‘Kunu Ġenerużi u Aqsmu maʼ l-Oħrajn’
1 Sekli ilu l-appostlu Pawlu istruwixxa lil Timotju biex jinkuraġġixxi lill-kredenti sħabu sabiex “jagħmlu l-ġid, jistagħnu b’opri tajba, li jkunu ġenerużi u jaqsmu maʼ l-oħrajn.” (1 Tim. 6:18) Pawlu fakkar ukoll lill-Kristjani Lhud biex ma jinsewx ‘jagħmlu l-ġid lill-oħrajn, u jaqsmu bejniethom dak li għandhom.’ (Lhud 13:16) Għala kiteb dawn l-istruzzjonijiet? Għax kien jaf li kellu jkun hemm “glorja u ġieħ u sliem għal kull min jagħmel it-tajjeb.”—Rum. 2:10.
2 Bħala l-Ħallieq, Alla Jehovah huwa s-Sid taʼ kollox. (Apk. 4:11) Aħna ċertament napprezzaw dak li qed jagħmel għalina bl-affarijiet tiegħu. Minkejja l-attitudni ingrata taʼ ħafna bnedmin, l-Iktar Għoli jibqaʼ jippermetti li kulħadd jibbenefika mill-provvedimenti ġenerużi għall-għajxien tal-ħajja. (Mt. 5:45) Hu saħansitra ta lill-Iben għażiż tiegħu bħala sagrifiċċju sabiex jistaʼ jkollna ħajja taʼ dejjem. M’għandhiex l-imħabba li ġiet murija lejna ġġagħalna nuru l-gratitudni tagħna billi nkunu ġenerużi maʼ bnedmin sħabna?—2 Kor. 5:14, 15.
3 X’Nistgħu Naqsmu? Naturalment jixraq li aħna nużaw dak kollu li għandna b’mod li jogħġob lil Alla. Żgur li rridu nappoġġaw ix-xogħol tas-Saltna mad-dinja kollha kemm b’mod materjali kif ukoll spiritwali. M’għandniex xi ngħidu, l-aħbar tajba hija l-iktar teżor prezzjuż li xi ħadd jistaʼ jkollu, għax hija l-“qawwa taʼ Alla għas-salvazzjoni.” (Rum. 1:16) Billi nużaw il-ħin u r-riżorsi tagħna b’mod ġeneruż kull xahar biex nipparteċipaw fix-xogħol taʼ l-ippridkar u tat-tagħlim, aħna nistgħu nkunu kapaċi naqsmu dan it-teżor spiritwali m’oħrajn, li jwassalhom biex jiksbu ħajja taʼ dejjem.
4 Jehovah tassew jieħu pjaċir meta aħna ngħinu lil dawk bi ftit mezzi. Hu jwiegħed barkiet, u jfakkarna wkoll: “Għal xejn ma jiswa l-ġid f’jum l-għadab, imma l-ġustizzja teħles mill-mewt.” (Prov. 11:4; 19:17) Li nappoġġaw ix-xogħol tas-Saltna materjalment u li jkollna sehem sħiħ fl-ippridkar taʼ l-aħbar tajba, huma modi meraviljużi li bihom nistgħu nuru li tassew aħna ġenerużi, u pronti biex naqsmu m’oħrajn.