Bilfors Trid Tieqaf?

Meta jieħdu sehem fis-​servizz tal-​għalqa, xi pubblikaturi mdorrijin jieqfu f’ċertu ħin, forsi f’nofsinhar. Ovvjament, iċ-​ċirkustanzi taʼ xi wħud forsi jitolbu li jispiċċaw il-​ministeru tagħhom f’ħin speċifiku. Imma tieqaf mill-​ippritkar tiegħek sempliċement għax oħrajn fil-​grupp tiegħek jieqfu jew għax hija d-​drawwa fl-​inħawi tiegħek li tieqaf f’ċertu ħin? Tistaʼ testendi l-​ministeru tiegħek għal ftit minuti oħra u tieħu sehem f’xi forma taʼ għoti taʼ xhieda lill-​pubbliku, bħal pereżempju fit-​toroq? Tistaʼ tagħmel xi żjajjar lura int u sejjer id-​dar? Aħseb dwar kemm tistaʼ twettaq ġid jekk terġaʼ ssib imqar persuna interessata waħda d-​dar jew jekk tħalli mqar sett ieħor taʼ rivisti maʼ xi ħadd li jkun għaddej! Jekk ma jkollniex għalfejn nieqfu, li nibqgħu barra għal ftit minuti oħra hu mod kif nistgħu nkabbru s-​“sagrifiċċju taʼ tifħir” tagħna.—Ebr. 13:15.