Metodu ġdid u eċċitanti taʼ ppritkar f’postijiet pubbliċi

1. Kongregazzjonijiet li għandhom inħawi fejn jgħaddu ħafna nies, x’ġew inkuraġġiti li jagħmlu?

¹ Kongregazzjonijiet li għandhom inħawi fejn jgħaddu ħafna nies ġew inkuraġġiti li jorganizzaw ippritkar f’postijiet pubbliċi, billi jużaw imwejjed jew stands. Jekk jintuża stand, minn tal-​inqas irid ikun hemm pubblikatur bilwieqfa jew bilqiegħda ħdejh. Madankollu, jekk tintuża mejda għandu jkun hemm żewġ pubblikaturi. Dawk inkarigati għandhom jagħmlu sforz biex ikunu dħulin u juru tbissima sinċiera. Jekk xi ħadd jagħti attenzjoni lejn l-​istand, wieħed mill-​pubblikaturi jistaʼ jibda konversazzjoni, forsi billi jgħid, “Ġieli ħsibt x’tgħid il-​Bibbja dwar dan is-​suġġett?” Pubblikatur jew tnejn oħra jistgħu jkunu viċin l-​istand waqt li jieħdu sehem f’li jagħtu xhieda informali.

2. Irrakkonta esperjenza li turi l-​valur tal-​ippritkar f’postijiet pubbliċi permezz taʼ mejda bil-​letteratura.

² Dan il-​metodu rriżulta f’ħafna studji ġodda tal-​Bibbja. Studenta f’kulleġġ għażlet li tikteb teżi dwar ix-​Xhieda taʼ Ġeħova, imma ma setgħetx issib Sala tas-​Saltna. Il-​ġimgħa taʼ wara rat mejda bil-​letteratura fil-​kulleġġ. Studju tal-​Bibbja nbeda, u issa din l-​istudenta hija pubblikatriċi mgħammda u tieħu sehem f’dan il-​metodu taʼ ppritkar hi stess.

3. Xi wħud kif iħossuhom dwar dan il-​metodu taʼ ppritkar?

³ Oħt li ħadet pjaċir b’dan il-​metodu taʼ ppritkar f’postijiet pubbliċi qalet: “Xi wħud jieqfu jaraw il-​letteratura biex jieħdu r-​rivisti tal-​aħħar. Oħrajn qatt ma jkunu semgħu bix-​Xhieda taʼ Ġeħova qabel. Nistaʼ nara li permezz taʼ dan il-​metodu, jistgħu jintlaħqu ħafna nies.” Oħt oħra qalet: “Dan hu metodu ġdid u eċċitanti taʼ ppritkar minħabba li n-​nies jiġu fuqek, anke jekk ma jkunux interessati ħafna.”

4. Għala hu taʼ benefiċċju li tagħmel l-​istand jew il-​mejda fl-​istess ħinijiet u postijiet kull ġimgħa?

⁴ Huwa taʼ benefiċċju li tagħmel l-​istand jew il-​mejda fl-​istess post, fl-​istess ġranet, u fl-​istess ħinijiet kull ġimgħa. B’hekk, in-​nies jidraw jaraw l-​istand jew il-​mejda, u maż-​żmien iħossuhom komdi biżżejjed biex javviċinaw u jistaqsu mistoqsijiet jew biex jieħdu letteratura. Il-​kongregazzjoni tiegħek organizzat ippritkar f’postijiet pubbliċi? Jekk iva, forsi tistaʼ tipparteċipa f’dan il-​metodu taʼ ferħ u produttiv biex ‘ixxandar is-​saltna t’Alla maʼ kullimkien.’—Lq. 9:60.