10 “Koa aza matahotra ianao, ry Jakoba mpanompoko”, hoy i Jehovah,

“Ary aza mihorohoro, ry Israely ô!+

Fa hovonjeko avy any an-tany lavitra ianao,

Ary ny taranakao hovonjeko avy any amin’ny tany nahababo azy.+

Dia hiverina i Jakoba, ka hilamina sy tsy hisy hanakorontana.

Tsy hisy hampatahotra azy ireo.”+

14 Hampodiko izay babo amin’ny Israely vahoakako.+

Haorin’izy ireo indray ny tanàna rava, ka ao izy no hipetraka.+

Hamboly voaloboka koa izy ireo ka hisotro ny divay azo avy amin’izany,+

Sady hanao zaridaina ka hihinana ny vokatra amin’izany.+

20 Hampodiko ianareo amin’izany fotoana izany,

Amin’ny fotoana hanangonako anareo.

Fa hataoko izay hahatonga anareo halaza* sy hoderaina+ any amin’ny firenena rehetra eny ambonin’ny tany,

Rehefa ampodiko izay natao babo taminareo. Dia ho hitan’ny masonareo izany”, hoy i Jehovah.+