22 “Raha misy olona manao fahotana azo anamelohana azy ho faty, ka novonoina+ izy ary nahantona teo amin’ny tsato-kazo,+ 23 dia tsy tokony hajanona eo mandritra ny alina ny fatiny,+ fa tokony halevina amin’iny andro iny ihany. Voaozon’Andriamanitra mantsy izay mihantona eo amin’ny tsato-kazo.+ Tsy tokony holotoinao ny taninao, izay homen’i Jehovah Andriamanitrao ho lovanao.+

57 Rehefa harivariva ny andro, dia tonga ny lehilahy iray mpanankarena avy any Arimatia. Josefa no anarany ary mpianatr’i Jesosy koa izy.+ 58 Nankany amin’i Pilato izy ka nangataka ny fatin’i Jesosy.+ Dia namoaka didy i Pilato hoe homena azy ilay faty.+

50 Ary nisy lehilahy iray atao hoe Josefa, izay anisan’ny Filan-kevitry ny Jiosy. Lehilahy tsara toetra izy sady olo-marina.+ 51 —Tsy nanaiky hanohana ny tetika sy ny zava-dratsy nataon’ilay Filan-kevitra izy.—Avy any Arimatia tanànan’ny Jodianina izy, ary niandry ny Fanjakan’Andriamanitra. 52 Nankany amin’i Pilato izy, dia nangataka ny fatin’i Jesosy.

38 Taorian’izany, dia nangataka tamin’i Pilato i Josefa avy any Arimatia, raha azony esorina ny fatin’i Jesosy. Mpianatr’i Jesosy io Josefa io, saingy tsy niteniteny izy noho ny fahatahorany ny Jiosy.+ Navelan’i Pilato hanao an’izany i Josefa, ka tonga nanala an’ilay faty.+