Min Qed Jagħmel ir-​Rieda taʼ Ġeħova Llum?

1. Meta se nibdew nistudjaw il-​browxer Min Qed Jagħmel ir-​Rieda ta’ Ġeħova Llum?, u kif se jkun taʼ benefiċċju għalina?

¹ B’seħħ mill-​ġimgħa li tibda fit-​28 t’Ottubru, il-​browxer Min Qed Jagħmel ir-​Rieda taʼ Ġeħova Llum? se jiġi studjat fl-​Istudju tal-​Bibbja tal-​Kongregazzjoni. Dan il-​browxer ġdid li ħareġ fil-​Konvenzjoni Distrettwali “Ħares lil Qalbek!” ġie mħejji biex jidderieġi lill-​istudenti tal-​Bibbja lejn l-​organizzazzjoni. L-​istudju taʼ din il-​pubblikazzjoni mhux biss se jkabbar l-​apprezzament tagħna għall-​fatt li nagħmlu parti mill-​organizzazzjoni taʼ Ġeħova imma wkoll se jgħinna nsiru midħla sew taʼ din l-​għodda utli għall-​ministeru.—Salm 48:13.

2. Il-​browxer kif se jiġi studjat fil-​kongregazzjoni?

² Kif Se Jiġi Studjat: L-​indokratur se jkollu bżonn iqassam il-​ħin tiegħu ħalli kull lezzjoni tieħu l-​istess ammont taʼ ħin. Se jintroduċi kull waħda mit-​28 lezzjoni billi jaqra l-​mistoqsija li tifforma t-​titlu. Imbagħad se jistieden lill-​qarrej jaqra l-​ewwel paragrafu bħala introduzzjoni. Wara dan, l-​indokratur se jistaqsi lil dawk fl-​udjenza mistoqsija li jkun ħejja għall-​introduzzjoni. Imbagħad kull paragrafu li jibda bi stqarrija b’tipa grassa għandu jinqara u jiġi diskuss għalih. Wara li jinqara l-​paragrafu, l-​indokratur se jistieden lil dawk fl-​udjenza jikkummentaw fuq kif il-​paragrafu jwieġeb il-​mistoqsija li hi t-​titlu tal-​lezzjoni. Ukoll, il-​browxer fih ħafna stampi li l-​udjenza tistaʼ tikkummenta dwarhom. L-​iskritturi ewlenin għandhom jinqraw skont ma jippermetti l-​ħin. Qabel ma jgħaddi għal-​lezzjoni li jmiss, l-​indokratur se jagħmel reviżjoni billi jistaqsi l-​mistoqsijiet li hemm fl-​aħħar tal-​paġna. Jekk ikun hemm kaxxa “Sir Af Iktar,” se jqabbad lill-​qarrej jaqraha, u mbagħad se jitlob kummenti mill-​udjenza dwar kif student tal-​Bibbja se jibbenefika jekk isegwi dan is-​suġġeriment. Jekk ikun baqaʼ ħin fl-​aħħar tal-​istudju, l-​indokratur jistaʼ juża t-​titli tal-​lezzjonijiet bħala mistoqsijiet għal reviżjoni. Tinsewx li din hi l-​proċedura li se tintuża għall-​Istudju tal-​Bibbja tal-​Kongregazzjoni. Din mhix neċessarjament il-​proċedura li se tintuża matul studju tal-​Bibbja fid-​dar.

3. Kif nistgħu nibbenefikaw bis-​sħiħ minn studju taʼ dan il-​browxer?

³ Sabiex tibbenefika bis-​sħiħ, ejja għal-​laqgħat preparat sew. Stinka biex tikkummenta. Matul id-​diskussjoni, aħseb fuq għala l-​materjal hu taʼ benefiċċju għall-​istudenti tal-​Bibbja. Jalla l-​istudju tagħna taʼ dan il-​browxer ġdid jarmana biex ngħinu lil oħrajn jingħaqdu magħna f’li nagħmlu r-​rieda t’Alla biex b’hekk huma wkoll ikollhom it-​tama li jibqgħu ħajjin għal dejjem.—1 Ġw. 2:17.