ယူကရိန်းစစ်ပွဲဖြစ်တာ နှစ်နှစ်ထဲ ဝင်ပြီ—ကျမ်းစာမှာ ဘာမျှော်လင့်ချက်ရှိသလဲ

၂၀၂၃ ခုနှစ်၊ ဖေဖော်ဝါရီ ၂၄ ရက်၊ သောကြာနေ့မှာ ယူကရိန်းစစ်ပွဲစတင်ခဲ့တာ တစ်နှစ်တင်းတင်း ပြည့်သွားပါပြီ။ မှတ်တမ်းတွေအရ သေဆုံးသွားတဲ့၊ ထိခိုက်ဒဏ်ရာရတဲ့ ယူကရိန်းနဲ့ ရုရှားစစ်သားပေါင်း ၃၀၀,၀၀၀ လောက်ရှိတယ်။ စစ်ကြောင့် အသက်ဆုံးပါးသွားတဲ့ ပြည်သူ ၃၀,၀၀၀ နီးပါးရှိပြီလို့ ခန့်မှန်းရရှိတယ်။ တကယ့်အရေအတွက်က အဲဒါထက်မက များနိုင်တယ်။

ဝမ်းနည်းစရာက စစ်ပွဲကလည်း ပြီးမယ့်ပုံမပေါ်သေးဘူး။

• “ရုရှားတပ်ဖွဲ့တွေ ယူကရိန်းထဲ ဝင်လာတာ တစ်နှစ်နီးပါးရှိနေပြီဆိုပေမဲ့ စစ်ပြီးမယ့်အရိပ်အယောင် မတွေ့ရဘူး။ ဘတစ်ပြန် ကျားတစ်ပြန်ဖြစ်နေတယ်။ စစ်ပြေငြိမ်းဖို့ နှစ်ဦးနှစ်ဖက် သဘောတူညှိနှိုင်းလို့ရမယ့်ပုံလည်း မပေါ်ဘူး။—ပြည်သူ့ရေဒီယို (NPR)၊ ဖေဖော်ဝါရီ ၁၉၊ ၂၀၂၃။

ကမ္ဘာတစ်ဝန်းမှာ စစ်ပွဲတွေကြောင့် အပြစ်မဲ့သူတွေ ထိခိုက်ခံစားနေရတာကို ကြည့်ပြီး လူတွေလည်း စိတ်မချမ်းမသာဖြစ်ကြရတယ်။ ကျမ်းစာမှာ ဘာမျှော်လင့်ချက်ရှိသလဲ။ စစ်ပွဲတွေ တစ်နေ့ အဆုံးတိုင်သွားမလား။

စစ်ပွဲအားလုံးကို အဆုံးတိုင်စေမယ့် စစ်ပွဲ

လူသားတွေကို မဖျက်ဆီးဘဲ ကယ်တင်မယ့် စစ်ပွဲတစ်ခုအကြောင်း ကျမ်းစာမှာ ဖော်ပြထားတယ်။ အာမဂေဒုန်စစ်ပွဲလို့ ခေါ်တယ်။ “အနန္တတန်ခိုးရှင် ဘုရားသခင်ရဲ့ နေ့ကြီးမှာ တိုက်မယ့် စစ်ပွဲ” လို့လည်း ခေါ်တယ်။ (ဗျာဒိတ် ၁၆:၁၄၊ ၁၆) ဒုက္ခရောက်စေတဲ့ စစ်ပွဲများစွာကို ဖန်တီးတဲ့ လူ့အုပ်ချုပ်ရေးကို အာမဂေဒုန်စစ်ပွဲအားဖြင့် ဘုရားသခင် အဆုံးတိုင်စေမယ်။ အာမဂေဒုန်စစ်ပွဲကြောင့် ထာဝရငြိမ်းချမ်းရေး ဘယ်လိုရလာမလဲဆိုတာ သိဖို့ အောက်ပါဆောင်းပါးတွေကို ဖတ်ပါ–

• “အာမဂေဒုန်စစ်ပွဲဆိုတာ ဘာကိုပြောတာလဲ”

• “အာမဂေဒုန်ဟာ သတင်းကောင်းဖြစ်”