• Salamo 115:4-7
    Ny Soratra Masina—Fandikan-tenin’ny Tontolo Vaovao

    •  4 Volafotsy sy volamena ny sampin’izy ireo,

      Sady asa tanan’olombelona.+

       5 Manam-bava ireny sampy ireny, fa tsy miteny;+

      Mana-maso, fa tsy mahita;

       6 Manan-tsofina, fa tsy maheno;

      Manana orona, fa tsy mandre fofona;

       7 Manan-tanana, fa tsy mahatsapa;

      Manan-tongotra, fa tsy mandeha;+

      Ary tsy mahavoaka feo ny tendany.+

  • Isaia 46:6, 7
    Ny Soratra Masina—Fandikan-tenin’ny Tontolo Vaovao

    •  6 Misy olona mandraraka volamena be dia be avy ao amin’ny kitapom-bolany,

      Dia mandanja volafotsy amin’ny mizana.

      Manakarama mpanefy izy ireo, ka amboariny ho lasa andriamanitra ilay volafotsy.+

      Dia miondrika izy ireo, ary mivavaka* aminy.+

       7 Ingain’izy ireo ho eo an-tsorony ilay sampy,+

      Dia entiny sy apetrany eo amin’ny toerany ka mijanona eo fotsiny.

      Tsy mihetsika eo amin’ny toerany ilay izy.+

      Dia mitaraina aminy izy ireo, nefa tsy mamaly izy,

      Satria tsy afaka mamonjy na iza na iza amin’ny fahoriana.+