Nesprimu Gratitudni għall-​Akbar Għotja Mingħand Alla

1. Aħna għala grati speċjalment lejn Ġeħova?

¹ Mill-​ħafna ‘għotjiet tajbin’ taʼ Ġeħova, il-​fidwa li pprovda l-​għażiż Ibnu hija l-​akbar. (Ġak. 1:17) Permezz tagħha jistaʼ jkollna ħafna barkiet, fosthom il-​maħfra taʼ dnubietna. (Efes. 1:7) Għal dan, aħna dejjem grati. Matul l-​istaġun tat-​Tifkira, aħna nieħdu l-​ħin b’mod partikulari biex nimmeditaw fuq din l-​għotja prezzjuża.

2. Kif nistgħu nibnu l-​apprezzament għall-​fidwa fil-​familja tagħna u fina nfusna?

² Ibni l-​Apprezzament: Sabiex tibni l-​apprezzament tal-​familja tiegħek, fil-​ġimgħat taʼ qabel it-​Tifkira li se ssir fit-​30 taʼ Marzu, għala ma tużax ftit ħin matul il-​lejla tal-​Qima tal-​Familja biex tirrivedi informazzjoni dwar il-​fidwa? Ikkunsidra wkoll il-​qari tal-​Bibbja speċjali għat-​Tifkira kuljum bħala familja. B’mod persunali rrifletti dwar kif il-​fidwa kienet taʼ benefiċċju għalik u kif effettwat il-​ħarsa tiegħek lejn Ġeħova, lejk innifsek, lejn oħrajn, u lejn il-​futur.—Salm 77:12.

3. Kif nistgħu nesprimu l-​gratitudni tagħna?

³ Espressjonijiet taʼ Gratitudni: L-​apprezzament għall-​fidwa jqanqalna biex ngħidu lil oħrajn dwar Ġeħova u l-​imħabba kbira tiegħu meta bagħat lil Ibnu. (Salm 145:2-​7) Matul Marzu, April, u Mejju, xi familji jesprimu l-​gratitudni tagħhom billi jagħmlu arranġamenti biex minn tal-​inqas membru wieħed mill-​familja jaqdi bħala pijunier awżiljarju. Jekk dan mhuwiex possibbli, tistaʼ int tixtri l-​ħin biex tkabbar is-​sehem tiegħek fil-​ministeru? (Efes. 5:16) Il-​gratitudni se timmotivana wkoll biex ngħinu lil oħrajn jattendu għat-​Tifkira magħna. (Riv. 22:17) Ibda ħejji lista taʼ żjajjar lura, studenti tal-​Bibbja, qraba, sħabek tax-​xogħol, u ġirien biex tistidinhom, u mbagħad kun ċert li tieħu sehem bis-​sħiħ fil-​kampanja tal-​invit speċjali għat-​Tifkira.

4. B’liema modi nistgħu nużaw l-​istaġun tat-​Tifkira b’mod għaqli?

⁴ L-​istaġun tat-​Tifkira jipprovdi opportunitajiet ġodda biex nuru lil Ġeħova kemm napprezzaw l-​għotja li hu ta lill-​umanità. Jalla nużaw dan iż-​żmien biex nibnu u nesprimu l-​gratitudni tagħna għall-​fidwa u għar-​“rikkezzi bla tarf tal-​Kristu.”—Efes. 3:8.