Għandek Ordni Speċifika tar-​Rivisti?

¹ Qatt mort għal xi laqgħa għas-​servizz taʼ l-​għalqa u skoprejt li ma kellekx rivisti fil-​basket tas-​servizz? Mela, ftakar fl-​insert taʼ l-​Our Kingdom Ministry taʼ Settembru 1995 intitolat “Make the Best Use of Our Magazines.” Dan qalilna biex “ikollna ordni definita tar-​rivisti,” billi qal: “Agħmel ordni realistika mal-​ħu inkarigat mir-​rivisti għal numru definit taʼ kopji minn kull ħarġa. B’dan il-​mod, int u l-​familja tiegħek se jkollkom provvista regulari u adegwata taʼ rivisti.” Għamiltu dan int?

² Għala ma tagħmilx ordni speċifika għar-​rivisti? Se tħossok iktar responsabbli biex tqassam ir-​rivisti ġimgħa wara l-​oħra, u se tesperjenza iktar ferħ f’li tagħmel hekk. Jekk diġà għandek ordni speċifika, ikkalkula mill-​ġdid jekk intix qed tikseb l-​ammont li għandek bżonn għal xahar normali fil-​ministeru. M’għandniex xi ngħidu, irridu nuru fedeltà f’li niġbru l-​ordni tagħna hekk kif tasal u għandna nħossuna obbligati li nagħmlu hekk. Jekk se tkun ’il bogħod mill-​kongregazzjoni għal żmien estiż, għarraf lill-​ħu inkarigat mir-​rivisti jekk tridux jagħti r-​rivisti tiegħek lil xi ħaddieħor sakemm terġaʼ lura.

³ L-​istess insert ikkwotat hawn fuq, qal ukoll li għandna “nippjanaw għal ġurnata regulari bir-​rivisti.” Tistaʼ tappoġġa l-​Ġurnata tar-​Rivisti taʼ kull ġimgħa? Bħalma juri n-​1999 Calendar of Jehovah’s Witnesses, din hija kull nhar taʼ Sibt tas-​sena! Tissottovalutax l-​importanza tat-​tqassim taʼ It-​Torri taʼ l-​Għassa u Stenbaħ! Meta nagħmlu sforz biex nieħdu sehem bis-​sħiħ fl-​attività bir-​rivisti, inkunu qed ‘inħabbru r-​riżq’ lill-​proxxmu tagħna.​—Is. 52:7.