Nistgħu Noffru l-​Ktieb Creator?

Is-​sena l-​oħra lkoll kemm aħna fraħna meta rċivejna l-​ktieb Is There a Creator Who Cares About You? Huwa ktieb iddisinjat speċjalment għal dawk li, għalkemm għandhom edukazzjoni għolja fi kwistjonijiet sekulari, għandhom mnejn ma jemmnux f’Alla. Dan il-​ktieb jissodisfa bżonn li dejjem qed jiżdied.

Għal raġunijiet prattiċi l-​offerta taʼ letteratura għal kull xahar is-​soltu tinkludi pubblikazzjonijiet li jappellaw għal ħafna iktar tipi taʼ nies. Ifisser dan li għandna noqogħdu lura milli noffru l-​ktieb Creator? Lanqas xejn! Nistgħu noffru dan il-​ktieb fi kwalunkwe żmien matul is-​sena lil individwi li ma jemmnux f’Alla u li jistgħu jibbenefikaw minnu. Nistgħu noffruh ukoll lil individwi li jemmnu f’Alla imma li m’għandhomx konċett reali taʼ min hu jew x’inhuma l-​kwalitajiet u l-​iskopijiet tiegħu. Mela int inkuraġġit li ġġorr kopja fil-​basket tiegħek tas-​servizz u tkun lest li toffrih lil kulmin taħseb li se jkun interessat li jaqrah.