Għanja 67
Aħżen Teżori fis-Sema
1. Għandna nħobbu lil Jehovah
Missier taʼ dwal fis-smewwiet!
Ħwejjeġ sbieħ, tajbin, perfetti
Hu jagħtina bħal’ għotjiet.
Kemm jagħtina, lbies u ikel,
Xemx u xita w għajnuniet.
Ejjew niżżu ħajr lil Alla
Talli jsostni il-ħajjiet.
2. O xi bluha jekk inqattgħu
Ħinna f’dinja taʼ inkwiet,
Naħżnu biss teżori vojta
Li jintemmu mal-imwiet!
Ejja nkunu sodisfatti
B’dawk li huma bżonnijiet,
U b’egħmejjel tajbin naħżnu
It-teżori fis-smewwiet.
3. Mel’ ejjew nużaw kulm’ għandna,
Ġidna w ħinna, f’xandiriet
Tal-aħbar dwar dik is-Saltna
Li se twettaq it-tamiet.
Għax b’servizz żeluż taʼ ħniena
T’Alla w Kristu nsiru ħbieb
U b’hekk hu żgur li jiktibna
Għal dejjem f’tal-ħajja l-ktieb.