Meib

Jesub ge ǂkhamǀgôarob a hîna ge ǁhûi, ǁîb ǁgûna ǁnâuǀnamsa. ǁÎb ge ǁîra ǀkha ge ǁē tama hâ i, ǁîra xab ǃnāsase a ǂan di ǂâi tama i tsî. Jesub ge ǂguro ǀgôab ase ǁîb sîsen-e ǃgâise gere dī. ǁÎb ge ǃnaokuru sîsen-e Josefa xu ge ǁkhāǁkhāsen îb ǁîb omarisa kōǃgâ. Jesub di ǁgûra ge buruxa ǃnaes ǁîb dis xa ǁîba ǀnîsi ge ǁgamba. Tsî Elob di sîsabeb ge ǁîb xa taena a mîsa. (Luk. 2:8-19, 25-38) Jesub ge mîbaheb gere xūn ǀkha ǀgui ge ǂâu tama hâ i. Xaweb ge ǁîba xoade aitsama gere ôaǃnâ. Mati da a ǂan Jesub ge Elobmîsa gere ǁkhāǁkhāsen ǃkhaisa? ǂKharirob a amaga gu ge ǁkhāǁkhā-aogu Jerusalems ǃnâ hâga gere ‘buru, ǁîb ǂans tsî ǃereamdi xa.’ (Luk. 2:46, 47) Disiǀgamǀā kurixab a hînab ge Jesuba ǀnai ge ǁgau ǁîb a Jehovab ôa ǃkhaisa.—Luk. 2:42, 43, 49. w20.10 29-30 ¶13-14

Jesub Xristub ǃnâ ǂgoms ge Xristeǁîn di ǃgaoǃgao. Paulub ge khâis xa a xoa o, ob ge ǃnona xūna ge mî. Ne ǃnona xūn ge (1) ‘Xristub ge sada ǁoren ǃaroma ge ǁō.’ (2) ‘ǁKhōheb’ ge ge. (3) ‘Tsîb ge ǃnonaǁî tsēs ai ge khâi, xoadi ǃoagu.’ (1Kor. 15:3, 4) Jesub ǁōb, ǁkhōs tsî khâis tsîna tae-e ra ǂâibasen nētsē? Jesajab ge ge kēbo, Jesub ge ‘ûitsamana xu nî ǃgaoǁnâhe.’ Tsî ‘ǁgai khoen ǀkha nî ǁkhōhe.’ ǀNî hâ xū-i tsîn ge ge ǃkhōǂgāsa i. Jesajab ge ra mî, Mesiab ge ‘ǂguin di ǁorena nî tani.’ Jesub ge nēsa ge dī, xoremarib ase ǁîb ûiba mās ǃnâ-ū. (Jes. 53:8, 9, 12; Mat. 20:28; Rom. 5:8) Jesub di ǁōb, ǁkhōs tsî khâis tsîn ge ǃgâi ǃâubasensa ra mā da. Î da ǁōb tsî ǁorena xu ǀûbahe. Tsî sida di ǀnamǀnamsa khoena da ǁkhawa nî mûsa, khâin ga ra o. w20.12 2-3 ¶4-6; 5 ¶11

Apostel Paulub ge Jodeǁîn di sinagogegu ǃnâ hoaǁae gere aoǁnâ. Tesalonikab di sinagogegu ǃnâb ge aiǁgause, ‘ǃnona sâtsēde [Jodeǁîna gere] dîǃnâ, xoade xu.’ (ǃNǃkh. 17:1, 2) Paulub ge ǀnîsi sâsase nē sinagogegu ǃnâ gere tsâ. ǁÎb ge Jodeǁîn ǂgoms ǃnâ ge kaikhâi. (ǃNǃkh. 26:4, 5) Paulub ge Jodeǁîna gere ǁnâuǃā. Nēs ǃaromab ge ǂgomǃgâsib ǀkha ǁîna ge aoǁnâba ǁkhā i. (Fil. 3:5) Mâǃoa-aon xa ǁgarihe hâseb ge Pauluba Tesalonikas tsî ǁnāpaxū Bereasa xu ǃkhoe tsî Atenes ǃnâ ge sī. Tsîb ge ǁkhāba “sinagogeb ǃnâ Jodeǁîn tsî eloǃaoǃgâxan ǀkha gere dîǃnâgu.” (ǃNǃkh. 17:17) ǁAmaxū ǁgaugu dawab da aoǁnâ hînab ge Pauluba ge mûǂan nē ǃgâ-aon tanisen ǀgaub a ǀkharasa. Nē khoen ǁaegun ge ǀgapi ǂansa ūhâ khoen tsî ǀūbeǁaes khoen tsîna ge hâ i hîna Paulub haisi amasa “ǀasa ǁkhāǁkhā-ai-i” ase gere mûna. ǁÎn ge ǁîba ǃoa ge mî: “Ama ǃhao xūnats kom go ǁnâu kai” da o.—ǃNǃkh. 17:18-20. w20.04 9 ¶5-6

Tā xū-o du a ti ǂâi re ǂkhabusasi i ǀkhā du ga ǃgomsiba ga ūhâ o. ǂÂis ǃnâ du ūhâ re hoada ra dīsa ǃkhais ǃaroma da ge. Anu tama da hâ ǀkhomxaǂgaosib Jehovab tiba ǂhâ hâ xoremarib ǃnâ-ū. (Efe. 1:7; 1Jhn. 4:10) Tsî sida di ǃgâsana ǃoa da ge a ī ǁkhā, în ǂkhâǃnâ da. Sida ǀhaohâb ǃnâ hâ ǃgâsan ge nî ǂkhâǃnâ da. ǃHoa ǂgao da ga ra o, on ge ǁîna sida ǃgâ tsî nî ǂkhâǃnâ. (ǂKhm. 12:25; 1Tes. 5:14) Nigeriab ǃnâ hâ ǃgâsas Joy ti ǀon hâs ge ǃgôaǁnâsens ǃgomsiba ge ūhâ i. ǁÎs ge ra mî: “Ti ǃgâsan ōse nētsē mapa ta ga hâ hâ? Ti ǃgâsan ta māte ǂkhâǃnâs ge ra ǁgau, Jehovab ti ǀgorede ra ǁnâu-am ǃkhaisa. ǁÎna xū ta ge ge ǁkhāǁkhāsen mati ta nau khoena nî ǂkhâǃnâsa.” ǂÂis ǃnâ da ge nî ūhâ sida ǃgâsan ǀnîsi hoaǁae sida ǂkhâǃnâsa ǂhâ hâ ǃkhaisa ǂan tidesa. ǁNā-amaga da ge sida ǀkhaba sī-ū tsî sida ǃgâsan ǀkhā nî ǃhoa tsî ǁî-e nî mîba huiba da ǂhâ hâsa. w20.12 23-24 ¶7-8

ǀHao-ū da ra khoe-i ǀkha ǃgâi ǀhōsagusisa kurus ǃaroma da ge ǁî-i ǀkha ǁaeba nî ūhâ. ǁGamǀhaode du ga ǂâi tsî du ra tsâ ǀgaub xa ūhâ o, o du ge ǀgū ǀhōsagusisa ra om. Xawe Jesub ǀkha ǃgâi ǀhōsagusisa oms dawa i ra ǀkhī o, o da ge ǃgomsina ra hōǃâ. ǀGui ǃgomsib hîna hâb ge Jesuba da ge aitsama mû tama hâ. Apostelgu ǁaeb ǃnâ ge ûi hâ i Xristeǁîn tsîn ge Jesuba ge mû tama hâ i. Xaweb ge apostel Petruba ge mî: “ǁÎba du mû tama xawe du ǀnam hâb; ǁîb ǃnâ du nēsis kōse du mû bi tama hâ xawe ǂgom hâse ra dâba.” (1Pet. 1:8) Nēs ǃaroma i ge a īǁkhā Jesub ǀkha da ǃgâi ǀhōsagusisa a om ǁkhā ǃgaisa mû bi tama da hâ xawe. Jesub ǀkha da ge a ǃhoa ǁoa. ǀGore da ra ǁaeb ai da ge sida ǂâide Jehovaba ra mîba. Jesub ǀons ǃnâ da ra ǀgore xawe da ge ǁîb ǀkha ǃhoa tama hâ. Jesub ǂûb ge ǁîb ǃoa da nî ǀgoresa ǂgao tama hâ. Tae-i ǃaroma? ǀGores ǃnâ-ū da ge ra ǃoaba tsî Jehovab ǀguib ge ǃoabahesa anu hâ. (Mat. 4:10) ǁNāti i ga i xawe da ge Jesuba da ūba hâ ǀnamma a ǁgau ǁkhā. w20.04 20 ¶1-3

Greece ǃnâ gere ǀhuruhe gamedi ǃnâ gere ǁhao khoen ge tsausasib tsî tsûs ǃgomsin tsîna gere hōǃâ. Xawen ge ǁîn di aiǂhomisens tsî ǀgaib ai nî ǂgomaiǂnûi ge is ge. Sada ge nē ǃkhoe-aon khami i, ǃkhoeǀhûgus amsi da ra aiǂhomihe amaga. Xawe da ge ǃgâi xū-e ǃhūbaib di ǃkhoe-aon xa ūhâ. Sada ge ǀgaiba Jehovaba xu a hō ǁkhā. Jehovab ai da ga ǂgomaiǂnûi o, ob ge aiǂhomi tab nî di ǀgui mî tama hâ xaweb nî ǀgaiǀgai da dis tsîna ra mî. Apostel Paulub ge ǂgui ǃgomsina gere hōǃâ. Mî ǁgaiǁgaihe, mâǃoahe tsîb ge ǁaen ai gere ǂkhabuǂâi tsî “ǀā ǁkhū-e ti ǁgans ǃnâ” tib gere mî tsûba gere hôǃâ. (2Kor. 12:7) Xawe nē ǃgomsina Jehovaba nî ǃoaba ǀû kai bi ǃgomsin ase mûs xab ge. Nē ǃgomsin ǃnâ Jehovab ai gere ǂgomaiǂnûi. (2Kor. 12:9, 10) Nē mûǂui ǀgaubab ge Pauluba ūhâ i ǃkhais ǃaromab ge Jehovaba nē ǃgomsin ǃnâ ge hui bi. w20.04 29 ¶13-14

Jehovab, Jesub tsî ǀhomǃgāgu ǀkha “sîsenǀhao-aose” is aiǂhanuba da ge ūhâ. (2Kor. 6:1) Nēs ǃnâ da ge aoǁnâ sîsen-e da ra dī ǁaeb hoaba ra ǁhao. Paulub ge ǁîb tsî naun ǁîb ǀkha aoǁnâ sîsenni ǃnâ gere ǁhaon xa ge mî: “Elob di ǀhaosîsenao” da ge. (1Kor. 3:9) Xristeǁî aoǁnâ sîsenni ǃnâ da ga ǁhao o, o da ge Jesub ǀkhas tsîna ra sîsen ǀhao. Jesub ge ǁîb saosabenab ge “hoa ǁaede ǁkhāǁkhāsabedī” ti mîbas khaoǃgâ ge mî tita ge sadu “ǀkha nîra hâ.” (Mat. 28:19, 20) O ǀhomǃgāgu? “ǀAmo ǃgâiǂhôasa . . . ǁnān, ǃhūbaib ai ǁan hâna” da ra aoǁnâba hîna ǀhomǃgāgu xa ǂkhâǃnâhesa da ge kaise ra ǃgôaǃgâ. (J.ǂHa. 14:6) ǀHomma xu da ra hō ǂkhâǃnâsa tae-e ra īǁkhā kai? Gaosib haisi amsa da ra aoǁnâ hîna di ge ǀnî ǃkhōmde ǃgâi ǂgaogu ai ǁnā tsî ra kai. (Mat. 13:18, 23) Ham-e ǁnā ǃkhōmde kai tsî ra ǂûtani kai? Jesub ge nētsēs xoas ǃnâ nēsa ra mîǃā. w20.05 30 ¶14-15

Miliundi ǃgammegu ge ge ǀgora. Omaris ǁanin hîna ǀguiba ra hân. Tsîn ge ǃgâise ǂangu tama hâ. “ǁGûn tsî ǀgôan hoan ge ǁîn di tabletan. Komputeran tsî gamedi ai ǀgui ra ǂnû.” Tib ge ǀnî khoeb hîna omaride ra huiba ra mî. “ǀGui oms ǃnân ga hâ xawes ge, nē omarisa a ǀūgu.” ǂGui khoen nē ǃhūbaib ǃnâ. ǀNamoǃnâ khami da ge ī ǂgao tama. ǁGūtsâ da ge nî î da sida omaris ǁanin. Tsî sida di ǀhaohâb ǃgâsan tsîna ǀgaisase ǀnam. (Rom. 12:10) ǀGaisa ǀnamma a tae? Nēb ge ǀnammi hînan ǀgū omaris ǁanina ūhâba gu hâba. ǁNāti ī ǀnamma da ge. Sida di Xristeǁî ǃgasan hîna. Sida gagasi omarisa ra kuruǂuina nî ūhâba. O da ge hoada, ǀguiba Jehovaba. ǂKhîb ǃnâ a ǃoaba ǁkhā.—Mix. 2:12. w21.01 20 ¶1-2

ǂGamǂgamsen ǀhuru-i ǃnâ ra ǀguiba ǀhuru tsî ra sîsenǀhao khoen ge nî dan. Xawe sîsenǀhao taman ge dan tide. Sada ǂgaob ge sîsenǀhao ra ǀhuru-aon khami a īǁkhā. Turagu tsî tsâsigu tsîn ge Jehovaba ǀguiba ǃoabas ǃnâ a ǃgaeǀhaosa. ǂÂis ǃnâ ūhâ re Satanni ge sada ǂgaoga ra ǀgora ǂgao. ǁÎb ge ǂhāba hâ is sada ǂâis, turagu tsî tsâsigu tsîna. Tā sîsenǀhao tsî Jehovab ǁgaraga sao. Xawe da ge sada ǂgaob nî ǀguiǀguisa ǃkhaisa ǂhāba hâ. Jehovaba ǃoabas ǃaroma. (Mat. 22:36-38) Tā Satanna mā-am re îb sadu ǂgaoga ǀgora. Davib ge dī khami Jehovab ǃoa ǀgore re: “ǀGuiǀgui re ti ǂgaoba, î ta sa ǀonsa ǃao.” Tsî hoa xūna dī re nē ǀgores ǃoagu ûisa. Mâ tsēs hoasa mîǁgui re sadu mîǁguigu ǂkhariron tsî kain hoan ǃnâ du. Jehovab ǀonsa ǃaoǃgoâsiba ūba hâsa. Nēsa da ga Jehovab di ǀHûǀguitimî-aon di ǀgui i ase dī o. O da ge Jehovab ǀonsa ǀgapise ra tani. (ǂKhm. 27:11) O da ge hoada Mixab ǀkha a mî ǁkhā: “Xawe sida ge nîra ǃgû ǃKhūb sida Elob di ǀons ǃnâ ǀamose tsî hugaǀgui.”—Mix. 4:5. w20.06 13 ¶17-18

ǀApas di gaob tsî ǃhūbaib ǂhanugu tsîn ga Elob khoena ǁnāǂam o. Ob ge Eloba nî ǁaixa tsîb ge Armagedons toroba nî tsoatsoa. (J.ǂHa. 16:14, 16) ǀApas gaob tsî nau ǁaedi hîna Gogi, ǃhūb Magoga ra kuruǂuidi ge nî hîkākāhe tsîb ge “hui-ao-i xare-e ūhâ tide.” (Dan. 11:45) Sao ra xoaǀgoras ge nēs ai ǃnāsa ǃgāsasiba ra mâ. Matib ǀapas di gaob tsî ǁîba ra ǂkhâǃnâ khoen tsîna nî hîkākāhe ǀgausa ra ǁgauba. (Dan. 12:1) Nē xoaǀgorasa tae-e ra ǂâibasen? Mixaeli ge ǀnî hâ ǀonsa sada Goa-aob Xristub Jesub disa. ǁÎb ge ǁaes “dina” ra ǂnûǁkhaeba 1914ǁî kurib ge ǀhomsi Gaosiba a tsoatsoasa xu. ǀGūǁaeb ge “nîra khâi” tsî Armagedons tawa Elob khākhoena nî hîkākā. Nē ǁnāǂams ge nî ǀuniga ǁnāǂam i hînab Daniela “ǂōǂōsib” ǁaeb dira ǂgâiba.—J.ǂHa. 6:2; 7:14. w20.05 15-16 ¶15-17

ǃGāb ge i tsîb ge ēga ǃkhōsisa ǃoa a ī ǁaeb ǃnâb ge Josefa xū-e ge dī ǁoa i ǁîb mâsiga nî dawa-e. Tae-e ge huibi îb ǃgâi mûǂuiba ūhâ? Dī ǁoab a xūn xa ǂâi tama i tsîb ge ǁîba mā-eb ge sîsenni ai ǂâisa ge ǂnûi. Josefi ge, Jehovaba ǁîb ûib ǃnâ ǂgurose gere mâi. ǁNā-amagab ge Jehovaba Josefa ge ǀkhae. (Gen. 39:21-23) ǂÂiǂâiǃnâ da nē ǃhūbaib a ǁgai ǃkhaisa. Tsîn khoena ǃgâi tamase nî hâ-ū da ǃkhaisa. ǃGâsa-i tsîn ge a tsûtsûda ǁkhā. Jehovaba da ga sida di ǀuib tamas ka io sâuǃkhaib ase a mû o, o da ge ǂkhabuǂâi tsî ǁîba ǃoaba ǀû tide. (Psa. 62:6, 7; 1Pet. 5:10) ǂÂi oa du re Josefi ge 17 kurixas ǀguisa ge ī i, Jehovab ge ǁîba nē ǁkhapode a mā o. ǁNās ge ra ǁgau Jehovab ǂgomǃgâsiba ǂkhamǃoaba-aon ǃnâs tsîna ūhâsa. Nētsē i ge ǂgui ǂkhamkhoena Josefi khami ī. ǁKhā ǂgomǃgâsiban ge Jehovab ǃnâ ūhâ. ǀNîn ge ǃkhōsis ǃnâ ūhe hâ Jehovaba ǁnâuǀnamsan a ǀû ǁoa amaga.—Psa. 110:3. w20.12 16 ¶3; 17 ¶5, 7

Apostel Petrub tsî Johaneb tsîkha ge Jesub di saosabekha a ǃkhais ams ai kha gere ǃgôaǃgônhe o ǁnāsa aiǂhanub ase gere mû. Jesub saosaben ge taoban nî ǃaromahe ge ūhâ tama hâ i. (ǃNǃkh. 4:18-21; 5:27-29, 41, 42) ǁNā ǃgamǃgamsenxa Xristeǁîn ge khoen xan ge ǃgôahe tama hâ i xawe khoena kaise gere hui. Aiǁgause, Elobmîs ǂkhanidi ǁnā Xristeǁîn ge xoa di ge nētsēs kōse miliundi khoena ra hui tsî ǁnān gere ǂkhâǃnâ Gaosib ge ǀhommi ǃnâ ra ǂgaeǂgui tsî ǀgūǁaeb ǃnâ ǃhūbaib ǂhawase nî ǂgaeǂgui. (Mat. 24:14) Xawe ǁnā Romeǁî ǂgaeǂguis hîna ge Xristeǁîna a ǃgôaǃgons ge nētsē a ǀkhai. ǁNās ǂam-ai i ge ǁnā Xristeǁîna nētsē gao-aogu ase ǀhommi ǃnâ ra ǂgaeǂgui. ǁÎna gere mâǃoa khoen ge ǁō hâ. Tsîn ga ǀnîsi khâisa māhe o, on ge ǁnān gere ǃgôaǃgon khoen xa nî ǂgaeǂguihe.—J.ǂHa. 5:10. w20.07 15 ¶4

Abrahammi ge kai ǂgomsa Elob di mîmaidi ǃnâ ge ūhâ-i tsî i ge ǂkhauhesab. Tamas ka io Mesiab hîna nî Elob Gaosib di gao kaibab ra mû khami ge tsâ i. ǁNā-amagab ge Jesuba Jodeǁîna ǃoa ge mî: “Abrahammi sadu îb ge ǃgâiaǂgao ge hâ i, ti tsēsab nî mûs ǂama; tsîb ge mû si, tsî ge ǃgâiaǂgao.” (Jhn. 8:56) Abrahammi ge ge ǂan i ǁîb surib nî Jehovab di ǂkhâǃnâsa ūhâ gaosiba nî kuruǂuisa. Tsîb ge ǁîba ǂgaob hoab ǀkha ge ǃâu hâ-i Jehovab nē mîmâisa nî dīǀoaǀoasa. Abrahamma mati ge ǁgau nē ǃās tamas ka io Gaosib hîna Elob xa kuruhe hâbab ǃâu hâsa? ǂGuroseb ge Abrahamma ǃhūbaib ai hâ gaosigu di ǁani tama ge hâ i. Abrahammi ge gere doemâ tsî ǃhūbaib di gaoga ge ǂkhâǃnâ tama hâ i. ǁNās xōǀkhāb ge Abrahamma ǁîb di gaosi-e ge ǂnubi tama hâ i. ǁÎb ge Jehovaba gere ǁnâuǀnam tsî ge ǃâu îb ǁÎb mîmaide dīǀoaǀoa. Nēsa dīs ǃnâ-ūb ge Abrahamma ge ǁgau ǁîb ǂoaǂamsa ǂgomsa Jehovab ǃnâ ūhâsa. w20.08 3 ¶4-5

Jehovab ge ra mîmâi Xristub ǂgaeǂguis ǃnāka i khoe-e “tita ge ǀaesen hâ” ti mî tidesa. (Jes. 33:24) ǁNā-amaga i ge ǁōba xu khâisa ra māhe khoena ǂuru sorode nî ūhâ, xawen ge ǁîna ǁnā ǁaeb ai ǀoasa kurusa ūhâ tide. ǀOasa kurusan ga ūhâ o, on ge ǁîn di omaris ǁanin tsî ǁîn ǀhōsan tsîna ǁîna mûǃā tide. Xristub di ǀoadisi kurigu di ǂgaeǂguis ǃnāka i hoa khoena ǂaub ǀkha ǀoasa kurusa nî hō khami i ge ra mûsen. ǀOadisi kurigu khaoǃgâ ǀguib ge Jesuba Gaosiba ǁîb ǁGûba nî mā-oa. ǁNā ǁaeb aib ge Gaosiba khoena ǀoasa kurusa mā tsî nau xūn hoan hînab ge Jehovaba ǂâibasen hâ i na nî dīǀoaǀoa. (1Kor. 15:24-28; J.ǂHa. 20:1-3) ǂÂis ǀguisa hî re mati du ni tsâsa sadu ǀnamsabena du ga ǁkhāba a mû-o. ǂKhîb xa du ǀnîsi nî âi tamas ka io du nî ā? Dâb xa ǀoahâse du Jehovaba koa tsîra karese nî ǁnae? ǂAn da ge a sida ǀnamxaǃnâ ǁgûb tsî ǁîb ǀGôab tsîna da kaise nî ǀnam ǃkhaisa. ǁÎkha ge khâisa a ī ǁkhā kai xui-ao. w20.08 16-17 ¶9-10

Apostel Paulub ge Xristeǁîna gere ǂkhâǃnâ în ǃgamme tamase Jehovaba ǃoabasa ǂâiǃgâ. (1Kor. 7:8, 9) Amaseb ge Pauluba ǃgamme tama Xristeǁîna ge ǃgôaǁnâ tama hâ i. ǂKham khoeb Timoteub hîna ǃgamme tama hâbab ge Jehovab ǃoabas ǃnâ ǂhâǂhâsa xūna a dī kais ge nēsa ra ǃgāsa kai. (Fil. 2:19-22) ǁNā-amaga i ge ǃgâsaba ǃgammeb hâ tamas ka io ǃgamme tamab hâ ǃkhais ai ǀgui kō tsî ǁgaumâisa ǂhanu tama hâ. (1Kor. 7:32-35, 38) Jesub tsî Paulub tsîkha ge Xristeǁî-i nî ǃgamme, tamas ka io ǃgamme tamase nî hâ ti ge mî tama hâ i. O tae-e da ǃgammeb tsî ǃgamme tamase hâs xa a mî ǁkhā? ǂGuro Oktoberi, 2012ǁî kurib di The Watchtower ǂkhanib ge nē dîsa ǃamkuse ra ǃeream. ǁNāpa i ge ra mî: “Amabes ǃnâ [ǃgamme tsî ǃgamme tama is tsîra] hoara ge Eloba xu hâ ǀkhae. . . . Jehovab ge [ǃgamme taman hâ] amagan khoena nî tao tamas ka io ǁgaise nî tsâ ǃkhaisa ǂgao tama hâ.” Nēsa ǂâis ǃnâ ūhâse da ge ǀhaohâb ǃnâ hâ khoen hîna ǃgamme tama hâna nî ǃgôa. w20.08 28 ¶8-9

ǀNî ǃhūgu ǃnân ge khoena ǃgâiǂhôasan ga ra ǁnâu o ǃnāsase ra ǂan ǂgao. Nē ǃgâiǂhôasan ge ge ǃâu hâ-i. Nau ǃhūgu ǃnân ge khoena Elob tamas ka io Elobmîs ǃnâ ǃgâiǃgâibasen-e ūhâ tama hâ. Sadu ra hâ-ban khoena ǃgâiǂhôasan ga ǁnâu o, mati ra tanisen? Mati ǀguin ga khoena a tanisen xaweb ge Jehovaba ra ǂhâba îda aoǁnâ sîsen-i ǀkha aiǃgû, ǁîb toa i ge go di nî mîs kōse. Jehovab ge ǀnai ge mîǁgui nē aoǁnâ sîsen-i mâ ǁae nî toasa tsî ǁnā ǁaeb ais ge “ǀamsa nîra hā.” (Mat. 24:14) Jesub ge ǁîb ǁkhāǁkhāsabega ge mîba, khoen mati nî ī ǃkhaisa tsî tae-i ǀuni tsēdi ǃnâ nî ī sa. ǁÎb ge ge ǂan i nē xūn ǁîb di sao-aona aoǁnâ sîsen-i ǃnâ nî ǂhanisa. Tsîb ge ǁîga ge mîba îgu ‘ǂkhaikari hâ.’ (Mat. 24:42) Noaxi tsēdi ǃnâ i ge ǂgui xūna gere ī hîna ge khoena gere ǂhanina în tā ǃgâiǂhôasa ǃgâ. ǁKhā mâsib ge sida di tsēdi ǃnâs tsîna hâ. (Mat. 24:37-39; 2Pet. 2:5) ǁNā-amaga da ge Jehovab ge māda sîsen-i ai ǂâisa ra ǂnûi ǂgao. w20.09 8 ¶1-2, 4

ǁGâuab ge “kai ǁaiba ūhâ” tsîda ge a ǃâubasen ǁoa, ǁîb xa ra ǃaromahe mâsiba xu da nî ǃkhoebēsa. (J.ǂHa. 12:12) ǀGūǁae i ge hoada ǂgomsa nî ǃâitsâhe. ǀAe i ge “kai tsūǀkhāga nîra hâ, ǃhūbaib di tsoatsoasa xu nēsis kōse ge ī tama hâ iga.” (Mat. 24:21) ǁNā ǁaeb ai-i ge sida omaris ǁanina nî māǃoada tsîb ge ǂhanuba sida aoǁnâ sîsen-e nî ǂkhā. (Mat. 10:35, 36) Gao-aob Asab khami da Jehovab ǃnâ nî ǂgomǃgâ ǁîb xa hui-e tsî sâuhes ǃgao? (2Kro. 14:10) Jehovab ge nēsi ra aiǂhomi da i da sida ǂgomsa ǀgaiǀgai. ǁÎb ge ‘ǂgomǂgomsa tsî gā-ai ǃgāba’ ra sîsen-ūse “ǁaeb ai” ra ǂûmā da îda ǀgaisase hâ. (Mat. 24:45) Xawe da ge sida ǀkhāba hau tsî ǁnobeǁoasa ǂgomsa Jehovab ǃnâ nî omkhâi.—Heb. 10:38, 39. w20.09 18 ¶16-18

ǁÎb ǂâis ga ra o, ob ge Jehovaba ǁîb ǀgaiba ra sîsen-ū în khoen hîna ǃkharode ūhâna ǁîb ra ǂhâba xū-e dī. Khoen ge ǃāroba ǂhâban ra ǀkhaba ǃoa i nî ǃkhoese a kuru ǁkhā. ǁNās ǁkhās khamib ge Jehovab tsîna ǁîb ǃanu gagaba a sîsen-ū ǁkhā tsî ǂgaeǂgui ra khoena ǁîb ra ǂhâba xūna a dī kai ǁkhā. ǁNās ga ra ī on ge ǂgaeǂgui ra khoena ra ǂkhâǃnâhe în Jehovab a ǃgâibahe mîǁguiga dī. (Esrab 7:21, 25, 26 sa ǀgopeǀnō re.) Tae-e da a dī ǁkhā? “Gao-aogu tsî ǀgapise mâgu hoagu ǃaroma” da ge nî ǀgore. ǁÎgu ga sida di Xristeǁî ûib tsî aoǁnâ sîsenni ǃgao ga ra mîǁguiga dī o. (1Tim. 2:1, 2; Neh. 1:11) ǂGurokam ǁaeb Xristeǁîn ge dī khami da ge sida tsîna sida di ǃgâsana ra ǀgoreba hîna tronkhedi ǃnâ ǂnôana.—ǃNǃkh. 12:5; Heb. 13:3. w20.11 15 ¶13-14

Nē go ǀasase ǁāǁnâhe khoe-i ǀkha du ga ǁkhāǁkhāsen hâ o, o du ge kaise ra ǃgâiaǂgao, ǁî-i go ǁāǁnâhe ǃkhais ǃgao. (1Tes. 2:19, 20) ǀAsase ǁāǁnâhe hâ khoe-i ge ǀasa ‘ǂkhani-i’ ase ī. ǁÎ-i ǀkha goro Elobmîsa ǁkhāǁkhāsen khoe-i ǀgui-i ǃoas ose xawe hoa ǀhaohâba ǃoa. (2Kor. 3:1-3) ǃKharu go haka kurigu ǃnâ i ge 10 miliun khoena Elobmîsa goro ǁkhāǁkhāhe, ǃhūbaib ǂhawase. ǁNā haka kurigu ǃnân ge 280 000 khoena kurib hoaba gere ǁāǁnâhe. Tsî gere Jehovab di ǀHûǀguitimî-aon tsî Jesub di ǁkhāǁkhāsabe kai. Mati da, nē ǂgui khoen, ǁkhāǁkhā da rana ǁāǁnâs kōse a hui ǁkhā? Jehovab ge a ǃnūǃnâxa tsî khoena aiǂhanuba ra mā, în Jesub di ǁkhāǁkhāsabe kai. ǁNā-amaga da ge ǁîna ra hui, în ǃhaese ǁāǁnâs kōse sī. ǁAeb ra mâ toa amaga.—1Kor. 7:29; 1Pet. 4:7. w20.10 6 ¶1-2

Gao-aob Sauli ge Jehovaba ge ǁnâuǀnam tama hâ-i. Tsî kēbo-aob Samueli ge ǁîb di ǀnâuǀnamoǃnâsîb xa ǁîb ǀkha a ǃhoa, ob ge ǂanǃgâ tama ge i tsūxū-eb ge dīsa. Xaweb ge ǁîb di ǁnâuǀnamoǃnâsiba ǂkhariǂkhari tsî gere mî, kai xū-eb dī tama tsîb ge khoen xa a ǁgarihe di. (1Sam. 15:13-24) ǀNaib ge Saula ǁnāti ī xū-e ge dī hâ-i. (1Sam. 13:10-14) Sauli ge ǁîb di ǂgaoba ge mā-am îb ǀgapiǂâixa. ǁÎb di ǂâiǀgaubab ge ge ǃgâiǃgâi tama hâ-i. ǁNā-amagab ge Jehovaba ge ǁnamabi tsî ūǃoabi tama ge hâ-i. Sauli khami da ge ī ǂgao tama hâ. ǁNā-amaga da ge saora dîde nî dîsen: ‘Elobmîsa xu hâ ǀapemāsa ta ga ra khomai o, o da ǀkhara ǃaromade ra ôa, dī ta go xū-e mûǃkharus ǃgao? Tita ra dī xūn ge kaise ǁgâi tama di ta ra ǂâi? Nau khoena ta tita ra dī xūn ǃgao ra ǂgā-am?’ Nē dîde da ga, î di ga ra ǃeream o, o da ge sida di ǂâiǀgauba nî dawa. Nēsa da ga dī tama ga ra io, o da ge nî ǀgapiǂâixa tsîb ge Jehovaba ǁîb ǀhōsa-i ase ūǃoa da tide. w20.11 20 ¶4-5

ǂKhamkhoedo, ham-e du nî ǃoabasa ǁhûibasen re. Jehovab a hamsa du ge aitsamasa xu nî ǂgom. ǁÎb di ǂâis a taes, tsî ǁîb di ǂâisa du sadu di ûib ǃnâ mati nî dīs tsîna. (Rom. 12:2) O du ge ǂhâǂhâsa mîǁguiba sadu di ûib ǃnâ nî dī. Jehovaba ǃoabasa. (Jos. 24:15) Tsēs hoasa du ga Elobmîsa ga ra khomai o, tsî ga ra ǁkhāǁkhāsen o. O i ge Jehovaba du ūba hâ ǀnamma nî kai. Tsî i ge sadu ǂgoms ǁîb ǃnâ du ūhâsa nî ǀgaiǀgâihe. Jehovab di ǂâisa ǂgurose sadu ûib ǃnâ mâi re. Nē ǃhūbaib ge ra mî, sa ǁkhasibats ga sa ǃgâib ǃoagu sîsen-ū o, ots ge ǂkhîba nî ūhâ. Xawe da ge a ǂan ǃkhūsiba ra ôa khoen ge ‘ǂgui tsûn ǀkha ra ǃkhāǃganusen.’ (1Tim. 6:9, 10) Xawe du ga Jehovaba ǃgâ tsî ǁîb ǂâisa ǂgurose sadu ûib ǃnâ a mâi o, du ge ǃgâi ûiba nî ūhâ tsî “ǁnâuǃāxase nî” tanisen.—Jos. 1:8. w20.10 30-31 ¶17-18

ǂGurokam Xristeǁîn ǁaeb, ǃnâ i ge Jesub gere aoǁnâ haisi-amsa khoena ǃâubasensa gere mā. ǁÎb sao-aogab ge ge mîmā i gu ǁîb ge tsoatsoa sîsen-e “ǃhūbaib di ǀams kōse.” (ǃNǃkh. 1:8) Ama i ge, nē sîsen-e gu ge ǁîgu di ǀgaib ǀkha dīho tite. ǁÎb di ǃanu gagaba gu ge ǂhâ hâ. ǁNā hui ǃnâ ra ‘ǃanu gagabab’ ge Jesuba ge mîmâiba gu. (Jhn. 14:26; Sax. 4:6) Jesub di sao-aogu ge pinkstertsēs ai 33ǁî kuri, ǃanu gagaba ge hō. ǃAnu gagab huib ǀkha gu ge ge aoǁnâ tsoatsoa. Tsî i ge ǃnubu ǁaeb ǃnâ ǂgui khoena nē ǃgâiǂhoâsa ge ūǃoa. (ǃNǃkh. 2:41; 4:4) Mâǃoa-e gu gere xawe gu ge ǁkhāǁkhāsabega ǃao tsî ge aoǁnâ ǀû tama hâ-i. ǁÎgu ge Elob ai huiba gere oâ. Nēti gu ge ge ǀgore: ‘Sa ǃgāga mā, i gu ǂhauǃnâsib hoab ǀkha sa mîsa ǃhoa.’ “On ge hoana ǃAnu Gagab xa ǀoa, tsî Elob mîsa ǁkhoaǂgaosib ǀkha gere ǃhoa.”—ǃNǃkh. 4:18-20, 29, 31. w20.10 21 ¶4-5

Mati io da ra ǂgom Jehovab ge Jesuba ûi-ûi ǃkhaisa? ǂGui khoen ge ge mû, Jesub ge a khâisa. Tsîn ge ǁnās xa khoena gere mîba. (1Kor. 15:5-7) ǂGuro khoeb nēsa ge mûb ge ge Petru i. ǁKhāǁkhāsabegu tsîn ge ge mî, Petrub ge Jesuba khâib hâs khaosi a mûsa. (Luk. 24:33, 34) Tsîb ge ra mî, “disiǀgamǀagu” tsîn ge Jesuba a mûsa. ‘ǁNās khaoǃgâb ge ǀgui ǃnās ai 500sa ǃnā hâ ǃgâsan xa ge mûhe.’ Nēs ge Galileab ǀhaos tawa ge ī Mateub 28:16-20 ǃoagu. “ǁNās khaoǃgâb ge Jakobub xa ge mûhe.” ǁÎb ge Jesub di ǃgâb hîna ge Jesub a Mesia ǃkhaisa ǂgom tama hâ iba. (Jhn. 7:5) Jesubab ge khâis khaoǃgâ a mû o, ob ge Jakobuba ge ǂgom. ǁAubexa, 55ǁî kurib ge Pauluba, ǁîb sîǂkhanide a xoa o. On ge ǂguin hîna ge Jesuba khâis khaoǃgâ a mûna ge ûitsama i. ǁNās ǀkhan ge nē ǃgâsan tsîna ga dî-e hâ. w20.12 3 ¶5, 7-8

ǃGâise da ga tsâ tama ga ra io, tamas ka io da ga gaxuse ǀaesen o, o i ge kaise a ǃgom ǃgâise ǂâisa. Jehovaba ǂgan re îb ǂkhâǃnâ du. Nēsi ǂgauǂgauda ǁoa, xaweb ge nî ǂkhâǃnâ da tsîb ge ǀgaiba nî māda î da sida mâsiba tani hō. (Psa. 94:19) Aiǁgauseb ge ǃgâsa-e a sîsen-ū ǁkhā i i omsa ǃanuba da. ǃGâsanab ge a ǂkhâǃnâ ǁkhā în sida ǀkhā ǀgore. Tamas ka iob ge a huida ǁkhā î da ǁkhaeǂgao da ra ǂâidi hîna da ge Elobmîs ǃnâ khomaide ǂâihō. Aiǁgause ǀoasa ûib, ǀaesen-i tsî tsū-i ose hâ ǀasa ǃhūbaib ǃnâ. (Rom. 15:4) Xawe da ge aoǁnâ sîsenni ǃnâ ǂhâba da hâna da a dīǁoa amaga a ǂkhabuǂâi ǁkhā. Laurel ti ǀon hâ ǃgâsas. Amerikab ǃnâ ra hâs ge 37 kuriga ǀoms ǀkha nî huisi masins ǃnâ ge ǁgoe-i. ǁÎs ge kankers, ǃhôadi tsî khōb di ǀaegu tsîna ge ūhâ-i. Xawe ǁîs ge ūhâ-i xūn ge ǁîsa aoǁnâ sîsen-e ge ǀû kai tama hâ-i. ǁÎs ge verpleegsterdi tsî ǁîsa ge hā gere ǀaeǃkhō khoena gere aoǁnâba. Tsîs ge noxoba 17 khoen hîna ge ǁîsa gere ǀaeǃkhōna ge hui în Jehovab xa ǁkhāǁkhāsen. w20.12 24 ¶9; 25 ¶12

Apostel Paulub ge huiba ge ǂhâ hâ-i. 56ǁÎ kuri i ge Jerusalems ǃnâ ge hâ-i khoena apostel Pauluba tempela xu ǃkharaǂui tsî gere ǃgam ǂgao. Saora tsēs aib ge ǀapeǀhaos tawa ge sī-ūhe tsî ge ǀkhauǃā-e ǁkhā. (ǃNǃkh. 21:30-32; 22:30; 23:6-10) ǁNā ǁaeb aib ge ǀnîsi gere ǂâi, ‘mati go gaixuse ta nē xū-e nî hōǃâ?’ Pauluba Jesub xa mati ge hui-e? Paulub ge ǃkhosis ǃnâ a ūhe ǃoes khaoǃgâb ge ‘ǃKhūb,’ Jesuba ǁîb ams ai mâ tsî ge mî: “ǃGâiǂâixa re, Paulutse, tita xats ge Jerusalems ǃnâ ǃkhō-am khamits ge ǁkhāti Romes tawa nîra ǃkhō-am.” (ǃNǃkh. 23:11) ǁNā mîmâis ge kaise Pauluba gere ǀgaiǀgai. Jesub ge Pauluba Jerusalems ǃnâb gere aoǁnâ ǃkhais ǃgao ge koa. Tsîb ge ǁîba ge mîmâiba Romes ǃnâb ǃnorasase nî sī ǃkhaisa, tsîb ǁnapas tsîna sī nî aoǁnâsa. ǁNā mîmâis khaosib ge Pauluba ǀgôa-i hîna dadasab di ǁôagu ǃnâ ǃnorasase ra tsâ i khama gere tsâ. w20.11 12 ¶1, 3; 13 ¶4

Elob Gaosib ǃnâ da ūhâ ǃâubasens ge sida “ǀoms di ǃkhōmâixūse” ī. Nēs ge ra huida i da ǃgom mâsin ǃnâ da ga hâ tsî ǂkhabuǂâi xawe ǃnomsase hâ ǁkhā. ǂÂi re hānîǁaeb hînab Jehovaba mîmai hâb xa. ǁNā ǁae da ge ǁgai xūn xa ǂâi tide. (Jes. 65:17) Mûnanaisen re, ǃhūbaib hîna ǂkhîb xa ǀoa hâb ǃnâ. ǃGomsi-i tātsē ǁkhawa hâ tideb ǃnâ. (Mix. 4:4) Sadu ūhâ ǃâubasensa du ga nau khoen ǀkha ǀgoragu o. O du ge ǁnā ǃâubasensa ra ǀgaiǀgai. Dī ǁkhā du an hoana aoǁnâ sîseni. Tsî khoena ǁkhāǁkhās ǃnâ dī re. Ti du ga dī o, o du ge “ǃâubasensa ǀoa hâse ǀunis kōse nî sâu.” (Heb. 6:11) Nē ǃhūbaib di ǀams ta ǀgū khami da ge. ǃGomsin hîna ǂâiǂhansen kai da ra na nî hōǃâ. Xawe da ge sida di ǃgomsina sîsenǂam tsî ǃnomsase hâ ǁkhā. Tsî sida di ǁkhāsib ai ǂgomaiǂnûi tama i tsî Jehovab ai nî ǂgomaiǂnûi. A da ǁgau re Jehovab di mîmâis hîna. “ǃNomsase hâs tsî ǂgomaiǂnûis tsîra ge nî ǀgai kai da” ti hâsa da ra ǂgomǃgâsa.—Jes. 30:15. w21.01 7 ¶17-18

Jakobub 5:11 ǃnâ da ge ra mû. Jehovab di ǀnammi ǀkhomxaǂgaosib ǀkha ra ǂgaiǀhaohe ǃkhaisa. Nē ǀgaub tsîn ge sida ǁîba ǃoa ra ǂgae. (Eks. 34:6) ǀGui ǀgaub Jehovab ǀkhomxaǂgaosiba ra ǁgaudab ge. Sida dīsān ǃaroma ǀûba dasa. (Psa. 51:1) Elobmîs ǃnâ i ǀkhomxas xa ra ǃhoahe o. O i ge khoe-e ǀûbas xa ǀgui ǃhoahe tama hâ. ǀKhomxaǂgaosib ge khoe-i ǂganagaba xu hâ. Tsî i ge khoe-i hîna. Huiba ǂhâ hâ-e i ga mû o, o ra hui ǂgao. Jehovab ge ra mî ǁîb ra hui ǂgao ob ra tsâ. ǀGaus ge mamasas ǁîs ôana ra hui ǂgaos xa a ǃnāsa. (Jes. 49:15) ǃGomsina da ga ūhâ o, ob ge. Jehovaba ǀkhom dab ra amaga ra huida. (Psa. 37:39; 1Kor. 10:13) Sida ǃgâsana da ge ǀkhomxaǂgaosiba a ǁgau ǁkhā. ǁÎna da ga ǀûba tsî ǁaixa ū tama io. (Efe. 4:32) Xawe ǀnîhâ ǀgaub hîna da sida ǃgâsana. ǀKhomxaǂgaosiba a ǁgau ǁkhās ge. ǁÎna ǂkhâǃnâsa ǃgoman ga hōǃgâ o. O da ge Jehovaba ra ǁgae. ǁÎb ge nau khoen hoan xa ǃnā hâ ǃgam ǀnamma ra ǁgau da.—Efe. 5:1. w21.01 21 ¶5

Omaris di danab ge ǂhanu. Tsî ǀnōsa ǀgauba nî ūhâ. ǁNāti kōseb ge tā ǀgaisase nî sîsen. Îb tā ǁîb omaris di gagasi ǂhâsiga ǀuru. Tsî ǁîna ǁkhāǁkhā. Jehovab ge ra ǁkhāǁkhā da sidab ra hui ǂgao amaga. (Heb. 12:7-9) ǁÎb ǁGûb khamib ge Jesuba ǁîb ǃnāka hâ khoena ǀnamxaǃnâ ǀgaub ǃnâ ra ǁkhāǁkhā. (Jhn. 15:14, 15) ǀGaisaseb ra ǁnama, xaweb ge a tsaura. (Mat. 20:24-28) ǀOasa kurusa da ūhâ tama tsî da ra dīsāsab ge ra ǁnâuǃā. (Mat. 26:41) Oms danab hîna Jehovab tsî Jesub tsîna ra sao ǂgaob ge nî ǂâihō ǁîb taras tsî ǀgôan ǀoasa tamasa. ǁÎb ge kaise ǁaixa tama hâ ǁîb taras tsî ǀgôan ǀkha. (Kol. 3:19) Xaweb ge Galateǁîn 6:1 ǃoagu “tsamtsiǃnâ” ǀgaub ǃnâ ǁîna nî hui-unu. Tsîb ge nî ǂâihō ǁîb tsîn xūna ra dīsāsa. ǃGâi aiǁgaus ǃnâ-ūb ge nî ǁkhāǁkhā Jesub khami. w21.02 6-7 ¶16-18

Xoremarib ǃnâ-ūb ge Jehovaba ǀhaohâb ǃnâ hâ khoen di ûiga ge ǁama. Tsî naun hîna Jesub ǃnâ ra ǂgoman di ûigu tsîna. (Mrk. 10:45; ǃNǃkh. 20:28; 1Kor. 15:21, 22) ǁNā-amaga i ge ge ǃgâi i. Jesuba ǀhaohâb danase ǁgaumâihesa. ǁÎb ûibab ge mā amaga. Sida di danab aseb ge Jesuba ǁgaraga a mā da ǁkhā. Hoa khoen ge nē ǁgaraga nî ǁnâuǀnam. Tsîb ge ǁîba nî kōǃgâ nē ǁgaragu nî ǁnâuǀnamhesa. (Gal. 6:2) Xawe Jesub ge ǁgaragu ǀguiga dī tama hâ. ǁÎb ge hoada ra tsâba tsî a ǀnam da. (Efe. 5:29) ǃGâsadi ge Xristuba ra ǁnâuǀnam, ǁîb ǁgaumâi hâ ǃgâsagu di ǁgaraga di ga sao o. ǃGâsagu ge danasisa ra ǃgôaǃgâ, ǁîgu ga ǃgâsade ǃgôa o. Hoan ga ǀhaohâb ǃnâ ǁnâuǃā tsî ǃgôaǃgâ o danasisa. Ob ge ǀhaohâba ǂkhîba ra ūhâ. ǁNās ǂam-ai i ge koasa sida di ǀhomsi ǁGûba ra mā. w21.02 18-19 ¶14-17

Saula xu ǃkhoe tsî gu Filiste ǃhūb ǃnâ hâ hîna i ge. Davib tsî ǁîb ǃkham-aoga ǁîgu taradi tsî ǀgôana ǁnāxu tsî ge ǃkhamǃgû. ǁÎgu a ǀkhai hîna i ge khākhoena ǀkhī tsî ǁîgu oman. Tsî ǁîgu di omarin tsîna ǃkhōsis ǃnâ ge ū. ǀNîsib ge Daviba ga ǂâi hâ ǂgui torogab ǃkham hâ ǃkhais ǃaromab aitsama ǀapena dī ǁkhā. Tsî ǁnā khoena sī a ūoa ǁkhāsa. Xaweb ge Daviba Jehovab ai huiba ge ǂan. Tsîb ge Jehovaba ge dî. “Nē ǂnubisa ǃgôaǃgon si ta nî.” Jehovab ge Daviba ge ǁgau dib nî dīsa tsîb ǁnā khoega nî dāsa. (1Sam. 30:7-10) Tae-e du nē xūna xu a ǁkhāǁkhāsen ǁkhā? Mîǁguiga du nî dīs aiǃgâ ǀapemāde ôa re. ǂKhamkhoedo, sado ma hara ai huiba ǂgan re. ǂAnsa ūhâ ǀhaohâb ǃûi-aogats ga dîs tsînants ge ǃgâi ǀapemāde nî hō. Jehovab ge nē ǁgaumâihe hâ ǃgâsaga ra ǂgomǃgâ. Tsî du ge sadu tsîna ǁîga a ǂgomǃgâ ǁkhā. Jehovab ge ǁîga ǀhaohâba ǀkhaeb ase ‘mā’ hâ. (Efe. 4:8) ǁÎgu ra mā ǀapemāde sao tsî du ga ǁîgu di ǂgomsa sao o. O du ge ǃgâi mîǁguiga nî dī. w21.03 4-5 ¶10-11

Jesub ge ge mî ǁkhāǁkhāsen da ra xūna ga ûiǂui tama io. O da ge aob hîna ǁîb di omsa. Tsaura ǃhūb ai ra ommi khami nî i. ǁÎb ge ǃgarise ra sîsen. Xawe-i ge huibi tama hâ. Tae-i ǃaroma? ǀGaisa ǂoab tsî ǀnanub ga hā o. O i ge omsa nî khôa tamas ka io dâubēhe. (Mat. 7:24-27) ǁNās ǁkhās khami da ga. ǁKhāǁkhāsen da ra xūna ǂâiǃgâ tama io. O da ge sida di ǁaeba ra ǁore. ǁNās ǀkha da ga ra ǃgomsina hōǃâ. Tsî ga ra mâǃoahe o. O i ge sida di ǂgomsa nî ǂkhabusa. Aiǁgause, ǁkhāǁkhāsen tsî da ga ûiǂui o. O da ge ǃgâi mîǁguiga ra dī. Tsî da ge ǃnāsa ǂkhîba hō. Tsî sida di ǂgoms ǃnâ ra ǀgai. (Jes. 48:17, 18) ǁGâiǀāgu ǃnâ sida di ǂgomǃgâsiba ǃkhōǀgaras ǃaroma da ge. Jehovab ai nî ǂgomaiǂnûi ǀgores ǃnâ. Tsî ǁnapaxu ǃgâi Elobmîs khomaisa nî dībasen. Tsî da ge hoaǁae nî ǂâi hō. Kaise ǂhâǂhâsa xū-i hîna da nî dī i ge Jehovab ǀons ai koasa ǀkhī-ūsa. ǂGomǃgâsiba da ge ūhâ ǁkhā Jehovab tātsēs tsîna ǁnaxu da tidesa. Tsî khoe-i tamas ka io xū-i a ǀkhaisa. ǁÎb sida ūba hâ ǀnamma nî ǁkhae-e.—Heb. 13:5, 6. w21.03 15 ¶6; 18 ¶20