Maj tikyekpiakan totanemililis

1. ¿Keniuj motokaytis ueyi nechikol tein uejkaua ome tonal itech xiujtekit 2013, uan keyej ijkon moixtalij?

¹ Jesús kinnextilij imomachtijkauan maj kitasojtakan Jiova ika nochi ininyolo, inintanejnekilis uan ika inintanemililis (Mat. 22:37, 38). Uejueyi nechikolmej itech nejin xiuit moixtalijkej kemej techpaleuis maj okachi moyektali keniuj titamatij. Kemej nankielnamikiskej, toueyi nechikol tein uejkaua eyi tonal motokaytia “Maj tikyekpiakan toyolo”. Ueyi nechikol tein uejkaua se tonal itech xiujtekit 2013 itokay “Maj tikyekpiakan totanemilil tein techixyekana”, uan tamachtilismej tein motemakaskej itech ueyi nechikol tein uejkaua ome tonal tein peuas itech okse metsti, itokay “Maj tikyekpiakan totanemililis”, mokixtia itech Mateo 22:37. Tamachtilismej tein motemakaskej techpaleuis maj tikyekitakan keniuj tein tiknemiliaj okachi uelis kiyolpaktis Jiova.

2. ¿Toni netajtanilmej monankiliskej itech ueyi nechikol?

² Toni timomachtiskej. Keman tiyetoskej itech ueyi nechikol monekis tiktemoskej itanankililuan nejin netajtanilmej, ta nejin yejuan tanemililmej tein tayekantokej:

• ¿Keniuj amo titanemiliskej kemej tanemiliaj taltikpakneminij?

• ¿Keniuj uelis tikinpaleuiskej taltikpakneminij maj kisa tein kemej yeskia kiixtsakua inintanemililis?

• ¿Keniuj moneki yeski totanemililis?

• ¿Toni tein kuali tikseliaj keman titanemiliaj ika nejmachkayot?

• ¿Keniuj uelis tikauaskej maj Jiova kiixyekana totanemililis?

• ¿Toni uelis kichiuaskej tetakauan, tesiuauan, tetatmej uan konemej tein tapaleuis maj okachi yolpakikan kemej kalyetouanij?

• Kemej tikchixtokej itonal Jiova, ¿keniuj moneki tinemiskej?

• ¿Toni kijtosneki se kichikauas se itanemililis itech tekit?

• ¿Toni tein kuali kiseliaj akin kichiuaj ijkon kemej momachtiaj?

3. ¿Keyej motelneki maj tiyakan nochi ome tonal, maj tiknejmachkakikan tamachtilismej uan maj tikchiuakan ijkon kemej timomachtiskej?

³ Satanás kineki kijtakos totanemililis uan kitemojtok keniuj kichiuas (2 Cor. 11:3). Yejua ika moneki tikyekpiaskej totanemililis, tikyekanaskej tein tiknemiliaj, titanemiliskej kemej tanemiliaya Cristo uan tikixtopeuaskej amo kuali tachiualismej tein onkak nikan taltikpak (1 Cor. 2:16). Maj timochikauakan tiyetoskej nochi ome tonal itech ueyi nechikol uan maj tiknejmachkakikan tamachtilismej tein ompa motemakaskej. Tikchiuaskej ijkon kemej timomachtiskej techpaleuis maj tikchikauakan totanemililis itech itekiyo Dios ika miak tanejnekilis (1 Ped. 1:13).