, forsi billi int tgħid xi ħaġa hekk:

◼ “Meta jiġru affarijiet bħal dawn, xi wħud jaħsbu dwar jekk Alla verament jeżistix u, jekk inhu hekk, jekk jimpurtahx minna. Int x’taħseb? [Ħalli ħin għal tweġiba.] Mod wieħed kif niddeterminaw jekk hemmx Alla huwa billi napplikaw prinċipju stabbilit sew.” Aqra Lhud 3:4. Semmi xi affarijiet oħrajn madwarna li bil-​fors kellu jagħmilhom xi ħadd. Imbagħad kompli: “Għandi brochure li naf li se ssibu taʼ faraġ. Jismu Veru Li Alla Jimpurtah Minna? [Aqra l-​mistoqsijiet taʼ fuq il-​qoxra.] Dan fih provi konvinċenti mhux biss li Alla jeżisti imma li hu dalwaqt se jġib fit-​tmiem il-​kundizzjonijiet inġusti kollha li niffaċċjaw illum. Tixtieq taqrah?” Ftiehem biex terġaʼ tmur.

³ Fiż-​żjara lura, tistaʼ tgħid:

◼ “Konna qegħdin nitkellmu dwar il-​prova taʼ l-​eżistenza t’Alla meta ħallejtlek il-​brochure Veru Li Alla Jimpurtah Minna? Forsi nnotajt dan il-​punt f’paġna 7. [Uri l-​istampa u semmi fil-​qosor x’jgħid paragrafu 15.] Dan huwa eżempju wieħed biss li juri li bil-​fors irid jeżisti Alla li jimpurtah. [Aqra paragrafu 27 f’paġna 9.] Studju persunali tal-​Bibbja għen lili biex inkampa mal-​problemi taʼ kuljum fil-​ħajja għax dan jagħti l-​ħarsa t’Alla fuq kif inhuma l-​affarijiet.” Offri li turi kif isir studju.

⁴ L-​għoti taʼ xiehda bit-​telefon jistaʼ jsir billi tuża l-​brochure “X’Inhu L-​Iskop Tal-​Ħajja?​—Kif Tistaʼ Ssibu?” Tistaʼ tintroduċi ruħek u tgħid:

◼ “Qed inċempillek biex nagħtik messaġġ importanti għax ma nistax niġi narak personalment.” Aqra l-​ewwel paragrafu f’paġna 4 tal-​brochure, billi tagħmel dan b’mod naturali, daqs li kieku kont qiegħed titkellem maʼ l-​individwu wiċċ imb’wiċċ. Staqsih x’jaħseb u agħtih ċans iwieġeb. “Jien għandi l-​Bibbja miftuħa f’Isaija 45:18. Dan il-​vers jurina li l-​art inħalqet bi skop għalina. Nistaʼ naqrahulek?” Wara dan, spjega l-​iskop tal-​brochure, u staqsih kif tistaʼ tiħodlu kopja.

⁵ Fiż-​żjara taʼ wara, tistaʼ tipprova dan il-​mod biex tibda studju:

◼ “Nixtieq inkompli fuq l-​aħħar konversazzjoni li kellna billi nurik min hu dak li jistaʼ jgħidilna x’inhu l-​iskop tal-​ħajja. [Għid fi kliemek x’hemm f’paragrafi 1 u 2 f’paġna 6 tal-​bro­chure L-​Iskop Tal-​Ħajja.] Apokalissi 4:11 jispjega li Alla Jehovah hu l-​Ħallieq tagħna. [Aqra.] Hu bil-​fors li kellu raġuni għalfejn ħalaqna. Nies li xtaqu jkunu jafu din x’inhi studjaw il-​Kelma miktuba ­t’Alla, il-​Bibbja. Jien nixtieq noff­rilek dik l-​opportunità.” Spjega kif jiġi kondott il-​kors tagħna taʼ studju tal-​Bibbja fid-​dar b’xejn, u agħmel arranġamenti biex tibda l-​istudju.

⁶ Dan il-​mod pożittiv jistaʼ jfarraġ lil dawk li ġarrbu l-​mewt taʼ xi ħadd maħbub:

◼ “Qed nagħmel servizz pubbliku għall-​benefiċċju taʼ dawk koll­ha li mitilhom xi ħadd maħbub. Peress li din tistaʼ tkun waħda mill-​iktar affarijiet ibsin li xi ħadd minna għad ikollu jiffaċċja, ġie mħejji dan il-​bro­chure Meta Xi Ħadd Li Tħobb Imut. Dan għen lil miljuni taʼ nies. Nixtieq nurik x’jgħid dwar wegħda eċċitanti li għamel Ġesù Kristu. [Aqra l-​ħames paragrafu f’paġna 26, ink­luż Ġwann 5:​21, 28, 29.] Innota din l-​istampa f’paġna 29 li turi r-​rakkont tal-​Vanġelu fejn Ġesù qiegħed att­walment iqajjem lil Lazzru mill-​mewt. Jekk tixtieq taqra dan il-​brochure li jfarraġ, nieħu pjaċir ħafna li nħallihulek.”

⁷ Meta tirritorna, tistaʼ terġaʼ turi l-​istampa f’paġna 29 tal-​brochure “Meta Xi Ħadd Li Tħobb Imut” u tgħid:

◼ “Ftakar fid-​diskussjoni tagħna dwar l-​irxoxt taʼ Lazzru minn Kristu. [Aqra l-​kliem li huma marbutin maʼ l-​istampa f’paġna 28 u ikkunsidra l-​materjal minn paġna 27 taħt is-​sottitlu “Tassew Ġara Dan?”] Jekk qalbek tixxennaq biex temmen li tistaʼ terġaʼ tara lil xi ħadd maħbub li mietlek, ħallini ngħinek biex tpoġġi fidi fit-​tama taʼ l-​irxoxt.” Offri studju tal-​Bibbja fid-​dar.

⁸ Jalla nagħmlu ħilitna fix-​xhur li ġejjin biex nimitaw lil Ġesù billi ‘nfarrġu lill-​imnikktin.’​—Isa. 61:2.