Indokraturi li Huma minn taʼ Quddiem—L-​Indokratur taʼ l-​Iskola tal-​Ministeru Teokratiku

¹ L-​indokratur taʼ l-​Iskola tal-​Ministeru Teokratiku hu wieħed mill-​irġiel ixjeħ spiritwali li jaħdem iebes f’li jitkellem u jgħallem u li jixraqlu l-​ġieħ u l-​kooperazz­joni tagħna. (1 Tim. 5:17) X’inhuma r-​responsabbiltajiet tiegħu?

² Il-​librerija taʼ l-​Iskola tal-​Ministeru Teokratiku taqaʼ taħt il-​ħarsien tiegħu. L-​interess ħerqan taʼ dan il-​ħu huwa li jinkuraġġixxi lil dawk koll­ha li jikkwalifikaw biex jinkitbu fl-​iskola. Hu jagħmel ċert li jinżamm rekord eżatt sabiex l-​inkarigi jsiru kif jixraq għallinqas tliet ġimgħat qabel kull sessjon­i taʼ l-​iskola. Jeħtieġ li jkun jaf sewwa l-​kongregazzjoni, billi jżomm f’moħħu kull student u l-​kapaċitajiet tiegħu. Għalkemm jistaʼ jkollu xi ħu ieħor biex jgħinu jipprepara l-​iskeda taʼ l-​iskola, l-​indokratur huwa l-​wieħed li għandu jidderieġi t-​tqassim tal-​partijiet.

³ Sabiex jgħallem lil dawk fl-​iskola b’mod effettiv, l-​indokratur irid jipprepara b’mod diliġenti kull ġimgħa, billi jagħmel studju bir-​reqqa tal-​materjal assenjat. Permezz t’hekk ikun jistaʼ jżomm lill-​kongregazzjoni entużjasta dwar il-​materjal, jiddetermina jekk il-​materjal assenjat ġiex mgħoddi kif suppost, u jenfasizza l-​punti importanti li se jkunu inklużi fir-​reviżjonijiet bil-​miktub.

⁴ Wara t-​taħdita taʼ kull student, l-​indokratur jifraħ lill-​istudent u jispjegalu għala ċerta kwalità tad-​diskors kienet tajba jew għala għandha bżonn taʼ titjib. Kulmeta xi ħadd ikun jeħtieġ iktar għajnuna biex jipp­repara l-​inkarigi li ngħata fl-​iskola, l-​indokratur jew xi ħadd maħtur minnu jistaʼ jipp­rovdilu għajnuna persunali.

⁵ Sabiex nibbenefikaw bis-​sħiħ mix-​xogħol iebes taʼ l-​indokratur taʼ l-​Iskola tal-​Ministeru Teokratiku u t’oħrajn li jagħtu l-​pariri u li jaqdu taħt id-​direzzjoni tiegħu, jeħtieġ li nattendu l-​iskola regolarment. Għandna wkoll inwettqu l-​inkarigi kollha tagħna u napplikaw il-​parir li nirċievu aħna flimkien maʼ dak li jingħata lil studenti oħrajn. B’dan il-​mod, se ntejbu pass wara l-​ieħor l-​abbiltà tagħna li nippreżentaw il-​messaġġ tas-​Saltna fil-​pubbliku u minn dar għal dar.​—Atti 20:20; 1 Tim. 4:​13, 15.