Tein mochiuani
◼ Australia. John, se takat akin kiselij ueyi nemachtil, keman okichpilok katka yaya tiopan; sayoj ke satepan mochiuak kemej yejua kijtoua, “se akin kiyekijtouaya ke amo nemi Dios”. Se tonal, se precursor kikauilij amaix ¿Es la vida obra de un Creador?, uan okse tonal, amaix El origen de la vida. Kemej kinekia kipaleuis maj kineki kimatis okachi, precursor mejmetstika kiuikiliaya revistas uan kinextiliaya tamachtilismej tein ika tajtouaj tachijchiualis oso tein Biblia achtook kijtojka. Keman kiitak ke ueliskia, kimakak amaix La Biblia... ¿la Palabra de Dios, o palabra del hombre? Satepan ke kiixtajtoltij, John peuak kijtoua ke moitaya kemej se akin “sayoj tepitsin kinemilia ke amo nemi Dios”. Satepan, precursor kinextilij amaix Tamachtia Biblia, página 20, párrafo 8, uan ompa kiitakej página 23 uan 24, párrafos 13 hasta 16. John kimoujkaitak textos tein ompa kiixtajtoltij uan kijtoj: “Xa monekis maj oksepa nikita tein kijtoua Biblia”.
◼ México. Se takat kiiluij se tanojnotskej ke amo kineltokaya maj Biblia yekmelauj iTajtol Dios. Tanojnotskej kiiluij ke kinextiliskia seki taman tein kinextia ke Biblia kipia itanemililuan Dios. Satepan ke miakpa monojnotskej, tein nejon takat kiixtajtoltiaya itech Biblia peuak ajsi itech iyolo. Uan tein Biblia tamachtia ika keniuj moneki se monejnemiltis semi kimoujkaitak. Yejua kiyekijtoj: “Yekinika nikitaya ke tein tikixtajtoltiayaj katka sayoj kemej tamachtilis tein mokixtia itech se tein yeski amaix uan ke amo motelnekia. Sayoj ke axkan, keman tikixtajtoltiaj Biblia uan okachi kampa tamachtia keniuj moneki se monejnemiltis, nikmachilia ke notanemilil nechiluia ke moneki nikpatas seki taman”.
◼ Estados Unidos. Keman se tokniuj takat uan siuat akin namikuanij moajsiaj itech tanojnotsalis senteixtenoj itech uejueyi altepemej, se siuat kayot Taiwán motokij kampa moajsiaj tokniuan uan kiniluij ke taneltokaya itech Dios sayoj ke kinemiliaya ke Biblia katka se amaix tein sayoj ueliskia kiixtajtoltiskej akin kayomej itech altepemej tein moajsij Europa uan Norteamérica. Maski ijkon, kichiaya maj Biblia kipaleui maj yolpaki itech inemilis, porin maski kipiaya nochi, kimachiliaya ke kipolouaya teisa uan amo yolpakia. Namikuanij peujkej kimachtiaj Biblia ika amaix Tamachtia Biblia uan folleto Cómo hallar paz y felicidad duraderas. Yejuan amo peujkej kimachtiaj ika libro itech capítulo 2, ta kiitakej tamachtilis “Una guía para toda la humanidad” tein kiualkui folleto. Satepan ke kiixtajtoltij yekinika chikuasen párrafos tein kiualkui tamachtilis, siuat kimoujkaitak ke Biblia senkis taman ke okseki amaixmej tein kipiaj taneltokalismej. Uan keman momachtij tein Biblia achtook kijtojka uan tein mochiuakya, kijtoj: “¡Amo moajsis okse amaix tein kijtos tein melauak!”.
◼ Japón. Se tanojnotskej tajtoj iuan se takat akin amo kineltokaya Dios. Maski ijkon, tokniuj kisentokak kikalpanoj uan ijkon kinextilij tamachtilismej “¿Casualidad o diseño?”, tein kiualkui amaix ¡Despertad! Takat yolik kipatatiyajki itanemilil uan peuak kiitak ke kemaj ueliskia onkas se Tachijchiujkej. Axkan kiyekmati ke nemi se Dios, uan tanojnotskej kimachtia nejon takat ika amaix Kuali tanauatilmej tein Dios kitemaka.
◼ Canadá. Se tokniuj siuat kiajsik se siuat akin kisaya ichan uan yaya tejkoti itech itepos uan kikauilij amaixmej tein yankuixtok kiskaj. Keman tokniuj siuat oksepa kikalpanoj, siuat kiyekiluij ke amo kinekia kimatis okachi porin amo kineltokaya Dios. Tanojnotskej amo mosenkauak uan kiixtalij kiuikilis amaix Cómo lograr una vida llena de satisfacción. Keman oksepa kiajsik siuat ikalijtik, kiiluij ke maski kimatiaya ke amo kineltokaya Dios, kielnamikia ke iselti kiniskaltijtoya ikoneuan uan kinekia kipaleuis. Yekinika kinextilij página 4, párrafo 6, tein kinextia ke ouij se kiajsis kuali tayolmajxitilis. Satepan kiyoleuak maj kiixtajtolti tamachtilis 2, tein ika tajtoua keniuj se kiniskaltis konemej. Siuat ika miak pakilis kiselij amaix.