“Ippriedka l-Kelma . . . b’Urġenza”
1 Jekk tirċievi xi ħaġa mmarkata “URĠENTI,” kif tqisha? Il-kelma “urġenti” tfisser “li titlob għall-attenzjoni immedjata.” B’raġuni tajba, l-appostlu Pawlu għallem lill-Kristjani biex ‘jippridkaw il-kelma b’urġenza.’ (2 Tim. 4:2, New World Translation) Tirreaġixxi int billi tagħti lil dan ix-xogħol l-attenzjoni immedjata tiegħek?
2 Forsi lil Pawlu kienu rrapportawlu li xi wħud minn ħutu kienu qed juru t-tendenza taʼ li ‘jħallu l-ħrara tagħhom tibred’ bħala Kristjani. (Rum. 12:11) Dan illimita r-riżultati tax-xogħlijiet tagħhom kif ukoll il-ferħ li kieku setgħu jiksbu milli jgħinu lil oħrajn.
3 Il-Ħarsa taʼ Ġesù dwar il-Ministeru: Kemm kien jitgħaxxaq Ġesù jwettaq il-ministeru tiegħu! Hu qal: “L-ikel tiegħi hu li nagħmel ir-rieda taʼ min bagħatni u li nwassal fit-tmiem l-opra tiegħu.” L-eżempju taʼ Ġesù qanqal lid-dixxipli tiegħu, li lilhom hu inkuraġġiehom billi qalilhom li “l-għelieqi bjadu għall-ħsad.” (Ġw. 4:34, 35) Is-sens t’urġenza li hu wera matul il-ministeru tiegħu kien evidenti meta qal lid-dixxipli tiegħu biex ‘jitolbu lil Sid il-ħsad biex jibgħat ħaddiema għall-ħsad tiegħu.’ (Mt. 9:38) Ġesù kien konxju tal-fatt li l-inkarigu tiegħu kien biex jippriedka, u kien determinat li ma jħalli xejn iżommu milli jagħmel dan.
4 Xi Ngħidu Dwarna? Illum, hemm urġenza akbar minn qatt qabel biex nimxu ’l quddiem fix-xogħol taʼ l-ippridkar. F’ħafna partijiet tad-dinja, l-għelieqi huma lesti għall-ħsad. Saħansitra f’artijiet fejn jidher li ngħatat xiehda bir-reqqa, eluf qed jitgħammdu kull sena. Peress li t-tmiem taʼ din is-sistema t’affarijiet qed joqrob b’mod mgħaġġel, hemm x’‘inħabirku fix-xogħol tal-Mulej.’ (1 Kor. 15:58, NW) Iktar minn qatt qabel, issa huwa vitali li nitħabtu b’mod vigoruż f’li naqsmu l-messaġġ tas-Saltna m’oħrajn.
5 Ejja nintefgħu b’ruħna u b’ġisimna f’li nilħqu lil oħrajn bl-aħbar tajba, kemm minn dar għal dar kif ukoll kulfejn nistgħu nsibu lin-nies fit-territorju tagħna. Billi nieħdu sehem bis-sħiħ kemm jistaʼ jkun fix-xogħol taʼ l-ippridkar, aħna nuru biċ-ċar li nkunu poġġejna s-Saltna fl-ewwel post f’ħajjitna. (Mt. 6:33) Il-fedeltà tagħna f’li nippridkaw il-kelma b’urġenza se ġġibilna ħafna ferħ.