Se Taqdi Int Bħala Pijunier Awżiljarju?
1. L-istaġun tat-Tifkira għala hu żmien tajjeb biex inżidu fil-ministeru tagħna?
1 L-istaġun tat-Tifkira hu żmien tajjeb biex inżidu fil-ministeru tagħna. Hu żmien meta nirriflettu fuq l-imħabba kbira li Ġeħova wera meta ta lil Ibnu bħala fidwa. (Ġw. 3:16) Dan iġiegħel lil qalbna timtela bl-apprezzament, u jkabbrilna x-xewqa li ngħidu lil oħrajn dwar Ġeħova u dwar dak li qed jagħmel għall-umanità. (Is. 12:4, 5; Lq. 6:45) Ukoll, hu żmien meta ngawdu kampanja speċjali li fiha nistiednu lil dawk li nafu u lil nies fit-territorju biex jattendu t-Tifkira magħna. Wara, nistinkaw biex nikkultivaw l-interess taʼ dawk li jkunu attendew. Se żżid int fil-ministeru tiegħek billi taqdi bħala pijunier awżiljarju matul Marzu, April, jew Mejju?
2. X’jagħmel lil Marzu xahar ideali biex taqdi bħala pijunier awżiljarju?
2 Agħmel Marzu Xahar Speċjali: Marzu se jkun xahar speċjalment ideali biex taqdi bħala pijunier awżiljarju. Dawk li japplikaw jistgħu jagħżlu li jagħmlu 30 jew 50 siegħa. Jekk iż-żjara tal-indokratur tas-circuit taħbat f’Marzu, il-pijunieri awżiljarji jistgħu jattendu l-laqgħa kollha li l-indokratur ikollu mal-pijunieri regulari u speċjali. Il-kampanja biex noffru l-inviti għat-Tifkira, li se ssir nhar it-Tlieta, 26 taʼ Marzu, 2013, se ddum iktar minn tas-snin l-oħra u se tibda fl-1 taʼ Marzu. Minbarra dan, Marzu fih ħames Sibtijiet u ħamest Iħdud. Allura għala ma tikkunsidrax bis-serjetà jekk tistax tieħu sehem f’li tagħmel dan ix-xahar l-iktar xahar speċjali tas-sena?
3. Kif nistgħu nippjanaw biex inżidu fil-ministeru tagħna?
3 Ippjana Issa: Issa hu l-waqt biex tirrivedi l-iskeda tiegħek u tara liema aġġustamenti għandek bżonn tagħmel ħalli tkun tistaʼ taqdi bħala pijunier. Il-kooperazzjoni tal-familja hi importanti, u għalhekk ħu l-ħin matul il-lejla tal-Qima tal-Familja biex tiddiskutu l-miri tal-familja tiegħek u biex tagħmlu skeda. (Prov. 15:22) Jekk ma tistax taqdi bħala pijunier awżiljarju, taqtax qalbek. Tistaʼ taġġusta l-iskeda tiegħek biex iddum iktar fil-ġranet li tistaʼ toħroġ? Tistaʼ toħroġ fil-ministeru ġurnata oħra matul il-ġimgħa?
4. Liema benefiċċji se niksbu jekk inżidu l-attività tagħna matul Marzu, April, u Mejju?
4 Hekk kif inżidu l-attività tagħna matul Marzu, April, u Mejju, il-ferħ u s-sodisfazzjon li niksbu milli naqdu lil Ġeħova u milli nagħtu lil oħrajn se jiżdiedu. (Ġw. 4:34; Atti 20:35) Iktar importanti minn hekk, l-isforzi tagħna taʼ li nagħtu minna nfusna se jferrħu lil Ġeħova.—Prov. 27:11.