30 Henoy ny fitalahoan’ny mpanomponao famindram-po, sy ny fitalahoan’ny Israely vahoakanao rehefa mivavaka manandrify an’ity toerana ity. Ary enga anie ianao hihaino any an-danitra fonenanao any!+ Enga anie ianao hihaino ka hamela heloka!+

14 Nalain’i Hezekia teny an-tanan’ireo iraka ny taratasy ka novakiny. Dia niakatra tao an-tranon’i Jehovah izy avy eo, ka namelatra an’ireny* teo anatrehan’i Jehovah.+ 15 Ary nivavaka tamin’i Jehovah i Hezekia+ hoe: 16 “Ry Jehovah Tompon’ny tafika,+ ilay Andriamanitry ny Israely ô! Mipetraka eo amin’ny seza fiandriananao eo ambonin’ny* kerobima ianao. Ianao irery no tena Andriamanitry ny fanjakana rehetra eto an-tany. Ianao no nanao ny lanitra sy ny tany. 17 Jehovah ô, enga anie ianao mba hanongilan-tsofina ka hihaino!+ Mba sokafy ny masonao, Jehovah ô, ka mijere!+ Henoy ny teny rehetra nampitondrain’i Sankeriba, fa mila ady amin’ilay Andriamanitra velona izy.+ 18 Jehovah ô, efa noravan’ireo mpanjakan’i Asyria tokoa ny tany rehetra+ sy ny taniny. 19 Ary nodorany ny andriamanitr’izy ireny,+ satria tsy andriamanitra fa vato aman-kazo sady asa tanan’olona ihany.+ Izany no nahatonga azy ho afaka namotika azy ireny. 20 Fa mba vonjeo eo an-tanany re izahay izao, ry Jehovah Andriamanitray ô! Amin’izay dia ho fantatry ny fanjakana rehetra eto an-tany, Jehovah ô, fa ianao irery ihany no Andriamanitra.”+